ئالتۇن بىلەن تېگەشكۈسىز ھېكمەتلەر

سائەت

	1.تىل دىلغا باغلىق ،دوستلۇق ۋىجدانغا باغلىق .          2.دوستۇڭنى بىرلا ئالدايسەن ،ئۆمۈرلۈك زىيان ئۆزۈڭگە.          3.باتۇرلۇق مەيداندا بىلىنەر ،پاراسەت تېرىككەندە بىلىنەر ، دوست نامراتلىقتا بىلىنەر .          4.دوستۇڭغا جاپا قىلما ، دۈشمىنىڭگە ۋاپا قىلما.          5.دوستۇڭنى شاد قىل ،دۈشمىنىڭنى مات قىل .          6.دۈشمەننىڭ ئىززىتىنى قىلغۇچە ،دوستۇڭنىڭ خىزمىتىنى قىل .          7.دوستۇڭنى ئاياشنى بىل ،دۈشمىنىڭنى ساۋاشنى بىل .          8.دوستلار ئارا ئاداۋەت ،دۈشمەن ئۈچۈن تاپاۋەت .          9.ياتنىڭ مېھمانخانىسىدىن  دوستۇڭنىڭ سامانخانىسى ياخشى .          10.ئەينەك سۇنسا ئۇلىغىلى بولماس ،كۆڭۈل رەنجىسە ئالغىلى بولماس.          10.دوستۇڭنىڭ كۆپ بولۇشىدىن قورقما ،ۋاپاسىز بولۇشىدىن قورۇق .          11. نەرسىنىڭ يېڭىسى ياخشى ،دوستنىڭ كونىسى ياخشى .          12.دوستۇڭ ھومايسا كۈلۈپ قوي ،دۈشمىنىڭ ھومايسا بىلىپ قوي .          13.دوستۇڭغا قاپاق تۈرگىچە ،دۈشمىنىڭگە مۇشتۇڭنى تۈگ.          14.ئىناق بولساڭ يىقىلمايسەن ،يالغۇز بولساڭ قوپالمايسەن .          15.ناشتىلىققا سەل قارىما ئۆمرۈڭنى دەپ ،          دوستلۇرۇڭدىن ۋاز كەچمىگىن نەپسىڭنى دەپ .          16.دوستۇڭ بىلەن يولداش بول،ھەر ئىشىغا قولداش بول .          17.بۇلبۇل__گۈل بار يەردە بولۇر ،          ھۆرمەت __دوست بار يەردە بولۇر .          18. سىرىڭنى دەي دېسەڭ  ، سىنالغان دوستۇڭغا دە .          19. دوستۇم دېسەڭ كىشىنى ،بىلىپ باققىن ئىشىنى .          20.دوستۇڭ ساڭا سۇ بەرسە ،سەن ئۇنىڭغا ھەسەل بەر .          21. ھېسابلىق دوست ئايرىلماس .          22.دوست چىللىسا قالما ،دۈشمەن چىللىسا بارما .          23.يالغۇز ياغاچ ئۆي بولماس ،          يالغۇز يىگىت بەگ بولماس .          24.دوستى بار ئەدەمنىڭ يولى خۇددى يايلاقتەك كەڭ بولۇر ،          دوستى يوق ئەدەمنىڭ يولى خۇددى ئالىقاندەك تار بولۇر .          25.ئون سەر ئالتۇنۇڭ بولغاندىن ،بىر قەدىناس دوستۇڭ بولسۇن .          26.يوپۇرماقسىز دەرەخنىڭ سايىسى بولماس ،          دوستسىز ھاياتنىڭ لەززىتى بولماس .          27.مەيدە ئاغرىتقان ئاش ئەمەس ،          كۆڭۈل ئاغرىتقان دوست ئەمەس .          28.سەن بىلەن تەڭ كۈلگەن ئادەمنى ئۇنتۇپ قالساڭمۇ ،سەن بىلەن تەڭ          يىغلىغان ئادەمنى ئۇنتۇپ قالما .          29. بىر تامچە سۇ دېڭىز بولالماس .          30. دوستقا ئىناق بول ،دۈشمەنگە يىراق بول          1.يېشىمىزنىڭ چوڭىيىشىغا ئەگىشىپ，دوستلىرىمىز ئازىيىپ كەتمەيدۇ.بىز پەقەت كىم-كىملەرنىڭ ھەقىقىي دوستىمىز ئىكەنلىكىنى بىلىپ يىتىمىزخالاس……          2.تۇرمۇش دىگەن بەسلىشىش .…باش ئەگدۈرۈش.…ئۈستۈنلۈكنى تالىشىش…نوچىلىق بولماستىن بەلكى… ئوزئارا يول قويۇش بىر بىرىنى چۈشۈنۈش.…ئۆزئارا ھەقنى تەۋسىيە قىلىش...ئۆزئارا سەبىر نى تەۋسىيە قىلىش قاتارلىقلاردۇر ...          3.ھايۋاندىن ئىنسانغا ئايلانغان يوقتۇر. ئىنساندىن ھايۋانغا ئايلانغان جىقتۇر .          4.‏ھەرقېتىم كۆڭلىڭىز قاتتىق يېرىم بولۇپ ئۈمىدسىزلەنگىنىڭىزدە ئۆزىڭىزدىنمۇ ‏ناچار كۈنگە قالغانلارنى ئويلاپ شۈكرى ئاللاھ دەپ بىر چوڭقۇر تىنىۋىتىڭ يىنىكلەپ قالىسىز  ،ھەرۋاقىت شۇ نەرسە سەمىڭىزدە بولسۇنكى ،بەك غادايماڭ،بۇ كۈنلەرمۇ ئۆتۈپ كېتىدۇ.بەك ئۈمىدسىزلەنمەڭ،مۇشۇ كۈنلەرمۇ ئۆتۈپ كېتىدۇ!          ھەربىر ئىشتا ئاللاھنىڭ بىر ھىكمىتى بولىدۇ بۇنى بىلسىڭىز ۋايساشنىڭ ئىسىتنىڭ ھاجىتى قالمايدۇ ... نۇرغۇن ئىنسانلارئاللاھنىڭ نېئمىتىنى   يەپ تۇرۇپ ئىچىپ تۇرۇپ يەنىلا شۈكۈر قانائەت قىلماي پەرىشان يۈرىدۇ مانا بۇنىڭغا توۋا دەپ ياقىڭىزنى چىشلىسىڭىز بولىدۇ          5.‏سىزبىرسىگە ياخشىلى قىلغىنىڭىزدا مەن ئۇنىڭغا ياخشىلىق قىلىۋاتىمەن دىمەستىن  ئۇ مېنىڭ ساۋاپقا ئېرىشىپ جەننەتكە كىرىشىمگە  پۇرسەت  يارىتىپ بېرىۋاتىدۇ دەپ ئويلاڭ -دە ئۇنىڭغا رەھمەت ئېيتىش يۈزىسىدىن تېخىمۇ كۆپلەپ ياخشىلىق قىلىڭ.    غەيۋەت شىكايەتتىن يىراق  سىزگە چىن نەسىھەت قىلغۇچى سالىھ بىر  دوستىڭىزنىڭ بارلىقىدىن پەخىرلىنىڭ  ! دوست يىغلىتىپ ئېيتىدۇ دۈشمەن كۈلدۈرۈپ .          ئاخىردا تەۋسىيە قىلدىغىنىم قەلبىڭىزنىڭ ، ئىمانىڭىزنىڭ ساغلام بولشىىغا كۆڭۈل بۆلۈڭ  شۇنداق بولغاندا تېنىڭىز ئۆزلۈكىدىن ساغلام بولىدو[玫瑰][玫瑰]！

سابا

	ئاخىردا تەۋسىيە قىلدىغىنىم قەلبىڭىزنىڭ ، ئىمانىڭىزنىڭ ساغلام بولشىىغا كۆڭۈل بۆلۈڭ،  شۇنداق بولغاندا تېنىڭىز ئۆزلۈكىدىن ساغلام بولىدو.ناھايىتى توغرا دىدىڭىز ، ئاللاھ رەھمەت قىلسۇن .

rahmansaykin

	تاماق يىسە قۇرساق تۇيىدۇ ، ئادەم ئۇسسىغاندا چاي ئىچسە بۇلىدۇ .

karizlik

	rahmansaykin يوللىغان ۋاقتى  2013-11-1 07:39 PM تاماق يىسە قۇرساق تۇيىدۇ ، ئادەم ئۇسسىغاندا چاي ئىچسە  ... بۇ  گىپىڭىز     شاۋيەنزىنىڭ      سۇ   ئىچدۇنى  ئەسلىتىپ قويدى.

qirakpay

	ھەقىقەتەن ئالتۇنغا تىگىشكىسىز ھىكمەتلەرنى تاللاپ يوللاپسىسىز...سىزگە رەخمەت ! مەن كۆپ بەھىر ئالدىم.

komkom2

	rahmansaykin يوللىغان ۋاقتى  2013-11-1 07:39 PM تاماق يىسە قۇرساق تۇيىدۇ ، ئادەم ئۇسسىغاندا چاي ئىچسە  ... ر  مەنمۇ بىر ھېكمەت دەپ بېرەي: ‏ئادەم ئۇسسغاندا چاي ئچسە ئۇسسۇزلۇقنى باسىدۇ،چاي ئچمىسە باسمايدۇ.

mercury

	نىمە  تولا  دۈشمەن  ئۇ   ؟   سىز  ھالال  ،  ئىنسابلىق  ئادەم  بولسىڭىز  ،  باشقىلارنى  ئۆزىڭىزگە  دۈشمەن  ھىسابلىۋالمىسىڭىزلا  دۈشمىنىڭىز  بولمايدۇ   .   ئەگەر   دۈشمىنىڭىز   بولسا   بىلىپ  قىلىڭكى  ،  سىزمۇ   باشقىلارنىڭ  دۈشمىنى  سىز  . شەخسىي  ئىشتا  دۈشمەنلىك  بوپ  قىلىش  نادانلىق  ،   يارىماسلىق  خالاس   .      بۇ  ئىنكاسىم   تىما  ئىگىسىگە   قارىتىلمىدى  ،   پەقەت   بۇ   توغرىسىدا   ئويلىغانلىرىمنى  دىدىم  .   ھەممىمىزنى   ئۆم  ئىناقلىققا  يۈزلىنىشكە   نىسىپ  قىلسۇن   ،   گەپ   ھەر  بىرىمىزگە   باغلىق   .

kokxir

	ئاللاھ ھەممىمىزگە ھىدايەت ئاتا قىلسىلا ھەممە ئىشلا ئۆزلىكىدىن ياخشى بۇلۇپ كىتىتۇ .

kokxir

	راسلا ياخشى ھېكمەتلەكەن، ئاللاھ ھەممىمىزگە ھىدايەت ئاتا قىلسىلا ھەممە ئىشلا ئۆزلىكىدىن ياخشى بۇلۇپ كىتىتۇ .

kokxir

	ئاللاھ ھەممىمىزگە ھىدايەت ئاتا قىلسىلا ھەممە ئىشلا ئۆزلىكىدىن ياخشى بۇلۇپ كىتىتۇ .