غۇنچە

gunqa

	غۇنچە             يىشىل يۇپۇرماقلارغا قاراپمۇ قويمىغان ئادەملەر ، ئەمدىلا پورەكلەپ ئېچىلىش يولىغا قەدەم باسقان غۇنچىلارغا ئامراقلىقى كىلىدۇ . گۈلنى سۆيدىغانلار غۇنچىنىڭ پورەكلەپ ئېچىلىپ رەڭگارەڭ گۈلچىمەنلەر ئارىسىغا قوشۇلىشىنى كۈتىدۇ . ئۇنى ئاسراپ ئۆستۈردۇ ، ئۇنى قوغدايدۇ . لېكىن گۈلنى مۇنداقلا ياخشى كۆرىدىغانلار ، ئۇنىڭ گۈزەللىكىگە ھەسەت قىلدىغانلار ، ھەۋەس قىلدىغانلار ئوخشىمايدۇ . ئۇلار ئېچىلىش ئالدىدىكى غۇنچىنىمۇ بوش قۇيۋەتمەيدۇ . ئۇنىڭ پورەكلەپ ئېچىلىپ خۇش پۇراق چېچىشىنى كۈمەيلا ئۇنى شېخىدىن ئۈزۈپ تاشلايدۇ . ئۇزۇن ئۆتمەيلا سولۇشۇپ قالغان غۇنچە كۆزىگە سەت كۆرۈندۇدە ئۇنى تاشلىۋىتىدۇ .             ھەقىقەتەنمۇ ئىنساننىڭ تەبىئىتى گۈزەل نەرسىلەرنى ياخشى كۆرۈش، لېكىن ياخشى كۆرۈشنىڭ ھەقىقىي مەنىسىنى بىلىپ گۈزەللىكنى سۆيدىغانلار بىلەن ياخشى كۆرۈشنى چىرايلىق باھانە قىلىپ گۈزەللىكنى دەپسەندە قىلدىغانلارنىڭ ماھىيتى ئوخشامدۇ دەمسىز ؟             ئەمدىلا ئېچىلىش ئالدىدا تۇرغان غۇنچە شېخىدىن ئۈزۈپ تاشلاندى . ئۇنى ئۈزۈپ تاشلىغان سىز ھوزۇرلاندىڭىزمۇ ؟ سىز ھوزۇرلانغانكەنسىز ئۇ سولۇشۇپ قالغاندا يەنە نىمە ئۈچۈن ئۇنى تاشلىۋەتتىڭىز ؟ بىردەملىك ھوزىرىڭىز ئۈچۈن ئۇنى ئۈزۈپ تاشلىغىنىڭىزدا ئۇنىڭ پورەكلەپ ئېچىلىپ خۇشپۇراق گۈللەر ئارسىغا قېتىلىشنى نەقەدەر ئارزۇ قىلدىغانلىقىنى ئويلاپ قويغانمىدىڭىز ؟ گۈزەللىككە ئىنتىلگەن سىز نىمىشقا غۇنچىنى پەرۋىش قىلىپ قوغداشنى ئويلاپ باقمىدىڭىز ؟ ئۇنى تەشتەككە كۆچۈرۈپ ئۆيىڭىزگە ئەكىرۋالغان بولسىڭىزچۇ كاشكى ، سىزنىڭ ئاسراپ ، كۆينىشىڭىز ئارقىسىدا ئۆيىڭىزگە خۇش ھىدىنى تارقاتقان ، گۈزەللىك قوشقان بولماسمىدى ... سىز تاشلىۋەتكەن ئاشۇ بىچچارە غۇنچىنى ئەمدى يەنە بىرەسى قولىغا ئالارمۇ ؟ ئېلىش ئەمەس قاراپمۇ قويماسلىقى مۇمكىن . ئۇنىڭ ئەمدىكى بارار جايى بىر دۆۋە كېرەكسىلەر ئارىسى بولىدۇ خالاس . ئۇ بۇ يەگە كېلىشنى ئۆزى ئارزۇ قىلامتى ؟ ئۆزىنىڭ غۇنچە پەسلىگە قانماي ، قەلبىگە پورەكلەپ ئېچىلىش ، ئەتراپىغا خۇشپۇرىقىنى چېچىشنى ئىستەك قىلغان ئاشۇ غۇنچە ئۆزىنىڭ كېرەكسىزلەر دۆۋىسىدە بولۇپ قېلىشىنى ئويلاپمۇ باقمىغان ئەلۋەتتە . مېنىڭ تەقدىرىم شۇكەن دىسىنمۇ ؟ ۋە ياكى ئۇنى غۇنچە پەسلىدىن ۋاقىتسىز ئايرىغان سىزدىن نەپرەتلەنسىنمۇ ؟             كېرەكسىزلەر دۆۋىسىدە سوقۇلۇپ قېقىلىپ ئۆزىنىڭ ئەسلىدىنلا بۇ يەرگە تەۋە ئەمەسلىكىنى كىملەرگە يىغلاپ تۇرۇپ چۈشەندۇسىمۇ ئۇنىڭغا ئىچ ئاغرىتىدىغانلار چىقامۇ سىزچە؟ ئەلۋەتتە كۆز ئالدىدىكى رىيانلىققا تەن بەرگىسى كەلمەيتتى ، يەنىلا ئىشەنچ قىلاتتى بىراۋنىڭ ئۇنىڭ سۇلغان ھالىغا قاراپ ئىچى ئاغرىپ ئېلىپ كىتىدىغىنىغا ئىشەنچ باغلايتىيۇ يەنىلا ئەتراپىغا قاراپ ئۈمۈتسىزلىنەتتى ، چۇنكى بۇ يەردە ئۆزىگە ئوخشاش غۇنچىلا كۆپىيۋاتاتتى . ئۇلارنىڭ ھىچ بىرىنى بىراۋ ئېلىپ كەتمىگەن ئىدى . غۇنچە نەپرەتلەندى سىزدىن ھەم سىزگە يولۇقۇپ قالغان ئۆزىدىن قاتتىق نەپرەتلەندى . بۇ رەھىمسىز رىئاللىق ئىچىدە قەلبىگە ئۈمۈدنى پۈكۈپ ياشىماقتا ، ئۈمۈد گەرچە ئۆچەي دەپ قالغان سەرەڭگە ئوتى ئۇچقۇندەك بولسىمۇ ئۇ تېخىچە ھاياتتىن بەل قويۋەتمىدى .              سىزدەك قۇلىقى ئاڭلىماس ، كۆزى كۆرمەس بولۇپ كەتكەن ، يۈرەكلىرى قېتىپ كەتكەن  بىراۋ . كىچىككىنە غۇنچىنىڭ نالا - پەريادىنى ، كۆز يېشى ، ئاھۇ - پەريادىنى نە كۆرەلىسۇن ، نە ئاڭلىيالىسۇن ؟ ئاڭلىسىمۇ قېتىپ كەتكەن يۈرەكتە ئىنكاس بۇلامدۇ ؟ لېكىن مەن يەنىلا نۇرغۇن كۆرەلەيدىغان ، ئاڭلىيالايدىغانلارنىڭ بارلىقىغا ئىشىنىمەن . غۇنچىلارنى قەدىرلەپ قوغدايدىغان ، ئۇلارنىڭ پورەكلەپ ئېچلىپ خۇش پۇراقلارنى چېچىشىدىن مەمنۇن بولىدىغان ، ‹‹ھاي ، ئۇ تېخى بىر غۇنچىغۇ... ›› دەپ غۇنچىنى ئۈزۈشكە ئۇزىتىلغان قوللىرىنى تۇتۋالالايدىغانلارنىڭ تېخىمۇ كۆپ بارلىقىغا ئىشىنىمەن . مەنبە : قەلبىم ( ئەلكۈيى تورىگىمۇ يازغان)

taxna777

	ياخشى يېزىپسىز ھارمىغايسىز تەربىيۋى ئەھمىيىتى زوركەن

iptihar2014

	يىشىل يۇپۇرماقلارغا قاراپمۇ قويمىغان ئادەملەر ، ئەمدىلا پورەكلەپ ئېچىلىش يولىغا قەدەم باسقان غۇنچىلارغا ئامراقلىقى كىلىدۇ . گۈلنى سۆيدىغانلار غۇنچىنىڭ پورەكلەپ ئېچىلىپ رەڭگارەڭ گۈلچىمەنلەر ئارىسىغا قوشۇلىشىنى كۈتىدۇ . ئۇنى ئاسراپ ئۆستۈردۇ ، ئۇنى قوغدايدۇ . لېكىن گۈلنى مۇنداقلا ياخشى كۆرىدىغانلار ، ئۇنىڭ گۈزەللىكىگە ھەسەت قىلدىغانلار ، ھەۋەس قىلدىغانلار ئوخشىمايدۇ . ئۇلار ئېچىلىش ئالدىدىكى غۇنچىنىمۇ بوش قۇيۋەتمەيدۇ . ئۇنىڭ پورەكلەپ ئېچىلىپ خۇش پۇراق چېچىشىنى كۈمەيلا ئۇنى شېخىدىن ئۈزۈپ تاشلايدۇ . ئۇزۇن ئۆتمەيلا سولۇشۇپ قالغان غۇنچە كۆزىگە سەت كۆرۈندۇدە ئۇنى تاشلىۋىتىدۇ . بۇ يەر ماڭا بەك ياقتى.

ھۆكما

	توغرا دەيسىز، قۇلىقى ساق ئەمما ھەق سۆزنى ئاڭلىمايدۇ. كۆزى ساق ئەمما ھەقىقەتنى كۆرمەيدۇ. چۈنكى ئۇنىڭ قۇلىقىنى، كۆزىنى ئۇنىڭ قەلىب گۈمرالىقىغا قاراپ ھەقنى ۋە ھەققانىيەتنى كۆرمەس ۋە تېڭشىماس قىلىپ، ئاللاھ ئۇنلارنىڭ  كۆز- قولىقىنى  پىچەتلىۋەتكەن.     ئاللاھ بارچە مۇسۇلمانلارنى ئۆز ھېدايىتى ۋە رەھمەت يولىغا باشلاپ،  ھەقنى بىلىدىغان ھەقنى چۈشۈنىدىغان تەقۋالاردىن قىلىۋەتكەي ئامىن !!!    قەلەم تۇلپارىڭىز ھىرىپ قالمىغاي. رەھمەت سىزگە !

mahatjan

	چۈنكى غۇنچىنى ياخشى كۆرىدىغانلاردا ،غۇنچىنى چۈشۈنىدىغان ئىستىتىك تۇيغۇ بولسا ئاندن غۇنچىنى ئۈزۈۋەتمەيدۇ.بولمىسا----

tograkmalikisi

	بەك ياخشى يېزىپسىز........... قايىللىقمنى قاندق ئىپادىلشنى بىلمىدىم. ئاپىرىن!!!

turpani004

	قەلىمىڭىز ھېرىپ قالمىغاي... كۆپرەك غەمخورلۇق قىلارسىز

suykasiqi

	ياخىشى يىزىپىىسىز

Azizan

	ياخشىكەن ، تېخىمۇ تىرىشىڭ .

kakkuk11

	ياپراق+تىكەن = گۈل