ئېلكىتاب ياساش گۇرۇپپىسى

Uy_Boy

	ئەسسالاممۇ ئەلەيكۇم تورداشلار، مەن مەنزىل گۇرۇپپىسىنىڭ دەسلەپكى قۇرغۇچىلىرىنىڭ بىرى بولىمەن. گۇرۇپپىمىز دەسلەپتە ئېلكىتاب ئامبىرى شەكلىدە قۇرۇلۇپ، ھازىرغىچە كۆپچىلىككە ئاز-تولا ئەمگەك مېۋىلىرىنى سۇنۇپ كەلدى. بۇقېتىم بىز تورداشلارغا ئېلكىتابقا مۇناسىۋەتلىك بىر تەكلىپ بەرمەكچى ،  ھازىر ئۇيغۇر تورلىرىدا ئېلكىتابلار كۆپ ، لېكىن نۇرغۇن ئېلكىتابلارنىڭ سۈپىتى ناھايىتى ناچار، (مەسىلەن، بىۋاستە كىتابنى رەسىمگە تارتىش ئارقىلىق ياسالغان ئېلكىتابلار) ، ھەتتا، بەزى كىتابلارنى ئوقۇشمۇ تەسكە چۈشىدۇ. شۇڭا، مۇشۇ بوشلۇقنى تولۇقلاش مەقسىتىدە گۇرۇپپىمىز ئەزالىرى مەسلىھەتلىشىپ مۇشۇ جەھەتتە خالىسانە خىزمەت كۆرسىتەلەيدىغان ئادەملەردىن بىر گۇرۇپپا تەشكىللەپ، ئىش تەقسىملەپ بىرەر ئىش قىلىش قارارىغا كەلدۇق. يەنى ئېلكىتاب نۇسخىسى سۈپەتسىز ياسالغان كىتابلارنى قايتىدىن كومپيۇتېردا بېسىپ چىقىمىز. بىر گۇرۇپپا 10 ئادەمدىن تۈزۈلۈشى مۇمكىن .بىر ئادەم بىر ھەپتىدە 10 بەتتىن 20 بەتكىچە مەزمۇننى كومپيۇتېرغا كىرگۈزسە 10ئادەم تەخمىنەن 1ئاي جەريانىدا 1 كىتابنى يېزىپ بولالايدۇ.  «يالغۇز ئاتنىڭ چىڭى چىقماس» دېگەن گەپ بار، ئەگەر بۇ ئىشلارنى بىر ئادەم قىلسا ھەرگىز بىر باشقا ئېلىپ چىقالمايدۇ. شۇڭا تورداشلارنىڭ ئىچىدە مۇشۇ ئىشلارغا كۈچ چىقىرىش نىيىتى بار كىشىلەر بولسا بىز بىلەن ئالاقىلىشىنى ئۈمىد قىلىمىز. «تامار-تامار كۆل بولار» دېگەن گەپ بار. بىرلەشسەكلا قىلغىلى بولمايدىغان ئىش يوق. گۇرۇپپىغا قاتقاشقۇچىلارغا قويۇلىدىغان تەلەپلەر: 1. كومپيۇتېردا ئۇيغۇرچە خەت باسالايدىغان بولۇشى كېرەك. 2. باسقان خەتنىڭ ئىملاسىغا كاپالەتلىك قىلىشى كېرەك. 3. ھەر قېتىم بېرىلگەن ۋەزىپىنى ۋاقتىدا تاماملىشى كېرەك. 4. مەنپەئەت تەلەپ قىلماسلىقى كېرەك.(چۈنكى گۇرۇپپىنىڭ مۇقىم كىرىمى يوق، شۇڭا ھەممەيلەن خالىسانە ھالدا كۈچ چىقىرىمىز. ) ئېلكىتاب قىلىپ ئىشلىنىدىغان كىتابلار ھەققىدە: تەشكىللەنگەن گۇرۇپپا پەقەت ئىلگىرى نەشىردىن چىققان،  كونا، پايدىلىنىش ۋە ساقلاش قىممىتى بار دەپ قارالغان كىتابلارنى ئېلكىتاب قىلىپ ئىشلەش خىزمىتى بىلەن شۇغۇللىنىدۇ. ياسالغان ئېلكىتابلار كۆپىنچە توردا ھەقسىز تارقىتىلىدۇ. ئالاقىلىشىش ئۇسۇلى : چ چ : 846333585 (مەن بىلەن ئالاقىلاشسىڭىز قالغان ئىشلارنى تەپسىلىي پاراڭلاشساق بولىدۇ، ئەگەر گۇرۇپپىغا قاتنىشىش نىيىتىڭىز بولمىسا ئاۋارە قىلماسلىقىڭىزنى ئۈمىد قىلىمەن. ) مەنزىل ئېلكىتاب ئامبىرى ئادرىسى: http://book.menzil.biz

ap~qilam

	ئەسەرلىرىمنى بىر ئېلكىتاپ قىلغۇم بار ئىدى

Uy_Boy

	ap~qilam يوللىغان ۋاقتى  2013-11-25 01:39 PM ئەسەرلىرىمنى بىر ئېلكىتاپ قىلغۇم بار ئىدى ئۇنداق نىيىتىڭىز بولسا مېنى ئىزدىسىڭىز ياردەم قىلىمەن

sewdaye1

	بۇ ياخشى تەكلىپ ئىكەن، قارىسام بۇ تىمىنى كۆرگەن ئادەم 39ئىكەن، لىكىن ھېچكىممۇ ئاق ياكى كۆك دىيەلمەپتۇغۇ؟ خەلقىم دەپ توۋلىشىپ، مۇنبەردىلا بىر-بىرى بىلەن چانىشىپ كەتكىلى تاسلا قالىدىغانلاردىن بىرىمۇ مۇشۇ خەلىق ئۈچۈن ھەقسىز ئىشلەيسىز دىگەن تىمىغا غىڭ-پىڭ قىلالماي، تىمىنى كۆرۈپلا جىمجىت يوقاپ كىتىپتۇ.  قېنى شۇ كىشىلەر؟ مەن مۇشۇ 12-ئاينىڭ 10-كۈنىدىن كىيىن بىرقەدەر ئارسال بولىمەن، شۇ چاغدا سىز بىلەن ئالاقىلىشاي تىما ئىگىسى بۇرادەر. مەن ئىشتىن سىرىت چاغلاردا قىلساممۇ،  بىر ھەپتىدە كەم بولغاندا 30بەت خەت ئۇرۇشقا ئىشەنچىم بار.

baburxah

	ئۆزۈم ياسىغان خېلى كۆپ ئىلكىتابلار بار ئىدى، بولسا ئەۋەتىپ بېرىمەن !

nurjahan0997

	پىدائىيلىرىمىز قالتىسقۇ

tohotur

	مەندە شۇنداق بىر ئوي بۇرۇندىنلا بولاتتى ، ئەگەر ئاقماس ئوي بولسا باشتىلا ئۆزۇر سورىۋالاي مۇشۇ رەسىمگە تارتىلغان كىتاپلارنى ئۆلچەملىك باسما خەتكە ئايلاندۇرالايدىغان بىرەر يۇمشاق دىېتال بولۇپ كەتسە ھە ئۇنداقتا بۇياقتىن رەسىم ھالىتىدىكى كىتاپنى كىرگۇزسەك ئۇياقتىن ئۆلچەملىك باسما خەت ھالىتىدە چىقىرىپ بەرسە ، مەن ئىلگىرى بىر كومپۇيۇتۇر نى ياخشى بىلىدىغان ئادەمدىن سورىغىنىمدا بۇنىڭ نەزىريە جەھەتتىن تامامەن مۇمكىنلىكىنى ئھتىمال بۇنداق يۇمشاق دىتال ئاللىبۇرۇن بار بولۇشى مۇمكىنلىكىنى ئېيتقان ئىدى ،

awatbag

	ئەسسالامۇئەلەيكۇم قېرېىنداشلىرىم.ياخشى ئىشقاتۇتۇش قىلىپسىلەرخەت بېسىش سۈرئېتىم سەل ئاستا،كومپىيۇتىربىلەن يىڭىلەتىن تونۇشۇۋاتىمەن.لېكىن كۈندەكەم دىگەندەئۈچ سائەت ۋاقىت چىقىرالايمەن،مەن قىلالىغۇدەك ئىش بولساقولۇم كۆكسۈمدە.

Uy_Boy

	awatbag يوللىغان ۋاقتى  2013-11-25 02:49 PM ئەسسالامۇئەلەيكۇم قېرېىنداشلىرىم.ياخشى ئىشقاتۇتۇش قى ... ياردەملىشىش نىيىتىڭىز بولسىلا مەن بىلەن ئالاقىلاشسىڭىز بولىدۇ.

iptihar2014

	مەن ياردەم قىلاي خەت بىسىش سۈرئىتىم يامان ئەمەس. بىراق ماڭا ئىلكىتاب ئىشلەشنى ئۈگۈتۈپ قويسىز جۇمۇ؟