(bilgejan)ئۆپكە راكىنىڭ داۋاسى تىپىلدى!

bilgejan

	ئۆپكە راكىنىڭ داۋاسى تىپىلدى!!! ئۆپكە راكى ئەڭ كۆپ ئۇچرايدىغان ۋە ئۆلۈش نېسبىتى ئەڭ يۇقىرى بولغان راك كېسەللىرىنىڭ بىرى بولۇپ، بىلىشىمچە شىنجاڭدا بۇ خىل راك بىلەن ئۆلۈپ كېتىدىغانلارنىڭ سانى خىلى يۇقىرى نېسبەتنى ئىگىلەيدۇ. بۇ كېسەلنى داۋالاش توغرىسىدىكى كىشىنى خۇشال قىلىدىغان بىر خەۋەرنى كۆپچىلىككە سۇناي دىدىم. 11-ئاينىڭ 15-كۈنى ئامېرىكا دۆلەتلىك راك تەتقىقات ئېنىستىتۇتى  ئاخبارات ئېلان قىلىپ ئۆپكە راكىنىڭ ئەڭ قورقۇنچلۇق بىر تىپىنى ساقايتالايدىغان  بىر دورىنىڭ بايقالغانلىقىنى ئاشكارىلىدى. بۇ دورا ئەسلىدە ئامېرىكا دورا ۋە يېمەكلىك بىخەتەرلىك ئىدارىسى (FDA) تەرىپىدىن مەيۈسلىنىش كېسىلىگە قارشى دورا سۈپتىدە تەستىقلىنىپ بازارغا سېلىنغان بولۇپ ئامېرىكا سىتانفورد ئۇنىۋىرىستىتى مىدىتسىنا ئېنىستىتۇتىنىڭ تەتقىقاتچىلىرى بۇ دورىنىڭ ئۆپكە راكىنى داۋالاش رولى بارلىقىنى بايقىغان ۋە جىددىي سىناق قىلىپ 1-باسقۇچلۇق سىناقتا بۇ دورىنىڭ ئۈنۈمىنىڭ ناھايتى يۇقىرى ئىكەنلىكى ئىسپاتلانغان. بۇ دورا ئاللىقاچان FDA تەرىپىدىن تەستىقلانغان بولغاچقا ئىككىنچى باسقۇچتىكى ئىنسانلاردا سىناق قىلىنىشمۇ ئاللىقاچان باشلانغان. بۇ دورا كەلگۈسى 2 يىل ئىچىدە ئۆپكە راكى بىمارلىرىغا ئىشلىتىلىش ئېھتىماللىقى يۇقىرى ئىكەن. بۇ تەتقىقات ماقالىسىنى ئېلان قىلغان ئاساسلىق ئالىملاردىن Atul Butte ۋە ئۇنىڭ تەجىرىبخانىسىدىكى دوكتۇر ئاشتى تەتقىقاتچىسى Julien Sage نىڭ سۈرەتلىرى: بۇ تىما ئاستىغا راك كېسىلى، جۈملىدىن ئۆپكە راكى توغۇرلۇق سۇئاللار بولسا قويساڭلار، مۇنازىرىلەشسەك بولىدۇ. خەۋەرنىڭ تولۇق مەزمۇنىنى تۆۋەندىكى ئۇلىنىشتىن كۆرەلەيسىز: http://med.stanford.edu/ism/2013/september/antidepressant.htm

anatil0011

	بۇۋاممۇ مۇشۇ ئۆپكە راكى كىسىلى بىلەن تۈگەپ كەتكەنتى،بۇ كىسەلنىڭ داۋاسى بۇرۇنراق تېپىلغان بولسىدى ھەي،،توختىماي ئىزدىنىۋاتقان مىدىتسىنا ئالىملىرىغا تەشەككۈرۈمنى بىلدۈرىمەن. دەپ بېقىڭلارچۇ تورداشلار ئۆپكە راكىنى داۋالاشنىڭ بۇ ئۇسسۇلى دىيارىمىزغا قاچان كىرەر،قاچان ئۇمۇملىشار؟

tohotur

	ئاللاغا شۇكرى بولسا بۇ دورىنى ھەمكارلىشىپ داۋالاش كىنىشكىسگە كىرگۇزىۋەتسە بولغۇدەك ،

honzade

	ئاللاھقا شۈكۈر! ئەشۇ تەتقىقاتچىلارغا ئاللاھ ھىدايەت ۋە ياخشىلىق ئاتا قىلسۇن! بۇ خۇشخەۋەرنى بىزگە يەتكۈزگەن دوستىمىز بىلگەجانغا ئاللاھ ئىككى ئالەمدە سائادەت ئاتا قىلسۇن! ئۈگىنىشلىرىگە تېخىمۇ بەرىكەت ۋە قۇۋۋەت بەرسۇن! بۇ كېسەلنىڭ داۋاسى تېپىلىپ بەكمۇ ياخشى بوپتۇ. ئىنتايىن خۇش بولدۇم. يۇرتىمىزدا كۆپ بۇ كېسەللىك... ئاللاھ ئۇلارغا شىپالىق بەرگەي

tohotur

	ئەسسالامۇ ئەلەيكۇم بىلگەجان ، بىر نەچچە ۋاقتىنىڭ ئالدىدا شۇنداق بىر نۇسخىلاش ماشىنىسى بارلىققا كەلدى دىدىمۇ ياكى تەتقىقاتتا دىدىمۇ ئىشقىلىپ 3د نۇسخىلاشقا ئوخشاش بىر نۇسىخىلاشكەن ، قىممەت دورىلارنى نۇسخىلاپ ياساپ چىقالايدىكەن دىگەندەك بىر ئۇچۇرنى كۆرىۋىدىم ، بولسا بۇ توغۇرلۇق ئۇچۇر بەرسىڭىز ،

kakkuk11

	ئەسسالامۇ ئەلەيكۇم ئاللاھنىڭ سالىمى سىزگە بولسۇن ! تېمىڭىزغا تەشەككۈر..... بۇ ئۇسۇل قاچانلاردا بىزنىڭ بۇيەرلەرگە يېتىپ كېلەر.... ئاللاھ بۇ كۈنلەرنىمۇ بىزگە كۆرسەتسۇن . ئۆلمىگەن جاندا ئۈمۈد بار باشقا راك ھۈجەيرىلىرىگىمۇ داۋا تېپىلىپ قالار...

قۇمباغ79

	خۇشاللىنارلىق ئىشكەن.بىرقانچە يىل ئالدىدا ياشلا بىر خوشنىمىزمۇ مۇشۇ ئۆپكە راكى بىلەن تۈگەپ كەتتى. ئۆپكە راكىغا گىرىپتار بولغانلارنى ئوپراتسىيە قىلىپ ئۆپكىسىنى كېسىپ ئېلۋەتسە يەنە يېڭدىن ئۆپكە پەيدا بولدىكەن.مۇشۇنى تەپسىلىبىر چۈشەندۈرۈپ قويغان بولسىڭىز؟يەنە ئادەمنىڭ قايسى ئەزالىرىنى كېسىۋەتسە مەلۇم ۋاقىتتىن كىيىن ئەسلىگە كېلىدۇ؟

nurjahan0997

	توختىماي ئىزدىنىۋاتقان مىدىتسىنا ئالىملىرىغا تەشەككۈرۈمنى بىلدۈرىمەن. ئاللاھقا شۈكۈر! ئەشۇ تەتقىقاتچىلارغا ئاللاھ ھىدايەت ۋە ياخشىلىق ئاتا قىلسۇن! بۇ خۇشخەۋەرنى بىزگە يەتكۈزگەن دوستىمىز بىلگەجانغا ئاللاھنىڭ رەھمىتى بولسۇن

unix212

	كىسەلدىن يىراقراق تۇرۇشنىڭ ئۈنىمى ئەڭ ياخشى تەننەرخى ئەڭ تۈۋەن ئۇسۇلى،ياخشى تۇرمۇش ئادىتىنى يىتىلدۈرۈپ،چېنىقىشنى ئۈزۈلدۈرمەي  داۋاملاشتۇرۇش.

qaraxani

	بىزدىكى ئۆپكە كېسىلىگە ھازىرچە  ‹‹تۇرۇپ››داۋا بولىۋاتىدۇ،ئەمما راكىغا ؟