قۇرئان ۋە كۈمۈر قارىسى

ziba0996

	ئامېرىكانىڭ كانتاكى ۋىلايىتىدىكى بىر قىشلاقتا بىر مۇسۇلمان كىشى بار بولۇپ نەۋرىسى بىلەن بىرگە ياشايدىكەن . بۇ كىشى ھەر كۈنى سەھەر تۇرۇپ قۇرئان ئوقۇيدىكەن، نەۋرىسىمۇ بوۋىسىغا ئوخشاش بولۇشنى ئۈمىد قىلغاچ ھەر دائىم ئۇنى دوراپ قۇرئان ئوقۇيدىكەن .          كۈنلەرنىڭ بىردە نەۋرىسى بوۋىسىدىن سوراپتۇ : ئەي بوۋا، مەن ھەر كۈن ساڭا ئوخشاش قۇرئان ئوقۇيمەن، ئەمما كۆپىنچە ھېچنېمە چۈشەنمەيمەن، چۈشەنسەممۇ قۇرئاننى ياپقاندىن كېيىن ئۇنتۇپ قالىمەن ، ئۇنداقتا بۇنداق ئوقۇغاننىڭ نېمە پايدىسى ؟ دەپتۇ .          بۇ چاغدا بوۋاي مەشكە كۆمۈر سېلىۋاتقان بولۇپ، نەۋرىسىگە قاراپ مۇنداق دەپتۇ : ماۋۇ كۆمۈر سېۋىتىنى ئېلىپ دەريادىن لىق سۇ تولدۇرۇپ ئەكەل .          نەۋرە بوۋىسىنىڭ دېگىنى بويىچە دەريادىن سېۋەتكە سۇ تولدۇرۇپ مېڭىپتۇ، ئەمما ئازراق ماڭا ماڭمايلا سۇ ئېقىپ تۈگەيدىكەن. بوۋىسى يەنە بۇيرۇپ كېلەر قېتىم تېزرەك ماڭغىن دەپتۇ .          نەۋرە يەنە دەرياغا قايتىپ سېۋەتكە سۇ ئېلىپ تىز يۈگۈرگەن بولسىمۇ بىردەمدىلا سۇ ئېقىپ تۈگەپتۇ .          نەۋرە ئاچچىقلانغان ھالدا بوۋىسىغا : بۇ سېۋەت بىلەن سۇ ئەكېلىش مۇمكىن ئەمەس، ئەڭ ياخشىسى مەن بىر چېلەك ئاپىرىپ سۇ ئەكىلەي دەپتۇ، بوۋاي نەۋرىسىگە : مەن سەندىن بىر چېلەك سۇ تەلەپ قىلمىدىم، بىر سېۋەت سۇ تەلەپ قىلدىم ، سەن قارىغاندا ئوبدان كۈچىمىگەن ئوخشايسەن دەپتۇ .          بوۋاي نەۋرىسىنى ئېلىپ سۇ قىشىغا بېرىپتۇ ، نەۋرىسى بوۋىسىنىڭمۇ سۇنى سېۋەتتە توختىتالمايدىغانلىقىنى بىلسىمۇ ئەمما بوۋىسىغا ئىشنىڭ جەريانىنى كۆرسىتىپ قويۇش ئۈچۈن يەنە بىر قېتىم سۇ ئېلىپ يۈگۈرۈپتۇ، ۋە سۇنىڭ ئېقىپ تۈگىگەنلىكىنى كۆرسىتىپ : كۆردۈڭمۇ؟ سۇ ئېقىپ كەتتى دەپتۇ . قىلغان بۇ ئىشىمنىڭ ھېچ پايدىسى يوق دەپتۇ .          بوۋاي نەۋرىسىگە : راستىنىلا شۇنداق دەپ قارامسەن؟ كەل سېۋەتكە ئوبدان قارا نىمىنى كۆردۈڭ ؟          نەۋرە قاراپ سېۋەتنىڭ بۆلەكچە ئىكەنلىكىنى ، يەنى سېۋەتتىكى كۆمۈر قارىسىنىڭ يوقاپ پاكىزلىنىپ قالغانلىقى كۆرۈپتۇ ۋە ھەيران قاپتۇ .          بوۋاي : مانا بۇ سەن قۇرئان ئوقۇغاندا يۈز بېرىدىغان ئىش، سەن قۇرئاننى تولۇق چۈشەنمەسلىكىڭ مۇمكىن، بەزىسىنى ئۇنتۇپ قېلىشىڭ مۇمكىن، ئىنسان قەلبىمۇ بەزىدە مۇشۇنداق قارىلىشىپ كېتىدۇ، داتلىشىدۇ، لېكىن تەكرار ئوقۇشۇڭنىڭ نەتىجىسىدە ئىچ - ئىچىڭدىن ياخشىلىققا قاراپ ئۆزگىرىۋاتقانلىقىڭنى ھېس قىلىسەن ، خۇددى مۇشۇ سېۋەتتەك دەپتۇ. مەنبە:ھەققانىي ئىسلام مۇنبىرى

mihir

	بوۋاينىڭ نەۋرىسىگە چۈشەندۈرىشى توغرا بوپتۇ .

.tuz.

	ئىنشا ئاللاھ  قېرىندىشىم ، ياخشى تېما ئىلىپ كەپسىز . رەھمەت !

Gvlbargi0999

	بەك ياخشى تېمىكەن رەھمەت!

qaraxani

	مانا بۇ ھەقىقەت...

BUEREZAT

	توغرا،رەھمەت

kariguja

	تېما ئىگىسىگە كۆپ تەشەككۈر  بەك ياخشى تېما ئېلىپ كەپسىز . رەھمەت .

dunya005

	بەك تەسىرلەندىم

MR-omar

	ئۇزۇن  بۇپتىكەن بۇنداق ئىسىل تىما كۆرمىگىلى

0999nazuk

	راستلا قۇرئان كەرىم ئىنساننىڭ دىلىنى يورىتىدۇ. تېمىڭىز ئېسىل ، يەنە بولسا يوللاپ تۇرۇڭ.