زارىم يوق (غەزەل)

Gvljahan

	زارىم يوق                         (غەزەل)                        گۈلجاھان كۈلۈپمەن ھەر سەھەر- شامدا، چىكەرگە ئاھۇ -زارىم يوق . نىچۈنكى بىخەستە بىر جانغا ئۇرارغا تىغ -ئازارىم يوق . يۈرۈپمەن ئەھدۇ-پەيماندا، گۈلىستاننى بۇزارىم يوق . تىزگىنى ھەق ئىلكىدە جاننىڭ ، ئانىڭسىز ھىچ ئازارىم يوق . گۆرىستان مىسلى ھەيھات كۆر، مۇھەببەتسىز ۋۇجۇت جانسىز . كى شەيتان بىرلە نەغمەمىش، چىكەرگەئىككى تارىم يوق . رىشتەئى جاننىڭ ئىرۇركى سېغىنچ ۋە ۋاپا ئەرمىش. بىقارار دىل كۆزلىرى كور -مىنىڭ ئانداغمۇ يارىم يوق . ئىتائەت كۈتمەگىل مەندىن ، بىھاجەت زاتقا سەن ھەم قۇل . ھىدايەتسىز سىتەمخورغا ئۆزەمنى خار ئاتارىم يوق . چاچلىرىم قۇندۇز مىسال ، تارىغاي ئاندىن زىيا. باغلىسام سىنى مەھكەم ، رىياكار قاتارىم يوق . مەرتنى مەيداندا سىناركىم ، ئەقىلسىز قامىتىڭ نە كار؟ بىقۇۋ جانىڭنى بىر پۇلغا  بازاردا ساتارىم يوق. خۇمار قىلما ئىستەمەگىل ھەم ، ئابىچەشمەدە خۇنزارنى . ئاھ ئۇرۇپ نىمجان سىياق  پۈكلۈنۈپ ياتارىم يوق . تىلەيمەن سۇبھى-تاڭدا دىلىڭغا نۇر -سەھەتلىكنى . تاپمىساڭ تەۋپىق يولىنى ،ئۇزماقتىن ئۆزگە چارىم يوق . سەمىمى تەۋسىيە: كەمىنە  ئۇقۇغۇچى ۋاقتىمدا غەزەل پۈتۈشتىن ئۇزاقلاپ كەتكىلى ئوننەچچە يىل بۇلۇپ قاپتۇ ، شۇڭا سەھۋەنلىك يوق دەپ ئېيتالمايمەن ، ئۇستازلارنىڭ غەزىلىمنىڭ مېغىزىنى تېتىش بىلەن بىرلە تەكلىپ -كۆرسەتمە بىرىشىنىمۇ ئۈمىد قىلىمەن . 2013-يىل 11-ئاينىڭ 16-كۈنى

nurjahan0997

	مۇشۇنداق ئۇسلۇبتىكى شېئرلارنى ئوقۇساملا قەدىمىكى ئۇيغۇر شېئىرلىرى ئېسىمگە كېلىپ قالىدۇ بەكمۇ ياخشى يېزىپسىز

ap~qilam

	غەزەل يېزىش مەن ئۈچۈن ئەڭ تەس بولغان شېئىر شەكلى  لېكىن   غەزەللەردىكى كىلاسسىك پۇراققا ئامراق

kaynari

	غەزىلىڭىزگە ئارۇز ۋەزنىنىڭ تەلىپى بويىچە قايتا قاراپ چىقسىڭىز بولغىدەك

Janbar

	نىچۈنكى بىخەستە بىر جانغا ئۇرارغا تىغ -ئازارىم يوق. بۇ مىسرادىكى خەستە سۆزى بىخەستە دەپ يېزىلىپ قالغانغۇ دەيمەن خاتالاشمىسام. بىخەستە بولسا ۋەزىن چاقىدىكەن. گەرچە ئۇستاز بولغىچىلىكىم بولمىسىمۇ ئەمما مەن ئازراق ئۆزگەرتىش كىرگۈزۈپ باقسام يارىسا ئىشلىتەرسىز: كۈلەرمەن ھەر سەھەر- شامدا، چىكەرگە ئاھۇ -زارىم يوق . ئەجەبكى خەستە بىر جانغا ئۇرارغا تىغ -ئازارىم يوق . يۈرۈپمۇ ئەھدۇ - پەيماندا گۈلىستاننى بۇزۇپ، چەيلەپ... كۈيى بۇلبۇلغا چۆلنى يۇرت قىلىپ سەرسان قىلارىم يوق. گۆرىستان مىسلى ھەيھات كۆر، مۇھەببەتسىز ۋۇجۇت جانسىز . كى شەيتان بىرلە نەغمەمىش، چىكەرگە ئىككى تارىم يوق . ئەزىز جانغا ئېمىش رىشتى سېغىنىش ھەمدە سادىقلىق. بىقارار  كۆزلىرى كور، ئاھ -مىنىڭ ئانداغمۇ يارىم يوق . ئىتائەت كۈتمەگىل مەندىن ، بىھاجەت زاتقا سەن ھەم قۇل . ھىدايەتسىز سىتەمخورغا ئۆزەمنى خار ئاتارىم يوق . چېچىم تىمسالى قۇندۇردۇر ، زىيا تارايدۇ-تارايدۇ. چېچىمغا باغلىسام دىلبەر ، رىياكارغا قاتارىم يوق . سىنايدۇ مەرتنى مەيداندا ، ئەقىلسىز قامىتىڭ نە كار؟ بىقۇۋ جانىڭنى بىر پۇلغا  بازاردا ساتارىم يوق. خۇمار قىلما يۈرۈپ ئىزدەپ، ئابىچەشمەدە خۇنزارنى . ئۇرۇپ تاشلارغا باشىمنى  پۈكۈلگەنچە ياتارىم يوق . تىلەيمەن سۇبھىدە،تاڭدا دىلىڭغا نۇر -سەھەتلىكنى . مەرىپەت تاپمىساڭ، سەندىن ئۇزاشتىن  ئۆزگە چارىم يوق . مۇشۇنداق ئۆزگەرتىپ باققانتىم. پىكىرلىشىپ تۇرايلى!

mahatjan

	غەزەل يزغاندا رېتىم،تۇراق،قاپىيەلەرگە ئالاھىدە ئەھمىيەت بەرسەك بولىدۇ.ياخشى يېزىپسىز،داۋملىق تىرشىڭ!

mahatjan

	غەزەل يزغاندا رېتىم،تۇراق،قاپىيەلەرگە ئالاھىدە ئەھمىيەت بەرسەك بولىدۇ.ياخشى يېزىپسىز،داۋملىق تىرشىڭ!

koxbarmak

	تىرشىڭ

kirani

	بىر نەچچە جايدا پىستان چاققان ئەھۋال بار ئىكەن،جانبەر قېرىندىشىمىز توغرا تۈزىتىپتۇ. شۇ بۇيىچە قىلسىڭىز گەپ يوق ئىكەن.

1263318936

	بەكمۇ ياخشى يېزىپسىز