شىرئەلىجان قاتارلىق ۋاسكىتبولچىلىرىمىز ئۆز-ئارا تىركىشىپ قالدى

waskitbol0903

	2013-يىلى10-ئاينىڭ31-كۈنى كەچ،  شىنجاڭ ھەرەمباغ سودا چەكلىك شىركىتى خوتەن ھەرەمباغ تارماق  شىركىتىنىڭ تەشكىلىشى بىلەن ئۆتكۈزۇلگەن  «خوتەن تۈنجى نۆۋەتلىك ھەرەمباغ لۇڭقىسىنى تالىشىش ۋاسكىتبول تەكلىپ مۇسابىقىسى » خوتەن ۋىلايەتلىك پەن-تىخنىكا مەدىنىيەت-تەنتەربىيە پائالىيەت مەرگىزى ۋاسكىتبول مەيدانىدا داۋاملىق ئىلىپ بىرىلدى.   بۈگۇن خوتەن ۋىلايەتلىك پەن-تىخنىكا مەدىنىيەت-تەنتەربىيە پائالىيەت مەرگىزى ۋاسكىتبول مەيدانى ۋاسكىتبول مەستانىلىرى بىلەن لىق تولغان بۇلۇپ، بۇ قىتىمقى تەكلىپ مۇسابىقىگە ئالاھىدە تەكلىپ قىلىنغان پەخىرلىك ئۇيغۇر ۋاسكىتبول چۇلپانىمىز، جۇڭگۇ دۆلەت ئەرلەر ۋاسكىتبول كوماندىسىنىڭ ئەزاسى، شىنجاڭ گۇاڭخۇي ئەرلەر ۋاسكىتبول كوماندىسىنىڭ غۇللۇق ئەزاسى شىرئەلىجان مۇختەر، شىنجاڭ گۇاڭخۇي ئەرلەر ۋاسكىتبول كوماندىسىنىڭ ئەزاسى مۇرات ئادىلجان،    شىنجاڭ گۇاڭخۇي ئەرلەر ۋاسكىتبول كوماندىسىنىڭ سابىق ئەزاسى،  داڭلىق ئۇيغۇر ۋاسكىتبولچى مەۋلان تۇرسۇن، شىنجاڭ ئۇنۋىرستىتى ئەرلەر ۋاسكىتبول كوماندىسىنىڭ ئوتتۇرا مەيدان ھۇجۇمچىسى خاستىر، شىنجاڭ ئۇنۋىرستىتى ئەرلەر ۋاسكىتبول كوماندىسىنىڭ ئالدى مەيدان ھۇجۇمچىسى تىيىپجان قاتارلىق ۋاسكىتبوچىلىرىمىز مەيدانغا كىرىپ كەلگەندە، مەيداندىكى ۋاسكىتبول مەستانىلىرى پەخىرلىك ئوغلانلىرىمىزنى ئۆزىنىڭ  ئالقىش چاۋاكلىرى بىلەن قىزغىن قارشى ئالدى.   بۈگۈن كەچ ئىلىپ بىرىلغان دائىملىق ئايلانما مۇسابىقە باسقۇچىدىكى بىر مەيدان  مۇسابىقە  خوتەن ھەرەمباغ تىز تاماقخانىسى كوماندىسى بىلەن خوتەن كائىنات ئائىلە ئۈسكۈنىلىرى كوماندىسى ئوتتۇرىسىدا ئىلىپ بىرىلدى.   بۇ مەيدان  مۇسابىقىدە  پەخىرلىك ئۇيغۇر ۋاسكىتبول چۇلپانىمىز، دۆلەت ئەرلەر ۋاسكىتبول كوماندىسىنىڭ ئەزاسى،  شىنجاڭ گۇاڭخۇي ئەرلەر ۋاسكىتبول كوماندىسىنىڭ ئەزاسى  شىرئەلىجان مۇختەر، شىنجاڭ گۇاڭخۇي ئەرلەر ۋاسكىتبول كوماندىسىنىڭ ئەزاسى مۇرات ئادىلجان  خوتەن ھەرەمباغ تاماقخانىسى كوماندىسىىغا ۋاكالىتەن مۇسابىقىگە قاتناشتى،   شىنجاڭ گۇاڭخۇي ئەرلەر ۋاسكىتبول كوماندىسىنىڭ سابىق ئەزاسى،  داڭلىق ئۇيغۇر ۋاسكىتبولچى مەۋلان تۇرسۇن، شىنجاڭ ئۇنۋىرستىتى ئەرلەر ۋاسكىتبول كوماندىسىنىڭ ئوتتۇرا مەيدان ھۇجۇمچىسى خاستىر( قازاق )، شىنجاڭ ئۇنۋىرستىتى ئەرلەر ۋاسكىتبول كوماندىسىنىڭ ئالدى مەيدان ھۇجۇمچىسى تىيىپجان قاتارلىق ۋاسكىتبوچىلىرىمىز،  داڭلىق ئۇيغۇر ۋاسكىتبولچى مەۋلان تۇرسۇن باشچىلىقىدا خوتەن كائىنات ئائىلە ئۈسكۈنىلىرى كوماندىسىىغا ۋاكالىتەن مۇسابىقىگە قاتناشتى.   بۇ مەيدان مۇسابىقىدە پەخىرلىك ۋاسكىتبولچى ئەزمەتلىرىمىز ئۆز-ئارا قاتتىق تىركىشىپ، ئۆزلىرىنىڭ يۇقۇرى سەۋىيەدىكى ماھارەتلىرىنى نامايەن قىلىپ، نەخ مەيداندىكى ۋاسكىتبول مەستانىلىرىنى قاتتىق ھاياجانغا سالدى. ئاخىرىدا پەخىرلىك ئوغلانلىرىمىزدىن شىرئەلىجان مۇختەر، مۇرات ئادىلجان، خوتەن دىيارىدىكى كۆزگە كۈرۇنگەن ۋاسكىتبولچىلاردىن قەييۇم ( كومپاس )، زۇلپىقار قاتارلىقلاردىن تەشكىللەنگەن خوتەن ھەرەمباغ تاماقخانىسى كوماندىسى 91-81 نەتىجە بىلەن  داڭلىق ئۇيغۇر ۋاسكىتبولچى مەۋلان تۇرسۇن باشچىلىقىدىكى خوتەن كائىنات ئائىلە ئۈسكۈنىلىرى كوماندىسىنى مەغلۇپ قىلدى.   شىرئەلىجان قاتارلىق پەخىرلىك ۋاسكىتبول چۇلپانلىرىنىڭ بۇ قىتىمقى ئەلئارا تەكلىپ مۇسابىقىسىگە قاتنىشىشى بىلەن بۈگۇنكى مۇسابىقىنىڭ سەۋىيەسى ئالاھىدە يۇقۇرى بۇلۇپ، cba بىرلەشمە مۇسابىقىسىدىن قالسا  دىيارىمىزدا ئىلىپ بىرىلغان ئەڭ يۇقۇرى سەۋىيەلىك مۇسابىقە دەپ قارالدى.   11-ئاينىڭ 1-كۈنى كەچ، «خوتەن تۈنجى نۆۋەتلىك ھەرەمباغ لۇڭقىسىنى تالىشىش ۋاسكىتبول تەكلىپ مۇسابىقىسى » نىڭ ھەل قىلغۇچ ۋە يىرىم ھەل قىلغۇچ مۇسابىقىسى ئىلىپ بىرىلىدىكەن.

YAZR

	ھەي نەق مەيداندا  بولسام بىر چاڭ كۈرەتتىمكە بۇ مۇسابىقىنى

dengizburkuti

	نەق مەيدان رەسىمدىن بىرنەچچە پارچە يوللىۋەتكەن بولسڭىز تېخمۇ ياخشى بۇلۇپ كېتەركەن

XIKASTA9098

	ھەي بۇ مۇسابىقىنى كۆرەلمىدىم.ئەپسۇس!

zokra

	مۇنداق گەپمىتى  بۇ  ،،تىركىشىپ  قالدى دىسە  مەن  باشقىچە چۈشىنىپ  قاپتىمەن ..

@zulyha@

	ئەسلى بۇ تىركىشش مۇسابىقە مەيدانىدىكى ئۆز-ئارا بىر-بىرىگە قارشى مۇسابىقە ئىكەندە.مەن بۇ تىركىششىنى باشقىچە چۇشىنىپ قاپتىمەن.

uyol

	كۈرەلمىگەنلىكىمدىن ئەپسۇسلاندىم...........ماندا رەسىم بولىسمۇ يوللاپ قويلى دەيمەن!

qayan0999

	بۇرۇن مەن تولۇقسىز مەكتەپتە ئوقۇيدىغان چاغلاردا بىز تەرەپلەردىمۇ يىزا ۋە ناھيەلەردىكى مەكتەپلەر ۋە يىزىدىكى دېھقان چارۋىچىارنىڭ مۇسابىقىسى ئۆتكۈزۈلىدىغان ،شۇنداق قىززىيىتتى ئۇ مۇسابىقىلەر،شۇ چاغلاردا ۋاسكىتبول ئويناشقا قىزىقىپ قالغانمەن ،ئەپسۇس ھازىر ئۇ ئوقۇتقۇچىلار مۇقۇملىقنى ساقلاشتىن باش كۆتۈرەلمەيدۇ....

okyan

	كۆرمەپتىمىزدە.

HEAT

	شىرىمىز  ھازىر داڭقى ئالامەت چىقىپ كەتتى ،،،،،،پۈتۈن جۇڭگودىكى ۋاسكىتبول مەستانىلىرىدىن شىرئەلنى  تۇنۇمسەن ~~~دىسە   98% مەستانە  تۇنۇيدىغانلىقى ئىسپاتلاندى،،،، شىرىمىزنىڭ شىنلاڭ مىكرو بىلۇگىدىكى پەقەت تۇردىكى مەستانىسىلا 1مىليوندىن ئاشقان.... تېخى ھىچقانداق بىر داڭلىق ئۇيغۇرنىڭ تۇردىكى مەستانىسى ئۇنداق ئىشىپ باقمىغان... مەسلەن ،..،گۈلنەزەرنىڭ تۇردىكى مەستانىسى 650مىڭ داڭلىىق رىياسەتچى نىغمەتنىڭ بولسا 960مىڭ ئۇيغۇر پۇتبول مەستانلىرىنىڭ مەبودى بارىنىڭ بولسا  16مىڭ ئىكەن مانا بۇ بىزنىڭ داڭلىق ۋاسكىتبول ماھىرىمىز شىرمىزنىڭ مىكرو بىلۇگ ئادىرسى : سىزمۇ شىرىمىزنىڭ مەستانسى بۇلىۋىلىڭ : قىنى~~~~ http://www.weibo.com/xirelijiang