جىنايەت ئۆتكۈزۈپ كىسىلىنى داۋالىتىش

زاغرا

	ئامېرىكا شىمالى كارولىنا شىتاتى ۋېستون ناھىيىسىدىكى 59 ياشلىق بىر ئەر ئۆزىنىڭ كىسىلىنى داۋالىتىشقا ئامال تېپىش ئۈچۈن، بانكىغا بېرىپ بىر ئامىركا دوللىرى بۇلىغان ۋە ساقچىلارنىڭ كېلىپ ئۆزىنى تۈرمىگە ئېلىپ كېتىشىنى ساقلاپ ئولتۇرغان. بۈگۈنكى كۈندە، ئۇ ئاخىرى ئۆزىنىڭ ئارزۇسىغا يەتكەن، يەنى بۇ ھەپتىنىڭ جۈمە كۈنى، ئۇ بىر دوختۇر بىلەن كۆرۈشۈپ كېسىلىنى كۆرسىتەلەيدىكەن. بۇ ئەرنىڭ ئىسمى جامىس رىچارد بولۇپ، ئىقتىسادى كىرزىس يۈز بېرىشتىن بۇرۇن 17 يىل كوكا-كولا توشىغۇچى بولۇپ ئىشلىگەن ئىكەن. خىزمىتىدىن ئايرىلىپ قالغاندىن كېيىن، جامېس يۈك ئاپتوموبېلى ھەيدىگەن، ئەمما ئۇزۇن ئۆتمەي بۇ خىزمىتىدىنمۇ ئايرىلىپ قالغان، ئەڭ ئاخىرى ئامالسىز يەنە بىر كىچىك دۇكاندىن ۋاقىتلىق خىزمەت تاپقان. ئەمما بۇ چاغدا جامىسنىڭ سالامەتلىكى ناچارلاشقا باشلىغان، ھەر قېتىم بېلىنى ئەگكەندە ياكى بىر نەرسە يۆتكىگەندە، بەل قىسمى قاتتىق ئاغرىپ بىئارام بولۇشقا باشلىغان، سول پۇتى ئىششىپ، ماڭغاندا ئاقساپ ماڭىدىغان بولۇپ قالغان، ئۇنىڭدىن سىرت جامىسنىڭ قول بېغىشى بوغۇم ياللۇغىغا گىرىپتار بولۇپ قالغان بولۇپ، كۆكرەك بوشلۇقىدىمۇ ئىششىق بار ئىكەن. بۇ كېسەللەر جامىسنى ئازاپلاشقا باشلىغان، بىراق ئۇ بۇنىڭلىق بىلەن ئۇرۇغ-تۇغقانلىرىنى ئاۋارە قىلىشنى خالىمىغان. شۇنىڭ بىلەن ئۇ ئامالسىز چېكىدىن ئاشقان بىر ئامالنى ئويلاپ چىققان. 6-ئاينىڭ 9-كۈنى ئەتىگەندە، جامىس ئورنىدىن تۇرغاندىن كېيىن مۇنچىغا چۈشۈپ، كىيىملىرىگە دەزمال سېلىپ، رەتلىك ياسانغان. ئاندىن ئاخبارات ۋاستىلىرىغا بىر دانە كونۋېرت سېلىۋەتكەن. خەتنىڭ مەزمۇنىدا: «سىلەر بۇ خەتنى تاپشۇرۇپ ئالغان چېغىڭلاردا، مەن ئاللىقاچان بانكا بۇلاش جىنايىتى بىلەن تۈرمىگە قامالغان بولىمەن، مېنىڭ پىسخىكام ئىنتايىن نورمال، بىراق سالامەتلىكىم ئىنتايىن ناچار» دېيىلگەن بولۇپ، خەت قايتۇرۇش ئادرېسىغا جاستىن تۈرمىسى دەپ يېزىغلىق ئىدى. كەينىدىن، جامېس بىر دانە تاكسىغا ئولتۇرۇپ بانكىغا كەلگەن ۋە ئۆزىنىڭ «بىر ئامېرىكا دوللىرى تەلەپ قىلىش خېتى»نى بانكا خادىمىغا تۇتقۇزۇپ، ئۆزىنىڭ ساقچىلار كەلگۈچە سەۋرچانلىق بىلەن ساقلايدىغانلىقىنى ئېيتقان. ھېلىقى بانكا خادىمى قورقۇنچتىن ھوشىدىن كېتىپ دوختۇرخانىغا ئېلىپ كېتىلگەن، جامىس بولسا، ئۆز ئارزۇيى بويىچە تۈرمىگە كىرگەن. بۇلاڭچىلىق قىلىش سوممىسى پەقەت بىر ئامېرىكا دوللىرى بولغاچقا، جامىسغا بانكا بۇلاش جىنايىتى بېكىتمەي، ئوغرىلىق جىنايىتى بېكىتىلگەن. بىراق جامىس بۇنىڭغا قوشۇلماي، ناۋادا جىنايى جازا ئېغىرلىتىلمىسا، ئۆزىنىڭ داۋاملىق جىنايەت سادىر قىلىدىغانلىقىنى ئېيتقان. جامىس تۈرمىدە بىر قانچە سېستىرا بىلەن كۆرۈشكەن ۋە بۇ ھەپتە ئاخىرىدا مەخسۇس دوختۇرغا كېسىلىنى كۆرسىتىشكە ئورۇنلاشتۇرۇلغان. ئۇ ئۆزىنىڭ ئومۇرتقا قىسمى ۋە قولىنى ئوپېراتسىيە قىلدۇرۇشنى، ئۆپكىسىدىكى ئىششىقنى ياندۇرۇشنى خالايدىكەن. ئۇ تۈرمىدە بىر قانچە يىل تۇرۇشنى پلان قىلغان، تاكى پاراۋانلىققا ئېرىشكەندىلا، ئاندىن دېڭىز بويىچە كۆچۈپ بېرىپ تۇرمۇش كەچۈرگۈسى بار ئىكەن. جامىسنىڭ دېيىشىچە، ناۋادا ئامېرىكا ھۆكۈمىتىنىڭ داۋالاش سۇغۇرتا سىستىمىس خەلققە نىسبەتەن تېخىمۇ كۆپ قوللاشنى ئەمەلگە ئاشۇرالىغان بولسا، ئۇنىڭمۇ بۇ ئىشلارنى باشتىن كەچۈرىشىنىڭ ئورنى يوق ئىكەن. جامېس دەيدۇ: بانكا بۇلاش ئەڭ ناچار ئەھۋالدىكى ئەڭ ياخشى تەدبىر، مەن ئۆزۈم بانكا بۇلاشنى تاللىغان.

بانكىر

	بۇمۇ بىر ئاقىلانە تاللاش بوپتۇ، ئەقىللىق ئىكەن.

yultuzay0997

	ياش ۋاقتىدا ئىشلەپ تاپقان پۇلىنى .ازراق بولسىمۇ يىغىپ قۇيماپتىكەندە ئەس قېتىپ قالار دەپ ، باقا ئىش قىلىشقا قۇربى يەتمەي بانكا بۇلاشنى تاللاپتۇ منىڭچە.

rahmansaykin

	بىزنىڭ بۇ يەردە تۈرمىدىكىلەر ئېغىرراق ئاغىرىپ قالسا پارتىيە ھۆكۈمەت غەمخورلۇق قىلىپ كىپىللىككە بىرىپ ساقايغاندا قايتا سۇلايدۇ .

uyol

	ئەقىللىق كىشىلەر قۇم ئىچىدىن ئالتۇن قازالايدۇ

tohotur

	قارىغاندا ئامرىكىدا جىنايەتچىلەرنىڭ بىكارلىق داۋالايدىغان ئوخشايدۇ ،

nurjahan0997

	uyol يوللىغان ۋاقتى  2013-11-23 02:34 PM ئەقىللىق كىشىلەر قۇم ئىچىدىن ئالتۇن قازالايدۇ ئەگەشتىم

babur-7

	بەزى ئوغىرلار قىشتىن چىقالمايمەن دەپ قەستەن ئوغىرلىق قىلپ تۈرمىگە كىرۋالىدۇ .

awatbag

	ئۇيەرنىڭ تۈرمىلىرى بىزنىڭ بۇيەرنىڭ تۈرمىلىرىگەئوخشىمايدىغان چېغىۋا

unix212

	بىر ئۆمۈر ئىشلەپ ئاخىردا داۋالىنىش پۇلىنىمۇ تۈلىيەلمىگەنگە قارىغاندا،ئامىركىلقلارنىڭ كۈنىمۇ تەسكەن!