بەختتە سەنمۇ ھەم تاپىسەن ئارام

tograk1010

	(1) خوش دىدىم كۈلۈپ قال بۈگۈن ساڭا توي، تىلەكلەر تىلىدىم تويلار مۇبارەك . ئەھدىلەر ئۇنۇتتۇم كېتەي بولدى قوي، ئۆزگىلەر بەختى چۈن كۈلمىسۇن يۈرەك. نىچۈن دەپ سورىما ھېچ ئايرىلىشنى، تەقدىردىن پۈتۈلدى باشقا غەم-جۇدا. بەلكىم ئويلاپ باقمىغان قايرىلىشنى ، ئۆزگىلەر بەختىگە كۈلدى بۇ دۇنيا . ۋاپاسىز ئېيتمىغىن قارا كۆڭۈلنى، ۋاپانىڭ ئۆلچىمى ۋىسال دەپ ئېيتماس. قولۇڭغا تۇتمىدىم چىمەندىن گۈلنى، ساداقەت مېنىڭدىن ئالىدۇ قىساس . بولدى قوي مەن كېتەي يىراق-يىراققا، ئول تامام سۆيگۈگە ئەمدى ۋەسسالام. ھارارەت قوينىدا كۆيمىدىم كۈل بوپ ، بەختتە سەنمۇ ھەم تاپىسەن ئارام .                        (2) كۆڭۈلگە ھىجراندىن سالغانتىڭ قەسىر، ئازابنىڭ قوشۇنى كەلدىغۇ دەۋرەپ . ئەركىن نەپەسلەر ئۆزۈڭگە ئەسىر ، توغراقتەك قامەت ئوتۇڭدا تەۋرەپ . ئۇزلۇقۇڭ كۆزۈمگە بەرمىدى بەھىر ، زەررىچە مىھرىڭنى سوغۇقتا سەرلەپ. ھۆسنۈڭنى قەمەردىن قىلىمەن قىياس ، كېچىلەر بىدارلىق كۆڭلۈمنى ئالغان . ئەزەلكىم مەغرۇرسەن كۆزۈڭدە قىساس، بىچارە پەزلىگە ئوتلىرىڭ يانغان . شۇندىمۇ ۋىسالنى قىلىمەن قىياس ، چۈشۈمدە ھۆرلۈكنىڭ دېپىنى چالغان . بىھاجەت بەلكىم ساڭا ئىزھاردىن ، ئىزتىراپ ئىچىدە سوراش تەسەللى. ئۆزگىلەر  شەربىتىن ئىچسە ۋىسالدىن ، كۆيمىكىم كۈتمەكلىك بوپتۇ ئەقەللىي. كېچىمەن ئىزتىراپ چەككەن زاماندىن ، قولۇمغا گۈل بەرسەڭ گۈل سۈپەت لەيلى . مەنبە :توغراق1010

nurjahan0997

	قەيەردىن كەلگەن ئېلھام بۇ تولىمۇ ياخشى يېزىۋېتىپسىز سۆز-جۈملىلىرى تولىمۇ پاساھەتلىك چىقىپتۇ

gulkalam

	ئالامەت ياخشى چىقىپتۇ،شۇنداق ياخشى ئەسەرنى كىچىكىپ ئوقۇغىنىمدىن ئەپسوسلاندىم

mahatjan

	بەخىت كىلىدۇ نەدىن، پىشانەڭدىكى تەدىن.دىگەن ھەقىقەتنى چۈشەندۈرۈپسىز،رەھمەت.