جامالىڭدىن كۆرىنىدۇ روھىڭدىكى دات (قاراخان)

qaraxani

	جامالىڭدىن كۆرىنىدۇ روھىڭدىكى دات قاراخان ئۆيۈڭدىكى سەككىز جانغا ۋۇجۇدۇڭ يايلاق، ئۇچاڭدىكى نىمكەش توندا رەڭگا-رەڭ ياماق. قولۇڭدىكى سۈپۈرگەڭغۇ ئەسلى بىر شىۋاق. يىيەلمىدىڭ قىززىققىنە  بىر چىنە تاماق، ساقلار سېنى ئۆيدە ئوچاق ،ئېتىزدا ئوتاق. ياماق ياماپ قوللىرىڭغا يىڭنە كىرگەندە، تاماق ئېتىپ نان يېقىپ قول يېڭىڭ كۆيگەندە. كىر قات يۇيۇپ ،كىگىز قېقىپ ماغدۇر كەتكەندە، نەۋرەڭ ئۈچۈن بۇلماق ئېتىپ ھاردۇق يەتكەندە، يوقلار سېنى قايسى <<ئامراق>> بولۇر ھەمتاۋاق. تۆت تام چېقىپ كەتسە سېنى كىممۇ ئويلىدى، كېلىن،قىزىڭ تاڭ ئاتقۇچە يۈردى ئوينىدى، سېنىڭ بارمۇ ئوي-خىيالىڭ كۆڭۈل قويمىدى، ھېيت-بايرام ،قۇۋۇناق  كۈن ساڭا بولمىدى. ساقسىز قالساڭ بوسۇغاڭغا كىم باستى ئاياق. ئۇچۇپ كەتتى تۇرۇمتايلار،ئۇۋا قۇپ قۇرۇق، يالغۇز جانغا ئىللىق ئۆيمۈ تۇيۇلار سوغۇق، ئۆتمەس تائام زورلىسىمۇ ئوشۇق بىر قوشۇق، ئانىجاننىڭ كۆڭلىدە بار قانداق ئىچ پۇشۇق، تاپار بولسا ئۇنى پەرزەنت بولماس دىل سۇنۇق. جەننەت دىگەن ئانىلارنىڭ تاپان ئاستىدا، بىلگىن بۇنى قىز-ئوغۇللار ئەسلى ۋاقتىدا. يىغلاپ يۈرمە ئاناڭ ئۆلۈپ ياتسا تاختىدا، بولغىن ھال مۇڭ،بولغىن سىرداش شامدا، ناشتىدا . يۇمار چاغدا كۆزىنى ئۇ باشلىما نۇتۇق. ئانا دىمەك يۈرىگىڭنىڭ يېرىمى دىمەك، ئانا دىمەك بۇ دۈنيادا  مەدەتكار يۆلەك. بارلىغىنى ساڭا قىلدى ھەلەك، پاي-پېتەك، ئاتاڭدىنمۇ يالغۇز قېلىپ باقمىدى ئەينەك. كۆيەر بولسا ئانىغا كىم ياقسۇنچۇ چىراق! جامالىڭدىن كۆرىنىدۇ روھىڭدىكى دات، چىنەڭگە كىم سال ئىچ دىدى بىر چوكا ناۋات. سەندىن قېچىپ تاپتى كىملەر دۈنيادىن مۇراد، سەن بىباھا بايلىق ،سەنسىز بازارىم كاسات، دىگەن چاغدا ھەر بىر بوغۇن بەختىيار ھەر ۋاق! 2013-يىلى 22-ئۆكتەبىر

mahatjan

	جەننەت دىگەن ئانىلارنىڭ تاپان ئاستىدا، بىلگىن بۇنى قىز-ئوغۇللار ئەسلى ۋاقتىدا. يىغلاپ يۈرمە ئاناڭ ئۆلۈپ ياتسا تاختىدا، بولغىن ھال مۇڭ،بولغىن سىرداش شامدا، ناشتىدا يۇمار چاغدا كۆزىنى ئۇ باشلىما نۇتۇق.   ھەرقانداق بالىلارنى ئانىغا كۆيۈندۈرەلەيدىغان،سۆيۈندۈرەلەيدىغان تەسىرلىك ئەسەر يېزىپسىز. ئانىلار ھەققىدە يېزىلغان ئەسەرلەرنىڭ دۇردانىسى بولۇشقا مۇناسىپ ئەسەر ئىكەن.رەھمەت سىزگە.

bahwanbiz

	مەنالىق مىسرالارنى تاللاپ ئىشلىتىپسەن ، قەلىمىڭدىكى يېڭىلىقنى يىقىندىن بېرى كۆرۈپ تۇرىۋاتىمەن . كۆپەرەك يېزىپ بېرىشىڭگە تىلەكداشمەن . سەندە بىر يۇشۇرۇن قابىلىيەت بارلىقىنى ھېس قىلغان ئىدىم . بۇلۇپمۇ بۇ شېئىردىكى بەزى سۆزلەرنىڭ يېڭىلىقىغا ، ماسلىشىشچانلىقىغا قايىل بولدۇم ، ساڭا ئۇتۇق تىلەپ : ____ئا.مۇھەممەت باغۋەن

IPAR12

	مەناسى چۇڭقۇر شېئېركەن، ھازىر بەزى  پەرزەنتلەرگە ئانىسىنىڭ مىھنىتى بىلەن سولەت كىرىدىيۇ، ئانىسىنى تۇنىيالماي قالىدۇ، ئانىسىدىن ئايرىلغاندا بولسا ((مىنى ئۇرساڭمۇ مەيلىتى، تۇرۇپ بېرەي دىسەم سەن يوق)) دەپ غەزەل توۋلايدۇ.

borhanhoja

	ئۇلۇغ ئانام...............................

Gvlbargi0999

	بەك ياخشى چىقىپتۇ بۇ شېئىر، نەق يۈرەككە باردىغۇ!

taxna777

	borhanhoja يوللىغان ۋاقتى  2013-10-22 09:38 PM ئۇلۇغ ئانام............................... تولىمۇ ئىلھاملىق بالىكەنسىز ........... سىز يازغۇچى شائىر بىز بولساق ئىنكاسچى.....

kakkuk11

	ئېسىل يازمىلارنى ئوقۇغانغا مەن خوش. ھارماڭ قېرىندىشىم

شەرارى28

	ئۇستازىمىز ئەلىشىر نەۋائى شېئىر يا ئېچىشتۇرسۇن يا قىچىشتۇرسۇن بولمىسا ئۇ شېئىر ئەمەس دەپ تەلىم بەرگەن ئىكەن. تىمىڭىز بەك يۈرەككە باردى قېرىندىشىم ھارمىغايسىز تىرىشىڭ

راستچى

	رەھمەتلىك ئانامنى ئەسلەپ قالدىم دىسە،