سەن تىلىگەن بەخت بۇ

1263318936

	سەن تىلىگەن بەخت بۇ تەسەللى                            سەن تولىمۇ چىرايلىق، بىلىملىك، ئەدەپ ئەخلاقلىق ، لاتاپەتلىك، دىيانەتلىك قىز ئىدىڭ، مەن گەرچە توي قىلغان بولساممۇ ئايال كىشىنىڭ سىنىڭدەك سۆيۈملۈك بولىدىغىننى ھىس قىلمىغان ئىكەنمەن، سەن مەسىلىلەرنى قارشى تەرەپ مەيدانىدا تۇرۇپ ئويلاشقا تولىمۇ ماھىر ئىدىڭ، شۇ سەۋەپتىنمىكىن باشقىلارنىڭ كۆز قارشى ۋە ئوي پىكرىنى توغرا تىپىۋالاتتىڭ، مەن سەندىن قۇسۇر ئىزدىمەكچى بولاتتىميۇ تاپالمايتىم.     سەن مىنىڭ ئىغىر بىسىق، تەمكىن ۋە قابىل ياردەمچىم، ياخشى ھەمراھىم، دىلىمدىن سۆيگەن ئامرىغىم ئىدىڭ، لىكىن بىزنىڭ مۇناسىۋىتىمىز نۇرمال كىشىلىك مۇناسىۋەتتىن ھالقىپ كەتمەيتى، چۈنكى سەنمۇ دائىم ئايالىمنىڭ مەيدانى بىلەن ماڭا تەنبىھ بىرەتتىڭ، مەنمۇ نارىسىدە ئىككى قىزىمنىڭ بەختىنى بىرىنجى ئورۇنغا قوياتتىم.     بارا- بارا بۇ خىل مۇناسىۋەت مىنى تولىمۇ ئويغا سالىدىغان ، شەيتانلىرىم ' ئۆز بەختىڭنى قوغلاشقىن، بالىلار چوڭ بولۇپ قالىدۇ، ئۇنى قولدىن چىقىرىپ قويما " دەپ مىنى كۈشكەرتىدىغان بولىۋالدى، مەن بۇ مەسىلىنى سەندىن ئۈگەنگەن ئادەت بويىچە سىنىڭ مەيدانىڭدا تۇرۇپ ئويلاپ باقتىم، مىنىڭ باللىرىمنى سەن خۇددى مىنى قەدىرلىگەندەك قەدىرلەپ باقالەيسەنكى بىراق باللىرىم ساڭا ئۆز ئانىسىدەك مۇئامىلە قىلالماستىن ئۆچمەنلىك ۋە غەزەپ بىلەن سىنىڭ يۈرىگىڭنى زىدە قىلىدۇ، مەن زىرىكىۋاتقان بىشەم ئايالىم سىنى خاتىرجەم قويمايدۇ.............    مەن سىنىڭ مەن ئۈچۈن ئازاپ تارتىپ قىلىشىڭنى خالىمىدىم، مەن ئۈچۈن سۆز چۆچەكنىڭ ئوبىكتى بولۇپ قىلىشىڭنى خالىمىدىم، شۇ سەۋەپ ساڭا چەكسىز بەخت تىلەپ سەندىن يىراق ، سىنى كۆرمەيدىغان يەرگە سىنى تاشلاپ كىتىپ قالدىم.    مەن سىنى تاشلاپ كەتتىم، بىراق تۇرمۇشۇمدا سەن قالدۇرغان سۆيۈملۈك بىر يوچۇق مىنىڭ ئائىلەمدە ئىتىپ بولغىلى بولماس چوڭ بىر كاۋاكنى پەيدا قىلدى، بۇ بوشلۇق بۇ كاۋاكلىق ئىچىگە ھۆكۈمران بولغىنى سەن ئىدىڭ، بۇ يوچۇقنى باشقىلار مەڭگۈ ئىگەللەپ بولالمايتى.    سەن تۇرمۇشنىڭ مۇھتاجلىق ۋە بىئىلاجلىق كوچىسىدا مۇدرۈپ قوپۇپ، سىنى تاشلاپ كەتكىنىمدىن ئۈمىتسىزلىنىپ ۋە ماڭا قىيداپ سىنى يولىگەن بىرسى بىلەن ئالدىراپ تىنەپلا توي قىلىۋالدىڭ،  سىنىڭ ماڭا ئىيتىپمۇ قويماي قىلغان تويۇڭ ئۈچۈن قانچىلىك ئازاپلانغىنىمنى، ھەسرەت چەككىنىمنى سەن مەڭگۈ بىلمەيتىڭ. بۇرۇن سەندىن قانچىلىك پەخرلەنگەن ئىپتىخارلانغان بولسام بۇ تويۇڭ بىلەن تەڭ سەندىن نەپرەتلىنىشكە ، سىنى ئۇنتۇشقا تىرىشتىم، ئۆزەمنىڭ  قولۇمدىكى ئالمىنى ئەخمەقلەرچە باشقىلارغا ئۆتىنىپ بەرگەن ئەخمەقلىغىمغا ئىچىندىم.    مەن سىنى كوچىدا بىردە مەيۇس، بىردە غەمكىن، بىردە مىسكىن ئۇچرىتىدىغان بولۇپ قالدىم، يۇگرەپ بىرىپ سەندىن سەۋەبىنى سوراپ تەسەللى بەرمەكچى بولاتتىميۇ بىراق سىنى جەمىيەت ئەخلاق ئۆلچىمىنىڭ ۋە پىتنە - پاساتنىڭ بىسىمغا قويماسلىق ئۈچۈن گەپمۇ قىلمايتىم.    ئاياللار زەربىگە ئۇچرىغاندا خىزمەتتە نەتـىجىگە ئىرشەلەيدۇ دىگەندەك سەن بارا- بارا كەسىپتە نەتىجە قازنىشقا باشلىدىڭ، پۇتكۈل ھۇجۇدۇڭنى كەسىپكە بىرىۋەتتىڭ، سىنىڭ قەلبىڭ ھۇجۇدۇڭ ۋە كاللاڭدىن سانلىق مەلۇماتتىن ، چىھرىڭدىن قەيسەرلىكتىن ، قەدىمىڭدىن جىددىلىكتىن باشقىنى كۆرگىلى بولمايتى، مەن سىنىڭ ئۆتمۇشتىكى خۇشخۇي تەبەسسۇم يىغىپ تۇردىغان چىھرىڭنى ئىزلەپ باقتىميۇ تاپالمىدىم.    سەن خىزمەتتە نەتىجە قازانغانسىرى سەن يۆلەنچۈك دەپ تەككەن يولدىشىڭ سىنى ئازاپ ئىسكەنجىسىگە ئىلىپ، سىنى كاماندۇرۇپكا ۋە تۇرلۈك ئۈگىنىشلەرگە ئەۋەتمەيدىغان، ھەتتا خىزمەتداشلىرىڭ ئالدىدا ساڭا يۇز خاتىرە قىلماستىن ھاقارەتلەپ تىللاپ قول تەككۈزىدىغان بولىۋالدى. سەن ئازاپتىن يىرىلساڭمۇ لىۋىڭنى چىشلەپ ئۆتۈپ كىتەتتىڭ.    مەن سىنىڭ بەختىڭنى سىنىڭ چىھرىڭدىن ئىزلەيتىم، لىكىن چىھرىڭدە ئورناپ كەتكەن كۆپكۆپ تاياق ۋە ياش ئىزلىرىدىن باشقا ھىچ نەرسىنى تاپالمايتىم، شۇنداقتىمۇ سەن كىشىلەرگە تۇرمۇشۇڭ توغرىلىق ھىچ نەرسە دىيىشنى خالىمايتىڭ، بالاڭنىڭ دادىسىنى يەنىلا كۆككە كۆتۇرۇپ ئۇنىڭ ئاتالمىش ئىناۋىتىنى، ئائىلەڭنىڭ ئوبرازىنى قوغداش ئۈچۈن تىرشاتتىڭ.    ئۇزاق ئۆتمەي مەن سىنىڭ يۈرەك كىسىلى بىلەن داۋالىنىۋاتقىنىڭنى ئۇقتۇم، سىنى يوقلاپ كىرىش ئىمكانىيىتىمنىڭ يوقلىغىدىن سىنى داۋالىغان دوختۇر بىلەن كۆرۈشۇپ، سىنىڭ  تۇرلۈك ئازاپ ۋە ئائىلە مۇھىتى  سەۋەبىدىن ۋەھىمە(قورقۇش) كىسىلى ۋە   يۈرەك كىسىلىگە گىرىپتار بولغان دەپ ئاڭلاپ خۇددى دوزاققا سەكرىگەندەك ئەندىكىپ كەتتىم. قىنى سىنىڭ قەيسەرلىگىڭ، قىنى سىنىڭ ئەقىللىقلىغىڭ، قىنى سىنىڭ خۇشال كۈلكىلىرىڭ، قىنى سىنىڭ بەختىڭ!!!    مەن ئۆزەمنى تۇتىۋالالمىغان ھالدا ساڭا تۇنجى قىتىم تەسەللى بىرىپ قىسقا ئۇچۇر يوللىسام سەن "سەن تىلىگەن بەخت بۇ"، مىنى يەنە پاراكەندە قىلما"دەپ جاۋاپ ياندۇردۇڭ، مەن بۇ قىسقا ئۇچۇرنى كۆرۈپ خۇددى يۈزۈمگە بىر چىنە سوغۇق سۇنى چىچىۋەتكەندەك ئەندىكتىم.    ئارىدىن نەچچە ئاي ئۆتمەي جامائەتتىن "پەرىزات ئۆلۈپ كىتىپتۇ' دەپ ئاڭلاپ قۇلىغىمغا ئىشەنمەيلا قالدىم، سەن ئۆلۈپ كەتتىڭمۇ ياكى ئۆلىۋالدىڭمۇ ماڭا قاراڭغۇ، بىراق سىنى قارا يەر تىگىگە كۆمىۋاتقىنىمىز ئىنىق، ياق سىنى ئەمەس ئۈز جىنىمنى ئىلىپ كۆمىۋاتقىنىم ئىنىق، ئۈنۈمنى قويىۋىتىپ يىغلىغۇم بار ، بىراق سىنىڭ ئۈچۈن يىغلاش ھوقۇقۇم يوق.    مەن مازاردىن يانغۇچە كىشىلەرنىڭ " يولدىشى تالاغا قاراپ يۈرۈپ تالادىن بىر بالىلىق بولۇپ، ئايالىدىن قۇتىلالماي، ئايالىغا ئۆزىدىكى بۆھتاننى چاپلاپ ھاقارەتلەپتىكەن، ئازاپتا يۈرەك كىسىلى قوزغۇلۇپ ۋاختىدا قۇتقۇزۇلمىغاچقا ئۆلۈپ كىتىپتۇ" دىيىشىۋاتقىنىنى ئاڭلىدىم.   كىشىلەر مازاردىن يىراقلاپ كىتىپ بارىدۇ، مەن ئارقىمغا يىنىپ مازارغا قاراپ كىتىپ بارىمەن، مەن مازار يىنىغا كىلىپ ئولتۇدۇم، ئەتراپىمدا ئىنسى جىن يوق، مىنى زاڭلىق ئىتىدىغان سۆز چۆچەك قىلىدىغان ھىچ كىم يوق، بىزنى ئايرىپ تۇرىدىغان جامائەت پىكرى ۋە ئەخلاق ئۆلچىمى يوق، مەن قەلبىمدىكى سۆزلەرنى ئەركىن -ئازادە دىيەلەيمەن :     پەرىزات مەن سىنى پەقەت  باللىرىمنىڭ ئازاپلىرىنى تارتىپ قالمىسۇن دىگەننىلا ئويلاپ ئۆز بەختىمدىن يەنى سەندىن ۋاز كەچكەن ئىكەنمەن، سىنىڭ ياشىشىڭ ۋە ھاياتىڭ مۇشۇنچىلىكمىدى؟  بىلىمەن بالاڭنى دەپ تۇگىمەس بەدەللەرنى تولەپ ياشىدىڭ، لىكىن كۈن نۇرىنى ئىتەك بىلەن توسۇش مۇمكىنمۇ؟ مانا بۈگۈن يەنىلا شۇ سەن قوغدىغان بالاڭ يولدا قالدىغۇ؟ ئەرزىمەس ئىنسان ئۈچۈن ئازاپلىنىشقا، ئازاپ تۈپەيلى ئۆلۈپ بىرىشكە ئەرزىمتى؟ سەن تىخى ياش ئىدىڭغۇ؟ سەن نىمانچىمۇ ئەخمەق،  يۈرەك كىسىلى قوزغالغاندا قۇتقۇزىۋالماستىن ئۆلىمىڭنى ساقلاپ تۇرغان ئەردىن بالاڭغا نىمە خوۋلۇق كىلەر؟ ئىيىتقىنا پەرىزات مەن تىلىگەن بەخـت مۇشۇنداقمىدى؟

gork@r

	مۇھاببەت دەيدىغان نەرسىنىڭ بارلىقىغا  پەقەت قىز-ئاياللارلا  ئىشنىدۇ،ئەرلەردە بىرلا قىزغا ،بىرلا ئايالغا  چىن ئەقىدە باغلايدىغان ،ئۇنى دەپ قۇربانلىق بېردىغان يۈرەك  يوق ....................

iptihar2014

	ھەي بەختىسز ئايال. بۇنىڭغا نىمىمۇ دەي . دۇنيادا بەختلىك بولدىغان ئاياللار زادى قانچىلىكتۇر. ئۇلار زادى بەختىسز بولۇش ئۈچۈن تۆرەلگەنمىدۇ؟ ئۇلار بەختلىك ياشاشقا ماس كەلمەسمۇ ؟ ياق ئۇلار بەختلىك ياشاشقا ماس كىلەتتى. بىراق شۇم پەلەكنىڭ چاقى تەتۇر ئايلىنىپ كىلىپ ئۇلارنى بەختىسز چۆلگە تاشلىدى. بەخت قۇچاق ئاچىمىدى. بۇ يەردىكى مەسئۇليەت پەقەت ئاياللاردىمىدۇ؟ ياق بۇ يالغۇز ئاياللاردا بولماستىن بەلكى ئۆزنى ئەركەك دەپ مەيدىسگە ئۇرغان كىشلەر؟ قىنى سىلەر ئويلىنىپ بىقىڭلار شۇلارنى بەختىسز قىلغان زادى كىملەر؟

فەرۇخ917

	ئاللا   ئۈزى  بىر يولغا  سالار    شۇلانىڭ بەختى ئۇچۇن دۇئا قىلايلى قېرىنداشلار .

Gvlbargi0999

	بۇ تېمىڭىز كىشىنى ئويلاندۇرىدۇ، بەزىدە تۇرمۇشتا خاتا باسقان بىر قەدەم كىشىنى مۇشۇنداق مەڭگۈلۈك ئازاپقا دۇچار قىلىدۇ.

uyol

	ئەر كىشى بىر قەدەمنى خاتا باسسا،ئۇنى قۇبۇل قىلغىلى بولىدۇ، ئەمما، ئايال كىشى بىر قەدەمنى خاتا بېسىپ قالسا، ئۇنىڭ ئورنىنى ئۆمۈرۋايەت تولدۇرغىلى بولمايدۇ

borhanhoja

	ھىسياتنى ئەقىلنىڭ ئورنىغا دەسسىتىپ ھۈكۈم چىقارسا ھەممنى ئازاپلاپ ئۈزىنىمۇ تۈگەشتۈردىغان گەپ.ئادەمگە ھىسياتىغا تاينىپ چىقارغان ھۈكۈم تولمۇ يوللۇقتەك بىلىنىدۇ.دۇلقۇندەك يۇپۇرلۇپ كەلگەن ھىسيات ئاخىرلىشىپ ئادەم ئەقلىگە قايتىپ كەلگەندە بولسا ئەخمىقانە قارار چىقارغانلىقىنى بايقايدۇ.ئۆز سۆيگۈنىگە ئىرشەلمىگەندە ئۇنىڭغا باتناپلا ئالدىغا كەلگەن بىرى بىلەن تويقىلش بۇنىڭ نەق ئپادىسى بۇ توي قىلغان يولدىشىغىمۇ ئۆزىگىمۇ ئىنتايىن مەسئۇليەتسىزلىك قىلغانلىق بۇلىدۇ بۇۋاقىتتىكى ئەڭ ياخشى ھەركەت ھەركەت قىلماسلىقتۇر.بىرسىنى چىن كۆڭلىڭىزدىن ياخشى كۆرگەن بولسىڭىز يەنە بىر زامانلاردىن كىيىن باشقا بىرنىمۇ شۇنداق ياخشى كۈرۈپ قىلشىڭىز مۇمكىن بۇجاھان ئۇزۇن جاھان.

kuklam1979315

	مەن بۇ مەسىلىنى سەندىن ئۈگەنگەن ئادەت بويىچە سىنىڭ مەيدانىڭدا تۇرۇپ ئويلاپ باقتىم، مىنىڭ باللىرىمنى سەن خۇددى مىنى قەدىرلىگەندەك قەدىرلەپ باقالەيسەنكى بىراق باللىرىم ساڭا ئۆز ئانىسىدەك مۇئامىلە قىلالماستىن ئۆچمەنلىك ۋە غەزەپ بىلەن سىنىڭ يۈرىگىڭنى زىدە قىلىدۇ، مەن زىرىكىۋاتقان بىشەم ئايالىم سىنى خاتىرجەم قويمايدۇ............. بۇ قۇرلارنىڭ ۋەزىنى بەكمۇ ئېغىر!!!!!! بۇلۇپمۇ بىز ئاياللار پەرزەنتلىك بولغاندىن كىيىن باللىرىمىزنى ھەرگىزمۇ  يىتىملىك كۇچىسىغا تاشلىماسلىغىمز لازىم ...ئائىلىنى قوغداش ۋە گۈللەندۈرۈش بىزنىڭ مۇقەددەس بۇرچىمىز!!!

Gvlbargi0999

	gork@r يوللىغان ۋاقتى  2013-10-31 06:01 PM مۇھاببەت دەيدىغان نەرسىنىڭ بارلىقىغا  پەقەت قىز-ئايال ... قېرىندىشىم، سىز سەل ھاياجانلىنىپ قالدىڭىزمۇ قانداق؟ ھەممە ئادەملەر بىربىرىگە ئوخشىمايدۇ، نى-نى ئىسىل يۈرەكلىك ئوغلانلىرىمىز بار تېخى!