ۋىجدان سودىسى (زۇليار ئابدۇخىلىل)

ozluk520

	ۋىجدان سودىسى           زۇليار ئابدۇخىلىل   قىزىدى بازاردا ۋىجدان سودىسى،   تۆكمە بوپ يايمىدا تۇرار قەدىرسىز.   بولدىمۇ بۇ سودا دەۋىر  مودىسى،   پايدىسى ئالەمچە لىكىن ئەجىرسىز.   ساتىدۇ بەزىلەر ئەرزان باھادا،   ۋىجدانى غورۇرى ھەمدە قەدرىنى.   چەيلەنگەن ساداقەت سەرسان بازاردا،   ساختىلىق قاپلىدى ئىنسان قەلبىنى.   ۋىجدان ھەم غورۇرنى دۆۋىلەپ قويۇپ،   توۋلايدۇ سودىگەر«ئالە ئەرزان!»دەپ.   ساتىدۇ بەزىلەر ۋىجداننى سويۇپ،   تۆت تەڭگە تۆت سۆڭەك دۇنيانى كۆزلەپ.   ۋارقىرار ھايانكەش ئىلىپ ساتارلار،   مانا بۇ بازارنى قىزىتىپ ھەركۈن.   بىر بىرىنى ئالدايدۇ پۈتكۈل ئىنسانلار،   بۇ چۈنكى ۋىجدانسىز كىشىلەر ئۈچۈن.   بىر ئىشنىڭ بولىدۇ بىر كۈن سورىقى،   شۇ كىشىلەر نىمە دەپ بىرەركىن جاۋاپ.   بۇ چەكسىز گۇناھى ئاشۇ قىلىقى،   قىلارمۇ ئۇلارنى ئاخىرى خاراپ.   كۆپەيدى ۋىجدانسىز كۆپەيدى شۇنچە،   بىلمىدىم بۇلارنىڭ يوقمۇ دورىسى.   ھەر ۋىجدان بولدى پۇل مال-دۇنيا ئۈنچە،   بىلمىدىم توختارمۇ ۋىجدان سودىسى. 2013-يىلى 7-8-ماي

tarim-darya

	ئەمەلى بار ئىشلارنى يېزىپسىز .

kuklam1979315

	شىئېرىڭىزنى  بەكمۇ  ياقتۇردۇم.   ۋارقىرار ھايانكەش ئىلىپ ساتارلار،   مانا بۇ بازارنى قىزىتىپ ھەركۈن.   بىر بىرىنى ئالدايدۇ پۈتكۈل ئىنسانلار،   بۇ چۈنكى ۋىجدانسىز كىشىلەر ئۈچۈن. بۇ  كۇپلىتنى  مۇنداق  ئۆزگەرتىپ  باقتىم،  كەچۈرۈڭ ھە؟! چارقىرار  ھايانكەش  ئېلىپ  ساتارلار، مانا بۇ  بازارنى  قىزىتىپ  ھەر كۈن. ئالداش ھەم  ئالدىنىشھىچنىمە  ئەمەس، بىر  قىسىم ۋىجدانسىز  كىشىلەر  ئۈچۈن.

ozluk520

	tarim-darya يوللىغان ۋاقتى  2013-11-13 06:30 PM ئەمەلى بار ئىشلارنى يېزىپسىز . رەھمەت سىزگە ! تىخىمۇ كۆپ تەكلىپ پىكىرلەرنى بىرىشىڭىزنى ئۈمىد قىلىمەن !

ozluk520

	kuklam1979315 يوللىغان ۋاقتى  2013-11-13 06:51 PM شىئېرىڭىزنى  بەكمۇ  ياقتۇردۇم.   ۋارقىرار ھايانكەش ئىل ... رەھمەت سىزگە ! سىز دىگەندەك ئۆزگەرتسەم بولغۇدەك ! تىخىمۇ كۆپ تەكلىپ پىكىرلەرنى بىرىشىڭىزنى ئۈمىد قىلىمەن !

mahatjan

	يا ھەزرەت پۇلنىمۇ تاپقاننى كۆردۈم، پۇل ئۈچۈن ھەر تەرەپ چاپقاننى كۆردۈم. پۇلنى دەپ ئار نۇمۇس ۋىژداندىن كىچىپ، جان-جىگەر دوستىنى ساتقاننى كۆردۈم.

mahatjan

	يا ھەزرەت پۇلنىمۇ تاپقاننى كۆردۈم، پۇل ئۈچۈن ھەر تەرەپ چاپقاننى كۆردۈم. پۇلنى دەپ ئار نۇمۇس ۋىژداندىن كىچىپ، جان-جىگەر دوستىنى ساتقاننى كۆردۈم.

turpani004

	يەنە بىر ئېسىل شېئر...

nazila998

	پۇل ئۈچۈن ۋىژدانىنى ساتقانلارنى تازا قامچىلاپسىزدە

بانكىر

	ياخشى يىزىپسىز جۇمۇ