قارغىش --- مىكرو ھىكايە

dunya5201314

	قارغىش ( مىكرو ھىكايە ) ئاپتورى:ئەنۋەر ئەمەت ئەزىز مۇختەرنىڭ دادىسىدىن قارغىش ئالغان ئىشى بىردەمدىلا، پۇتكۈل مەھەللىنى قاپلاپ ھەممىسىنىڭ ئاغىزىدا سۆز چۆچەككە ئايلاندى، بەزىلەر بەش بالا ئىچىدىن پەقەت ئۆينىڭ كىچىكى ئاشۇ ئۆينىڭ ئەڭ ئاخىرقى ئىزباسارى مۇختەرلا قاغىش ئېلىپ، نىمە ئۈچۈن قالغان بەش قېرىنداش دۇئا ئالىدۇ، ئەسلى ئۆينىڭ كىچىكى دىگەن ئاتىنىڭ دۇئاسىنى ئېلىشقا ئەڭ ھوقۇقلۇق كىشى ئەمەسمىدى، ياكى ئۇنىڭ بىز بىلمەيدىغان يوشۇرۇن سەتچىلىكى بارمۇ دىگەن مەخسەت بىلەن مۇختەرنى سورۇنغا چاقىرىپ قارلىق ئۇشتۇش باناسىدا ئۇنىڭ ئۇنىمىغىنىغا قارىماي ھاراق سۇندى، مۇختەرنىڭ كەيپى تەڭشەلگەن ۋاختىدا سورۇندا ساقى بولىۋاتقان دوغىلاق، شاپ بۇرۇت كىشى قولىدىكى ھاراق رومكىسىغا بېلىق كۆز تولدۇرۇپ، ئۇنى مۇختەرگە سۇنغاچ سورىدى: ئۇكام سېنىڭغۇ بىر ئادەمگە يامانلىق قىلغىنىڭنى ئەسلا كۆرمىدۇق. مىجەزىڭمۇ شۇنداق ياخشى بولمىسا قانداق سەۋەپلەر بىلەن دادىڭىزدىن قارغىش ئېلىپ قالدىڭىز…؟  مۇختەر ھېلىقى رومكىنى ئېلىپ بىر ئاز سۈكۈتتىن كېيىن گۇپپىدە قىلىپ كۆتۈرۋەتتىدە ھاراقنىڭ ئاچچىقىدىنمۇ ياكى بۇ سۆزنىڭ ئاچچىقىدىنمۇ ئىشقىلىپ ياش چىقىپ كەتكەن كۆزلىرىنى يېڭى بىلەن سۈرتكەش گېپىنى داۋام قىلدى. سىلەر دىسەم ئىشەنمەيسىلەر دادام تۇگەپ كەتكۈچە بولغان كۈگىچە مەن ساق بىر ھەپتە يەر ئاستى ئۆيىگە سولىنىپ قويۇلغان. دەرۋەقە بۇ گەپتىن سورۇندىكى ھەممىسى ھەيران بولۇشۇپ بىر بىرىگە قاراپ قويۇشتى، ھېلىقى شاپ بۇرۇت كىشىمۇ بۇ سۆزدىن قاتتىق ھەيران بولدى بولغاي، كۆزلىرىنى چەكچەيتىپ سورىدى: ئۇكام بىرە چوڭ خاتالىق قىلىپ قويمىغانسىز-ھە؟… نىمە ئۈچۈن سىزنى يەر ئاستىغا سولاپ قويىدۇ؟ مۇختەر يانچۇقىدىن بىر ئەقلى ئىقتىدارلىق يانفۇننى چىقاردىدە جوزىغا ۋاققىدە ئېتىپ: مۇشۇنىڭ سەۋەبىدىن بوممامدۇ، دادام تېلفۇن ئوينىغان، تېلفۇندا پاراڭلاشقان ئادەمگە جان جېنىدىن ئۆچ ئىدى. بۇ تېلفۇننى مەن سېتىۋىلىپ بىرىنجى كۈنى كەچ دادام ھۇجىرامنىڭ ئىشىكىنى چېقىۋەتتى، ئىككىنچى كۈنى ھەيدىگەن پېتى يامغۇر يېغىۋاتقان دالاغا چىقىرۋەتتى، ئۈچۈنچى كۈنى ماڭا قەتتى گەپ ئىشلىتەلمىگەندىن كېيىن يەر ئاستىغا بىر ھەپتە سولىۋەتتى، بىر چاغدا ئاكام ھەدەملەر ئىشىكنى ناھايتى ئەنسىزلىك بىلەن ئېچىپ: بول تېز دادام تۇيۇقسىز ئۆزگۈرۈپ قالدى، بىزگە دەيدىغان گېپى باركەن سېنىمۇ چىقسۇن دەيدۇ دىدى. بۇ گەپنى ئاڭلاپ مەنمۇ ھوددۇققان ھالدا دادامنىڭ يېنىغا چىقتىم قارسام ھەممە قېرىنداشلىرىم دادامنىڭ بېشىدا يىغلىشىپ تۇرۇشۇپتۇ. دادام ھەممىمىزنىڭ تولۇق كېلىپ بولغىننى كۆرۈپ يۈرەك سۆزىنى قىلىپ چوڭ ئاكامغا ئىشلىرىنىڭ ئۇتۇقلۇق بولىشىغا، ئىككىنچى ئاكامغا كېسىلنىڭ ياخشىلىنىپ كېتىشىگە، چوڭ ھەدەمگە بەخىتلىك بوپ كېتىشىگە، كىچىك ھەدەمگە كېلىپ چىقىشى ياخشى بىر ئائىلىگە كېلىن بولۇشقا ئاتاپ دۇئا قىلدى، لېكىن ئەپسۇس ئۆچىرەت ماڭا كەلگەندە تېلىفۇنۇم سايراپ كەتتى… ئاپتور بۇ مىكرو ھىكايىنىڭ ئاخىرسىنى، تورداشلارنىڭ قانداق تەھلىل ئېلىپ باردىغانلىقىغا قىزىقىپ يازماپتۇ. ئەمدى تورداشلارنىڭ بۇ ھىكايدىن  قانداق تەھلىل چىقىردىغانلىقىغا قاراپ باقايلى.

mahatjan

	دادام ھەممىمىزنىڭ تولۇق كېلىپ بولغىننى كۆرۈپ يۈرەك سۆزىنى قىلىپ چوڭ ئاكامغا ئىشلىرىنىڭ ئۇتۇقلۇق بولىشىغا، ئىككىنچى ئاكامغا كېسىلنىڭ ياخشىلىنىپ كېتىشىگە، چوڭ ھەدەمگە بەخىتلىك بوپ كېتىشىگە، كىچىك ھەدەمگە كېلىپ چىقىشى ياخشى بىر ئائىلىگە كېلىن بولۇشقا ئاتاپ دۇئا قىلدى، لېكىن ئەپسۇس ئۆچىرەت ماڭا كەلگەندە تېلىفۇنۇم سايراپ كەتتى… مۇختەرنى دادىسىنڭ قارغىشى ،مۇختەر دادىسىنىڭ تەربىيسىگە قۇلاق سالماي تىلفۇندىن كەلگەن ئۇچۇر بىلەن بولوپ كەتكەن.    بۇ ئابزاستا بالىلارنىڭ سانى خاتا بولوپ قاپتۇ،تۈزۈتىپ قوياارسىز. مەسىلەن؛

dunya5201314

	mahatjan يوللىغان ۋاقتى  2013-11-18 01:39 AM دادام ھەممىمىزنىڭ تولۇق كېلىپ بولغىننى كۆرۈپ يۈرەك سۆ ... قانداق دەيسىز جەمى بەش بالىغۇ بۇ؟؟؟

mahatjan

	dunya5201314 يوللىغان ۋاقتى  2013-11-18 02:08 AM قانداق دەيسىز جەمى بەش بالىغۇ بۇ؟؟؟ توغرا،بالا بەش، بەش بالىنىڭ  دادىسىدىن قارغىش ئالغىنى بىر بولغاندىكىن ماختىشىغا ئىرىشكىنى تۆت بولسا بولاتتى.ئەمما ،يېزىلغاندا يەنىلا ماختان بالا بەش دەپ يېزىلىپ قاپتۇ دىمەكچىمەن.

nurjahan0997

	ئاتا قارغىشى ئوق،ئانا قارغىشى پوق. ئەسەر تولىمۇ ياخشى چىقىپتۇ.

artilak

	ھەممەيلەن ئويلىنىشقا تېگىشلىك تېما ئىكەن .

gulsay

	توۋا نىمانچە ياغاچ قۇلاق بالىدۇ ئۇ! ھېچ بولمىغاندا تېلفۇننى ئېتىۋېتىپ كىرسە بولماسمىدى داددىسىنىڭ يېنىغا

parixtam0908

	سىزگە ئوخشاشلا گەپ ئاڭلىمايدىغان ياغاچ قۇلاق بالا ئىكەن ھە!!!

Abduhalik007

	ئەجەپ ئويغا سالىدىكەن

nasif

	رەمەتلىكمۇ تازا بىر سەپرا ئادەمكەنتۇق..!!!! بىر تېلفۇنغا ئىشىك-دەرىزىلەرنى چېقىپ، ئويدىن قوغلاپ، قاراڭغۇ ئۆيگە سولاپ دىگەندەك.. قارىغاندا ئا بالاڭزىمۇ تېلفۇن ئىكرانىنى سۆيۈپ گەپ قىلىپ، ئۆزىچە كۈلىدىغانلارنىڭ تىپىك ۋەكىلى بولسا كىرەك....