روسىيەدىكى ئۇيغۇر پۇتپۇل چولپىنى‹جامالىدىدىن›

impiriya

	ئەسسالامۇ ئەليكۇم مۇنبەر ئەھلى كەمىنە ئىمپىرىيەدىن ھەممىڭلاغا ئوتلۇق سالام! بۇتىما كۆچۈرۇلمە تىما  شۇنداق بولسىمۇ سىلەرگە ئىلىپ كەلدىم،مىللىتىزدىن چىققان پۇتپۇلچى بولغانلىقى ئۈچۇن كۆچۈردۇم. ئەيىپكە بۇيرىمىغايسىلە... چەتئەلدە داڭقى چىققان مەلۇم  بىر چولپاننىڭ ئـۇيـغـۇر ئىكەنلىكى ھەققىدە گەپ تارالسا، بىزدە نېرى-بېرىسىنى سۈرۈشتۈرمەي، پاكىت ئاساسى ئىزدىمەيلا، ‹‹ راست ئـۇيـغـۇر ›› دەپلا قارىغۇلارچە ئىشىنىدىغان ياكى ‹‹ ئـۇيـغـۇر ئەمەس ›› دەپ چورتلا ئىنكار قىلىۋېتىدىغان ئىككى خىل پوزىتسىيە ئوخشاشلا مەۋجۇت بولىۋاتقىلى ئۇزۇن بولدى. ‹‹ زىمىستان قىشتىكى چۈش ›› لېنتىسىى يېڭى تارىلىپ، ھەممەيلەننى ئورتاق جەلپ قىلغان مۇرات ناسىروۋنىڭ ئـۇيـغـۇر ئىكەنلىكى  ھەققىدە گەپ بولۇنغىنىدا، مۇتلەق كۆپ قىسىم مۇزىكا زۇقمەنلىرى ئۇنىڭ ئـۇيـغـۇرلىقىغا ئىشەنمىگەنىدى. 2002-يىللىق دۇنيا پۇتبول لۇڭقىسىدا تـۈركىيە كوماندىسىدىكى داڭدار پۇتبولچى ھەسەن شاش ئـۇيـغـۇركەن دەپ گەپ تارقىلىۋېدى، مۇتلەق كۆپ قىسىم پۇتبول ئەھلى ئۇنىڭ ئـۇيـغـۇرلىقىغا ئىشىنىپ قېلىشقانىدى. ئەمەلىيەت كېيىن مۇرات ناسىروۋنىڭ ئـۇيـغـۇر، ھەسەن شاشنىڭ تـۈركىيە تـۈركلىرىدىن ئىكەنلىكىنى دەلىللەپ بەردى. بۇ بىزدىكى يۇقارىقىدەك پوزىتسىيەنىڭ ئىككى خىل يارقىن كۆرۈنۈشى. نەچچە كۈن ئىلگىرى يەنە تور ۋە ئۈندىدارلاردا روسىيەنىڭ داڭلىق ساينىت پېتېربۇرگ زېنىت كوماندىسىدا توپ تېپىۋاتقان جامالىددىن ئىسىملىك پۇتبولچىنىڭ ئـۇيـغـۇر ئىكەنلىكى ھەققىدە خەۋەر تارالدى. بۇنىڭغا قارىتا، بىر قىسىم سوغوققان قېرىنداشلىرىمىز  خۇددى ئـۇيـغـۇرغا چىمپىيونلۇق، چولپانلىق ياراشمايدىغاندەكلا ‹‹ ئۇ ئـۇيـغـۇر ئەمەس، ئىسمى،چىرايى ئازراقلا ئوخشىغانغا ئـۇيـغـۇر بولامدۇ ؟ئۇزبېك، تاتار، تـۈركمەن بولۇش ئېھتىماللىققا يېقىن  ›› دېگەندەك كەسكىن ھۆكۈملەردە بولۇپ، ئۇنىڭ ئـۇيـغـۇرلىقىنى ئىنكار قىلدى. يەنە بىر قىسىم قېرىنداشلىرىمىز بولسا، ئـۇيـغـۇركەن دەپلا ئىپتىخارلىنىشقا ئالدىرىدى. لېكىن، ئەمەلىي پاكىت شۇنى ئېنىق كۆرسىتىپ بەردىكى، بۇ يىللىق U17ياشلىقلىقلار ياۋرۇپا لوڭقىسىدا چىمپىيون بولغان روسىيە كوماندىسىدىكى جامالىدىدىن ئىسىملىك ماھىر ھەقىقەتەن ئـۇيـغـۇر مىللىتىدىن بولۇپ چىقتى. چۈنكى، ئۇ بۇ مۇسابىقىدە چىمپىيون بولغاندىن كېيىن، روسىيەنىڭ نوپۇزلۇق تاراتقۇسى - ‹‹ سوۋېت تەنتەربىيەسى ›› گېزىتىنىڭ زىيارىتىنى قوبۇل قىلىپ، ئۆزىنىڭ ئـۇيـغـۇر ئىكەنلىكىنى جاكارلىغان.   تـۈركمەنىستاندا تۇغۇلغان جامالددىننىڭ بۇ جاكارسى ئۆزبېكلەرنىڭ ۋىكىپېدىيا قاتارلىق نوپۇزلۇق تور بېكەتلەرگە داپ يۈزلۈك بىلەن يوللىۋالغان ئۇنىڭ ئۆزبېك ھەققىدىكى ماقالىلىرىگە بەرگەن ئەڭ ئەجەللىك دەككە بولدى. سابىق سوۋېت ئىتتىپاقى دائىرىسىدە ياشاۋاتقان ئـۇيـغـۇر چولپانلىرىنىڭ ئىچىدە مۇرات ناسىروۋدىن كېيىن  مىللەتسۆيەرلىكنى باتۇرلۇق بىلەن نەق ۋاقىتتا ئىپادىلىگەن  پەخىرلىك چولپىنىمىزنىڭ  يەنە بىرى  بولۇپ قالدى. مەلۇمكى، بۇ يىل 17-ماي U17ياشلىقلىقلار ياۋرۇپا لوڭقىسى ھەل قىلغۇچ مۇسابىقىسىدە روسىيە كوماندىسى ئىتالىيە كوماندىسىنى يېڭىپ ياۋرۇپا لوڭقىسىنىڭ چىمپىيونى بولدى . تەكىتلىنىشكە تىگىشلىك نۇقتا ،چىمپىيون بولغان روسىيە كوماندىسىدىكى 4-نومۇرلۇق ماھىر جامالىددىن ئۆزىنىڭ كۆرۈنەرلىك ئىپادىسى بىلەن ھەممىنىڭ دىققىتىنى تارتتى ۋە مىللىتىنى چۆرىدىگەن ھالدىكى بەزىبىر  بەس-مۇنازىلەرگە سەۋەبچى بولدى. تاراتقۇلارنىڭ زىيارىتىدىكى ‹‹ مەن ئـۇيـغـۇر›› دېگەن  مەردانە سۆزلىرى ‹‹ نەۋايى ئـۇيـغـۇر دەپ سالغان ئۇقۇغۇچىنى دەررۇ مەكتەپتىن ھەيدەيدىغان ›› ئۆزبېكلەرنىڭ  نوپۇزلۇق تور بېكەتلەردىكى  ‹‹ئۇ ئۆزبېك،  تاشكەنتتە تۇغۇلۇپ تەربىيەلەنگەن ...›› دېگەندەك يالغان-ياۋداقلىرىنى ئاغدۇرۇپ تاشلىدى.     رۇسچە ئىشەنچلىك مەنبەلەرگە ئاساسلانغاندا، بۇ يىگىتنىڭ تولۇق ئىسمى جامالىددىن خوجانىيازوۋ، 1996-يىلى18-ئىيۇل تـۈركمەنىستاننىڭ بايرامئەلى شەھرىدە ئـۇيـغـۇر ئائىلىسىدە تۇغۇلغان.بۇ يىل 1-ئايدا رۇسىيەنىڭ داڭلىق پۇتبول كۇلۇبى ساينىت پېتېربۇرگ زېنىت كوماندىسى بىلەن توختاملاشقان.تېزلا كۆزگە كۆرۈنۈپ، روسىيە 17 ياشلىقلار پۇتبول كوماندىسىنىڭ ئاساسلىق ئەزالىرىنىڭ بىرى بولۇپ قالغان. مەيداندىكى ئورنى ئوتتۇرا بېك، سۈرئىتى تېز ھەم تېخنىكىسى ياخشى.4-نومۇرلۇق كىيىمنى كېيىدۇ. بىز بۇ ئـۇيـغـۇر يىگىتىگە ئاپىرىن ئوقۇيمىز، ئىشلىرىغا نۇسرەت تىلەيمىز، دۇنياۋېي مۇسابىقىلەردە شان-زەپەر قۇچۇپ، ئـۇيـغـۇرنىڭ نامىنى پۇتبول سەھنىسىدە جەۋلان قىلدۇرىشىنى ئۈمىد قىلىمىز. بۇ ئـۇيـغـۇر پۇتبول چولپىنى جامالىددىننىڭ رۇسچە زىيارەت ئەھۋالى ئىكەن .ئادرېس: http://www.sovsport.ru/gazeta/article-item/608836 مەنبە:ئەپەندىم تورى ئەپەندىم تورىدىن پالتاخۇن تەييارلىدى.

zulpukar

	مەيلى كىم،،،  نەدە بولسۇن،،،،  مەن ئۇيغۇر  دىيەلىسىلا...  ئەنە شۇ ئۇيغۇر....

impiriya

	ئاپلو.......  ئالدىراپ كېتىپ  ئىملا خاتالىقىغا دىققەت قىلماپتىمەن ئەمەسما.....كەچۈرۈڭلار  ،،،قېرىنداشلار،،،،،

rahmansaykin

	zulpukar يوللىغان ۋاقتى  2013-11-1 09:46 PM مەيلى كىم،،،  نەدە بولسۇن،،،،  مەن ئۇيغۇر  دىيەلىسىلا... ... مەن كۆرگەن ئەڭ نادىر ئىنكاس !

ئەرتۇرا

	ناھايىتى ياخشى تىما يوللاپسىز! مەن چەتئەللەردىكى ئۇيغۇرقېرىنداشلىرىمىز تۇرمۇشىغا بەك قىزىقىمەن! بۇلۇپمۇ مۇشۇنداق چولپانلىرىمىزغا بەك قىزىقىمەن!  ئاللاھىم ئۇيغۇرۇمنى دۇنياغا تونۇتقۇسى! ........

umidlirim

	ئۇلۇغ ئىش

kapTalis

	بارىكاللا

uyol

	ئىشلىرىغا ئۇتۇق تىلەيمەن

mahatjan

	ئەرتۇرا يوللىغان ۋاقتى  2013-11-1 10:03 PM ناھايىتى ياخشى تىما يوللاپسىز! مەن چەتئەللەردىكى ئۇيغ ... چۈنكى ؛ئىنسانىيەتنىڭ،جۈملىدىن بىر مىللەتنىڭ دۇنياغا تاراتقان ئۇلۇق تۆھپىللىرى شۇ مىللەت ئىچىدىكى بىر شەخىس بىر شەخسنىڭ ئالاھىدە نەتىجىللىرى ئارقىلىق ئىپادىلىندۇ.مۇشۇنداق چولپانلىرىمىزغا بەك قىزىقىمەن!  ئاللاھىم ئۇيغۇرۇمنى دۇنياغا تونۇتقۇسى! ........

lucky-star

	بارىكاللا قېرىندىشىم، ياشاپ كەت، كەلگۈسى سىلەرگە ئوخشاش ئۇتۇق قازانغۇچىلارغا مەنسۈپ.