|
|
|
|
ئامىرىكا
The United States of America
ئامىرىكا قوشما شىتاتلىرى
ئامىرىكىنىڭ تولۇق نامى <ئامىرىكا قوشما شىتاتلىرى > بولۇپ، شىمالىي ئامىرىكىنىڭ ئوتتۇرا قىسمىغا جايلاشقان ،شەرقىي ئاتلانتىك ئوكيانغا،غەربىي تىنچ ئوكيانغا يۈزلىنىپ تۇرىدۇ . ئۇنىڭ نامى ئامىرىكا قىتئەسىنىڭ نامىدىن ئېلىنغان. ئامىرىكا پۇتكۈل ئامىرىكا قىتئەسىگە ئوخشاش ،ئەسلى ئىندىئانلارنىڭ يۇرتى بولۇپ،ناھايىتى بۇرۇنلاردىن باشلاپلا.ئىندىئانلار بۇ زېمىندا ياشاپ كەلگەن.شىمالىي ئامىرىكىنى كولومبو جەنۇبىي ئامىرىكىنى بايقاپ بەش يىلدىن كىيىن،يەنى1497-يىلى،ئىتالىيىلىك يوھان كېربوت ئىسىملىك بىر كىشى بايقىغان . 18-ئەسىردىن ئىلگىرى ياۋروپادىكى بىرقىسىم دۆلەتلەر ئامىرىكىغا كېلىپ زېمىن ئىگىلىگەن ۋە ئۇ يەرگە نۇرغۇن كۆچمەن يۆتكىگەن . ئىسپانىيە ،پورتۇگالىيلىكلەر ئوتتۇرا ۋە جەنۇبىي ئامىرىكىنىڭ مۇتلەق كۆپ قىسمىنى ئىگىلىگەن .ئەنگىلىيە بولسا شىمالىي ئامىرىكىدا <13 شىتات بىرلەشمە مۇستەملىكىسى> نى قۇرغان. 1775-يىلى 13 مۇستەملىكە خەلقلىرى گىئورگى.ۋاشىنگتوننىڭ رەھبەرلىكىدە، مۇستەملىكە ھۆكۈمرانلىقىنى ئاغدۇرۇپ تاشلاش مۇستەقىللىق ئۇرۇشىنى قوزغاپ 1776-يىلى 7-ئاينىڭ 4-كۈنى < مۇستەقىللىق خىتاپنامىسى>نى جاكارلاپ،تۇنجى قېتىم <ئامىرىكا قوشما شىتاتلىرى>دىگەن نامنى ئىشلەتكەن. <ئامىرىكا قوشما شىتاتلىرى> ۋە <ئامىرىكا> ئىنگىلىزچە ئوخشاش بىر سۆز بولۇپ ، ئالدىنقىسى ئامىرىكا دۆلىتىنى ،كىيىنكىسى ئامىرىكا قىتئەسىنى كۆرسىتىدۇ. ئامىرىكا قۇرۇلۇشى بىلەنلا ئامىرىكا قىتئەسىدە ھۆكۈمران ئورۇندا تۇرىشى ئۈچۈن، ئامىرىكا قىتئەسىنىڭ نامىنى دۆلەت نامى قىلىپ ئىشلەتكەن . 1787-يىلى ئامىرىكا ئاساسىي قانۇنىي <ئامىرىكا قوشما شىتاتلىرى >دىگەن نامنى رەسمىي ماقۇللىغان.
1950-يىلى ھاۋاي ئارىلى ئامىرىكىنىڭ 50-شىتاتى بولۇپ، دۆلەت زېمىن پۈتۈنلىكى تاماملانغان.
ئامىرىكىنىڭ يەر مەيدانى 9.372614 مىليون كۋادرات كىلومېتىر . ئاھالىسى 300مىليوندىن جىق .بۇنىڭ ئىچىدە ئەنگىلىيە ، ئېرلاندىيە ، گىرمانىيە ، ئىتالىيە ۋە ئىسپانىيە كۆچمەنلىرى ئاساس قىلىنغان ياۋروپالىق ئاق تەنلىكلەر %84 نى ئىگىلەيدۇ . يەنە نېگىرلار %12نى ،ئاسىيالىقلار %3نى ، ئىندىئانلار %1نى ئىگىلەيدۇ . ئۇندىن باشقا ئوتۇراقلاشقان ۋە كېلىپ-كېتىپ تۇرىدىغان مىللەتلەرنى ھېسابلىغاندا 100نەچچە مىللەتكە يېتىدۇ . شۇڭا ئامىرىكا مەدىنىيىتى <كۆپ مەنبەلىك مەدەنىيەت> دېيىلىدۇ . ئاھالىنىڭ %65 تى خرىستىيان دىنىغا،%24 تى كاتولىك دىنىغا، %3تى يەھۇدى دىنىغا ، %1.5پىرسەنتى ئىسلام دىنىغا ئېتىقات قىلىدۇ . پايتەختى ۋاشىنگتون . پۇل بىرلىكى ئامىرىكا دوللىرى.
مەنبە : دۆلەت ۋە رايونلارنىڭ نامىنىڭ كېلىش تارىخى .( شىنجاڭ ئۇنۋېرسىتىتى نەشرىياتى نەشىر قىلغان)
كۈندە بىر دۆلەت توغرىسىدا يوللىنىدۇ
|
|
|
|
|
|