دوك ۋەزىر ،خان ۋە پوق ۋەزىر...

qaraxani

	دوك ۋەزىر ،خان ۋە پوق ۋەزىر (كۆپ قىسىملىق تېلىۋىزىيە تەرجىمە فىلىمى <<دوك ۋەزىر لىيۇۋ يوڭ>>نى كۆرۈپ) قاراخان دوك ۋەزىر تاشپاقىغا سەل ئوخشايدۇ، خانغا سادىق قىلغان سۆزى ھەر ئىشى. پوق ۋەزىر ئاچ پاقىغا دەل ئوخشايدۇ، خانغا ئاغرىق سالار ئويى، قىلمىشى. دوك ۋەزىر  خاس ئۈچ مەلۇمات يوللايدۇ، قېينىئاتا بولار ئاڭا سىردىشى. پوق ۋەزىر نەس شاھنى مات قىپ گوللايدۇ، ئۇنىڭمۇ بار ئەتراپىدا ئوخشىشى. بىرى ئوڭ قول بىرى سول قول سارايدا، بىرى شاھنىڭ كۆزىدىكى قولدىشى. بىرى ئامراق كۈمۈش زەرگە چىرايغا، بىرى شاھنىڭ كۆڭلىدىكى دىلكىشى. خان ئوخشايدۇ گاھى ساددا نادانغا، ئىشەندۈرەر ئۇنى ۋەزىر ئالدىشى. ئوخشايدۇ خان گاھى چىچەن تەدانغا، قىلنى قىرىق يارار يوقتۇر ئاينىشى. ئادالەت دەپ ياشار شاھمۇ ئاۋامغا، چىقمىسۇن دەپ ناھەق ئىشنىڭ تىۋىشى. كېلىپ تۇرار ئاۋۇل ئايماق سالامغا، شاھنىڭ ئېشىپ بارار كۈندە ھەيۋىسى. قۇرۇت كەبئى پارىخور ھەر قاياندا، بىر يامبۇسىز ئىش پۈتتۈرمەس ياۋىشى. ئەمەل مەنسەپ سۈرى ئايان چاپاندا، بىر سۆڭەككە ئىتنىڭ توختار قاۋىشى. شاھ بىلەن دوك ۋەزىر قاپتۇ تۇماندا، خې ئەمىرنىڭ كۆپكەن پىششىق خام ئېشى. يۈرسە يۈرسۈن ئەل دىگەن گول گۇماندا، يەپ-ئىچكىنى قالار كەتسە بىر بېشى. تۇماق دىسە كاللا كەستى پىنھاندا، ئۆزى سايلاپ چىققان بەگ يا يۇرتدىشى. قۇرۇق گەپكەن دەيسەن پاكلىق دەۋراندا، بىرى مۇخلىس بىرى تۇرسا مۇرىتدىشى. ۋەزىر بولسا پارىخور گەر جاھاندا، بۇزۇلمامدۇ تەختنىڭ ھۇل گەردىشى. ئىككىسى يەپ بىرى تۇرسا ساپاندا، قايسى ئەلنىڭ باردۇر ئاڭا بەردىشى. 2013-يىلى 14-نويابىر

2012yadikar

	9-قانالدا كۈندە كەچتە بېرىۋاتىدۇ دوك ۋەزىر نى

mahatjan

qaraxani

	تولۇقلىما: سەن بىلەن مەن ئەمەس تاما ،ھاياندا، لېكىن‹‹ ئۇ››نىڭ ئوخشاش ئەمەس ئىچ -تېشى. كىم يىراقكىن پاسىق ،كېسەل،نۇقسانغا، جاننى ئالار يالغان  خۇپسەن ، دەلدۈشى.

xajarim

	شاھتۇر تورىدا   بوزقىرنىڭ   خى شىننىڭ يەنە بىر يۈزى دىگەن تېمىىسى بار ئوقۇپ بىقىڭلا،.....          جى شاۋالەننى   ھەممسى   ياخشى دەيدۇ .. بىراق ئىستىلى دۇرۇس ئەمەسكەن ئۇنىڭمۇ    ...  خى شىن يامان بولغىنى بىلەن ...   ياخشى تەرەپلىرمۇ بولۇپمۇ زامانىمىز   ئەمەلدارلىرىدىن ياخشى تەرەپلىرى جىقكەن.

qaraxani

	xajarim يوللىغان ۋاقتى  2013-11-15 11:42 AM شاھتۇر تورىدا   بوزقىرنىڭ   خى شىننىڭ يەنە بىر يۈزى د ... ياخشى كۆڭۈل تېگىل بولدى،رەھمەت.

gulbaxikar

	دوك ۋەزىر لۇيۇڭنىڭ جاسارىتىگە ئەقلىگە ئەمەلىيەتتە پادىشاھمۇ قول قۇيىدۇ، شۇغۇنىسى ‹ئاق› نى ‹ قارا › دەۋەرسە سەل قارا كۆرۈنگەندەكلا ئىش ، چۈنكى پادىشاھ يېنىدىكى خى ئەمىر پادىشاھنىڭ ئەمرى دەپ پوق يىيىشتىن يانمايدىغان تەخسىكەش، چىقىمچى! بۇ شېئىرىڭىز ئىككى ئوبرازنى بەكمۇ جانلىق سېلىشتۇرۇپتۇ.

unix212

	مۇشۇ دوك ۋەزىر رولىنى ئالغان ئارتىسنى «ئوقۇتقىچى بولماق تەس»دىگەن فىلىم ئارقىلىق تۇنۇغان.ئۇنىڭ ئىشلىگەن فىلىملىرى ھەقىقەتەن ياخشى،كىشنى ياخشىلىق قىلىشقا ئۈندەيدۇ،ھەم كوممىدىيلىك.

AYGUZAL007

	ئالامەت  يېزىپسىز

gulbaxikar

	xajarim يوللىغان ۋاقتى  2013-11-15 11:42 AM شاھتۇر تورىدا   بوزقىرنىڭ   خى شىننىڭ يەنە بىر يۈزى د ... خى شىنىننىڭ يەنە بىر يۈزى مۇشۇ مۇنبەردىلا بارغۇ ، تەۋسىيەلىك تېمىلار دىگەن يەردە!