كېلەر يىلى دۆلىتىمىزدىكى ئاساسلىق شەھەرلەرنى 4G تورى قاپلايدۇ

baga15

	تۈنۈگۈن دۆلەت خەۋەرلىشىش ئورگىنى دۆلىتىمىزنىڭ تۇنجى 4G تورىغا كىرىش ئىلتىماسىنى تەستىقلىدى . جوڭشىڭ، خۇاۋېي ، سامسۇڭ قاتارلىق شىركەتلەرنىڭ يانفونلىرى تۇنجى تۈركۈمدە 4G تورىغا كىرىش ئىجازەتنامىسىگە ئېرىشتى . 4G تورى ئەمەلىيەتتە تۆتىنچى ئەۋلات خەۋەرلىشىش تېخنىكىسىنىڭ قىسقارتىلىپ ئاتىلىشى .  4G تورىنىڭ ئۆلچىمى تور سۈرئىتى تېخىمۇ تېز ، تورنىڭ كېچىكىش ۋاقتى ناھايىتى قىسقا ، كىرىش ئېغىزى تېخىمۇ ھەرىكەتچان ، مۇلازىمەت سۈپىتى تېخىمۇ ئەلا قاتارلىقلارنى ئۆز ئىچىگە ئالىدىغان بولغاچقا ، ھەقىقىي 4G تورى كىشىلەرنىڭ كۈنسېرى ئېشىپ بېرىۋاتقان يۇقىرى سۈرئەتلىك كۆچمە ئىنتېرنېت تەلىپىنى قاندۇرالايدۇ . ھازىرقى 3G تورىغا سېلىشتۇرغاندا ، 4G تورىنىڭ سۈرئىتى زور تېزلىتىلگەن . ھازىر 4G تورىنىڭ ئەڭ يۇقىرى چۈشۈرۈش سۈرئىتى ھەر سېكونتىغا 100M گە يېتىدۇ . بۇ ئۆلچەملىك 3G تورىنىڭ 10 ھەسسىگە باراۋەر . 4G تورى ئاستىدا ، 2G چوڭلۇقتىكى بىر كىنونى چۈشۈرۈشكە پەقەت بىر نەچچە مقنۇتلا كېتىدۇ . ھازىر 4G تورىنى ئىشلەتكەندە تورنىڭ كېچىكىش ئەھۋالى 0.05 سېكونت بولۇپ 3G تورىنىڭ 1/4 سىگە توغرا كېلىدۇ . سائىتىگە نەچچە يۈز كىلومېتىرلىق سۈرئەت بىلەن يۈرىۋاتقاندىمۇ 4G تورىنىڭ سۈپىتى يەنىلا ناھايىتى ياخشى . ھازىر 4G تورىنىڭ ئاساسلىقى دۆلىتىمىزدىكى TD_LTE ۋە چەتئەلنىڭ FDD-LTE دىن ئىبارەت ئىككى خىل ئۆلچىمى بار . جۇڭگو كۆچمە خەۋەرلىشىش شىركىتىنىڭ بىر قىسىم شەھەرلەردىكى قۇراشتۇرۇپ سىناق قىلغان 4G تورىنىڭ مىسالىدىن قارىغاندا ، ئەمەلىي سىناش جەريانىدا ئەڭ يۇقىرى چۈشۈرۈش سۈرئىتى 100M قا يېتىپ نەزەرىيەدىكى ئەڭ يۇقىرى چەككە يېقىنلاشقان ، ئولتۇراق رايونلاردىكى ئوتتۇرىچە چۈشۈرۈش سۈرئىتى ئوتتۇرا ھىساپ بىلەن 20---30M قىچە بولغان . 4G دەۋىرىدە ، سىنلىق پاراڭلىشىش ، يۇقىرى ئېنىقلىقتىكى تېلېۋىزور ، تور ئويۇنى قاتارلىقلاردا ھازىرقىدەك تور سۈرئىتىنىڭ ئاستا بولۇشى سەۋەپلىك كىشىلەر نورمال ئىشلىتەلمەيدىغان ئەھۋال كۆرۈلمەيدۇ . يانفوندا تورغا چىققۇچىلارمۇ تېخىمۇ تېز بولغان كۆچمە ئىنتېرنېتتىن بەھرىمان بولالايدۇ . مۇتەخەسىسلەرنىڭ چۈشەندۈرىشىچە ، 4G تورىنىڭ كەڭ دائىرىدە ئومۇملىشىشى 4G تورىنىڭ ئورۇنلاشتۇرۇلىشى ۋە ياخشىلىنىشى ، كۆچمە ئۈسكۈنىلەرنىڭ 4G ئۆلچىمىگە لايىق كېلىش-كەلمەسلىكى قاتارلىق كۆپلىگەن ئامىللارغا مۇناسىۋەتلىك . ھازىر جۇڭگو كۆچمە خەۋەرلىشىش شىركىتى 200 مىڭدىن ئارتۇق TD_LTE بېكىتىنىڭ قۇرۇش -ئورۇنلاشتۇرۇش خىزمىتىنى باشلىدى ، بۇ بېكەتلەر دۆلىتىمىزدىكى 300دىن ئارتۇق ئاساسلىق شەھەرلەرگە ئورۇنلاشتۇرۇلغان بولۇپ ، مۆلچەرلىنىشچە 2014-يىلنىڭ ئالدىنقى يېرىمىدا پۈتۈنلەي قۇراشتۇرۇلۇپ بولىدىكەن ، شۇ چاغدا دۆلىتىمىزدىكى ئاساسلىق شەھەرلەرنى 4G تورى قاپلايدىكەن . 4G تورى ناھايىتى ئىلغار بولغاچقا ، بۇ تورنىڭ مۇلازىمەت سۈپىتى زور دەرىجىدە ياخشىلانغان .

mugsirdax

	ياخشىغۇ      ئەمدى  ئويغۇنۇپتۇدە بۇ  كۆچمە  خەۋەرلىشىش  شىركىتى   ...    يەنىلا  بىرلەشمە ياخشى

unix212

	ئالدىغان پۇلى4g نىڭ ،ئەمەلىي سۈرئەت بەك بولسا 3gبولمىسا 2gنىڭ سۈرئىتى .بۇرۇنلا كۈنەپ كەتتۇق.

muttelib

	شۇ 3g تورىدىن جىق پەرقى يوق، سىناپ باققان، سەللىسى يوغان  ئىمان يوق.

sewdaye1

	بىزنىڭ بۇ سەھراغا 2جى تورىمۇ ئاران كىلىۋاتىدۇ،  باشقا يەرلەردە 4جى تورى باشلىنىپ بوپتۇ، نىمە دىگەن ئادالەت ھە تېلفۇندىكى تور سۈرئىتى ئەڭ يۇقىرى بولغاندا 40kb، ئادەتتە نورمال ھىسابلىغاندا 12kb، يىزىمىزدا تېلفۇنلار 100kbسۈرئەتكىمۇ چىقالمايۋاتسا، كۆچمە خەۋەرلىشىش 100مىگابايىت سۈرئەتلىك تور تارقىتارمىش. بۇلارنىڭ قىلمىشى يولداش ماۋزىدوڭ ئوتتۇرغا قويغان بارچە گۈللەر تەكشى ئېچىلىش، ھەممە ئېقىملار بەس-بەستە سايراش دىگەن گېپىگە زىت بوپ قالاي دىدىمۇ يا؟؟؟

-ئۈمىد-

	يەنىلا 2gياخشى بىزلەگە،  ئۇنىڭدىن ئېشىپكەتسە ئشىپكىتىدۇ،

-ئۈمىد-

	راسگەپ قىلسام  2gبىلەن 3gدىگەننى  قانداق ئايرىيمىز.

بانكىر

	ئاساسلىق شەھەر دەپتۇغۇ.

Elem

	تور سۈرئىتى تىز بولغان بىلەن ، تور ئىشلىتىش ھەققى ئەرزان بولمىسا يەنىلا ئومۇمىي جەھەتتىن قارىشى ئېلىنىشقا ئۇچرىشى تەس .

huxqiray

	3G تورىمۇ ئۇمۇملىشىپ بولالمايۋاتسا تاڭ جۇمۇ بۇنىڭ كىلەر يىلى ئۇمۇملىشىشى … بولسا تىزراق ئۇمۇملاشسا بىزلەرگىمۇ ياخشىتى …