پوۋېسىت :تاشقا ئايلانغان يۈرەك ( سەرسانى )

an9385

	ھىكىمەت گۇرۇڭ گۇرۇڭ پاراڭلاردىن ئويغۇنۇپ كەتتى . ئېنىقكى ھېكمەتنىڭ دادىسى بىلەن ئانىسى تېخى ئۇخلىمىغان ئىدى . -ھېكمەتنى يولغا سالىدىغان تەييارلىقنى بالدۇرراق پۈتتۈرسەم بۇلاتتى ، بۇغداي ساتقان پۇل يەتمەيدىغاندەك تۇرىدۇ .   -پاقلانلاردىن بىر نەچچىنى سېتىپ پۇل قىلسىلا بولمىسا . - پاقلانلارنى ھېكمەتنىڭ ئايلىق خەجىگە ئاتاپ بېقىۋاتقان تۇرساق ، ھازىر سېتىۋەتسەك مەكتەپكە بېرىپ بولغاندىن كېيىن خىراجەتنى قانداق قىلىمىز . - ئۇنى دىلىسە ئۇمۇ توغرا . لېكىن بالام بىچچارە تۆت يىل  مۇساپىرچىلىق تارتىپ ئىچكىردە ئوقۇدى . ئەمدى ئوقۇتالمايدىكەنمىز دەپ ئوقۇتمىساق قانداق بۇلىدۇ ، بالام بىچچارىنىڭ ساۋاقداشلىرى ھەممىسى ئالى مەكتەپلەرگە كەتسە بوينى قىسىلىپ قالمامدۇ . مۇنداق قىلىلى دادىسى ، مەن ئەتە ئۇرۇق تۇققانلارنىڭكىگە بىر بېرىپ باقاي . ئامالى بۇلاپ قالسا ئەجەپ ئەمەس . - نىمە دەيدىغانسەن ، بارىدىغان ئىش بولسىمۇ ئەر كىشى بولغاندىكىن مەن باراي . ۋاقىت ئاز قالدى ، سەن ئۆيدە بالىمىز ياختۇرىدىغان تاماقلارنى ئىتىپ بەرگىن . - مەيلى ئەمسە ، ئۇخلىسىلا ، سەھەر قوپمىسىللىرى بولمايدۇ .               ھېكمەت جىمجىت ياتماقتا ، ياندىكى ئۆيدىن ئاڭلىنىۋاتقان سۆزلەر دەل  ھېكمەتنىڭ ئالى مەكتەپتە ئوقۇش ئىشى توغرىسىدا بۇلىنغان ئىدى . ياش يۇقى كۆزلىرىنى پىشايۋاننىڭ ۋسىللىرىغا تىككەن ھېكمەت چوڭقۇر ئويلارغا چۆككەن ئىدى . نىمىشقا بۇ دۇنيا شۇنچە رەھىمسىز ؟ نىمىشقا قەدىرلىنىشكە تېگىشلىك نەرسىلەر قەدىرلەنمەيدۇ ؟ يەنە نىمىشقا ياخشىلارغا ، تىرىشچانلارغا يوللار شۇنچە مۇرەككەپ ؟  بۇرۇن ناخشىلاردا ، كىشىلەرنىڭ ئاغزىدا “تەڭشەلمىگەن جاھان “ ، “ بىۋاپا دۇنيا “ دېگەندەك سۆزلەرنى ئاڭلىغىنىدا ھېكمەتكە ئانچە تەسىر قىلىپ كەتمەيتى ، ھەم چۈشۈنۈپمۇ كەتمەيتى . لېكىن ھازىر ئۇ بۇلارنى چۈشەنگەندەك قىلدى . پۇلدارلارنىڭ بالىللىرى نەلەردە يۇرۇپ ئويۇن ئويناپ، بۇزۇلۇپ ئاتا - ئانىسى مەكتەپتە ئوقۇتالمايۋاتقان ، ئەكسىچە تىرىشىپ ئوقۇغان ھېكمەتتەك بالىلار ئىقتىسادى قىيىنچىلىقلارغا دۇچ كېلىپ ئوقايمۇ ئوقۇمايمۇ ، ئوقۇسام ئاتا- ئانام قىينىلىپ قالارمۇ دېگەنلەرنى ئويلاپ ئوقۇشلىرىدىن ۋاز كېچىش نىيەتلىرىگە كىلىۋاتقان . پۇلدارلىرىمىز ھەر كۈنى ئۇ سورۇن بۇ مەرىكە ئاۋۇ چاي دەپ رىستۇرانلاردا يەپ ئىچىپ بالىللىرىغا قارايدىغان ۋاقتى چىقمايۋاتقان ؛ كەمبىغەللەر بولسا باللىرىم بىر بولسىمۇ ياخشى يىسۇن ، ياخشى كىيسۇن دەپ تىرىشىۋاتقان ،ئەمما قۇربى يەتمەيۋاتقان ... دۇنيا سەن راستىنلا بىۋاپا ئوخسايسەن ، ھەقىقەتەن تەڭسەلمىگەن ئوخشايسەن .                                                         ********** - ئاق يول بولسۇن بالام ، ئۆزۈڭنى ئاسىرا ، بىزگە تېلفۇن قىلىپ تۇرغىن . مەرەمساخان كۆزىدىن چۈشكەن ياشلارنى ئېيتىپ ئۈلگۈرمەيتى . - خاتىرجەم بۇلۇڭلار ئانا ، قىشلىق تەتىلدە قايتىپ كېلىمەن ئەمەسمۇ . كۆڭلۈڭلارنى بۇزماڭلار . دادا سىزمۇ شۇ ، مەندىن خاتىرجەم بۇلۇڭ ، سۆزلىرىڭىزنى ئىسىمدە چىڭ ساقلايمەن . ئاپتۇبۇستىن قوللىرىنى چىقىرىپ ئاتا - ئانىسى بىلەن خوشلىشىۋاتقان ھېكمەت ئۆزىنى ئاران تۇتىۋېلىپ “اللاغا ئامانات “ دىدى - دە ئالدىغا قاراپ ئوتۇرىۋالدى . ماشىنا قوزغالدى ، ماشىنىنىڭ ئارقا ئەينىكىدىن كېرىمئاخۇن بىلەن مەرەمساخاننىڭ تېخىچە قول پۇلاڭلىتىپ تۇرغىنىنى كۆرگىلى بۇلاتتى ، ھېكمەت ئەمدى چىدىمىدى ، كۆزلىرىدىن ئايرىلىش ياشلىرى ئاقتى. مانا بۇ ھېكمەتنىڭ مۇساپىرلىق كوچىسىغا كىرگە بەشىنجى يىلى ئىدى . بۇرۇن ئوخشىمايتى ، ھەر ھالدا مەكتەپ ئىگە بۇلاتتى ، خىراجەت كەتمەيتى . بۇ قېتىم ئۇنداق ئەمەس ، بارلىق ئىشلارنى ئەمدى ئۆزى قىلمىسا بولمايدۇ ، بارلىق چىقىملارغا ئۆزى مەسئۇل بولمىسا بولمايدۇ . “ ئوقۇش پۇلى ئالمايدىكەن “ دەپ ئاتا - ئانىسىنى ئالداپ ئۆيدىن چىققان بىلەن 4000يۈەندىن كۆپرەك ئوقۇش پۇلىنى بىر ئامال قىلىپ تۆلىمىسە بولمايدۇ - دە . ھېكمەتنىڭ كاللىسى ئېغىر ، ئۆيدىن چىقا چىقماي تۇرۇپلا تالاي غەملەر باسقىلى تۇردى . باشقىلارنىڭ باللىرىمۇ ھېكمەتتەك غەم قىلامدىغاندۇ ؟ باشقا ساۋاقداشلىرىمۇ ھېكمەتكە ئوخشاش تۇرمۇشنىڭ قاتتىقچىلىقرىنى كۆرىۋاتامدىغاندۇ ؟ بۇنىسى نامالۇم.  ماشىنا ئىچى ئالى مەكتەپكە ماڭغان ئوقۇغۇچىلار ۋە ئۇلارنى پويىز ئىستانسىسىغا ئېلىپ بېرىپ ئۇزۇتۇپ قويۇش ئۈچۈن ماڭغان ئاتا - ئانىلار بىلەن تولغان ئىدى . ھېكمەتنىڭ يەنە بىر قېتىم ئىچى ئاچچىق بولدى . كىرا قىلىدىغان پۇلنى تىجەيمىز دەپ ھېكمەت ئاتا - ئانىسىنى كەلگىلى قويمىغان ئىدى . باشتا مەرەمساخان پەقەت ئۇنىماي تۇرىۋالدى ،” ھەممە بالىلارنىڭ ئاتا - ئانىسى ئۇزاتقىلى چىقسا بىزچىقمىساق قانداق بۇلىدۇ بالام ، بىزمۇ ئوخشاش ئاتا - ئانا تۇرساق “ ، “ ئۇنداق ئويلىماڭ ئانا ، مەن يە كىچىك بالا بولمىسام ، ئۇنىڭ ئۈستىگە نەدىلا بولسا ئوخشاش ئۇزىتىدىغان ئىش . يە سىلەر بىللە بارالمىساڭلار . خاتىرجەم بۇلۇڭلار “ شۇنداق قىلىپ ھېكمەت ئالى مەكتەپ سەپىرىگە ئۆزى يالغۇز ئاتلاندى . بۇ تېخى ناھيگە بارىدىغان ماشىنا ، قەشقەردىن پويىز بىلەن يولغا چىققانى ھېسابلىسا يەنە ئۈچ كۈندە ئاندىن دېگە مەنزىلىگە يېتىدۇ . شۇنداق ،  بۇ يول ئۇزاق يول ، يەنە تۆت يىل باسىدىغان يول .                                                          ***********                   ئادەم ياشىغان ئىكەن ھەر خىل سىناقلارغا دۇچ كېلىدىغان گەپ ئىكەن ، تۇرمۇش ئادەمنىڭ ئارزۇسى بويىچە بولمايدىكەن . ئېرىشىشنى ئارزۇ قىلغان نەرسىلەرگە قانچە قىلىپمۇ ئېرىشكىلى بولمايدىغان ، قىلچە لازىمۇ يوق نەرسىلەر بولسا ماڭدامدا بىر پۇتلۇشۇپ يۈرىيدىغان . قىلىمەن دېگەننى قىلغىلى بولمايدىغان ، ئامالسىز قالىدىغان . قىلمايمەن دېگەننى مەجبۇرى قىلىدىغان ، قۇبۇل قىلمىسا بولمايدىغان ۋاقىتلار بۇلىدىكەن . بەزىلەر كۈلىدىكەن ، بەزىلەر يىغلايدىكەن . بەزىلەر ئارمان قىلىدىكەن ، بەزىلەر كىرەكسىز نەرسە قاتارىدا تاشلايدىكەن . ئاشۇنداق بىرىمىزگە گۈل كۆرۈنگىنى بىرىمىزگە ئازغان كۆرىنىدىغان . بىرىمىز گۆھەر بىلگەننى ، بىرىمىز شېغىل تاشچىلىكمۇ بىلمەيدىغان دۇنيا ئىكەن .                 ھېكمەت مەكتەپكە يىتىپ كەلگىلىمۇ بىر ئايچە بۇلۇپ قالدى . ھېكمەت ئۈچۈن بۇنداق مۇھىت يېڭىچە بىلىنىپمۇ كەتمەيتى ، ئىچكىرى تولۇقتا ئوقۇش جەريانىدا مۇستەقىل تۇرمۇش كەچۈرۈش ئىختىدارى تولۇق يىتىلگەن بۇنداق بالىلار ئۈچۈن پەقەت يەيدىغان مۇسۇلمانچە تاماق تېپىلسىلا قالغان نەرسىلەرگە ئالاھىدە تەلەپ قوتۇپ كەتمەيتى . بۇ جەھەتتىن ھېكمەتنىڭ مەكتىۋىنىڭ مەخسۇس مۇسۇلمانچە ئاشخانىسى بار بۇلۇپ ھېكمەت قىينىلىپ قالمايتى . بىردىن بىر قىينىلىپ قېلىۋاتقان يىرى دەل ئىقتىساد . ئوقۇش پۇلىنىغۇ ئۇقۇش پۇتتۇرگەندىن كېيىن بىرىشكە توختام تۈزۈپ ھەل قىلدى . لېكىن كۈندۈلۈك تۇرمۇش پۇلى بىر مەسىلە ئىدى  .  ئۆيدىن ئېلىپ كەلگەن ئازغىنە پۇلىغا تۇرمۇشقا لازىملىق نەرسىلەرنى ئېلىپ بىر يەرگە باردى . قانداق قىلىش كېرەك ؟ ھەرقانچە بولسىمۇ بۇنداق يۇرگىلى بولمايدۇ - دە . ئۇنىڭ ئۈستىگە ئاتا- ئانىسىغا “ مەكتەپتىن خىراجەت پۇلى بەردى ، ماڭا پۇل سالمىساڭلارمۇ بۇلىدۇ . “ دەپ يالغان سۆزلىگەن ئىدى . ھېكمەت ئائىلىسىنىڭ قىيىنچىلىقىنى ئوبدان بىلەتتى . ئاتا - ئانىسىنى خىجالەتچىلىكتە قويۇشنى خالىمايتى . قايسى بىر دانىشمەن دۇنيادىكى ئەڭ قاتتىق نەرسە يوقسۇزلۇق دەپ جاۋاب بىرىپتىكەن . بەلكىم بۇنىڭ ھەقىقى مەنىسىنى يوقسۇز بۇلۇپ باقمىغانلار بىر ئۆمۈر ھىس قىلىپ يىتەلمىسە كېرەك . بەزى ۋاقىتلار شۇنداق ئىكەنكى بىر گىردىنى قولغا ئېلىپ ئېچىپ كەتكەن قورسىقىنى بىر سىيلاپ قويۇپ ، نانغا بىر قارىۋىتىپ ئازغىنە ئۇشتۇپ بىر بۇردا ئىغىزغا سېلىپ قالغىنىنى يەنە بىر ۋاخلىق تامىقى ئۈچۈن قىيمىغان ھالدا قويۇپ ، قويىدىغان . چۈنكى قورساق دېگەن نەرسە باشقا نەرسىگە ئوخشىمايدۇ . كېيىم - كىچەكنى كونا بولسا يۇيۇپ ، يىرتلىپ كەتسە ياماپ كىيگىلى بۇلىدۇ . لېكىن قورساققا ھەر كۈنى تاماق يېمىسە بولمايدۇ -دە ......                     ھېكىمەت بەزىدە ئۆزىنىڭ 21- ئەسىردە ياشاۋاتقىنىغا ئىشەنمەيمۇ قالىدۇ . ئىلگىرى قايسى بىر روماندا كوپراتسىيە ۋاقىتلىرىدا بىر ياشنىڭ ئاچارچىلىقتا بىر دانە قەن چامغۇرنى كالا بىلەن تالاشقانلىقى يېزىلغىنى ئىسىدە . گەرچە تېخى ئاچ قالغۇدەك باسقۇچقا بېرىپ يەتمىگەن بولسىمۇ ،   ھېكىمەت بىلىدۇ ، مۇشۇنداق ھېچ ئامال قىلماي يۇرىۋەرسە چوقۇم ئاچ قالىدۇ . بۇنى بىر كىشىگە دىگىلى بولمايدۇ . قايسى دەۋىر بۇ ؟ بۇ مۇمكىنمۇ ؟ بەلكىم ئاڭلىغۇچىمۇ ئىشەنمەي قېلىشى مۇمكىن . شۇڭا ھېكمەت قاراپ تۇرماسلىقى كېرەك . بىر ئامال قىلىشى كېرەك . تەندۇرۇس بىر ئەر كىشى تۇرۇپ ئۆز ھالىدىن ئۆزى خەۋەر ئالالمىسا بولمايدۇ دە . ھېكمەت مەكتەپ ئەتراپىدىن خىزمەت ئىزدىدى . ئۇ ھەر قانداق ئىش قىلىشقا رازى ، پەقەت دىنى ئىتقادىغا زىت بولمىسا . مىللى غورۇرى دەپسەندە بولمىسلا  قانداق ئىش بولسا مەيلى .                     ئادەم دېگەن شۇنداق ئىكەن  ، مۇھتاج بولمىغۇچە قەدىرىگە يەتمەيدىغان . ئەڭ تۆۋەن چەككە چۈشمىگىچە ، ئۆزىنىڭ زادى قانداق نەرسىلەرگە بەرداشلىق بىرەلەيدىغىنىنى بىلمەيدۇ . ھېكمەتنىڭ ئىسىدە ، نەچچە كۈلۈك پويىز يولىنى بېسىش جەريانىدا ئۆزىگە تەئەللۇق بىر كىشلىك ئورۇندا ئولتۇرۇشتىن جاپالىق ئىش بولمىسا كېرەك . ھەر قانداق بىر ئادەم قاتتىق ئورۇندۇقلۇق بىلەت بىلەن پويىزغا چىققاندىن كېيىن ئالدىنقى 12 سائەتتە ھېچ ئىش بولمىغاندەك نۇرمال ھىسسياتتا بۇلىدۇ ، 24 سائەت ئۆتكەندىن كىيىن بولسا بارلىق يۈز ئابرويىنى ، ئىزانى بىر ياققا قايرىپ قويۇپ پەقەت بىرى دەسسىۋەتمىسىلا ئادەملەر ماڭىدىغان يولدىمۇ يېتىپ ئۇخلاۋىرىدۇ . ئورۇندۇقلارنىڭ ئاستىغا كىرىپ ئۇخلايدۇ . ۋاگون بىلەن ۋاگون تۇتاشقا ئورۇندىكى بوشلۇقلاردا چاپىنىنى سېلىنچا قىلىپلا يېتىۋىرىدۇ ... مانا بۇ ئادەمنىڭ يەنە بىر تەرىپى . ئۇيقۇسىزلىق ، چارچاش ، يول ئازابى مەلۇم دەرجىگە يەتكەندىن كېيىن ، ئارام ئېلىش ئۇچۇن ئورۇن تاللىمايدىغان ...ھېكمەت ھەم شۇنداق . ئۇنىڭ باشقا ماڭار يولى بارمۇ ؟ ئاتا - ئانىسىغا ئۆزىنىڭ يالغان ئېيتىپ قويغىنىنى دەپ پۇل سورىسىنمۇ ؟ ياق . ھېكمەت ئۇنداق قىلمايدۇ . پۇل سورىسا پەقەت قەرىز ئىلىشتىن باشقا ئامال يوق ئىكەنلىكىنى بىلىدۇ . مەكتەپكە يالۋۇرسۇنمۇ ؟ ياق . ھېكمەت بۇ يولدا ئەمدى ماڭمايدۇ . ھېلىمۇ ئوقۇش پۇلى ئۈچۈن كۆپ ماڭدى ، ئەمدى يەنە ئۆزىنى خار قىلىشنى خالىمايدۇ . شۇنىڭ ئۈچۈن ھېكمەتنىڭ باشقا يولى يوق . كۈچىنى خار قىلىش ، ئۆز كۈچىگە تايىنىپ جېنىنى بېقىش بېرىپ بىراۋغا يالۋۇرغاندىن كۆپ ياخشى ئەمەسمۇ .                    ئىككى كۈنلۈك خىزمەت ئىزدەشتىن نەتىجە چىقتى . مەكتەپكە ئانچە بەك يىراق بولمىغان بىر كىچىك شىركەتتىن تازلىق ئىشچىسىلىق خېزمىتى تېپىلدى . تىلغا ئىلىپ ئۆتۈشكە ئەرزىيدىغىنى شۇكى بىر ئايلىق مائاش ھېكمەتنىڭ تامىقى ئۈچۈن يىتىپ ئاشاتتى . مانا خۇشاللىق . مانا خاتىرجەملىك . ھېكمەت بۇ نەچچە ئايدىن بېرى بۈگۈن بىر قېنىپ ئۇخلىدى . كىچىك چاغلىرىدىكىدەك غەمسىز ئۇخلىدى . ھېكمەت خۇش بولماي كىم خۇش بولسۇن ؟ ئاتا - ئانىسىغا جاپا سالمىدى . بىراۋنىڭ ئالدىدا خار بولمىدى ، ئۆز كۈچىگە تايىنىپ ئوقۇشىنى داۋاملاشتۇرۇش ئالدىدا تۇرۇپتۇ . ھېكمەت خۇش بولمىسۇنمۇ ؟  ئەلۋەتتە خۇش بۇلۇشقا تىگىشلىك ...                                           (داۋامى ئىنكاس شەكلىدە يوللىنىدۇ  )

an9385

	ئىككىنچى باب                                             ھېكمەت ئىش ئورنىدىن قايتىپ كېلىپلا ئاشخانىغا كىردى . چۈشلۈك تاماق ۋاختى بولغىلى خېلى بولغان ئىدى . بۇگۇن تازلايدىغان يەرلار كۆپ بولغاچقا ھېكمەت خېلىلا كىچىكتى . مەكتەپ ئاشخانىسىدا بىر قىزدىن باشقا تاماق يەۋاتقانلار قالمىغان ئىدى . ھېكمەت بىرلا قاراپ ئولتۇرغان قىزنى تونىدى . ئۇ دەل ئالدىنقى قېتىم ھېكمەتنىڭ كىتابىنى ئەكىرىپ بەرگەن رازىيە ئىدى . بىر نەچچە ھەپتە ئىلگىرى ھېكىمەت دەرىس ئاڭلىغان يەردە كىتابىنى ئۇنتۇپ قېلىپ چىقىپ كەتكەندە  رازىيە خەنزۇلارنىڭ ھاۋالىسى بىلەن ھېكىمەتكە كىتابىنى قايتۇرۇپ بەرگەن ئىدى . ئۇ ۋاقىتتا جىددى بىر ئىش بىلەن مېڭىپ قالغاچقا رەھمەت ئېيتىشقا پۇرسەت  بولماي قالغان ئىدى . مانا بۇ پۇرسەت ، ھېكمەت شۇلارنى ئويلىدى - دە ، ئالغان تامىقىنى كۆتۈرۈپ رازىيەنىڭ ئالدىدىكى ئورۇنغا كىلىپ ئولتۇردى . - ئەسسالامۇ - ئەلەيكۇم ، رازىيە . -ۋە ئەلەيكۇم ئەسسالام . بىر پەس جىمجىتلىق ھۆكۈم سۈردى . ھېكمەتمۇ يۈزى تۆۋەنلىكتە قىزلارغا ئۈلگە بولغۇدەك يىگىتلەردىن ئىدى . گەرچە رەھمەت ئېيتىش ئۈچۈن كەلگەن بىلەن نىمە دىيىشىنى بىلەيۋاتاتتى . لېكىن بۇنداق ئولتۇرىۋىرىشمۇ ياخشى ئەمەس . ھېكمەت گەپ باشلىدى . - ئالدىنقى قېتىم سىزگە رەھمەت دىيىشكىمۇ ئۈلگۈرمەي كىتىپ قاپتىمەن . كەچۈرۈڭ . سىزگە رەھمەت ئېيتىمەن . ھېكمەتنىڭ يۈزلىرى ئوت ئالدى . رازىيە ھېكمەتكە خۇددى ئەمدىلەتىن ھېكمەتنىڭ كىلىپ ئولتۇرغىنىنى بايقىغاندەك قارىدى . - شۇنىڭغىمۇ رەھمەت ئېيتىش كىتەمدۇ ،  ھىچقىسى يوق . شۇنىڭغا شۇنچىلىك قىزىرىپ كەتتىڭىزما ؟ رازىيە تاتلىققىنە كۈلۈپ قويدى . ھېكمەت تېخىمۇ قىزاردى . كىچىكىدىن نامىرات ئائىلىدە چوڭ بولغان ھىكمەت مەكتەپلەردە بالىلارنىڭ كەمسىتىشىگە ئۇچىرايتى ، بالىلار ئارىسىغا ئالمايتى . شۇ سەۋەبلەردىنمىكىن  ھېكمەت ئەزەلدىن قىزلار بىلەن يېقىن ئۆتۈپ باققان ئەمەس ئىدى . قىزلاردىن ئۆزىنى قاچۇرۇپ يۈرەتتى . ئاشۇنداق بىر قاتار ئارقا كۆرۈنۈشلەر ئاساسىدا ھېكمەتنىڭ ھازىرقى مىجەزى بارلىققا كەلگەن ئىدى . يەنى بىرەر قىز بالا گەپ قىلىپ قالسىمۇ قىزىراتتى. ھازىرقى زامان يىگىتلىرىنىڭ قىزلارغا گەپ بەرمەي سۆز ئېتىشلىرى ئۇياقتا تۇرسۇن ، قىز بالىنىڭ يۈزىگە قاراپ تۇرۇپ بىر ئىغىز گەپنى دۇدۇقلىماي قىلالمايتى . - شۇ ... رەھمەت ... ھېكمەت يەنە گەپ قىلالمىدى .  رازىيە بى قېتىم ئاۋازىنى چىقىرىپ كۈلۈپ كەتتى . - ئىسمىڭىز ھېكمەتقۇ دەيمەن . نىمانچە تارتىچاق سىز ؟ قىز بالىدەك . -ياق ، ئۇنداق ئەمەسقۇ . ھېكىمەت نىمە دىيىشنى بىلەلمىدى . شۇ تاپتا ھېكىمەت ئۆزىنىڭ رەھمەت ئېيتىمەن دەپ كېلىپ قالغىنىغا پۇشايمان قىلدى . -مۇنداق بولسۇن ھېكىمەت . ماڭا رەھمەت ئېيتىمەن دىسىڭىز ھەپتە ئاخىرىدا ماڭا ياردەملىشىپ تىز يەتكۈزۈش شىركىتىگە بىر نەرسەمنى ئېلىپ بېرىشىپ بەرسىڭىز ، قانداق ، ۋاقتىڭىز بارمىدۇ ؟ رازىيە ھېكىمەتكە قىزىقىپ قېلىۋاتاتتى ، ھازىرقى جەمىيىتىمىزدە بۇنداق تارتىنچاق يىگىتلەر بارمىدۇ ؟ ئالدىدا تۇرغان بىر قىز بالىغىمۇ ئىككى ئېغىز گەپنى جاڭ جاڭ قىلمىسا ؟ رازىيە بۇرۇن تونۇيدىغانلار بولسا ئىدى ، رازىيەگە قاراپ ئولتۇرماي نەچچە قېتىم چاقچاق قىلىپ بۇلاتتى . - ھە ، ماقۇل ، ۋاقتىم بار . ھېكمەت ھەيران قالغان ئىدى . لېكىن ياخشى يىرى بۇ ھەپتە ئاخىرى ئۇ شىركەتكە بېرىپ ئىشلىمىسىمۇ بۇلاتتى . - ئۇنداقتا ، ماڭا قاراڭ ھىكمەت . سىز ماڭا تېلفۇن نۇمۇرىڭىزنى قالدۇرۇپ قويۇڭ .مەن ۋاقتى كەلگەندە سىزگە تېلفۇن قىلاي . رازىيە شۇنداق دىدى -دە تېلفۇنىنى ئالدى .   - مىنىڭ قول تېلفۇنىڭ يوق . سىز قايسى ياتاق بىناسىدا ئىكەنلىكىڭىزنى ئېيتىپ بەرسىڭىز ، مەن شۇ كۇنى سىزنى ساقلاپ تۇراي .   ھىكمەت سەل ئوڭايسىزلاندى . لېكىن بۇ بىر ھەقىقەت ، كىچىك بالىلاردىمۇ تېلفۇن بار بولغان بۇگۈنكى كۈندە پۇل تىجەش ئۈچۈن تىلفۇنمۇ ئىشلەتمىگەن ئىدى . رازىيەمۇ ئوڭايسىزلاندى . شۇ ۋاقىتتىلا دوستى سائادەتنىڭ ھېكىمەتنىڭ بىر يەردە تازلىق ئىشچىسى بۇلۇپ ئىشلەۋېتىپتۇ دىگەن سۆزىنى ئىسىگە ئالدى  . - مۇنداق بولسۇن ، شەنبە كۈنى ئەتىگەن سائەت  توققۇزدا مەن سىزنى مەكتەپنىڭ جەنۇبى ئىشكىدە ساقلاي . سىز شۇ يەرگە چىقىڭ  . شۇنداق قىلىپ بۇ قېتىملىق چۈشلۈك تاماق ھىكمەت ئۈچۈن ئالاھىدە بىر قېتىملىق تاماق بۇلۇپ قالدى . شەنبە كۈنىمۇ يىتىپ كەلدى . ھېكىمەت سائەت سەككەز بولماستىلا مەكتەپنىڭ جەنۇبى ئىشكىگە يىتىپ كەلگەن ئىدى . نىمىشقىكىن ھېكمەتتە باشقىچە جىددىيلىشىش بۇلىۋاتاتتى . شۇنچە بالدۇر چىقىۋېلىشىمۇ شۇنىڭ ئۈچۈن بولسا كېرەك . لېكىن بۇنى ھېكىمەت ئۆزىمۇ بىلمەيتى . ئالاھىزەل يېرىم سائەتلەردىن كېيىن رازىيە بىر قىز بىلەن ئانچە چوڭ بولمىغان بىر قەغەز يىشىكنى كۆتۈرۈپ يىتىپ كەلدى . سالاملاشقاندىن كېيىن تاكسى توسۇپ تىز يەتكۈزۈش شىركىتىگە يۈرۈپ كەتتى . ماشىنىنىڭ ئالدى ئورۇندۇقىدا ئولتۇرغان ھېكمەت ئەينەكتىن ئارقا ئورۇندىكى رازىيە ۋە دوستىغا قارىدى . قارىماققا رازىيە ئانچە خۇش كەيىپ ئەمەستەك ئىدى . ھېكمەت بۇنىڭ ئۈچۈن كۆپ ئويلانمىدى . دىققەت قىلغىنى رازىيە بىلەن دوستىنىڭ كىيىنىش تۈپتىن ئوخشىمايدىغان بۇلۇپ خۇددى بىرى بۇ ئىككى قىز بىلەن ھېكىمەتكە بىر نەرسىنى سېلىشتۇرما قىلىۋاتقاندەك ئىدى . رازىيەنىڭ كىيگىنى كەڭ كۇشادە كۆينەك يوپكا ، بېشىدا چىرايلىق ئورالغان ياغلىق بار ئىدى . دوستى بولسا پادىچىلار ئىشتىنى ، كىچىك كېلىپ قالغاندەك كۆرىنىدىغان چاپان ، چاچلىرىنى بۇدرە قىلىپ سارغۇچ رەڭدە بويىتىۋالغان ئىدى . شۇ ئەسنادا تاكسى توختىدى ، ھېكىمەت تاكسى پۇلىنى تۆلەپ يىشىكنى ئېلىپ ماڭدى . كەينىدىن كېلىۋاتقان ئىككى قىز بىر نىمىلەرنى دەپ كۇسسۇرلىشىۋاتاتتى . ھېكمەت باش بۇلۇپ ئىشلارنى بىجىرىپ بىكار بولۇشتى . ھېكىمەت پوسۇلكىنى قوبۇل قىلىدىغان كىشى ۋە ئادىرىسىنى سورىغاندىن باشقا بىرەر ئېغىزمۇ گەپ قىلمىدى . چىقىپ كىتىش ئالدىدا ھېكمەت قەلىمىنى ئۇنتۇپ قالغانلىقىنى سىزىپ رازىيەلەرنى ئىشىك ئالدىغا چىققاچ تۇرۇڭلار دەپ قويۇپ ئىچىگە كىرىپ كەتتى . قەلەمنى ئېلىپ چىققان چاغدا ئىشىك ئالدىدا ئىككى قىز بىر نەرسىلەرنى دىيىشىۋاتاتتى . - مۇشۇ ھېكىمەتنى دىدىڭما ئاداش . پۇلى يوق خەقنىڭ ھاجەتخانىسى تازلاپ يۈرىۋاتقانلىقىنى ساڭا دىدىمغۇ . رازىيەنىڭ دوستى رازىيەگە شۇنداق دەپ كايىۋاتاتتى. ھېكمەت چاندۇرماسلىق ئۈچۈن ئازراق كەينىگە ياندى ، ئاندىن يىراقتىن گەپ قىلىپ كەلدى . - رازىيە ، يەنە باشقا ئىشلار بارمۇ ؟ ئىككى قىز گەپتىن توختىدى . - ياق ، باشقا ئىشمۇ يوق . سىزنىڭ باشقا ئىشىڭىز بولمىسا قايتىپ كەتسەك بۇلىدۇ . ھېكمەت ئارتۇك گەپ قىلمىدى . مەكتەپكە قايتىپ كەلگەندىن كېيىن بايىدىن بېرى ئۆزىنى قاتتىق تۇتۇپ ھېچ ئىش بولمىغاندەك بولىۋالغان ھېكىمەتنىڭ كۆزلىرىدىن ياشلار ئىقىشقا باشلىدى . نامراتلىق گۇناھمۇ ؟ يوقسىزلارمۇ اللاھنىڭ بەندىسىغۇ ؟ ھېكمەتنىڭ ھالال ئىشلەپ پۇل تېپىپ ئۆز كۈنىنى ئۆزى ئېلىشى خاتامۇ ؟ ھېكمەتنىڭ بىر يەرلىرى ئېچىشتى . ئەجىبا رازىيەمۇ شۇنداق قارامدىغاندۇ ؟ ئالدىنقى قېتىم ئۇنداق تەسىر بەرمىگەن ئىدىغۇ ؟ بۈگۈن مىنى  بىللە بېرىشقا چاقىرىشىدىكى سەۋەب نىمە ؟ ھېكمەت بۇلارغا جاۋاب تاپالمايتى  .                                                        *********** -نىمىنداق گەپلەرنى قىلىپ يۈرىسەن سائادەت ؟ تازلىق ئىشچىسى بۇلۇپ ئىشلىسە نىمە بۇلۇپتۇ ؟ ئۆزى ھالال ئىشلەپ پۇل تاپسا نىمە بۇلۇپتۇ ؟ -سەن شۇنداقلار بىلەن ئارلىشىپ ئۆتسەڭ ئۆت ، لېكىن بۇندىن كېيىن مىنى چاقىرما . بىرسى مىنى ئاشۇنداقلار بىلەن بىللە يۈرۈيدۇ دىسە نىمىدىگەن سەتچىلىك . - نىمە دىدىڭ ؟ سائادەت ، سىنىڭچە بۇگۈن يۈزۈڭ چۈشۈپ كەتكەن ئوخشىمامدۇ ؟ مەن بىلەن يۈرۈپمۇ يۈزۈڭ چۈشىۋاتقان ئوخشىمامدۇ ؟ رازىيە زەردىسى بىلەن ئىيتتى. - سىنىڭ ئەھۋالىڭ بىلەن ئۇ يالاڭ تۆشنى سېلىشتۇرغىلى بۇلاتتىمۇ ، سىنىڭ ئائىلەڭ دېگەن يۇرتىمىدىكى باي ئائىلەلەردىن ... رازىيەنىڭ تەستىكىدىن سائادەتنىڭ كۆزلىدىن ئوت چاقنىغاندەك بۇلۇپ كەتتى ، قىلىۋاتقان سۆزىمۇ شۇ يەردە توختىدى . - مىنى ئۇرىۋاتامسەن ؟ مىنى ئۇردۇڭما ؟ ماقۇل ، رەھمەت دوستۇم . ئاشۇ يالاڭ تۆشنى دەپ مىنى ئۇردۇڭ شۇنداقمۇ ؟ سىنىڭ قانداقلىقىڭنىمۇ كۆرۈپ قويدۇم .   سائادەت شۇنداق دىگىنىچە ياتاقنىڭ ئىشكىنى قاتتىق يېپىپ چىقىپ كەتتى . رازىيەنىڭ ئاچچىقى تېخى بېسىلمىغان ئىدى . تولۇق ئوتتۇردىن تارتىپ بىللە يۈرۈپ ، دەردىنى تەڭ تارتىپ ، ئېغىرىنى تەڭ كۆتۈرۈپ كەلگەن دوستىنىڭ ئىچكى دۇنياسىنىڭ بۇنچىلىك چاكىنا ئىكەنلىكىنى تۈنجى قېتىم ھىس قىلىۋاتاتتى . بەلكىم بۇرۇن ئۇنداق ئەمەس بولغىيتى ، لېكىن بۈگۈنكى گەپ سۆزلىرىدىن رازىيە تاس قالدى ئۇنى تونىماي قالغىلى .  نىمىلا بولمىسۇن رازىيەنىڭ كۆڭلى قاتتىق يېرىم بولدى . ئالدىنقى قېتىملىق رەھمەت ئېيتىشتىن كېيىن رازىيە ھېكمەتنى سۇرۇشتە قىلىپ ئائىلە ئەھۋالىدىن تارتىپ ھازىرقى ئەھۋالىغىچە بىلىپ بولغان ئىدى . ھەم چىن كۆڭلىدىن ھۆرمىتى قوزغالغان ئىدى ، شۇ سەۋەبتىن بۇگۈن سائادىتنىڭ سۆزلىرى ئېغىر كەلدى . ئۇنىڭسىزمۇ ئۈرۈمچىدىن يولغا چىققان ۋاقىتتىكى ئاشۇ بىر كۆرۈش بىلەن رازىيەنىڭ ھېكمەتكە كۆڭلى چۈشۈپ قالغان ئىدى . بەلكىم بىر كۆرۈپ ئاشىق بۇلۇش دىگەن مۇشۇ بولسا كېرەك . باشقىلارنىڭ چامىدانلىرىنى ئېلىشىپ بىرېىۋاتقان ھېكمەت ئەينى چاغدا رازىيەنىڭ كۆزىگە قانچىلىك ئىسسىق كۆرۈنگەن ئىدى ھە . بەلكىم بۇ  ئىشلارنىڭ ياراتقان ھەق ئېگىسىدىن باشقا پەقەت رازىيە بىر ئۆزىلا بىلسە كېرەك . شۇ ۋاقىتنىڭ ئۆزىدە قەلبىگە تارىغان ئىللىق سىزىمنى پەقەت بىر ئۆزىدىن باشقا كىممۇ بىلەلىسۇن . رازىيەدە بۇنىڭدىن بۇرۇن بۇنداق ھىس تۇيغۇ بۇلۇپ باقمىغان ئىدى . مەكتەپكە كەلگەندىن كېيىنمۇ يەنىلا ئاشۇ بىر دەقىقىنى كۆز ئالدىدىن كەتكۈزەلمىدى . يەنە بىر كۆرۈش ئىستىكىدە يۈردى . كىم بىلسۇن ، يېڭى ئوقۇغۇچىلارنى كۈتىۋېلىش يىغىلىشىدا ئالدىدا ئولتۇرغىنى دەل ئۆزى ئىزدەپ يۈرگەن ھېلقى يىگىت ئىدى . بىر نەچچە سائەتكە سوزۇلغان يىغىلىشا بەزىلەر ناخشا ئىيتتى ، بەزىلەر ئۇسسۇل ئوينىدى ، پەقەت رازىيە بىلەن ھېكمەتلا ئۆز ئورنىللىرىدا ئولتۇردى . بۇنىڭغا ھېكمەتمۇ دىققەت قىلمىدى . پەقەت رازىيەلا ئىزچىل ھېكمەتتىن كۆزىنى ئۈزمىدى . بۇ يىغىلىشنىڭ ئاخىرلاشماسلىقىنى ، ئالدىدىكى بۇ يىگىتنى ئۇزاقراق كۆرىۋېلىشنى رازىيە قانچىلىك ئارزۇ قىلغان بولسىمۇ يەنىلار ئاخىرلىشىپ ھەممە مەكتەپكە قايتتى . رازىيە كۈزۈتۈپ ھېكىمەتنىڭ تولىمۇ تارتىچاق بالا ئىكەنلىكىنى شۇ چاغدىلا بىلدى . بىر مەزگىلدىن كېيىن ھېكىمەتنىڭ كىتابىنى رازىيەگە ئەكىرىپ بەرگىنى قىززىق بولدى . رازىيە تولىمۇ خۇشال بولدى . كىتابنى يەتكۈزۈپ بەرگەندە بولسا ئۆزى ئۆمۈد قىلغان دىئالوگلار بۇلۇنمىدى . ھېكمەت يۈگۈرگەن پېتى چىقىپ كەتتى . قايسى كۈندىكى چۈشلۈك تاماقتىكى ئۇچۇرشۇش رازىيەگە بىر پۇرسەت بولدى . شۇنىڭ ئۈچۈن قەستەنگە بىللە بېرىشنى ئېيتقان ئىدى . كىم بىلسۇن ، سائادەت كەيپىگە شۇنچىلىك تەگدى . ھەم شۇنچىلىك ئۆمۈدسىزلەندۈردى . كىلىپ چىقىشى سودىگەر ئائىلىسىدىن بولغان رازىيەگە كىچىكىدىن پۇل كەم بۇلۇپ باققان ئەمەس ، لېكىن ھېچقاچان بىراۋنى كۆزگە ئىلمايدىغان ئىشلارنى قىلغان ئەمەس ، رازىيە ئەزەلدىن باي كەمبەغەل دىمەي باشقىلار بىلەن ياخشى ئۆتىدىغان قىز ئىدى ، شۇنىڭ ئۈچۈن سائادەتنىڭ دىگەنلىرىنى قۇبۇل قىلالمىدى . ھەم رازىيەنىڭ قارىشىدا بۇنداق خاراكتىردىكى كىشىلەر تولىمۇ پەسكەش ، پۇلنىڭ ، يۈز ئابروينىڭ قۇلى بولغان كىشىلەر ئىدى . شۇنچە يىللىق يېقىن دوستىنى بىر تەستەك ئۇرۇش بىلەن رازىيەنىڭ يۈركىمۇ تەڭ ئاغرىدى ، بىراق سائادەتنىڭ بۇنچە ئۆزگۈرۈپ كىتىشىنى قوبۇل قىلىش ئاسان ئەمەس دە . رازىيە ھېكمەتكە ئىختىسادى جەھەتتە ياردەم قىلىشنى ئويلىدى ، بىراق ناھايىتى تىزلا بۇ ئويىدىن ياندى . ھېكمەتنىڭ  خاراكتىرىدە ئۇ ھەرگىز قۇبۇل قىلمايتى ، ئۇنىڭ ئۈستىگە روھى جەھەتتىن ئازار بىرىپ قويىشى مۇمكىن . رازىيە ئۇنداق قىلالمايدۇ . قايسى كۈنى ھېكمەتنى ياخشى كۆرۈپ قالغانلىقىنى بىلدى ، شۇ كغندىن باشلاپ ھەر بىر ئىشىدا ھېكمەتنى ئويلايدىغان بولدى . شۇنداق تۇرۇقلۇق ئۆزى ياخشى كۆرگەن بىرىگە ئازار بىرىشكە چىدىسىنمۇ .                                               (داۋامى  بار )

0996guvar

	ياخشى يېزىپسز ،داۋامىنى تېزرەك يوللارسىز

yurkimzida

	ئەسسالامۇ ئەلەيكۇم ،ياخشى چىقىپتۇ داۋامىغا تەشنامەن....

iptihar2014

	بەك ياخشى چىقىپتۇ. داۋامىغا تەشنا

an9385

	ئۈچۈنچى باب                                                                                                           ھېكمەت ئۆز ئىشلىرى بىلەن بولدى . ھەر كۈلۈك دەرسىدىن باشقا ۋاقىتلاردا يەنىلا شىركەتنىڭ تازلىقىنى قىلدى . ھېكىمەت بۇ ئىككى ھەپتە ئىچىدە ئالدىنقى قېتىم يۈز بەرگەن ئىشلارنى ئاساسەن ئۇنتۇپ قالغان ئىدى . چۈنكى بۇ ئۇنىڭ ئۈچۈن تۇنجى قېتىملىق كەمسىتىش ئەمەس . كىچىكىدىن تارتىپلا بۇنداق كەمسىتىش ، كۆزگە ئىلماسلىقلار ئۇنىڭغا ھەمراھ . شۇنىڭ ئۈچۈنمىكىن ھېكمەت بۇنىڭغا پەرۋا قىلمىدى ، ئەكسىچە قىلىۋاتقان ئىشىنى تېخىمۇ ياخشى قىلىشقا تىرىشتى . شىركەتتىن تازلاشنى تەلەپ قىلغان رايۇنلاردىن باشقا يەرلەرنىمۇ تازلىدى . ئىشلىرىنى ۋاقتىدا ، ئەستايىدىل قىلدى . بەزىدە باش لېدىر ئۇنى ماختاپمۇ قۇياتتى .  كۈنلەر شۇنداق ئۆتمەكتە . ھېكمەت ئاتا - ئانىسىغا بىر نەچچە كۈندە بىر قېتىم تېلفۇن قىلىپ ئۆزىنىڭ ناھايىتى ياخشى تۇرغانلىقىنى ، ئۈگۈنۈش قىلىشتىن باشقا ۋاقىتلاردا ئارام ئالىدىغانلىقىنى دەپ ئائىلىسىدىكىلەرنى خاتىرجەم قىلىدۇ . مەرەمساخان بىلەن كېرىم ئاخۇنمۇ مەكتەپنىڭ غەمخورلىقلىرىغا كۆڭلىدە تەشەككۈرلەرنى بىلدۈرۈپ تۇرىدۇ ...                 يەكشەنبە ، ھىكىمەت ئەتىكى تازلىق ۋەزىپىسىنى تۈگۈتۈپ كىيىملىرىن ئالماشتۇرۇپ ئىشىك ئالدىغا چىقىشىغا ئىككىنچى قەۋەتتىن چۈشىۋاتقان رازىيەنى كۆردى . ھەيران قالغان بولسىمۇ چاندۇرماي سالام قىلدى . - ئەسسالامۇ - ئەلەيكۇم . سىز ... نىمە دەپ سوراشنى بىلمىدى .   مىنى مازاق قىلىش ئۈچۈن مۇشۇ يەرگە كەلگەنىدۇ ئەمدى ، دەپ ئويلاپ ئۈلگۈردى . ھېكمەتنىڭ يادىغا ئالدىنقى قېتىملىق ئىش كەچكەن ئىدى . - ۋە ئەلەيكۇم ئەسسالام ، مۇشۇ شىركەتتە تازلىق ئىشچىسى بۇلۇپ ئىشلەۋاتاتتىم ، سىزنىمۇ مۇشۇ يەردە بار دىگەن ئىدى ، بۈگۈن ئۇچۇرشىشقا نىسىپ بولغان ئوخشايدۇ . رازىيە يەرگە قارىغان شۇنداق دىدى . ھېكمەت قانداق ئىش ئىكەنلىكىنى ئىنىق چۈشىنىپ كەتمىگەن بولسىمۇ ئىشقىلىپ ئۆزىنى مازاق قىلىش ئۈچۈن كەلمىگەنلىكىنى بىلدى . - شۇنداق . مەنمۇ مۇشۇ يەردە ئىدىم . قاچان كەلگەندىڭىز ؟ سىزنىڭمۇ كەلگىنىڭىزنى بىلمەپتىمەن . - بۈگۈن ئۈچىنچى كۈنى . مەكتەپتىمۇ بىكار يۈرۈىيدىكەنمەن ، ئۆزۈمنىڭ كۈچىگە تايىنىپ پۇل تاپاي دەپ ئويلىغان ئىدىم . - ھە ، ياخشى ئويلاپسىز . ئىشلىرىڭىز تۈگىگەن بولسا بىللە قايتىلى .             رازىيە دەل مۇشۇ سۆزنى كۈتىۋاتاتتى . ئالامچە خۇشال بولدى . لېكىن چىرايىغا چىقارمىدى . - تۈگىگەن ، مەنمۇ قايتاي دەپ تۇراتتىم . يۈرۈڭ ئەمسە .                 ئىككەيلەن ئابتۇبۇسقىمۇ ئولتۇرمىدى . بۇمۇ رازىيەنىڭ ئوينىغان ئويىنى ئىدى . “ئابتۇبۇستا بېشىم قايىدىكەن “ دەپ  ھىكمەتنى ئامالسىز قويغان ئىدى . يول بويى رازىيە ئۇياق بۇياقتىن گەپ سوراپ ماڭدى ، مەخسىدى ھېكىمەتنى بالدۇرراق چۈشىنىش ئىدى . ئاشىقلىق ئاجايىپ نەرسە ، ھەر ئوي ھەر كويلارغا سالىدىغان . رازىيەمۇ شۇنچىلىك يۈزى تۆۋەن قىز ئىدىغۇ ، مانا ئۆزى ياخشى كۆرگەن يىگىت ئالدىغا كەلگەندە بولسا باشقىچە بىر ئادەمگە ئايلىنىدۇ .گۇناھ بولمىغىنىدا ئىدى ، رازىيە ھېكىمەتنىڭ كۆزلىرىگە تىكىلىپ قارىغان بۇلار ئىدى . ھېكىمەتكە تېخىمۇ يېقىن ماڭغان بۇلار ئىدى . ھېلىمۇ مىڭ شۈكىر ، ھەې ھالدا كۈندە كۆرۈپ تۇرالايدىغان بولدى . يىراقتىن بولسىمۇ ئۆزىنىڭمۇ ھېكىمەتتىن پەرىقلەنمەيدىغان قىز ، ئىكەنلىكىنى ، ھېكىمەت تەرەپتە تۇرىدىغانلىقىنى بىلدۈرۈشكە پۈرسەت يارتىلدى ئەمەسمۇ .                  ********************************************************                  مانا ئالى مەكتەپنىڭ ئۈچۈنچى يىللىقىمۇ بىر يەرگە بېرىپ قالدى . يەنە بىر يىل ئۆتسە جەمىيەتكە قەدەم قويۇپ تۇرمۇش قايناملىرىغا چۆكىدىغان گەپ . ھېكىمەتنىڭ تەييارلىقى پۈتتىمۇ ؟ پۈتتى ، ھېكىمەت كىچىك تۇرۇپلا نۇرغۇن ئىشلارنى ، تۇرمۇشنىڭ ئاچچىق چۈچۈكلىرىنى تېتىپ بولدى . ئۆزى سۆيگەن قىز بىلەن بازار ئايلىنىپ بېشىغا بىر ياغلىق ئېلىپ بىرەلمەسلىكنىڭمۇ تەمىنى تېتىدى . شىركەتلەردە تازلىقچى ، قاۋالاردا كۈتكىچى بۇلۇپ ئىشلىدى . ئاتا - ئانىسىغا “ ھەممە چىقىمىمنى مەكتەپ كۆتەردى “ دەپ ئۈچ يىلنى ئۆتكۈزدى . بۇ جەرياندا رازىيە ئۇنىڭ بىلەن ھامان بىللە بولدى . گەرچە ھېكىمەت ياكى رازىيە بىر بىرسىگە كۆڭۈل ئىزھار قىلىپ باقمىغان بولسىمۇ ھەر ئىككىلسىنىڭ كۆڭلىگە ئايان ، ھەر ئىككىلسى بىر بىرگە ئاشىقلاردىن .                      ھېكىمەت بەلكىم رازىيەگە ئېيتار بولغىيدى ، لېكىن ئۇ رازىيەنىڭ كىلىپ چىقىشىنى بىلدى . بىلگەندىمۇ تازا قىززىغان چاغلىرىدا سائادەت تەرپىدىن بىلدى . “ رازىيەنىڭ ئائىلسىنىڭ قانداق ئىكەنلىكىنى تېخىچە بىلمەيدىغانسىز ھېكىمەت ، ئۇچۇ ، بىزنىڭ ناھىيدىكى داڭلىق باينىڭ قىزى ، ئادەتتىكى ئادەملەر ئېسىلىپ بۇلالمايدۇ . ئاتۇشلۇق سىرىتقا قىز بەرمەيدۇ ، دىگەننى ئاڭلىمىغان بولىشىڭىز مۇمكىن . بۇنداق دىسەم باشقىچە ئويلاپ قالماڭ ، پەقەت سىزنى ئازار يەپ قالمىسۇن دەپ ئەسكەرتىپ قويدۇم خالاس . “ شۇ كۈنى ھېكىمەت ئۇخلىيالمىدى . كۆپ ئويلاندى ، ئىچى ئاچچىق بولدى . ئائىلىسىنىڭ يوقسۇز بۇلىشى ئەمدى سۆيگەن ئادىمىگە ئىرىشىشكە تاقاشتىمۇ ؟ بۇ زادى قانداق  جاھان ؟ رازىيە ئۇنداق دېمىگەن ئىدىغۇ ؟ ھەم ئۇنداق باي ئائىلىدە چوڭ بولغان ئەركە نايناق خېنىملارغا قىلچە ئوخشىمايدىغۇ ؟ سائادەتنىڭ نىمە دىگىنى بۇ ؟ ھېكىمەت بۇ سۇئاللىرىغىمۇ جاۋاب تاپالمىدى . پەقەت نىمىلا بولسۇن ئوقۇش پۈتتۈرۈشتىن بۇرۇن رازىيەگە بۇ توغۇرلۇق گەپ ئاچماسلىق قارارىنى قىلدى . مانا شۇ ئىشلارغىمۇ بىر يىل بۇلاي دەپ قالدى . ھېكمەت بىلەن رازىيە يەنىلا بۇرۇنقىدەك دوستلاردىن بۇلۇپ يۈرىۋەردى . گەپ سۆز يۈرۈش تۇرۇش دوست مۇناسىۋىتىدىن قىلچىمۇ چەتنىمەيدىغان ، بىر بىرگە ئۆلگىدەك كۆيىدىغان ئاشىق - مەشۇقلاردىن بۇلۇپ قالدى  . بۇ ئۈچ يىل جەريانىدا بولغان باشقا ئۆزگىرىشنىڭ بىرى بولسا سائادەت مۇشۇ مەكتەپتە بىلىم ئاشۇرۋاتقان ئوتتۇزدىن ئاشقان ئىلھام ئىسىملىق بىرىنى تېپىۋالدى . ئېلھام ئۈرۈمچىلىك بۇلۇپ خىزمەت ئورنىدىن ئىككى يىللىق بىلىم ئاشۇرۇشقا ئەۋەتىلگەن ئىدى . خىزمىتى بانكىدا بولغان ئىلھام مەكتەپكە كىلىپلا سائادەتنىڭ دىققىتىنى تارتقان بۇلۇپ كىيىنىشلىرى ئالاھىدە . يېڭى كەلگەن چاغلىرىدا “ سىلەر تېخى ئوقۇغۇچى ، مەن بولسام خىزمەتكە چىقىپ بولغان ئادەم  “ دەپ مەكتەپتىكى بارلىق شىنجاڭلىق ئوقۇغۇچىلارنى مىھمان قىلغان ئىدى .   پۇلنى ، يۈز ئابروينى ئۈستۈن بىلىدىغان بۇ قىز شۇ چاغلاردىلا ئىلھام ئۈچۈن ئىشتەي ساقلاپ يېقىنلىشىپ يۈرۈپ ئاخىرى ئۇنىڭ بىلەن يۈرۈپ قالدى.شۇنىڭدىن باشلاپ سائادەت تېخىمۇ ئۆزگەردى ، بۇرۇنقى يوغانچىلىقى ، باشقىلارنى كۆزگە ئىلمايدىغان مىجەزى نەچچە ھەسسە قاتلىنىپ كەتتى . مەكتەپ ئىچىدە ئۇنى تونۇيدىغانلار ئالدىدا “ۋاي” دەپ قويغىنى بىلەن كەينىدىن ھەممىسى تىللايدىغان بولدى . سائادەت بۇلارنى بىلمەمدۇ ياكى بىلسىمۇ بىلمەسلىككە سالامدۇ ئىشقىلىپ بۇرۇنقىدىن ئاشۇرۇپ يۈرسە يۈرىدىكى تۈزەلمىدى . ئاشۇ بىر قېتىملىق تەستەكتىن كېيىن سائادەت رازىيەدىن كەچتى ، رازىيە بىر قانچە قېتىم ئىزدەپ بارغان بولسىمۇ كەچۈرمىدى . شۇنىڭدىن كېيىن رازىيەمۇ بولدى قىلدى . ئالدىنقى قېتىم رازىيە توغۇرلۇق بۇلۇنغان گەپلەرنىمۇ ھېكىمەت رازىيەگە دىمىدى . ئالدى بىلەن رازىيەگە بولغان ئىشەنچىسى ، ئۇنى رازىيەدىن سوراشقا يول قويمىدى . يەنە بىر تەرەپتىن ئەگەر راستىنلا شۇنداق بولسا ھېكىمەتكە پەقەت يول قالمايتى ، شۇنىڭ ئۈچۈن ئازابلىنىدىغان ئىش بولسىمۇ كىيىنرەك بىلىشنى توغرا تاپتى .                     شەنبە ، تۈنۈگۈن بىر كىچىگىچە كىتاب كۆرۈش بىلەن بۇلۇپ ئۇخلىمىغان ھىكمەت رازىيە تېلفۇن قىلغاندىلا ئاندىن ئويغاندى . - ئەسسالامۇ - ئەلەيكۇم . نىمە ئىش قىلىۋاتىسىز ؟ سورىدى رازىيە . - ۋە ئەلەيكۇم ئەسسالام . باشقا ئىشمۇ يوق ، ياتاقتا ئارام ئېلىپ شۇ . رازىيەنىڭ ئاۋازى ھىكمەتنى ئۇيقۇسىدىن  يىشىۋەتكەن ئىدى . - ھە ، مۇنداق دەڭ . ئۇنداقتا مەن بىلەن بىر يەرگە بىللە بېرىشىپ بىرەلەمسىز ؟ رازىيە ئۆزىمۇ بىلىپ بىلمەي ئەركىلەپ سۆزلەپ سالدى . - ماقۇل ، بىللە باراي . نەگە بارىمىز ، سائەت قانچىدە بارىمىز ؟ ھېكمەتمۇ خۇشال ئىدى . رازىيە بىلەن ياخشىراق پاراڭلاشمىغىلى ئۇزۇن بولدى ئەمەسمۇ . -يەنە يېرىم سائەتتىن كىيىن مەكتەپنىڭ جەنۇبى ئىشكىدە كۆرۈشسەك قانداق ؟ - ماقۇل ، شۇنداق قىلايلى ئەمسە . سەل تۇرۇپ كۆرشىلى . ھېكمەت سائىتىگە قارىدى . ئەتىگەن سائەت سەككىزدىن ئېشىپ بولغان ئىدى . كارۋىتىدىن سەكرەپ چۈشۈپ تەييارلىقىنى باشلىدى .       *************************************************************************** -قولۇمنى تارتىۋالسىڭىز بۇلۇپتىكەن ، مەن چىقالمىدى . رازىيە ئۈزۈن يوپكللىرى بىلەن تازا قولىشالمايۋاتاتتى . - ھا ھا ھا ، ئۆزىڭىز چىقىڭ . سىز بارىمىز دىگەنغۇ . ھىكمەت رازىيە بىلەم قېيشتى . رازىيەمۇ يالغاندىن قېيدىغان بۇلۇپ ئېغىزىنى ئۆمەللەتتى . بۇلارنىڭ تۇرقى ئۈچ ياشلىق كىچىك بالىغىلا ئوخشاپ قالغان ئىدى . -ئەكىلىڭ قولىڭىزنى ، ئىگىز تاققا چىققاندا ، قولىڭىزنى مەن تارتاي ، با ئويۇننى سىز ئويناڭ ، دەردىڭىزنى مەن تارتاي ...ھىكمەت بۈگۈن باشقىچە شوخلۇشۇپ كەتكەن بۇلۇپ ، بۇرۇنلاردا ھىچقاچان قىلىپ باقمىغان گەپ سۆزلەرنى ، قىلىقلرنى بۈگۈن قىلىۋاتاتتى . رازىيە ھۆپپىدە قىزاردى دە . -دەرتنى سىزلا ئەمەس مەنمۇ تارتىۋاتىمەن ...ھېكىمەت رەزىيەنىڭ كۆزلىرىگە قارىدى . رازىيەنىڭ كۆزلىرى ھېكمەتنىڭ كۆزلىرىگە “ پەقەت سىزلا ئەمەس مەنمۇ ئىشىق ئوتىدا پۇچىلنىۋاتىمەن “ دەۋاتاتتى . ھىكىمەت يەنە قانچىلىك قاراپ تۇرىشىنى بىلمەيتى ، رازىيەنىڭ باشقا يەرگە قارىۋېلىشى بىلەم ھىكىمەتمۇ كۆزلىرىنى رازىيەنىڭ كۆزلىرىدىن ئاقاچتى . سەددىچىن سىپىلى بەشىنجى ئاينىڭ ئوچۇق ھاۋاسىدا باشقىچە ھەيۋەت كۆرىنەتتى . ھىكىمەت بىلەن رازىيە يىراقلارغا قاراپ بىر ھازا تۇردى . ھىچچىكىم بۇ جىمجىتلىقنى بۇزىشنى خالىمىدى . بۇ ئىككى ياشنىڭ خىياللىرى ئاللا قاياقلارغىدۇ شۇڭغىغان ئىدى . نەچچە ۋاقىتتىن بېرى “ ئۇمۇ ياخشى كۆرىشى مۇمكىن “ دەيدىغان قاراشلار بۈگۈن بىلەن ئاياغلاشتى . ئوتتۇردىكى گەپ ناھايىتى ئوچۇق بولغان ئىدى . ئىزا ۋە پەدىشەپنىڭ كۈچى بىلەن ئۇنىڭدىنمۇ يېلىڭ گەپلەر بۇلارنىڭ ئاغزىدىن چىقمىدى .                  بىر كۈن ۋاقىت تولىمۇ تىز ئۆتۈپ كەتتى ، رازىيە بىلەن ھىكىمەت بۈگۈن ئالتۇن تېپىۋالغاندەك خۇشال بۇلۇشتى . كىچە يېرىملاشسىمۇ كۆزلىرگە ئۇيقۇ كەلمىدى .      ***************************************************************************                 سائادەتنىڭ كىلىشنى كۈتۈپ ئولتۇرغان ئىلھام سائىتىگە يەنە بىر قېتىم قارىدى . كەچ سائەت سەككىز بولغان ئىدى . ئىلھام تىت تىت بۇلۇشقا باشلىدى . بۈگۈنكى مەخسىدىنىڭ ئەمەلگە ئاشماي قېلىشىدىن ئەنسىرەۋاتاتتى . كۈتكۈچى قىز چەينەكتىكى چاينى يەنە بىر قېتىم قىززىقىغا ئالماشتۇرۇپ كەلگەندە سائادەتمۇ يىتىپ كەلدى . ئىھامنىڭ كۆزلىرى قىسقا يوپكىدىن ئوچۇق قالغان يوتىلارغا قادالغان ئىدى . - ساقلىتىپ قويدۇم ھە ،ئەپۇ قىلسىڭىز . سائادەت بىرخىللا ئەركىلەپ گەپ قىلدى . ئىلھامنىڭ شۇنچىلىك ئاچچىقى كەلگەن بولسىمۇ پىلانىنى بۇزۇپ قويماسلىق ئۈچۈن ئۆزىنى شۇنچىلىك تۇتىۋالدى . - نىملەرنى دەپ يۈرىيسىز جېنىم . سىزنى بىر كىچە ساقلىساممۇ رازىمەن جۇمۇ . ئىلھام خۇددى كىچىك بالىلارنى ئەركىلەتكەندەك ئاۋازدا گەپ قىلىۋاتاتتى ، كۆزلىرى بولسا سائادەتنىڭ خېلىلا كۆتۈرلۈپ قالغان كۆكسىنى ئەگىپ كىتەلمەيۋاتاتتى . بىر ۋاخ تاماق سائادەتكە ئادەتتىكىدەك ، ئىلھامغا بىر يىلدەك ئۆتتى . لېكىن ھازىر چاندۇرۇپ قويۇشقا بولمايتى ، ئىلھام ناھايىتى تەمكىن قىياپەتتە جەمىيەت توغۇرلۇق سۆزلەپ ئولتۇردى . تاماقتىن كىيىن بىر چەينەك چاي ئىچىلىپ بۇلۇندى ، ئىلھام توختايدىغاندەك ئەمەس . سائادەتمۇ ئۇنىڭ گەپلىرگە قۇلاق سېلىپ ئولتۇردى . قانچىلىك ۋاقىت ئۆتتىكىن سائادەت بېشى قايغاندەك ھىس قىلدى . - ئا... قاتتىق چىرقىرغان ئاۋازدىن قېتىپ ئۇخلاۋاتقان ئىلھاممۇ ئويغۇنۇپ كەتتى. سائادەت ئۆزىنى ئانىدىن تۇغما ھالەتتە ئىلھامنىڭ قېشىدا كۆردى . ئىلھام ھەم شۇنداق بۇلۇپ سائادەت شۇڭا چىرقىراپ تاشلىغان ئىدى . سائادەت بىر دەملىك ئۆزىنى يوقۇتۇشتىن كىيىن ئىسىگە كەلدى . -سەن ئىپلاس مىنى نىمە قىلدىڭ ؟ سائادەتنىڭ كۆزلىرىدىن يانغان غەزەپ ئىلھامنى چۈچۈتتى . لېكىن بىر قىز بالا نىمە قىلالايتى . شۇڭا ھىچ ئىش بولمىغاندەك قىياپەتتە دىدى . - ھىچنىمە قىلمىدىم جېنىم . ئىككىمىز ئارلاشقىلىمۇ ئۇزۇن بولدى . سىزنى ئالىمەن دەپ ۋەدە قىلدىمغۇ . بالدۇرراق ئەر خوتۇن بۇلۇپ تۇرسان نىمە يامىنى . رازىيە بولغان ئىشنى چۈشەندى . يۈركىنىڭ بىر يەرلىرى قاتتىق ئېچىشقاندەك ھىس قىلدى . غەزىپى تېخىمۇ ئۆرلىدى . - مەن سىنى ئەركەك ساناپ يۈرۈپتىمەن ئىلھام . بۇنچىلىك رەزىل ، بۇنچىلىك ئىپلاس ئىكەنلىكىڭنى ئويلاپمۇ باقمىغان ئىكەنمەن . سائادەت ئاچچىقتىن ھەم يىغلاپ ھەم بۇغىلاتتى . بىراق ، ئورنىغا كەلسۇنمۇ ؟ بولغۇلۇق بولدى ... ئىلھام ئالدىرماي قوپۇپ يۇيىندى . ئاندىن چىقىپ كىتىپ سىرىتتىن ناشتىلىق  ئېلىپ كىردىى . سائادەت تېخىچە يىغلاۋاتاتتى . ئىلھام سائادەتنىڭ يېنىغا كەلدى ، لۆڭگە بىلەن سائادەتنىڭ ياشلىرىنى ئېيتماقچى بولدى . - يوقال ئىپلاس . سائادەتنىڭ قاتتىق سىلكىشىدن ئىلھام سەنتۈرلۈپ كەتتى ۋە كارۋات يېنىدىكى ئورۇندۇققا كىلىپ ئولتۇردى . - بۇنداق قىلماڭ سائادەت . سىزنى ئەمىرىمگە ئالىمەن دەپ ۋەدە بەردىمغۇ . بىر يىللا قالدى ، سىز بىلەن مەن بىرلا ۋاقىتتا پۈتتۈرىمىز . يۇرتقا قايتىپلا سىلەرنىڭ ئۆيگە ئەلچى ئەۋەتىمەن . ماڭا بىر ئىشەنسىڭىزكەن .  سىزگە نىمىشقا چېقىلغانلىقىمنى بىلەمسىز ؟ ئىلھامنىڭ ھىيلىمىكىر تولغان كۆزلىرى قىسىلدى . - بىلەمسىز سائادەت ، سىز بەك چىرايلىق . شۇڭا مەن باشقىلارنىڭ سىزنى مەندىن تارتىپ كەتمەسلىكى ئۈچۈن شۇنداق قىلدىم . ئەمدى سىز ماڭا باغلاندىڭىز . مەنمۇ خاتىرجەم بولدۇم . ئىككىمىز ئوقۇشنى پۈتتۈرۈپ توي قىلىۋالساقلا بولدى . بىر بىرگە ئۇلۇشۇپ كىلىۋاتقان يالغان سۆزلەرنى ئىلھام قىلچە دۇدۇقلىماي دەۋاتاتتى . بىر نەچچە سائەتلىك چۈشەندۈرۈشلەر ، يالۋۇرۇشلاردىن كىيىن سائادەت يۇيۇنۇپ چىقىپ تاماق يىدى . ئىلھاممۇ “ ھۇھ “ دەپ خاتىرجەم بولدى . ئىلھام سائادەتنىڭ ساقچىغا مەلۇم قىلىشىدىن ئەنسىرمەيتى ، پەقەت نۇرغۇن پۇل خەجلەپ ئاران قارماققا ئىلىندۇرغان بېلىقىنىڭ قېچىپ كىتىشىدىن ئەنسىرەيتى ، شۇنىڭ ئۈچۈن بارلىق زىھنىنى ئىشقا سېلىپ يالغانلارنى توقۇپ سائادەتنى ئىشەندۈردى . ئۆزىنى سائادەتكە ئۆلگۈدەك ئاشىق بولغانلىقى ئۈچۈن “ئىرادىسىگە غىلاپ “ ئىش قىلىشقا مەجبۇر بولغان دەپ كۆرسەتتى . بىر قىزنىڭ روھى دۇنياسى قانچىلىك كۈچلۈك ، سائادەتتەك مۇقىم بولغان دۇنيا قارىشىغىمۇ ئىگە ئەمەس بىر قىز ھازىرقىدەك پىسخىكا جېڭىدە ئىلھامغا تەڭ كىلەلىسۇنمۇ ، سائادەت تەن بەردى . تەن بەرمەي باشقا ئامالى يوق ئىدى . ساقچىغا مەلۇم قىلدى دىگەندىمۇ يۈزى تۆكىلىدىغىنى ئۆزى ، ئائىلىسىدىكىللىرى . يەنە بۇ يەردىكى ئوقۇشىدىن ۋاز كەچمىسە بولمايدۇ دە . شۇڭا سائادەت ئىلھامنىڭ گەپلىرىگە ئىشىنىشتىن ياخشىراق ئامال ئويلاپ تاپالمىدى . ئېلھام ھەم ئۆز غەلبىسىدىن ئالەمچە خۇشال بولدى . يەنە بىر يىلنى “كۆڭۈللۈك” ئۆتكۈزىدىغىنىنى ئويلاپ ئىچ ئىچىدىن خۇشال بولدى .                                              (داۋامى بار )

gulbaxikar

	قەلەم كۈچىڭىز خېلى يۇقۇرىكەن ، ۋەقەلىكلەرنى شۇنداق ياخشى ئورۇنلاشتۇرۇپسىز نادىر پوۋىستتىن بېرى مەيدانغا چىققۇدەك مانا! ئاخىرىغا قىزىقىپ قالدىم رازىيە بىلەن ھىكمەتنىڭ كىيىنكى تۇرمۇشىغا!

nurjahan0997

	بەك ياخشى چىقىپتۇ. داۋامىغا تەشنا بىز تېزرەك بولارسىز ماۋۇ كۆزلەر888888888888888 بولۇپ كەتمىسۇن يەنە

an9385

	gulbaxikar يوللىغان ۋاقتى  2013-11-21 02:06 PM قەلەم كۈچىڭىز خېلى يۇقۇرىكەن ، ۋەقەلىكلەرنى شۇنداق يا ... قوللىغىنىڭىزغا رەھمەت ھەدە .

an9385

	nurjahan0997 يوللىغان ۋاقتى  2013-11-21 05:01 PM بەك ياخشى چىقىپتۇ. داۋامىغا تەشنا بىز تېزرەك بولارسىز  ... اللا خالىسا ئەڭ تىز سۈرەتتە يوللاپ بىرىمەن .