يېرىم كېچىدە ئەينەككە قارىماڭ‹ۋەھىمىلىك ھېكايە›

lukqek

	ھەي توۋا، يۇقۇملۇق كېسەل دېگەن ئاجايىپ ھە

2012yadikar

	كەچ سائەت 12بولغاندا چىراقنى ئۈچۈرپ ئەينەككە قاراڭ ،30قىتىم كۈزىڭىزنى ئېچىپ يۇمۇڭ ئاندىن ئەينەكنى يەنە بىر ئەينەككە ئۇدۇل كەلتۈرىڭ ئاندىن چىراقنى يېقىڭ ئاندىن چىراقنى ئۈچۈرۈپ ئوڭ قۇلىڭىزدىكى ئەينەككە قارىىسڭىز شەيتاننى سول كۈزىڭزندىن كۈرەلەيسىز

ATAMAN25

	بۇ ھېكايىنىڭ ئاخىرىنى قاچانغىچە ساقلامىز ئەمدى؟...............

gorki

	2012yadikar يوللىغان ۋاقتى  2013-11-20 08:25 PM كەچ سائەت 12بولغاندا چىراقنى ئۈچۈرپ ئەينەككە قاراڭ ،30ق ... راسما......

turpani004

	مىسرانىمدا ئادەم تەقەززا قىلىش مودا بولغان ئوخشايدۇ ھە؟  ئاللا... ئاللا...

hina

	ئەسسالامۇ ئەلەيكوم قېرىنداشلار ، ئەتىگەنلىكىڭلار خەيىرلىك بولسۇن ، يىڭى كۈننى ئاتا قىلغان ئاللاھقا مىڭلاپ ھەمدۇ سانالار بولسۇن .ئەسەرنى ۋاقتىدا يوللىيالمىغانلىقىم ئۈچۈن ئۆزرىلىكمەن ، قىنى داۋامىغا ئىشتىراك قىلغايسىلەر .       كۈنلەر شۇ تەرىقىدە ئۆتىۋەردى ، مانا ھەش پەش دىگۈچە ھەپتە ئاخىرى بولوپ زۇلفىرەنىڭ ياتاقداشلىرىدىن مەزكۇر شەھەردە ئۆيى بارلىرى ئۆيلىرىگە ، تۇغقانلىرى بارلىرى تۇغقانلىرىنىڭكىگە شەنبە يەكشەنبە ئۆتكۈزگىلى كېتىشتى . يھلغۇز ياتاقتا قىپقالغان زۇلفىرە ياتاقداشلىرىغا ھەۋەسلەنگىنىچە ياتاقتا بىر ئاز ئولتورغاندىن كېيىن ئۈچۈن كىتاب ماتىرىياللىرىنى قولتوقلىغىنىچە سىنىپقا قاراپ ماڭدى .        جىمجىت سىنىپ، ئادەم كۆپ مۇھىتتا ئۈگىنىش قىلىشنى ياقتۇرمايدىغان زۇلفىرە تاللاپ يۇرۇپ ئەڭ چەتتىكى مۇشۇ سىنىپقا كىرىۋالغانىدى ، سىنىپ ئىچىنىڭ جىمجىتلىقىدا ئۇيان بۇيان ئۇچۇپ يۈرگەن بىزەڭ چىۋىنلارنىڭ قانات قاققان ئاۋازىمۇ ئېنىق ئاڭلىناتتى ، ئىجتىھات بىلەن دەرس تەكرارلاۋاتقان زۇلفىرە سائەتنىڭ نەچچە بولغىنىنىمۇ ئۇنتۇغان ھالدا كىتابىغا قاراپلا قالغانىدى .         -تىم -زۇلاىرەنىڭ بېشىغا ئىسسىق سۇيۇقلۇق چۈشتى ، ئۈگىنىش بىلەن بولوپ كەتكەن زۇلفىرە بۇنى سەزمەيلا قالدى ، -تىم،تىم،تىم-كەينى كەينىدىن بىر قانچە تېمىم چۈشكەندىن كېيىن زۇلفىرە ئۇيقۇدىن ئويغانغاندەك بولوپ چۆچۆپ بېشىنى تۇتتى .       -ۋاي ئاللا ، نېمە بۇ ؟- زۇلفىرەنىڭ چوكىدەك ئىنچىكە ، سۈتتەك ئاپپاق بارماقلىرىدا بىر قانچە تېمىم قىپقىزىل قان ‹نېمە بولاتتى ، مەن شۇ›دېگەندەك قىلىپ پارقىراپ تۇراتتى ، قورقوپ كەتكەن زۇلفىرە توروسقا قارىدى ، ئا........................................         توروستا ھېلىقى كۈندىكى ئەينەك ئالدىدىكى قىز ئۇزۇن چاچلىرىدىن قان تامچىتقىنىچە چېچىنى تاراپ توروسقا ئېسىلىپ تۇراتتى ، ئۇنىڭ كىيىۋالغان ئۇخلاش كىيىمى قاندىن رەڭگىنى بىلگۈسىز بولوپ كەتكەن ، چاچلىرى ئۇزۇنلىقىدىن زۇلفىرەنىڭ بىشىغا تېگەيلا دەپ قالغانىدى .يەنە شۇ ئاۋاز :       -چېچىڭىزنى تارامسىز ؟-يەنە شۇ قان تامچىۋاتقان تارغاق .        قورقونچتىن تۈرىكى قېپىدىن چىقىپ كېتەيلا دەپ قالغان زۇلفىرە چىرقىرىغىنىچە ئۆزىنى سىرتقا ئاتتى ، بۇ چاغ كېچە كائىناتقا ئۆز پەردىسىنى يېيىشقا باشلىغان چاغ بولوپ مەكتەپ ئىچى ئوقوغۇچىلار بىلەن ۋاراڭ چۇرۇڭ ئىدى . ھەددىدىن زىيادە قورقونچتىن ئېسىنى بىلەلمەي قالغان زۇلفىرە ھەممىنى ئۇنتۇپ يۈگۈرگىنىچە ياتاققا قايتىپ كېلىپ ، ئىشىكنى ئىچىدىن تاقىدىدە ئولتۇرغىنىچە بۇقۇلداپ يىغلاپ كەتتى ، يۈز بەرگەن ئىشلار ئۇنى ھالىدىن كەتكۈزگەن ئىدى .      كېچە سائەت 12دىن ئاشقان ، بالدۇرلا ئۇخلىۋالغان زۇلفىرە خۇددى بىرسى چاقىرغاندەك ئۇيقۇدىن ئويغىنىپ كەتتى ، ياتاقنىڭ چىرىقىنى ياندۇرۇپ قويوپ ئۇخلىغانلىقىدىن مەمنۇن بولغان زۇلفىرە كارىۋىتىدا ئولتۇرۇپ باشقا ساۋاقداشلىرىنىڭ ياتىقىغا چىقىپ ياتمىغانلىقىغا بىر تۇرۇپ پۇشايمانمۇ قىلدى .     -سائەت ئەمدى12بوپتۇ ، كۆزدە ئۇيقۇ دىگەن نەرسە قالمىدى ، بۇكېچىنى قانداقمۇ قانداقمۇ ئۆتكۈزەرمەن ؟ نىمىشقىمۇ گۈلزارنىڭ ياتىقىغا چىقىپ كەتمىگەندىمەن ، ئەمدى چىقاي دىسەم ھەممەيلەن ئۇخلاپ بولدى ، سەت بولىدۇ ، يا ياتاقتىن چىقالمىسام ، يا ياتاقتا تۇرالمىسام ، قانداق قىلارمەن ؟-ئۇ ئىچىدە شۇنداق ئويلىغىنىچە بىر ئاز ئويلانغاندىن كىيىن ۋاقىت ئۆتكۈزۈش مەقسىتىدە تېلىفونىنى قولىغا ئېلىپ كوت كوتىنى ئاچتى . شۇئان ئېكراندا خەت كەلگەنلىك ئۇچۇرى كۆرۈنۈپ ئۇنى يولىمۇ خوش قىلىۋەتتى ،‹ ھەرنىمە بولسا كاللام ئىشلەپ تېلفونومغا توكنى لىققىدە قاچىلىۋاپتىكەنمەن ، ئەمدى قورقمايدىغان بولدۇم › ئو خوشال ھالدا كەلگەن خەتنى ئاچتى :       -يېرىم كىچىدە ئەينەككە قارىماڭ-      ئا.........ئېچىنىشلىق چىرقىراشتىن پۈتكۈل ياتاق بىناسى لەرزىگە كەلدى ، زۇلفىرە قولىدىكى يانفۇنىنى پىرقىرىتىپ تامغا ئېتىۋىتىپ كارىۋىتىدا ھوشىنى يوقاتقاندەك بولوپ بىر نۇقتىغا تىكىلگىنىچە ئولتۇرۇپلا قالدى .        -كىم ئۇ چىرقىرىغان ؟ نىمە ئىش بولدى؟-ياتاق ياتاقلاردىن قىزلار ئۇيقۇچان كۆزلىرىنى ئۇۋۇلىغىنىچە چىقىشقا باشلىدى .       -ساراڭمۇ نىمە ؟ كېچىدە چىرقىراپ ئادەمنىڭ ئۇيقۇسىنى بۇزۇپ .-       -ئېسەرى باردىن بىرەرسىنىڭ ئېسەرى تۇتقان ئوخشايدۇ .-      - توۋۋا توۋۋا  -       قىزلار ياتاقلىرىدىن چىقىپ كىمنىڭ چىرقىرىغانلىقىنى بىلەلمەي بىر ئاز مۇلاھىزە قىلغاندىن كېيىن يەنە ياتاقلىرىغا كىرىپ كېتىشتى ، بۇ چاغدا ئەس ھوشىنى يوقاتقان زۇلفىرە ئاللىبۇرۇن تىرىك مۇردىغا ئايلانغانىدى .       شەنبە يەكشەنبىنى ئۆتكۈزۈپ كەلگەن قىزلاردىن تۇنجى بولوپ كامىنۇر ياتاققا كىردى ، كىردىيۇ ياتاقتىكى مەنزىرىدىن چۆچۈپ كەتكەنلىكىدىن ۋارقىراپ تاشلىدى ، چۈنكى ياتاقتا ئۇچىسغا ئەسلى رەڭگىنى بىلگۈسىز بولوپ كەتكەن ئۇخلاش كىيىمى كىيىۋالغان   زۇلفىرە         ئالدىغا چوڭ ئەينەكنى قويىۋىلىپ سۇمبۇل چاچلىرىنى  قويىۋەتكەن ھالدا ئالدىغا ئەينەك قويىۋىلىپ چېچىنى تاراپ ئولتۇراتتى ، ئۇنىڭ شۇ ھالىتى كىشىنى ئەقلىدىن ئايرىيتتى .     زۇلفىرەنىڭ ئېلىشىپ قالغانلىق خەۋىرى پۈتۈن مەكتەپكە پۇر كەتتى ، ساۋاقداشلىرى ئۇنىڭ نىمە سەۋەبتىن بۇنداق بولوپ قالغانلىقىنى بىلەلمەي ساۋاقدىشىغا ئېچىندى ، دوختورلار تەكشۈرۈش ئارقىلىق زۇلفىرەگە ‹زىيادە چارچاشتىن كىلىپ چىققان پىسخىكا ئۇنۋىرسال كېسەللىكى›دەپ دېئاگنۇز قويدى ، مەكتەپنىڭ خەۋەر قىلىشى بىلەن زۇلفىرەنى ئاتا ئانىسى يۇرتقا ئېلىپ كەتتى ، شۇنىڭ بىلەن مەكتەپ ئىچى تىنچلانغاندك بولدى ، لىكىن .........      تۈگىدى .      مەنبە : ئالدىنقى بۆلىكى مەن بۇرۇن ئوقوغان بىر خەنزۇچە ھېكايىنىڭ باشلىنىشى ، كېيىنكى بۆلىكى ئۆز تەسەۋۋۇرۇمغا ئاساسەن يېزىلغان ، مۇنداقچە ئىيتقاندا ئۆز ئىجادىيىتىم دىسەممۇ بولىدۇ ، لىكىن ئۇنداق دىيىشتىن خىجىل بولدۇم ، چۈنكى ئەسەرنىڭ باش قىسمى مېنىڭ ئەمەس ، ۋەھىمىلىك ھېكايىنى تۇنجى قېتىم يېزىشىم بولغاچقا بەلكىم سەۋەنلىكلەردىن خالىي بولالمىغان بولوشۇم مۇمكىن ، ئۇستازلارنىڭ ئەسىرىمدىكى كەمتۇك نۇقتىلارنى كۆرسىتىپ بېرىشىنى ئۈمىد قىلىمەن . ئۆزۈم ۋەھىمىلىك ھېكايىلەرنىڭ نەتېجىسى چىقىشىنى ياقتۇرمىغانلىقىم ئۈچۈن ئەسەرنى مۇشۇنداقلا ئاخىرلاشتۇردۇم ، قالغان ئويلىنىش سىلەرگە قالدى ، ئاللاھ نىسىپ قالسا سىلەر ياقتۇرساڭلارلا داۋاملىق مۇشۇنداق ئەسەرلەرنى يوللاپ تۇرىمەن ، رەھمەت

hina

	قالغان قىسمىنى ئىنكاس شەكلىدە يوللىغان ئىدىم ، كۆرۈنمەيدىغۇ ؟

AYGUZAL007

	مىسرانىمدا   ساقلاش  مودا....

AYGUZAL007

	ئاخشام مۇشۇ ھېكايە  كاللامغا  كىرىۋاپ ،ئەينەككىمۇ  قارىيالماي  قوقۇپ تازلىق ئۆيىدىن قېچېپ چىققانتىم.  ئەمدى ھەرگىز قورقۇنۇشلۇق ھېكايە ئوقۇمايمەن  دەپ ئۆزئۆزەمگە ۋەدىلەرنى بېرىپ ئۇخلاپ قاغانتىم . ئەمما نېم بولدى ،جىن پاپلاشقاندەك ئەتتىگەندە  يەنە  ما  تېمىنى ئاختۇرۇپ كەتتىم ئاخىرى چىققانمىدۇ   دەپ

uguzhan76

	ۋاي قاچان يوللايسىز ئاخىرىنى ، ساقلاپ كەتتۇق .