بالىلىقتىكى ئارزۇيىڭىز ئەمەلگە ئاشتىمۇ ؟

tasawwur138

	بالىلىق دەۋر-قورامىغا يەتكەن ھەر بىر ئادەم باشتىن كەچۈرىدىغان بىر ئۆتكۈنچى باسقۇچ بولۇپ، ئۇ ئىنسان ھاياتىدىكى ئەڭ غۇبارسىز، ئەڭ ساپ، ئەڭ گۈزەل ۋاقىتلاردۇر. بالىلىق دەۋرىدە ئادەمنىڭ مېجەز خاراكتېرى يېتىلىدۇ، تەدرىجىي ئۆسۈپ يېتىلىپ ئۆسمۈرلۈك، ياشلىق دەۋرىگە يۈزلىنىدۇ.   بالىلار خۇددى پەرىشتىدەك پاك، سەبىي، ئوماق كېلىدۇ، يېڭى شەيئىلەرگە ئەڭ كۆپ ئۇچرىشىدۇ، ئاتا-ئانا مىھرىگە قانىدۇ، مەكتەپتە ئوقۇيدۇ، دوستلىرى بىلەن قىيغىتىپ، كۈلۈپ ئوينايدۇ، دۇنيادىن تويماي ھوزۇرلىنىدۇ. قىزىقىشى كۈچلۈك، تەسەۋۋۇرى مول بولىدۇ.      ۋاقىتنىڭ ئۆتۈشى بىلەن بالىلىق دەۋر ناھايىتى تېزلا ئاخىرلىشىدۇ،  ئادەمنىڭ چوڭ بولۇشى بىلەن روھى دۇنياسى مۇكەممەللىككە يۈزلىنىش بىلەن بىرگە روھى بۇلغىنىشتىن خالىي بولالمايدۇ، ساختىلىق، رەزىللىك، ئىپلاسلىقمۇ روھىغا تەڭ سىڭىپ كىرىدۇ. بالىلىقتىكى سەبىيلىك، پاكلىق، ئۇلۇغلۇق مەڭگۈ كەلمەسكە كېتىدۇ، ھېچكىممۇ بالىلىق دەۋرىگە قايتىپ بارالمايدۇ.   شۇ سەۋەبتىن مەيلى ئاددىي ئادەملەر بولسۇن، مەيلى زەردار، ئەمەلدار، پادىشاھ، ئوغرى قاراقچى بولسۇن، ھەممە ئادەم بالىلىق دەۋرىنى مەڭگۈ ئۇنتۇپ قالمايدۇ، ھايات مۇساپىسىنىڭ ئاخىرقى مەنزىللىرىگە بارغاندىمۇ بالىلىق دەۋرىنى كۈچلۈك سېغىنىش ئىچىدە ياد ئېتىدۇ، ئەسلەيدۇ. بالىلىقتىكى ئارزۇلار تولىمۇ گۈزەل، يۈكسەك، سىرلىق بولىدۇ.   بالىلىق دەۋرىمدە "101 ئالىم"، "ئەقىل سىناش قامۇسى"، "رادىئو ھەۋەسكارلىرى" دېگەن كىتابلارنى كۆپ ئوقۇيتىم. كىتابلاردا تەسۋېرلەنگەن ئالىملارنىڭ يۈكسەك تېرىشچانلىقى، ئەقىل پاراسىتى، تىز پۈكمەس ئىرادىسى، ئىلىم پەن دۇنياسىدىكى ئۇلۇغ كەشپىياتلار مېنى ناھايىتى تەسىرلەندۈرگەن ئىدى. شۇڭا چوڭ بولسام بىر ئۇلۇغ ئالىم بولىمەن، دەپ ئارزۇ قىلاتتىم.   ئەپسۇسكى ئارزۇيۇم ئەمەلگە ئاشمىدى، ئالىم بولالمىدىم، ھەر ئايلىق مائاشقا قاراپ كۈن ئۆتكۈزىدىغان ئادەتتىكى كادىر بولۇپ قالدىم. ھازىرقى بالىلارنىڭ بالىلىق دەۋرىنى بىزنىڭكىگە ھەرگىز سېلىشتۇرغىلى بولمايدۇ. بىزنىڭ دەۋرىمىزدە گەرچە شارائىت ياخشى بولمسىمۇ بىراق ئويۇن ئوينايدىغان ۋاقتىمىز كۆپ ئىدى، كوللېكتىپ ئوينايدىغان بالىلار ئويۇنلىرى زېھنىمىزنى ئاشۇرۇپ، خۇشاللىقىمىزنى چېكىگە يەتكۈزەتتى. گەرچە ئوقۇيدىغان دەرسلەر، تاپشۇرۇقلار ھازىرقىدەك ئۇنچە كۆپ بولمىسىمۇ بىراق مەكتەپلەرنىڭ ئوقۇتۇش سۈپىتى يەنىلا ياخشى ئىدى.   بىراق ھازىرقى بالىلارنىڭ شارائىتى ياخشى بولسىمۇ، بىراق ئۇلارنىڭ يۈكى بەك ئېغىر، كۆپىنچىسىنىڭ ئويۇن ئوينىغىلى ۋاقتى يوق، ئوقۇيدىغان دەرسلىرى كۆپ، بىچارە بالىلار ئېغىر سومكىلارنى كۆتۈرۈپ، كېچە كېچىلەپ تاپشۇرۇق ئىشلەيدۇ،  بىر قىسىم مەكتەپلەر دەم ئېلىش كۈنلىرىمۇ دەرس تولۇقلايدۇ. بۇ ئاز كەلگەندەك بىر قىسىم ئاتا ئانىلار بالىلىرىغا ئائىلە ئوقۇتقۇچىسى تەكلىپ قىلىپ، كۇرسلارغا ئوقۇشقا ئەۋەتىپ ئۆگىنىشىنى چىڭ تۇتماقچى بولىدۇ. ئەگەر ئاشۇ بىچارە بالىلار ئۆگىنىۋاتقان دەرس، ئۆگىنىش بېسىمىغا چوڭلار يولۇقسا چوڭلار ھەرگىزمۇ بەرداشلىق بېرەلمەيدۇ. بۇ بالىلارنى قىيناش، مايسىنى تارتىپ ئۆستۈرۈشتىن باشقا نەرسە ئەمەس. شۇنداق تۇرۇقلۇق ھازىرقى ئوقۇتۇش سۈپىتى بۇرۇنقىغا ھەرگىزمۇ يەتمەيدۇ. بىچارە بالىلار بالىلىق دەۋرىنى تاپشۇرۇق ئىشلەپ، دەرس تولۇقلاپ، ئۆگىنىش بىلەنلا ئۆتكۈزۈپ، بالىلىق دەۋرىنىڭ ھوزۇرىنى سۈرەلمەيۋاتىدۇ. سىزنىڭ بالىلىق دەۋردىكى گۈزەل ئارزۇلىرىڭىز ئەمەلگە ئاشتىمۇ ؟

apndim

	sikiltar يوللىغان ۋاقتى  2013-10-28 12:30 PM مىنىڭ بالىلىق دەۋرىمدە چوڭراق مەنسەپكە ئىگە بولغۇم با ... ھازىرمۇ سىكىرتار بۇپسىزغۇ ئاينا

borhanhoja

	مىنىڭ باش دىركتۇر بولغۇم بارتى .بىردۇكانغا باش دىرىكتۇر بولدۇم .خىزمەتچىمۇ ئۆزەم شۇ....ھى.......ھى.......ھى

ana-yurtum

madonna

	لۈكچۈك بولغۇم باتتى .   شوپۇرمۇ بولالمىدىم .

شاتيار

	مەنمۇ كىچىك ۋاقتىمدا ئۆزۈم ئويلاپ باقمىغان كەسىپ بىلەن شۇغۇللىنىۋاتىمەن.

ئاقار

	sikiltar يوللىغان ۋاقتى  2013-10-28 12:58 PM مەنسەپنىڭ ئەڭ كىچىكى دەڭە بۇ مەنسەپنىڭ ئەڭ كىچگى دىگەن شۆدىجاڭدۇ سىكىرتار..؟ھى ھى ھى

turpani004

	ئەمدى ئېشىپ قالار