ئىنساپ قىلغىن سودىگەر (قاراخان)

qaraxani

	ئىنساپ قىلغىن سودىگەر قاراخان قىممەت بولسا مال ئەگەر ساتقۇچىدا ئىنساپ يوق، ئەرزان بولسا ئەكسىچە ئالغۇچىدا ئىنساپ يوق. تۆۋەن تۇرار خۇدادىن، ئۈستۈن تۇرار رەسۇلدىن، ئىنساپ ئورنى ئاشۇنداق ئاڭا كۆڭۈل قويغۇلۇق. ئالتۇن كۆرسە پەرىشتە يولدىن ئازار دەيدىكەن، زىيان تارتقان سودىگەر ھايان تاپسا يەيدىكەن. ئۆتمەس ماتا زورلاپ ساتا قىلىپ نېسى مېلىنى، ھۆل خىشقا كور خېرىدارنى كېلىپ دەسسە دەيدىكەن. رىسقى باشقا سودىگەرنىڭ يولى بىلەن پۇلى بىر، نىچۈن  ئۈنچى بىلەن ھاكچى كۆڭلى دائىم خاۋاتىر. تالغا تويماس نار تۆگە،مالغا تويماس سودىگەر، ھالال-ھارام ئايرىماي يەپ بولدى كېسەل بۇئاسىر. گەزمالچى  كۆر مېتىرلايدۇ كەم بېرىدۇ رەختىنى، دورىگەرمۇ زىغىرلايدۇ دىمەي دورا نەرقىنى. قاسساپ دىگەن دوستىغا ئۇستىخاننى تاڭىدۇ، باققالمۇ كۆر ساق مىۋىگە قوشۇپ ساتار قۇرتىنى. قېنى ئېيتقىن سودىگەر قاچان بولار راست گېپىڭ، يالغان ۋەدە ،قەسەمگىلا سېنىڭ بارمۇ راست ئېپىڭ. قاچانغىچە ئامانەتكە خىيانەت قىپ ئۆتىسەن، شېرىكىڭگە ئوخشاش ئىكەن چالغان سېھرى داس دېپىڭ. نىيەتنىڭ بىر ئالاسى ،خۇدانىڭ مىڭ بالاسى، ئەلدىن ئەلگە نەپ بولسۇن بولما نىيەت قاراسى. ئەرزان ئېلىپ قىممەت سات ،پايدا ئالغىن يولىدا، سۇتكە سۇنى قوشۇپ ساتساڭ قىيامەتتە داۋاسى. سامىنى يوق لاي بولماس،ھارىمى يوق باي بولماس، دىگەن سۆزگە تاپقىنى پاك،قۇلىقى ساق ئالدانماس. دوست-دوست ھېساپ دۈرۈس دەپ قىلما دوستنى خىجالەت، بوسۇغاڭنى دىمە بىر كۈن ئوڭ تەتۈرگە ئايلانماس. ئۆسۈم بەرسە قەرزىڭگە چوغنى پۈۋ دەپ يۇتۇپسەن، جازانىگە قوش قولۇڭنى كۆزنى يۇمۇپ سۇنۇپسەن. مىڭ سەر ئۈچۈن بىر سەر ئۆشرە كەلسە ئۇندىن تېرىكىپ، قەرزدارنى قىستاپ كۈندە يۈزىنى خوپ تۆكۈپسەن. ئىنساپ قىلغىن سودىگەر ھەر ماتانىڭ نەرقى بار، ئادىمنىڭ ئادىمىدىن  ھەر جاھاندا پەرقى بار. ھاتەم بىلەن ھارۇنغا ،بېخىل بىلەن مەرتكە باق، قانۇن،ئەخلاق ،شەرىئەتنىڭ چېكى ،يولى شەرتى بار. 2013-يىلى 24-ئۆكتەبىر

axek13999649893

	نىيەتنىڭ بىر ئالاسى ،خۇدانىڭ مىڭ بالاسى، ئەلدىن ئەلگە نەپ بولسۇن بولما نىيەت قاراسى. ئەرزان ئېلىپ قىممەت سات ،پايدا ئالغىن يولىدا، سۇتكە سۇنى قوشۇپ ساتساڭ قىيامەتتە داۋاسى.

apndim

	ئىنساپ يوقتا ،ئىمان يوق

sayramkizi

	ئىماندىن، ئەخلاقتىن كەتمەيلا توغرا يول ئارقىلىق سودا قىلغان بىر قىسىم سودىگەرلەر راۋاج تاپىدىكەن، مەسىلەن: رادىل ئابلا ئەپەندى بۇنىڭ ئۈلگىسى. يەنە بىرقىسىم سودىگەرلەر ئاپتور دىگەندەك يالغان ۋەدە قەسەملەرنى تولا قىېلىدۇ ئۇلارغىمۇ ئىنساپ بەرسۇن....

بانكىر

	sayramkizi يوللىغان ۋاقتى  2013-10-24 04:14 PM ئىماندىن، ئەخلاقتىن كەتمەيلا توغرا يول ئارقىلىق سودا  ... باينى داملاش ھەمە يەردە مۇدا بولۇپ قالدى قىزچاق. سىزمۇ شۇ قاتاردىنما؟

BAHADER1

	ئەلدىن ئەلگە نەپ بولمىسا قوڭغا تەپ…

borhanhoja

	كىم سۈتكە سۇ قاتار شۇ سۇقاتمىدىم دەپ ۋارقىراپ ساتار.

Gvlbargi0999

	شۇنداق ياخشى چىقىپتۇ، بەزىبىر جازانىخور سودىگەرلەر قامچىلىنىپتۇ. ھارمىغايسىز!

mahatjan

	ئىنساپ ،ئىنساپلىقنىڭ دىلى ساپ.