مۇبارەك ۋە مۇرسىنىڭ سوت ھىكايىسى

janpolat2015

	مۇبارەك ۋە مۇرسىنىڭ سوت ھىكايىسى ئاپتورى: ئەنەس زەكىي (قاھىرە) تەرجىمىدە: جان پولات خەلق ئىنقىلابى بىلەن ۋەزىپىسىدىن قالدۇرۇلغان سابىق پرېزىدېنت ھۆسنى مۇبارەك بىلەن ھەربىي ئۆزگىرىش ئارقىلىق ۋەزىپىسىدىن چۈشۈرۈۋېتىلگەن خەلق سايلىغان تۇنجى پرېزىدېنت مۇھەممەد مۇرسىنىڭ سوتلىنىشى ئارىسىدا نۇرغۇن پەرىقلەر مەۋجۇت. مىسىر ئىككى يىلدىن قىسقا ۋاقىت ئىچىدە شەكلى جەھەتتە ئوخشاش ئەمما مەنا جەھەتتە ئوخشاش بولمىغان ئىككى ۋەقەنى باشتىن كەچۈردى. ئۇ ئىككىسى بولسا-سابىق پرېزىدېنت ھۆسنى مۇبارەكنىڭ خەلق ئىنقىلابى بىلەن ئاغدۇرۇلغاندىن كېيىنكى مەھكىمە ئالدىدىكى كۆرۈنىشى، يەنە بىرى پرېزىدېنت مۇھەممەد مۇرسىينىڭ ھەربىي ئۆزگىرىش بىلەن ھۇقۇقىدىن ئايرىلغاندىن كېيىنكى مەھكىمە ئالدىدىكى كۆرۈنىشى. بۇ ئىككى پرىزدېنتنىڭ ۋەقەلىكى كۆرۈنۈشتە ئوخشاشتەك قىلسىمۇ ئەمما بۇ ئىككى سوت ئارىسىدىكى ئوچۇق پەرقلەر ھەممىنى ئەمەلىيەتتە ئوتتۇرغا چىقاردى. بۇ پەرقلەر دەسلەپ ئاغدۇرۇلغاندىن كېيىنلا كۆرۈلۈشكە باشلانغان بولۇپ بىز بۇنى ئورۇن ، شارائىت، چەكلەش ئۇسۇللىرى، ئاخباراتلارنىڭ بۇ ھەقتىكى مۇئامىلە قىلىشى، ئەيىبلىگۈچىلەر، سوتچىلار، داۋاگەرلەر ۋە ئاقلىغۇچىلار سوت مەيدانىغا كېلىشنىڭ ئالدىدا مىسىر كوچىلىرىنىڭ مەھكىمە بىلەن بولغان سۈركىلىشلىرى ۋە سىرىتتىكى نامايىشچىلارنىڭ سانلىرى قاتارلىق تەرەپلەردىن ئوچۇقلا كۆرىۋالالايمىز. 2011-يىلى ئاۋغۇستنىڭ باشلىرىدا مۇبارەك سىينانىڭ جەنۇبىدىكى شەرەم شەيىختىكى دوختۇرخانىدىن مەھكىمىگە كېلىپ كېسەل كارۋىتى ئۈستىدە سوزۇلۇپ ياتقان ھالەتتە مەھكىمە قارشىسىدا پەيدا بولدى. مۇبارەك شۇ يىلى 25-يانۋاردا پارتىلىغان خەلق ئىنقىلابى بېسىمى ئاستىدا ھاكىمىيەتتىن يىراقلاشتۇرۇلغاندىن كېيىن شەرەم شەيختىكى دوختۇرخانىدا بىر قانچە ئاي تۇرغان ئىدى. مۇرسى2013-يىلى نويابىرنىڭ باشلىرىدا ئارمىيە تەرەپتىن ساناقلىق كىشىلەرلا بىلىدىغان تۇتۇپ تۇرۇلۇۋاتقان نامەلۇم بىر جايدىن كاستىيوم-بۇرۇلكا كىيگەن ھالەتتە مەھكىمە قارشىسىغا كەلتۈرۈلدى. مۇرسى شۇ يىلى  3-ئىيۇلدا ئۆزى بىر قوللۇق ۋەزىپىگە تەيىنلىگەن مۇداپىئە مىنىستىرى ئابدۇلفەتتاھ سىيسى قوزغىغان ھەربىي ئۆزگىرىش نەتىجىسىدە ھۇقۇقىدىن چۈشۈرۈۋېتىلگەن بولۇپ، ئارمىيە تەرىپىدىن تۇتۇپ كېتىلگەندىن كېيىن ئۇنىڭ بىلەن ئائىلىسى ، ئادۋوكاتلىرى ۋە قوللىغۇچىلىرىنىڭ ئارىسىدىكى ئالاقە ئۈزۈۋېتىلگەن ئىدى. كىشىلەر ئۇنى«ئەسىرگە چۈشكەن پرېزىدېنت» ئاتىشاتتى. كۆز ئەينەك ۋە كاستىيوم بىرىنچى سوتتا (مۇبارەكنىڭ سوتىدا) مۇبارەك كېسەل كارۋىتىدا يېتىپ قارا كۆز ئەينەك تاقاپ پەيدا بولدى، ئۇنىڭ قوللىغۇچىلىرى ۋە شىرىكلىرى مەھبۇس قەپىسىدە ئۇنىڭ بىلەن كارى بولمىغان ئىدى. ئەمما ئىككىنچى سوتتا (مۇرسىينىڭ سوتىدا) مۇرسى مەھكىمىگە يىتىپ كېلىشى بىلەن ھەممىنى ھەيران قالدۇرۇۋەتتى. ئۇ پرېزىدېنت ۋاقتىدىكىگە ئوخشاش كاستىيوم-بۇرۇلكا كىيىۋالغان ئىدى، ئۇ قىزغىنلىق بىلەن قارشى ئالغان قوللىغۇچىلىرى بىلەن سالاملىشىشتىن بۇرۇن ماشىنىدىن چۈشكەن ۋاقىتتا قىياپىتىنى ئوڭشاپ سوتقا كىردى. مۇرسىنىڭ قوللىغۇچىلىرى( مۇسۇلمان قېرىنداشلارنىڭ سوت مەيدانىغا كەلتۈرۈلگەن چوڭ رەھبەرلىرى) ئۇنى «رابىئە» تۆت بارماق ئىشارىتى بىلەن قىزغىن قارشى ئالدى ۋە بۇ سوتنى ۋە مەھكىمىنى ئېتىراپ قىلمايدىغانلىقىنى ، ئۇنىڭغا قارشى ئىكەنلىكى ئىپادىلەش مەقستىدە ھەممىسى سوت ھەيئىتىگە ئارقىسىنى قىلىۋالغان ئىدى. بىرىنچى سوتتا مۇبارەك ، قوللىغۇچىلىرى ۋە ئوغۇللىرى ئاق مەھبۇسلار كىيىمى كىيىپ سوت مەيدانىغا كىرگەن، ئىككىنچى سوتتا مۇرسى ئەيىپلەنگۈچىلەر تۇرىدىغان تۆمۈر قەپەستە مەھكىمىنىڭ مەھبۇسلار كىيىمى كىيىش تەلىپىنى رەت قىلىپ، ئۆزىنىڭ مىسىرنىڭ خەلق سايلىغان قانۇنلۇق رەئىسى ئىكەنلىكىنى ئېيىتپ، باش سوتچىغا:«مەن سېنىڭ قانۇنلۇق پرېزىدېنتىڭ! سەن ئىناۋەتسىز» دەپ ئۆزىنىڭ نورمال كاستىيوم-بۇرۇلكىسى بىلەن تۇردى. سىياسىي تەتقىقاتچى خالىد رەييانىنىڭ قارىشىچە، مۇبارەك ۋە ئۇنىڭ ئىچكى ئىشلار مىنىستىرى ھەبىب ئادىلى سوتنىڭ تىنچلىقىغا مەسئۇل ساقچىلارنىڭ خەلقنىڭ ئەسكىرى ئورگانغا تەۋە پرىزدىنتقا (مۇبارەككە) قارشى ئىنقىلاب قىلىشىنى خالىمايدىغانلىقىنى ئىپادىلەپ بەرگەن ھەربىي سالاملىرى بىلەن قىزغىن قارشى ئېلىشقا ئېرىشكەن. ئەمما مۇرسى ساقچىلار ۋە سوتتىكى رەھبەرلەر خەلق تەرىپىدىن سايلانغان بۇ كىشىنىڭ پرېزىدېنت بولۇشىغا ئىچىدىن قارشى بولغانلىقى ئۈچۈن بۇنداق سالامغا ئېرىشمىدى، ئەمما سوت مەھكىمىسنىڭ سىرتىدىكى ۋە قاھىرەدىكى چوڭ مەيدانلاردىكى مۇرسىنى قوللاپ نامايىش قىلغۇچىلارنىڭ سانلىرىدىن ۋەزىيەتنى تەسەۋۋۇر قىلالايمىز. ئاكتىپلىق ۋە بوشاڭلىق بىرىنچى سوتتا سوت ئەھۋالى نەخ مەيدان تارقىتىلغان ۋە بۇنى بىر قانچە تېلېۋىزىيە ئىستانسىلىرى دۇنيانىڭ ھەممە جايلىرىدا ئۇلاپ تارقاتقان. ئەمما ئىككىنچى سوتتا سوت ئەھۋالى سىنغا ئېلىنغان بىراق يەرلىك تېلېۋىزىيە قانىلى ئۇنىڭ بىر قانچە ئۈزۈندىسىنىلا تارقاتتى. مۇرسىنىڭ قوللىغۇچىلىرى بۇنى ھۆكۈمەت مۇرسىنىڭ ھەربىي ئۆزگىرىش قىلغۇچىلارنىڭ رەسۋاچىلىقنى ئاشكارىلىۋېتىشىدىن ئەنسىرىگەن دەپ قاراپ بۇنى «ھۆكۈمەتنىڭ قورقۇنچاقلىقى» دەپ ئېتىبارغا ئالدى. بىرىنچى سوتتا مۇبارەكنىڭ باش سوتچىنىڭ سۇئاللىرىغا قىسقىچە جاۋاب بەرگەندىن باشقا ئاۋازى ئاڭلانمىغان ئىدى، ئىككىنچى سوتتا بىر قانچە سۈرەتلەر ۋە مۇرسىينىڭ سوت ھەيئىتىنىڭ سۇئاللىرىغا جاۋاب بېرىشنى رەت قىلىپ، ئۆزىنىڭ زالىم ھەربىي ئۆزگىرىشكە قارشى مىسىرنىڭ قانۇنلۇق پرېزىدېنتى ئىكەنلىكىنى جاكارلاپ ئۇلارنى گاڭگىرتىپ قويغانلىقىدىن ئىبارەت بىر قانچە كۆرۈنۈشلەرلا تارقىتىلدى. «مىسىرلىقلار» تورىنىڭ سوتقا قاتناشقان دائىرىلەردىن نەقىل قىلىشچە؛ «مۇرسى سوت مەيدانىدا مۇداپىئە مىنىستىرى سىيسىنى ۋە ئىچكى ئىشلار مىنىستىرى مۇھەممەد ئىبراھىمنى ۋەزىپىسىدىن قالدۇرۇش ھەققىدە پرېزىدېنت قارارنامىسى چىقارغان». بىرىنچى سوتقا مۇبارەكنى قوللىغۇچى ئون نەچچە ئادۋۇكاتلار قاتناشقان ۋە پۈتۈنلەي ئەركىن سۆز قىلغان. ئىككىنچى سوتتا مۇرسى ۋە ئۇنىڭ قوللىغۇچىلىرىنىڭ ئەيىبلىگۈچى ئادۋۇكاتلارنىڭ ئەكسىچە سوتقا قاتنىشىش ئۈچۈن تەكلىپى قوبۇل قىلىنمىغان. مۇبارەك  ئىچكى ئىشلار مىنىستىرى ۋە ساقچى باشلىقلىرى بىلەن بىرگە يانۋار ئىنقىلابىدا يۈزلىگەن نامايىشچىلارنى ئۆلتۈرگەنلىكىگە قارىتا سوتلانغان. مۇرسى بولسا ئىچكى ئىشلار مىنىستىرى ياكى ساقچى باشلىقلىرىمۇ بولماستىن يالغۇز،پرېزىدېنت سارىيى ئالدىدا ئۆزى تەۋە بولغان مۇسۇلمان قېرىنداشلار جامائىتى قوللىغۇچىلىرىدىن 10 نەچچە كىشى ئۆلگەن ۋە نامايىشچىلاردىن2 كىشى ئۆلگەن ۋەقەگە قارىتا سوتقا تارتىلدى. ئون نەچچە ۋە مىڭلارچە ئىككى سوتتىكى كۆرۈنۈشلەرنىڭ ئەكسىچە ئىكەنلىكى سوت زالىنىڭ ئىچىدىن مەھكىمىنىڭ سىرتىغىچە پەرقلىق بولۇپ، مۇبارەكنى سوتلىغاندا نورمال بىر قانچە تىنچلىق ئىجرا قىلغۇچىلارلا قاتناشقان. مۇرسىنى سوتلىغاندا سوتنىڭ تىنچلىقى ساقلاش ۋە سىرىتتا مۇرسىنى قوللىغۇچى نامايىشچىلار توپىدىن ئەنسىرەپ بۇ قېتىملىق سوت جەريانىدا 20 مىڭدىن كۆپ ئەسكەر، 10 نەچچىلىگەن برونىۋىك ماشىنىلار، ھەتتا تىك ئۇچار ئايرۇپىلانلار تەييار تۇرغان. مۇبارەكنىڭ بىرىنچى سوتىدا ئۇنى قوللىغۇچى 10 نەچچىلىگەن كىشىلەر مەھكىمە سىرتىدا ئۇنى قوللاپ شۇئار توۋلىغان بولسا، دەل شۇ ۋاقىتتا يەنە تەھرىر مەيدانى قاتارلىق بىر قانچە مەيدانلاردا ئۇنى جازالاشنى تەلەپ قىلىپ مىڭلارچە كىشىلەر توپلاشقان ئىدى. ئەمما مۇرسىنىڭ سوتىدا سوت مەيدانىنىڭ سىرتىدىكى قانۇنسىز سوتقا قارشى نامايىشچىلار توپى ۋە قاھىرەدىكى ئاساسلىق مەيدانلاردا ئۇنى ۋە ئۇنىڭ قانۇنىيلىقىنى قوللاپ نامايىش قىلىۋاتقان ئادەملەر توپى ھاسىل بولدى. نەتىجىدە ئىككى سوتتىكى ئەمەلىيەت ۋە كۆرۈنۈشلەردىن كىمنىڭ مىسىر خەلقىنىڭ قەلبىدىن ئورۇن ئالغانلىقى ، كىمنىڭ خەلق تەرىپىدىن خالانمايدىغانلىقى ئوتتۇرغا چىقتى. يەنە شۇنىڭغا ئىشارەت قىلىش زۆرۈركى، مۇبارەكنى سوتلىغان سوتچى ھاكىمىيەت بېشىدىكى پارتىيەنىڭ تەرەپدارى. مۇرسىنى سوتلىغان سوتچى بولسا 2012-يىلىدىكى پرېزىدېنتلىق سايلىمىدا مۇرسى بىلەن سايلامدا رىقابەتلىشىپ، يېڭىلىپ قالغان ئەھمەد شەفىقنى بىر قانچە جىنايەتلەردىن ئاقلىغان كىشىدۇر. مەنبە: ئەلجەزىرە تورى ئوكيان تورىدىن ئېلىندى

lawa0998

	دۇنيانىڭ ھەر قايسى قۇتۇپلىرىدا ھەققانىيەتچىلەرنىڭ ياقىسى كۆپۈنچە نامەرتلەرنىڭ قولىدا بولماقتا..... ھەققەنىيەتنىڭ بۇ خىل غېرىپلىقى دۇنيا تەرتىۋىنىڭ قايتا ئورنىتىلىشىنى جىددى ئېھتىياج قىلماقتا......

mostafa

	lawa0998 يوللىغان ۋاقتى  2013-11-6 08:12 PM دۇنيانىڭ ھەر قايسى قۇتۇپلىرىدا ھەققانىيەتچىلەرنىڭ يا ... تۇغرا دەيسىز، قەيەرگە قارسىڭىز ھەققانىيەت يۇق، ھازىر ئاخبارات مۇشۇ نامەرت ئىپلاسلارنىڭ قۇلىدا بۇلغاچ ھەقنى ناھەق قىلىپ تەشۋىق قىلماقتا

ئەرتۇرا

	lawa0998 يوللىغان ۋاقتى  2013-11-6 08:12 PM دۇنيانىڭ ھەر قايسى قۇتۇپلىرىدا ھەققانىيەتچىلەرنىڭ يا ... راست دەيسىز قېرىندىشىم!  نىمە ئۈچۈن بىز مۇسۇلمانلار ناھەقچىلىككە كۆپ ئۇچرايدىغاندىمىز! ......دەيمەن!؟

kamalkam

	بىر ئۇيغۇرلاردىن لۇشۈندەك بىرەرى چىقىپ ئا كىيۇچە رۇھى غالىپلىق، تەلۋىلىك، ئۆز پۇتىمىزغا پالتا چېپىش ...  رۇھىىزنى ئېچىپ تاشلىسا ئەتىسىلا ئۇنىڭ قارنىنى چۇۋۇپ تاشلايمىزغۇ دەيمەن... بىچارە قېرىنداشلىرىم، مۇرسى بىلەن نىمە ئىشىمىز بىزنىڭ؟  سۇناينى ياغلايدىغان ياغدا كاناينى بى ياغلىشىلى... مۈشۈكنى ھارۋا قاتسا كات تېگىغا سۆرەيدۇ دەيدۇ. زادى ھارۋىنى ئات سۆرىمىسە بىكار...

فەرۇخ917

سەفەر

	ھەقىقەت ئېگىلىدۇ سۇنمايدۇ .......................

ana-yurtum

kapitan2

	مورسى دەل ۋاختىدا ئاغدۇرىۋېتىلمىگەن بولسىدى بىر نەچچە يىلغا قالمايلا مىسىر بىر توپ ئەسەبى لۈكچەكلەرنىڭ ئۇۋىسىغا ئايلىنىپ كەركەن بولار ئىدى!!،بۇ ئوتتۇرا شەرىقنىڭ،جۈملىدىن دۇنيانىڭ قايتا رەتلىنىش مۇساپىسىگە سەلبى تەسىرلەرنى كۆرسىتىدۇ.

0908220

	ھەي  مۇشۇ ناھەقچىلىكنى