تالاشتۇق (سەرسانى)

an9385

	ئەسسالامۇ - ئەلەيكۇم . مىسرانىم مۇنبىرىدىكى بارلىق مۇنبەرداشلار . شېئىرىمنىڭ نۇخسانلىرى كۆپ ، بەلكىم بىر تەرەپلىمە قاراشلار بار بۇلىشى مۇمكىن . شۇڭا كۆپچىلىكنىڭ توغرا چۈشۈنۈپ تۇرۇپ ئوقۇشىنى ئۆمۈد قىلىمەن . رەھمەت . قىممەتلىك تەكلىپ پىكىرىڭلارنى ئايىمىغايسىلەر . رەھمەت .                                                    تالاشتۇق                                     ئالىمجان تۇرغۇن (سەرسانى )                           شۇنچە كەڭ يول، پېتىشماي ،خان يولىنى تالاشتۇق ،                           پاك ھالاللار قەدىرسىز ، “مەينەت”لەرنى تالاشتۇق  .                           ئىسىل خىسلەت ئۇنتۇلدى ، روھىمىزنى قۇم بېسىىپ ،                           ئىرىشمەككە  شان  شەرەپ  ئىتلار  كەبى  تالاشتۇق  .                           بىر تۆشەكتە تەڭ يېتىپ ئۇخلىشاتتۇق بىر ۋاقىت ،                           نۆۋەتلىشىپ كىيەتتۇق ، بىر چاپاننى بىر ۋاقىت  .                           ئاكا  ،  ئىنى ، قېرىنداش سۆيۈنەتتۇق بىر ۋاقىت  ،                           بۈگۈن ئاتام كۆز يۇمدى ، ئەتە مىراس تالاشتۇق .                           كۆزىمىزگە  مىخ  بولدى  ، ئىگىز  ئۇچسا  بەزىلەر  ،                           سانسىز ئورا كولىدۇق ، “ ھەق “ تىن بۆلەك كىم بىلەر  .                           يەتتە  نەزىر  ئۆتكۈچە  قىلالمىدۇق  “ سەبىر”  لەر ،                           قەبرىدىمۇ  ياتقۇزماي  ، غەيۋەت  قىلىپ  تالاشتۇق  .                           شان قازاندى بىرىمىز ، بۈگۈن  تالماي  ماختىدۇق  ،                           قوش بىلەن قوللىدۇق “ زادى ئەركەك”كەن  دىدۇق .                           ئېزىپ كەتسە بىر سۆزدىن ، ھەممە بىر بوپ تىللىدۇق ،                           خالى ئەمەس ھىچ بىر جاي ، تورلاردىمۇ تالاشتۇق  .                          ئىدارىگە  يۇقىردىن  خىزمەت   گۇرپپا  كەلدىلەر  ،                         “ تەقدىرلەشكە لايىقكەن “ ماختاپ شۇنداق دىدىلەر  .                          لېكىن  يامان  بولغىنى  پەقەت  بىر  سان  بەردىلەر  ،                          دادام  بىلەن  تۆھپىنى  دۈشمەن  كەبى  تالاشتۇق  .                          ئاتا - ئانا  قېرىدى ، “ ۋاقتىمىز  يوق “  بارمىدۇق  ،                          بۈشۈك تويمۇ ، قاتار چاي ، ھىچ بىر يەردىن قالمىدۇق  .                          بېسىلمىدى  نەپسىمىز  ،  ھەر  نەرسىدىن  يانمىدۇق ،                          ھارام  ئىدى  ھاراقمۇ  ،  زەمزەم  كەبى  تالاشتۇق  .                          ساقالغا  ئاق   ئارلاشتى   ،  قېرىغاننى   بىلمىدۇق  ،                          گۈلدەك قىزنى ئالغان ياش ، گاھ قەدرىگە يەتمىدۇق  .                          مۇھەببەتلىك  خاتىرجەم  بىر  ئائىلە  قۇرمۇدۇق  ،                          ئاتا    بالا   بىر   قىزنى   ئاشنىلىققا    تالاشتۇق  .                            ماختاندۇق بىز” قايسى قىز قول ئاستىمدا گۈزەل”  دەپ  ،                         “ ئىشتىن بوشا ھازىرلا “  دىسەم ، ھەردەم ئۈنەر دەپ  .                          پۇلنى باغلام تاشلىسام  ، ھەر  نەرسىگە كۆنەر دەپ  ،                          ماختىنىشقا   سورۇندا  ،  سۆز   نۆۋىتى    تالاشتۇق  .                          نەسىھەتلەر ياغدىلەر ، ئاڭلىمىدۇق ، ئالمىدۇق  ،                            بارچە گۇناھ ھارامدىن بىزلەر مەھرۇم قالمىدۇق  .                          كۈندە ئىشرەت يولىدا ، مېڭىۋاتىمىز ھارمىدۇق  ،                          ئويلان ! شۇنداق قىلىپ بىز ، دوزاقنىمۇ تالاشتۇق  .                               مەنبە : ئالىمجان تۇرغۇن (سەرسانى)                                  2013 - يىلى نويابىر  ئەنخۈي

kuklam1979315

	ئاتا - ئانا  قېرىدى ، “ ۋاقتىمىز  يوق “  بارمىدۇق  ،                          بۈشۈك تويمۇ ، قاتار چاي ، ھىچ بىر يەردىن قالمىدۇق  .                          بېسىلمىدى  نەپسىمىز  ،  ھەر  نەرسىدىن  يانمىدۇق ،                          ھارام  ئىدى  ھاراقمۇ  ،  زەمزەم  كەبى  تالاشتۇق   بەكمۇ  ئىسىل  قۇرلار........................... سىزگە  تەشەككۈر!

anatil0011

	زامان ۋە كىشىلەر نىم بولدۇقكىن تاڭ،ھەممە ئىشلار يامىنىغا قاراپ مېڭىۋاتىدىغۇ... ياخشى بولايلى دىسەك بولالايمىز لىكىن ياخشى بولماسلىققا دەۋەت قىلۋاتقان شۇ كۈچنىڭ نىمىلىكىنى تاپالمايۋاتىمىز.

Gvlbargi0999

	بەك ياخشى چىقىپتۇ ،ئاپىرىن ئىنىم!

sirdax998

	ياخشى چىقىپتۇ.

delawur

	شۇنداق  2 قەۋەتتىكى قىرىندىشمىز دىگەندەك ! پەرىز  سۇننەت   ياخشى گەپلەر   ئەسكەرتىشلەر  تەۋسىيەلەر   كۆپ ئەمما ئەمەل يوق !  ئەمدە ئويغانمىقمىز تەس ئوخشايدۇ !   پۇل مال دۇنيا  كويىغا گەدەنلىرمىزگىچە پىتىپ كەتتۇق  !    ھەي  ئۇيغۇرۇم   ! ھەي ئۇيغۇرۇم  ! يا بىر  ماشىدىن ۋاز كىچەلمىگەن يا بىر تاتلىق خوتۇنىدىن  .........سەۋىر قىلاي  ...........

nurjahan0997

	بۇ شېئىرنى بەكمۇ ياقتۇردۇم

an9385

	kuklam1979315 يوللىغان ۋاقتى  2013-11-19 09:32 PM ئاتا - ئانا  قېرىدى ، “ ۋاقتىمىز  يوق “  بار ... رەھمەت . تېخىمۇ تىرىشىمەن .

ap~qilam

	ئاپىرىن قېرىندىشىم

an9385

	ap~qilam يوللىغان ۋاقتى  2013-11-20 11:26 AM ئاپىرىن قېرىندىشىم رەھمەت ، قېرىندىشىم . قوللىغىنىڭىزغا رەھمەت .