-تۈن كېچىدىكى بوۋاق ئاۋازى-(ۋەھىمىلىك ھېكايە)

rustam205

	-تۈن كېچىدىكى بوۋاق ئاۋازى-                                                     (ۋەھىمىلىك ھېكايە)                                                              (1) -كىشىلىك ھاياتتا ئادەم ھەر تۈرلۈك ھەم ھەر قىسما ئىش-ھادىسىلەرگە يولۇقۇپ تۇرىدىكەن.شۇنداقلا بەزى بىر ئىش-ھادىسىلەر بەك سىرلىق................ -سۆزلەپ كەلسەم ھەممە ئىش مۇشۇ ھازىرقى تاللا دۇكىنىمنى ئاچقاندىن كېيىن باشلاندى. ئەسلىدە مېنىڭ تاللا دۇكىنىم بېزەكلىك يولىنىڭ شىمالىي ئۈستى تەرىپىدە ئىدى. ئەمما ئالدىنقى يىلى قىشتا قار ياغقاندا كەچتە ئۆيگە قايتىقاچ 4 كوچىدىن ئايلىنىدىغان ۋاقىتتا موتسىكىلىتىمنىڭ چاقى تېيىلىپ كېتىپ يېقىلىپ ئوڭ بېلىكىم سۇنغاندىن كېيىن نەچچە ئاي داۋالاندىم. ھەم قولۇم ساقايغاندىن كېيىن دۇكاننى يەنە نەچچە ئاي ئاچتىم. ئاندىن ئۆيدىكىلەر ماڭا ، بولدى ئۇ يەردە ئاچما، بىر ئاز بولسىمۇ ئۆيگە يېقىن بولسۇن، دەپ مەھەللە ئىچىگە ئېچىشىمنى دەپ تۇرۇۋالدى. شۇنىڭ بىلەن مەنمۇ ئۆيدىكىلەرنىڭ رايىغا بېقىپ دىكىنىمنى مەھەللە ئىچىگە يۆتكىدىم.چۈنكى مەھەلىدىمۇ ئادەم خېلى كۆپ ئىدى. ئەمدى بۇمۇ ئاتا-ئانامنىڭ مېنىڭدىن ئەنسىرەپ قايتا بۇنداق ئىشلارغا يولۇقۇپ قالمىسۇن دېگەن ياخشى كۆڭلى ئىدى. ئەمما بۇرۇنقى تاللا دۇكىنىم 3 كوچا T شەكىللىك كوچا ئېغىزىدا بولغاچ كىرگەن-چىققان بەزى قىزىقچى خېرىدارلار،ھەم مۇشۇ يەردىكى تونۇشلار بىلەن، بولۇپمۇ مېنىڭ كونا ئاغىينىلىرىم ۋە بۇرۇنقى كونا ساۋاقداشلىرىم بىلەن بەك قىزىيتتى. بىز بەزىدە گىتتار چالاتتۇق،ئۇلار بولۇپمۇ مەن چالغان، ئېيتقان ئامېرىكا سەھرا ناخشا-مۇزىكىلىرىغا بەك ئامراقتى. گەپنىڭ قىسقىسى ئۇ دۇكاندىكى چاغلار بەك كۆڭۈللۈك ھەم سۆھبەتلەرمۇ بەك قىزىيتتى.كونا دوستلىرىم ھەم ساۋاقداشلىرىممۇ تولىسى ئىش-ئوقەتتىن چۈشسىلا دائىم جەم بولۇپ كونا-يېڭى پاراڭلارنى قىلىشىپ كۆڭۈل ئېچىپ ئولتۇراتتۇق. شۇڭىمۇ ئۇ دۇكاندىن يۆتكىلىپ بۇ يەرگە كېلىشكە بىر تەرەپتىن دېگەندە سەل قىيالمىغان ئىدىم. ئەمما نېمىلا دېگەن بىلەن ئاتا-ئانامنىڭ سۆزىگە كىرمىسەم بولمايتتى.چۈنكى <<ئاتا-ئانا رازى،خۇدا رازى>> دېگەن گەپ باردە. شۇنداق قىلىپ بۇ يەرگە يۆتكىلىپ كېلىۋالغانغا يېرىم يىل بولغان ۋاقىت ئىدى.دوستلىرىممۇ ئارلىق ھەم شارائىت سەۋەبىدىن ئارىلاپ-ئارىلاپ كەپ تۇردى.ئەمما تولىراق مۇشۇ مەھەللىدىكى 5، 6 دوستلىرىم بىلەن بەزى-بەزىدە ئولتۇراتتۇق.ئەمما يەنىلا بۇرۇنقى دۇكاندەك قىزىمايدۇدە. شۇنىڭ بىلەن بۇ يەرگە يۆتكىلىپ كەلگەن يېرىم يىلدەك ئارىلىقتا بۇ يەرگىمۇ خېلى كۆنۈپ قالدىم.سۇنغان قولۇممۇ خداغا شۈكرى سەللىمەزا ساقىيىپ بولدى. تۇرمۇش ھەم ئىشلىرىممۇ ئۆز رېتى بىلەن خېلى نورما ماڭماقتا. ۋە مۇقىم خېرىدارلىرىممۇ بارا-بارا كۆپىيىۋاتاتتى. خېرىدارلار بىلەن مۇناسىۋېتىممۇ خېلى ياخشى ئىدى. لېكىن مۇشۇ خېرىدارلار ئىچىدە بىر 26-27 ياشلار چاممىسىدىكى قىز بەك دېققىتىمنى تارتاتتى ھەم ماڭا بەك قىزىق تۇيۇلاتتى. نېمە ئۈچۈن دېسەڭلەر ئۇ قىز تولىراق سائەت 12 يېرىم ياكى بەزىدە 1، 2 ئارلىقىدا 5--6 كۈندە بىر سۈتلۈك فرېمما ئالغىلى كىرەتتى. بىر قېتىم ئۇ سائەت 1 بولاي دېگەندە كىردى، بۇ ۋاقىتتا مەن تۇنجى قېتىم گپ باشلىدىم: -بالىڭىز خېلى كىچىككەندە؟ -ھەئە ھازىر 7 ئايلىق بولاي دەپ قالدى. -ئوغۇلمۇ قىزمۇ؟ -قىز. -ئىسمى نېمە؟ -ئەقىدە. -ئىسمىنى ھەقىقەتەن چىرايلىق ھەم مەنىلىك قويۇپسىلەر، دېدىم. -رەھمەت، بىزمۇ شۇ قارساق مۇشۇ ئىسىم خېلى چىرايلىق ھەم مەنىلەك ئىكەن شۇڭا قويغان، دېدى. -راست، سىز توي قىلدىڭىزمۇ؟دەپ سورىدى ئۇ. -ياق، ئەمدى قىلىمەن،دەپ ئۆزۈمنى بىر قۇر تونۇشتۇردۇم. ئاڭغىچە ئۇمۇ تۇيۇقسىزلا، بالام يالغۇز قالغان ئىدى دەپ كەينىگە ئۆرۈلۈپ ماڭدى.مەن بالام يالغۇز قالدى دېگەن گەپنى يولدىشى ھەققىدە سوراي دەپ تۇرۇشۇمغىلا ئۇ ئىشىك تۈۋىگە بېرىپ قالدى. دەل مۇشۇنىڭ بىلەن تەڭلا مەن بىلەن بىر مەھەللىدە ئولتۇرىدىغان، مىللىي تىبابەت دورىلىرىنى ساتىدىغان دۇكان ئاچىدىغان كونا ساۋاقدىشىم ئەنىۋەر كېلىپ قالدى. ئادەتتە مەن چۈشلىكى ئۆيدە نەچچە سائەت ئۇخلىۋالىمەن، شۇڭا كەچكىچە ئاچىمەن كىنو كۆرگەچ،تورغا چىققاچ ۋە كىتاب ئوقۇپ. شۇڭا ئۇ ئاغىنەم مېنى بار دەپ بەزىدە كىرىپ ئانار شەربىتى ئىچكەچ مەن بىلەن سۆھبەتلىشىشكە ئاراق ئىدى. يەنە كېلىپ ئۇ ئانار شەربىتىگە بەك ئامراق. ئۇ چاغدا ئۇ ئاغىنەمنىڭ ئىشىكتىن كىرىشى ئۇ قىزنىڭ ئىشىكتىن چىقىشى بىلەن دەل كېلىپ قالغان ئىدى. شۇنىڭ بىلەن ئۇ قىز يان تەرەپكە بىر قەدەم ئېلىپ ئەنىۋەرگە يول بەرگەندەك بولدى. ئامما ئەنىۋەر ئۇ قىزنىڭ كۆزىگە بىر خىل ئىپادىسىز ھالدا مىختەك تىكىلىپ قاراپ تۇراتتى. ئۇ قىزمۇ ھەم شۇنداق تىكىلىپ قاراپ تۇراتتى. چۈنكى ئۇنىڭسىزمۇ ئۇ قىز بەئەينى خۇددى توي قىلمىغان قىزلاردەك ئىدى.بەدەن، تەققى-تۇرۇق، ھەم رەڭگى-رۇخسارىدىنمۇ شۇنداق جەلىپكارلىق جۇلالىنىپ تۇراتتى.ئۇ قىزلارغا خاس يارىشىملىق پادىچىلار ئىشتىنى كىيىۋالغان،ئۈستىگە ئاق رەڭدىكى T شەكىللىك مايكا كىيىۋالغان، پۇتىغا ساياھەت ئايىقى شەكىللىك ئارام-بەخىش مودا لاتا ئاياق كىيىۋالغان ئىدى. بىر قارىغان كىشى ئۇنى تونۇمىسا ئۇنى ھەرگىز توي قىلغان بىر بالىنىڭ ئانىسى دېمەيتتى. ھەم ئۇنىڭ تۇرقى ۋە چېھرىدىنمۇ بىر خىل سەمىمىيلىك ۋە مۇلايىملىقنىڭ سىماسى گەۋدىلىنىپ تۇراتتى. شۇنداقلا ماڭا بەرگەن تەسىرىمۇ ھەم شۇنداق ئىدى. دېمىسىمۇ بىر قارىغان كىشىنى ھەقىقەتەن ئۆزىگە مەھلىيا قىلاتتى. مەن ھازىرقى ھالەتنى ئۆزگەرتىمەكچى بولۇپ ئاغىنەم ئەنۋەرنى چاقىردىم. -ئەنىۋەرجو~~~~ن،بامۇ سىلە دىتمە قارىم؟، كەمىنە پېقىر مەە تۇرسام نقمە ئىدەم كۆرۈپ باقمىغاندەك قالاۋېرىسىلە دەمە بۇ .ئوماق خانقىزنىڭ رۇخسارىغا. ماناۋۇ جەرگە بىر كېلىڭدەر،كۆرۈشمىگىلى قانشە كۈندەر بولدى. قانداق، جاقسى تۇردۇڭبا، بالاڭزا چەيدۇ؟،بۇ ئارىلاشمە ئەبجەش تىللىق گەپلىرىمدىن ئەنىۋەرمۇ چىرايىغا كۈلكە يۈگۈرىتىپ يېنىك كۈلىۋەتتى ھەم ماڭا قاراپ كېلىشكە باشلىدى.ئەمما ئۇ قىزدىن 2 قەدەم ئۆتۈپ بولۇپ توختاپ ئوڭ تەرىپىدىن كەينىگە ئاستا قايرىلىپ قاراپ قويدى،ئۇ قىزمۇ بۇ چاغدا خۇددى بىلىۋالغاندەكلا توختاپ تەڭ كەينىگە ئوڭ تەرىپىدىن كەينىگە يىنىك قايرىلىپ قاراپ قويدى.بۇلار ئالاھەزەل 2،3 سېكونتتەك قارىشىپ تۇرغاندىن كېيىن ئەنىۋەر باشتا ئالدىغا قاراپ چىرايىغا قايتىدىن كۈلكە يۈگۈرىتىپ يېنىمغا كېلىپ ئولتۇرۇشقا ماڭدى.ئۇ قىز بولسا ماڭا قاراپ يىنىك بىر تەبەسسىم بىلەن كۈلۈپ قويۇپ دۇكان ئالدىدىن ئايرىلدى.ئەنىۋەرمۇ يېنىمغا كېلىپ ئولتۇردى. بۇ چاغدا مەن ئۇدۇللا گەپ باشلىدىم: -نېمە ئەنىۋەر قىز بالا كۆرۈپ باقمىغاندەك ئۇ قىزغا كۆزۈڭنى تام تۆشۈكىدىن مارىغان ئوغرى مۈشۈكنىڭ كۆزىدەك قىلىپ قاراپ كەتتىڭ؟ ئۇنىڭسىزمۇ بىر ئوبدان ھەم چىرايلىق ئايالىڭ بارغۇئياكى سەنمۇ بەزى بىر ئاغىينىلەردەك بىر خىل تاماقنى يەۋېرىپ زېرىككەندەك، سېنىڭمۇ ئاچچىق-چۈچۈك سۇيۇقئاش ياكى باشقا تاماق يېگىڭ كەپ قالدىمۇ يە؟ دەپ چاقچاق قىلىپ بولدۇمدە ئىككىمىز تەڭلا كۈلىۋەتتۇق. -ياقەي ئاداش نېمىلەرنى ئويلاپ كەتتىڭ، دېدى ئەنۋەر كۈلۈپ. ياقەي، شۇنداقتىمۇ ئەمدى دەيمىنا؟ دەپ مەنىلىك كۈلۈپ قويدۇم. -ياق،ياق، ئاداش نېمىلەرنى دەيدىغانسەن، دېدى دە ئۇلاپلا: -مەن ئۇنى بىرسىگە ئوخشىتىپ قاراپ قالدىم،دېدى. كىمگە؟! دەپ قىزىقىپ سورىدىم،ھەم بۇرۇنقى ماخابەتكىمۇ ياكى شاخابەتكىمۇ؟دەپ چاقچاق قىلدىم. ياق،ياق بۇرادەر ئۇنداقمۇ ئەمەس،سەن بىردەم جىم تۇر،مەن ئاندىن دەپ بېرىمەن دېدى. ئەمىسە دېگەنە قۇلىقىم سەندە. ئۇ دەرھاللا <<دورام>> قېنى دەپ سورىدى. -مانا-مانا دەپ مەن ئۇنىڭ ئوڭ يان تەرىپىدىكى <<قەلەي قۇتىنى>> كۆرسەتتىم. ئۇ كۈلۈپ: ياق ئادەش بىلىسەنغۇ بۇلار تۇرۇپ تۇرسۇن دېدى. شۇنىڭ بىلەن مەن سول يان تەرىپىمدىكى مال جازىسىدىكى قىزىل چايلار يېنىدىكى ئانار شەربىتىنى ئېلىپ بەردىم. ئۇ ئانار شەربىتىنى ئىككىنى ئوتلىۋالغاندىن كېيىن ئاندى ماڭا قاراپ: -رۇستەم، سەن بايامقى قىزنى راستىنلا تونۇيالمىدىڭمۇ؟دەپ سورىدى. -ئىشقىلىپ بىر يەردە كۆرگەندەك،ئەمما....ياق،ياق، تازا دېگەندەك ئېسىمدە يوق جۇمۇ بۇرادەر. -يەنىمۇ ياخشىراق بىر ئويلاپ باق، دېدى ئەنۋەر. -..........،ئويلاپ،ئويلاپ تازا ئېسىمگە ئالالمىدىم، ئۆزەڭلا دەپ بەرگىنە، دېدىم. ئەنىۋەر بىردەم تۇرغاندىن كېيىن گەپنى باشلىدى. -مېنىڭ دېمەكچى بولغىنىم، سەن بىزنىڭ تولۇق ئوتتۇرىدىكى ساۋاقدىشىمىز گۈلگىنەنى بىلەرسەن دەپ سورىدى. -ئەلۋەتتە بىلىمەن، ئۇ ھازىر سېنىڭ ئايالىڭغۇ،دېيىشىمگە ئۇ: -توغرا دېدىڭ، سەن تويدىمۇ بار، ئۇلار نەچچە بالا بىلەمسەن؟ -ئۇلار ئىككى بالا،يەنى ئىككىلا قىز.سىڭلىسىنىڭ ئىسمى گۈزەلنۇرغۇ دەيمەن؟ئىشقىلىپ بەك ئۇزۇن بولدى كۆرمىگىلى،بەلكىم كۆرسەممۇ تونۇيالماسمەن دېدىم. -نەق توغرا!شۇ گۈزەلنۇر،دەپ تەستىقلىدى. --گۈزەلنۇر بولسا نېمە بوپتۇ؟ ئۇ سېنىڭ قېينى سىڭلىڭغۇ دېدىم. -مەن ھەم ئاچىسى 2008-يىلى توي قىلدۇق،ئۇ 2يېرىم يىلدەك ئۆتۈپ توي قىلدى.بىزنىڭ تويدا سەنمۇ بارغۇ ھەم ماڭا قولداش. -ھەئە، بۇ ئېسىمدە دېدىم. ئۇ ئاندىن ئۇلاپلا: -بىز توي قىلىپ سىڭلىسى 2010-يىلىنىڭ باشلىرى توي قىلدى،ئۇ يىگىت ئۇنىڭدىن 1 ياشلاردەك كىچىك. 2010-يىلنىڭ 3-ئاينىڭ باشلىرى توي قىلىپ يەنى كېيىنكى يىلى 7-ئايلاردا بۇ يەرنىڭ ھاۋاسى بەك ئىسسىق بولغاچقا يېرىم ئايدەك سالقىنداپ بۇ يەرنىڭ ئىسسىق ھاۋاسىدىن بىر ئاز بولسىمۇ پاناھلانماقچى بولۇپ گۈزەلنۇر،جۈرئەت ۋە ئۇلارنىڭ 7 ئايلىق ئوماق قىزى ئەقىدەلەر بىرلىكتەئۇرۇمچىگە مېڭىپتۇ. چۇنكى ئۇ يەردە ئۇ بالىنىڭ ئاتا-ئانىلىرى بۇرۇن ئېلىپ قويغان ئۇي بار ئىكەن ھەم ھازىر ئۇ ئۆيمۇ قۇرۇق بولغانكىن چىقىپ ساياھەت قىلغاچ سالقىنداشنى مەقسەت قىلىپتۇ......... ............ ئۇلار 15 كۈندەك كۆڭۈللۈك،رومانتىك كۈنلىرىنى ئۆتكۈزۈپ بولۇپ قايتاشىدا بۇ خۇشال چاغلار ئۇزۇنغا بارماپتۇ.ئۇلار قايتىۋاتقان كۈنى كەچتە تۇرپان - ئۈرۈمچى ئارلىقىدىكى يۇقىرى سۈرئەتلىك تاش يولىنىڭ تاغلى- جىلغىلىق بۆلىكىگە كەلگەندە ماشىنا تۇيۇقسىز يولدىن چىقىپ كېتىپ جىلغىغا چۈشۈپ كېتىپتۇ .  سەۋەبى ئۇلار ماڭغان يۆنىلىشتىكى يولنىڭ بىر قانچە كېلومېتىرلىق بۆلىكىنى ئاخشامدىن ياغقان قاتتىق يامغۇر دەستىدىن تاغدىن لاتقا تاش چۈشۈپ باشقا بۆلەكلەرگە قارىغاندا شۇ بۆلەكلىرى ئوخشىمىغان دەرىجىدە ئېغىر بۇزۇلۇپتۇ، شۇنىڭ بىلەن بىر قانچە كېلومىتېرلىق بۆلەكنى قارشى يۆنىلىشتىكى يولدا،يەنى تۇرپاندىن ئۈرۈمچىگە قاراپ ماڭىدىغان يولدا بىخەتەرلىككە قاتتىق دىققەت قىلغان ئاساستا مېڭىشقا بولىدىغان قىلىپ قاتناش بەلگە تاختىسى ئورنىتىپ قويۇپتۇ. شۇنىڭ بىلەن ئۇلار شۇ يولدا كېتىۋاتقاندا ئەسلىدىنلا سەل چارچاپ ئۇيقۇسى كەلگەن جۈئەتنىڭ كۆزلىرى يۇمۇلۇپ قالاي دېگەندەك شۇنداق قاتتىق چارچاپتۇ. بەلكىم ئۇ باشكا كەيىپمۇ قىلغانمۇ ئۇنى دېمەپتۇ. شۇنداق قىلىپ ئۇنى مۈگىدەك بېسىپ كۆزى يۇمۇلۇپتۇ شۇنىڭ بىلەن نەچچە سېكونتقا ئۆتمەي ماشىنا يولدىن چىقىپ جىلغىغا چۈشۈپ كېتىپتۇ. بۇ ۋەقە يۈز بېرىپ تاڭ سەھەرگە يېقىن يۇقىرى سۈئەتلىك تاشيول چارلاش ساقچىلىرى تاپشۇرۇپ ئالغان ۋەقە ئۇچۇرىغا ئاساسەن شۇ بۇزۇلغان يول بۆلىكىگە كېلىپ ماشىنىدىن چۈشۈپ پەستىكى سۇ ئېقىنى بار ئېدىرلىققا چۈشۈپتۇ ۋە قۇتقۇزۇش خىزمىتىنى باشلاپ كېتىپتۇ. ماشىنىدا پەقەت جۈرئەتلا بار بۇلۇپ گۈزەلنۇر ھەم ئۇلارنىڭ بالىسىمۇ يوق ئىكەن. ئۇلار ئەتىراپنى ئىزدەپتۇ ئەمما ھېچنىمە تاپالماپتۇ. چۈنكى ئۇ كۈنلەردە ئۇ ئېدىرلىقتىكى ئېقىنمۇ خېلى كۈچلۈك ئىكەن. شۇنداق قىلىپ ساقچى تەرەپمۇ گۈلەلنۇر ھەم بالىنى داۋاملىق ئىزدەشنى داۋام قىلىدىغاننى دەپ جۈرئەتنى دوختۇرخانىغا ئەۋەتىپتۇ. ئەمما شۇنىڭدىن باشلاپ ئۇ گۈزەلنۇر ھەم ئۇنىڭ ئوماق قىزىنىڭ ئىز-دېرىكى بولمىدى. ساقچى تەرەپمۇ كۆپ ئۇرۇنۇپتۇ.   -رۇستەم، تاماكىدىن بىرنى ئالاۋېرە ئاداش دەپ، ھېكايىنىڭ بېلىنى ئۈزدى ئۇ. مەن ئاندىن ئۇنىڭغا بىر تال تاماكا بەرگەچ: -ھېكايە تۈگىدى؟ سەن نېمە دېمەكچى؟ئاخىرىنى ھەم سەن بۈگۈن كەچ دەپ بەرگەنلەر بىلەن باغلاپ تازا چۈشەنمىدىمغۇ،دېدىم ئۇنىڭغا قاراپ.  ئۇ ئاندىن: -بۈگۈنكى ئىشلار بىلەن ھەم مەن ساڭا بايا دەپ بەرگەنلىرىم بىلەن گاڭگىراپ قالغىنىڭنىمۇ چۈشۈنىشكە بولىدۇ.مەن دېمەكچى ئۇ قىز يەنى مېنىڭ قېينى سىڭلىم ھەم ئۇنىڭ بالىسى شۇ ئىشتىن كېيىن ئىز-دېرەكسىز غايىپ بولغان، ئۆلۈكىمۇ ھەم تىرىكىمۇ يوق. لېكىن ئۇ توي قىلىشتىن بۇرۇن مەن ئاچىسى بىلەن توي قىلدىم،ھەم شۇ چاغدىن باشلاپ سەن،مەن تۇرۇۋاتقان مۇشۇ مەھەللىدە تۇرۇۋاتىمىز.كېيىن ئۇ ھېلىقى جۈرئەت دېگەن بالا بىلەنمۇ توي قىلىپ بىز بىلەن بىر مەھەللىدە تۇردىخاتالاشمىسام مۇشۇ بىنادىغۇ،،،،،دەيمەن.ئەمدىكى گەپ بايامقى قىز ھەقىقەتەن گۈزەلنۇر بولسا ئۇ نېمە ئۈچۈن مۇشۇنچىلىك ئۇزۇن ۋاقىتقىچە ئاتا-ئانىلىرى،بىز ھەم باشقا دوستلىرى بىلەن ئالاقا قىلمايدۇ؟ ئۇ ھەم ئاچىسى بىلەنمۇ شۇنداق ياخشى ئۆتەتتى. شۇڭا مان بايا ھەرخىل قىياسلارنى قىلىپ ئۇ قىزغا شۇنىڭ ئۈچۈن قارىغان ئىدىم. باشقا نىيەت يوق. ................................. بىز بىردەم ئۇنى-بۇنى پاراڭلاشتۇق. ئاندىن ئۇ سائىتىگە قاراپ: -ۋپي، سائەت 1 يېرىم بولاي دەپ قاپتىغۇ، بولدى قايتىپ ئارام ئالايلى دېدى ۋە خوشلىشىپ ئىشىك تەرەپكە قاراپ ماڭدى،ھەم توختا ئارقىغا ئاستا بۇرۇلۇپ: بەلكىم ئۇ قىز ئەمەستۇ، ئوخشايدىغان بىرىدۇر بەلكىم دەپ قوشۇپ قويدى.ھەم: -خوش ئاداش،كېيىن كۆرۈشەيلى دەپ قايتىپ كەتتى. ئاندىن مەنمۇ كېرەكلىك نەرسىلىرىمنى ئېلىۋېلىپ دۇكاندىن چىقىپ ئىشىكنى ياپتىم، ھەم ئوڭ تارىپىمدە بىر نەرسە باردەكلا بىر خىل غەلىتە سېزىم بولدى دە، دەرھاللا ئوڭ تەرىپىمگە قارىدىم. قارىدىم يۇ يۈرىكىم زاققىتەڭلا قىلىپ قالدى. چۈنكى ھېلىقى قىز بولسا مېنىڭ 6-7 مېتىر ئالدىمدا خۇددى ھەيكەلدەك ماڭا تىكىلىپ قاراپ تۇراتتى. بۇ تۇيۇقسىز ئەھۋالدىن قورققىنىمدىن گەپنىمۇ ئارانلا قىلدىم: -بۇ،بۇ، بۇنچە كەچتە ئۇخلىماي بۇ يەردە يالغۇز تۇرۇپسىزغۇ؟ دەپ سورىدىم. (داۋامى بار)

lukqek

	ھەممىسى چىققاندا ئوقاي جۇمۇ

owqi450

	مەن ئوقمىدۇم دەڭە سەۋەبىنى دىمسەممۇ بىلسىز كۆپ قىسىملىقكىن ئەمەسمۇ؟ ھەممىسى يوللىنىپ بولغاندا بىر خەۋەر قىلۋەتمەمسىزمۇ؟

nur0

	ھې ھې قالىغاندا ھەمىمىز شۇ قاراشتىكەنمىز ھەممىنى يوللىڭە بولدى

فەرۇخ917

	ۋاي  ئاللا ،  تازا پەيزى يەرگە كەلگەنتى  ،     داۋامى بار  دىگەننى كۆرۇپ     ئەرۋايىم ئۇچتى  . خاپا بولمىسىلا    تۇلۇق يېزىپ  خەۋەر قىلۋەتسىلە    ،

ghalibjan

	ئاۋازغا  ئېپ يوللىماي ، ئۇقۇسا  قوقماي كۈلۈپ كىتىدىكەن ئادەم

mahatjan

	داۋامىنى يېزىپ  خەۋەر قىلۋەتسىلە،تولوق ئوقوپ ئاندەىن ئىنكاس يازاي.

mahatjan

	داۋامىنى يېزىپ  خەۋەر قىلۋەتسىلە،تولوق ئوقوپ ئاندەىن ئىنكاس يازاي.

altun-xamxar

	قىنى داۋامى ئەمدى....

ئالىنۇر

	تۈگەپ كەتتى