ئەسسالامۇ ئەلەيكۇم، نۇرغۇنلىغان تورداشلار مۇنبەرلەرگە تىزىملىتىشنى بىلسىمۇ ئىنتايىن ئاز ساندىكى ياشىنىپ قالغان ياكى كومپيۇتېرنى ئەمدىلا ئۆگەنگەن، كومپيۇتېرغا ئىشتىياقى بار تورداشلار مۇنبەرلەرگە تىزىملىتىشنى تىزىملىتىش كۆزنىكىگە نېمىلەرنى تولدۇرۇش لازىملىقىنى بىلەلمەسلىك، تىزىملىتىشنىڭ شەرتلىرىنى چۈشەنمەسلىك سەۋەبىدىن تىزىملىتالمايۋېتىپتۇ، بۈگۈن 60 ياشقا كىرىپ قالغان بىر بوۋىمىزنىڭ
روھلانغا تىزىملىتىشتا قىيىنچىلىققا ئۇچراپ تېلىفۇن قىلغانلىقىدىن تولىمۇ تەسىرلەندىم ۋە بۈگۈن كەچتە تىزىملىتىش ھەققىدە بىر دەرسلىك يوللاپ قۇيۇشنى ۋەدە قىلغان ئىدىم، قۇرۇق گەپنى تۈگىتىپ دەرسلىكنى باشلاپ كىتەي.
1-قەدەم تور ئادرىسىنى بېسىپ مۇنبەرگە كىرىمىز.
مەسىلەن:
روھلان مۇنبىرىنىڭ ئادرىسى:
http://bbs.rohlan.com
مىسرانىم مۇنبىرىنىڭ ئادرىسى:
https://uyghur-archive.com/misranim
2-قەدەم: مۇنبەرنىڭ ئۈستى قىسىمىدىكى تىزىملىتىڭ ياكى ئەزا بولۇڭ دېگەن خەتنى تېپىپ چېكىپ ، تىزىملىتىش بېتىگە كىرىمىز.
3-قەدەم: بېكەت ئەگەر تىزىملىتىش كېلىشىمى بەلگىلىگەن بولسا ئاۋال سىزگە تىزىملىتىش كېلىشىمى بېتى كۆرۈنىدۇ، بۇ مەزمۇننى تولۇق ئوقۇپ چىقىپ، دىققەت قىلىشقا تېگىشلىك ئىشلارنى بىلىۋالغاندىن كېيىن، قوشۇلىمەن دېگەن كۇنۇپكىنى بېسىپ داۋاملاشتۇرىمىز.
4-قەدەم: تىزىملىتىش بېتىدىكى ھەر قايسى
ئۇچۇرلارنى ئەستايىدىل تولدۇرىمىز.
(1) ئەزا نامى: (15 ھەرپتىن ئۇزۇن بولماسلىقى، 3 ھەرپتىن كۆپ بولۇشى، مۇنبەردە باشقىلار تىزىملاتمىغان ئىسىم بولۇشى شەرت)
ئەزا نامىنى تولدۇرۇشتا كۆپىنچە كىشىلەر قىيىنچىلىققا ئۇچرايدۇ، بۇ يەردە ئىسىمنى ئۇزۇن يېزىش سىستېما تەرىپىدىن چەكلەنگەن بولۇپ، ئىسىم ھەرپ ئۇچۇنلۇق چېكى 15 ھەرپ(بۇ ئېنگىلىزچىگە قارىتىلغان)، سىز
ئادىلجان دەپ ياسىڭىز سىستېما ئەزا ئىسمى 15 ھەرپتىن ئېشىپ كەتمىسۇن دېگەن ئەسكەرتىش ئۇچۇرىنى چىقىرىدۇ، بۇ سۆزنى ئۇيغۇر يېزىقى بۇيىچە ھېسابلىسىڭىز 7 ھەرپ چىققان بىلەن، سىز نىڭ كۇنۇپكا تاختىسىدىن بېسىپ كىرگۈزگەن ھەر بىر ئۇيغۇرچە كۇنۇپكىڭىز ئېنگىلىزچىدا 2 ھەرىپكە تەڭ بولغاچقا ئادىلجان دېگەن سۆز 16 ھەرىپكە باراۋەر بولۇپ، ئېشىپ كەتكەنلىك ھېسابلىنىدۇ.
شۇڭا قىسقا ئۇيغۇرچە ئىسىمدا تىزىملىتىڭ، ئۇمۇ بولمىسا لاتىنچە شەكىلدە كىرگۈزۈپ تىزىملاتسىڭىزمۇ بولىدۇ،
adiljan دەپ لاتىنچە كىرگۈزسىڭىز 15 ھەرپ كىرگۈزەلەيسىز.
لاتىنچىنى كىرگۈزۈش ئۈچۈن كۇنۇپكا تاختىسىدىكى Ctrl كۇنۇپكىسى بىلەن (كۇنۇپپكا تاختىسىنىڭ سول تەرەپ ئاستىدا) K كۇنۇپكىسىنى بىرلەشتۈرۈپ باسسىڭىز بولىدۇ، يەنە بىر قېتىم مۇشۇنداق باسسىڭىز ئۇيغۇرچە كىرگۈزۈشكە ئالمىشىدۇ.
(2) ئىم(پارول): ( سىز مۇنبەرگە كىرىشتە ئىشلىتىدىغان مەخپى نۇمۇرنى كۆرسىتىدۇ، چوقۇم 7 خانىلىقتىن يۇقىرى سان، ھەرپ، ئالاھىدە بەلگىلەرنى كىرگۈزسىڭىز بولىدۇ.)
(3) يەنە پارول: (ئالدىنقى قېتىملىق سالغان مەخپى نۇمۇرىڭىز بىلەن ئوپمۇ ئوخشاش تولدۇرۇپ جەزىملەشتۈرىسىز.)
(4) Email: ( كۆپىنچە يېڭى ئۆگەنگۈچىلەر دەل مۇشۇ يەردە نېمە قىلىشىنى بىلەلمەي قالىدۇ، Email دېگەنلىك توردا خەت-چەك تاپشۇرۋېلىشتا ئىشلىتىلدىغان ئېلىكتىرونلۇق خەت ساندۇق ئادرىسى دېگەنلىك بولۇپ، سىز بۇ ھەقتە مەخسۇس تەييارلانغان Email دېگەن نېمە دېگەن تېمىنى كۆرۈڭ، شۇنىڭغا دىققەت قىلىڭكى مۇنبەر ۋە باشقا تور بېكەتلەرگە تىزىملاتقاندا Email نى توغرا تولدۇرۇش ئىنتايىن مۇھىم، سىز مۇشۇ Email ئارقىلىق مەخپى نۇمۇرىڭىزنى ئۇنتۇپ قالسىڭىز مەخپى نۇمۇرىڭىزنى ئەسلىگە كەلتۈرۈپ، ئەزالىق نامىڭىزنى داۋاملىق ئىشلىتەلەيسىز، Email نى خاتا تولدۇرۇپ سالسىڭىز كېيىنچە ئەالىق نامىڭىزنىڭ مەخپى نۇمۇرىى ئۇنتۇپ قالغاندا ئەسلىگە كەلتۈرۋېلىشقا مۇمكىن بولمايدۇ)
Email ھەققىدە تەييارلانغان مەخسۇس تېمىنى بۇ يەردىن كۆرۈڭ:
ئېلخەت (Email) دىگەن نېمە؟ بىلىۋېلىڭ (什么是电子邮件)
http://bbs.rohlan.com/thread-17733-1-1.html
(5) جىنسى:
QQ: ...... ۋە باشقا مۇشۇنىڭغا ئوخشاش ئۇچۇرلارنى تەپسىلىي چۈشەندۈرمىسەممۇ بۇنى تولدرۇرالايسىز، ئەگەر بۇ تۈرلەرنىمۇ بىلەلمىسىڭىز ياكى سىزدە يوق بولسا خالىغانچە تولدۇرۇپ قويسىڭىز بولىدۇ (كىرگۈزگىنىڭىز ئىناۋەتلىك بولسا كەينىگە توغرا بەلگىسى چىقىدۇ)
(6) تەستىق نومۇرى: (ماشىنا،
دېتال بىلەن ئاپتۇماتىك تىزىملىتىپ، قالايمىقان ئۇچۇرلاررنى يوللاشنىڭ ئالدىنى ئېلىش قۇرۇلمىسى
بۇ ئۇيغۇرچە مۇنبەرلەردە كۆپىنچە ئەھۋالدا ئىككى خىل شەكىلدە بەلگىلەنگەن بولىدۇ. (بەزى بېكتلەر بەلگىلىگەن، بەزى بېكەتلەر بەلگىلىمىگەن، بەلگىلەنمىگەن بولسا ئىزدەپ يۈرمىسىڭىزمۇ بولىدۇ)
بىرىنچى خىلى: رەسىمدىكى ھەرپ ياكى ساننى كىرگۈزۈش شەكلىدە چىققان بولسا ، شۇنىڭدىكى ھەرىپ، سانلارنى توغرا كىرگۈزۈپ بەرسىڭىز مائۇسنى باشقا كاتەككە چەككەندە كەينىگە يېشىل رەڭدە توغرا بەلگىسى چىقىدۇ، ئەگەر ھەرپلەرنى ئوچۇق كۆرەلمىسىڭىز رەسىم كەينىدىكى ئالماشتۇرۇش دېگەن خەتنى بېسىپ ئالماشتۇرسىڭىز بولىدۇ.
ئىككىنچى خىلى :
سۇئال شەكلىدە چىقىدىغان بولۇپ، مىسالغا روھلان تورىدا مۇنداق سۇئال بەلگىلەنگەن.
بىرگە ئۈچنى قوشساق قانچە؟(جاۋابىنى رەقەم شەكلىدە يېزىڭ) ----مۇشۇ سۇئالنى تەپسىلىي ئوقۇغاندىن كېيىن تەلەپ بۇيىچە 4 دەپ تولدۇرۇپ بەرسىڭىز توغرا بولغان بولىدۇ.
(بىر قىسىم مۇنبەرلەر تور بېكتىمىزنىڭ ئادرىسىنى يېزىڭ دېگەندەك سۇئال قالدۇرۇپ قويىدۇ ھەم جاۋابنىمۇ ئاساسەن بېرىدۇ، شۇنى بەرگىنى بۇيىچە تولدرۇسىڭىزىلا كۇپايە)
يۇقارقىلارنى تولۇق، تەلەپ بۇيىچە تولدۇرۇپ بەرگەندىن كېيىن، مائۇسنى بەتنىڭ قۇرۇق ئورنىغا بىرنى چەكسىڭىز، بارلىق كاتەكچىلەرنىڭ كەينىدە يېشىل رەڭلىك توغرا بەلگىسى چىققان بولسا ياكى قىزىل رەڭلىك ئاگاھلاندۇرۇش ئۇچۇرى چىقىۋالمىغان بولسا سىزنىڭ توغرا ھەم تولۇق كىرگۈزگەنلىكىڭىزنى ئىپادىلەيدۇ، ئاندىن سىز ئاستىدىكى يوللاش دېگەن كۇنۇپكىنى بېسىپ تىزىملاتسىڭىز بولىدۇ.
تىزىملىتىپ بولغاندىن كېيىن، بەتنىڭ ئۈستى قىسىمىدىكى تەڭشەك دېگەننى بېسىپ، مۇناسىۋەتلىك تەپسىلىي ئۇچۇرلارنى تولدۇرۋېتىڭ ھەم ئۆزىڭىز مۇقىم ئىشلىتىدىغان باش سۈرەتنى تاللاپ چىقىرىۋېتىڭ.
تەپسىلاتنى بۇنىڭدىن پايدىلىنىڭ
باش سۈرىتى يوق ئەزالارغا باش سۈرەت تەييارلاندى
http://bbs.rohlan.com/thread-26498-1-1.html
ئەمدى سىز مۇنبەرنىڭ رەسمىي ئەزاسى بولۇپ بولسىڭىز، تېمىلارنى كۆرۈپ، چۈشۈرىدىغان، كۆرىدىغان تېمىلاردىن تولۇق بەھىرلىنەلەيسىز.
بۇ تېمىدىكى بارلىق رەسىم ۋە يازمىچە مەزمۇنلار روھلان تورى ۋە مىسرانىم تورىغا مەنسۇپ، خالىغانچە كۆچۈرۈپ چاپلاشقا بولمايدۇ، كۆچۈرسىڭىز مەزمۇن ۋە تور ئادرىسلىرىنى ئۆزگەرتمەي ئەينەن ئېلىپ چاپلاڭ.
بۇ يازمىنى ئاخىرىدا rohlanbiz تەھرىرلىگەن. ۋاقتى 2013-11-17 10:18 PM
يوللىغان ۋاقتى 2013-11-17 10:14:10 PM
.gif)
.gif)
