كورلا شەھەرلىك6-ئوتتۇرنىڭ ئا. مۇھەمەتئىمىننى خاتىرلەش پائالىيىتى

شەرارى28

	كورلا شەھەرلىك 6-ئوتتۇرا مەكتەپنىڭ ئۇيغۇر ئالىمى ئابدۇشۈكۈر مۇھەممەتئىمىن تەۋەللۇتىنىڭ 80يىللىقىنى خاتىرلەش پائالىيىتى    ئەسسالامۇ ئەلەيكۇم مىسرانىم تورىنىڭ ئەزىز ئىشتىراكچىللىرى،ھەممىڭلارغا كەمىنە شەررارىدىن ئوتلۇق سالام! ھەممىمىزگە مەلۇم بىر مىللەتنىڭ ئالىم - ئۆلىمالىرى ، ئوقۇتقۇچى-ئۇستازلىرى شۇ مىللەتنىڭ مەنىۋى دۇنياسىنى يورۇتۇپ تۇرغۇچى مۇھەببەت قۇياشىدۇر ، كىشىلەر ئارىسىدىكى مېھىر - مۇھەببەت رىشتىسىنى يۈرەكتىن يۈرەككە تۇتاشتۇرغۇچى سۆيگۈ-مېھىر ئەلچىللىرىدۇر. مانا مۇشۇنداق مەرىپەت ۋە مۇھەببەت ئەلچىللىرىنىڭ ھۆرمىتىنى قىلىش ، ئەجرىنى ئۇنتۇپ قالماسلىق ھەربىر مەرىپەت يۈزى كۆرگەن ئىلىم شەيدالىرىنىڭ ۋىجدانى بۇرچى ۋە ھايات قەرزى ئەلۋەتتە !     مەرھۇم ئالىمىمىز ، مول-ھوسۇللۇق ئەدىب ، تۆھپىكار مائارىپچى ،مۆھتىرەم ئۇستازىمىز ئابدۇشۈكۈر مۇھەممەتئىمىنمۇ ئەنە شۇنداق پىداكار ، ئەزىمەت ئوقۇتقۇچىلىرىمىزنىڭ بىرى ئىدى . دەل مۇشۇ مۇناسىۋەت بىلەن كورلا شەھەرلىك 6 - ئوتتۇرا مەكتەپ تىل-ئەدەبىيات ئوقۇتۇش گۇرۇپپىسى 2013-يىل 27-سىنتەبىر چۈشتىن كىيىن ئۈرۈمچى ۋاقتى2:30دىن4:30غىچە بولغان ۋاقىتتا مەرھۇم ئالىم ئابدۇشۈكۈر مۇھەممەتئىمىن تەۋەللۇتىنىڭ 80يىللىقىنى خاتىرىلەش پائالىيىتى ئۆتكۈزدى . مەقسىتىمىز ئالىم ئابدۇشۈكۈر مۇھەممەتئىمىننىڭ < ئوقۇتقۇچى ئەزىزلەنگەن جاي دەل بەخت قۇشى ئەنقانىڭ تۇخۇم باسقان ماكانىدىن ئىبارەت . ئوقۇتقۇچى ئەزىزلەنمىگەن جاي ئالتۇن كۆمۈلگەن خارابە ئۈستىدە ھۇۋقۇش ھۇۋلايدىغان ماكاندىن ئىبارەت > دىگەن سۆزىنى كىتاب يۈزىدىن ئوقۇتقۇچى - ئوقۇغۇچىلارنىڭ قەلب سەيناسىغا نەقىشلەش ۋە مەرھۇم ئۇستازىمىز ئابدۇشۈكۈر مۇھەممەتئىمىنگە بولغان چوڭقۇر سېغىنىشىمىز ، يۈكسەك ئېھتىرامىمىزنى بىلدۈرۈشتىن ئىبارەت بولدى . بۇ پائالىيىتىمىزنىڭ مۇۋەپىقىيەتلىك روياققا چىقىشىنى مەكتەپ رەھبەرلىرىنىڭ يېقىندىن قوللاپ-قۇۋەتلىشىدىن شۇنداقلا ئوقۇتقۇچى-ئۇستازلىرىمىزنىڭ ياردەمدە ۋە ھەمدەمدە بولۇشلىرىدىن ئايرىپ قارىغىلى بولمايدۇ . شۇ سەۋەپ مەن مۇشۇ مۇناسىۋەت بىلەن ئۇشبۇ تەسەۋۋۇرۇمنى رىئاللىق ساماسىغا ئۆرلىتىشكە ئىمكانىيەت يارىتىپ بەرگەن مەرىپەت سۆيەر مەكتەپ رەھبەرلىرىگە ، ئەزىز ئوقۇتقۇچىلىرىمغا چوڭقۇر تەشەككۈرۈمنى ۋە ئېھتىرامىمنى بىلدۈرىمەن!!!    مەلۇم سەۋەپلەر تۈپەيلى مۇنبەرگە ۋاقتىدا يوللىيالمىغان بولساممۇ <ئىلىمنىڭ كانى پۈتمەس،ھېكمەتنىڭ ۋاقتى كەتمەس>دىگەن ئەقىدەم ئۇشبۇ مەزمۇننى مۇنبەرگە يوللۇشۇمغا مەدەت بولدى.نۆۋەتتە مەزكۇر بائالىيەتنىڭ ئۇمۇمى كۈن تەرتىپى ۋە جەريانلىرىدىن ئۇچۇر بېرىمىز:     پائالىيىتىمىز 27-سىنتەبىر ئۈرۈمچى ۋاقتى 2:30دا مۆھتىرەم ئۇستازلىرىمىز ئەجرىگە ۋە ھۆرمىتىگە بېغىشلانغان <مۇئەللىم>دىگەن ناخشا بىلەن باشلاندى . زال ئىچى چوڭقۇر ئويغا ۋە مېھىر-مۇھەببىەتكە تولدى . ئوقۇتقۇچى - ئوقۇغۇچىلارنىڭ ئويغا تولغان كۆزلىرىدىن مىللەت ۋە ۋەتەن سۆيگۈسىنى ، ئەجداتلىرىمىزنىڭ ئىلىمگە شەيدالىق ، ئىلىم ئەھلىگە ھۆرمەت ۋە ئېھتىرامدا بولۇشتەك ئسىل تۇرمۇش ئېتىقادىنى كۆرگەندەك بولدۇق.   پائالىيىتىمىزنىڭ ئىككىنچى كۈن تەرتىپىدە مەرھۇم ئالىمىمىز ئابدۇشۈكۈر مۇھەممەتئىمىننىڭ تەرجىمھالىنى تالانتلىق ئەدەبىيات ئوقۇتقۇچىمىز ئابلەت مۇئەللىم جانلىق ۋە ھىسياتلىق ئوقۇپ بەردى .تۇلۇق 1-يىللىقتىكى بارلىق ئوقۇتقۇچى - ئوقۇغۇچىلار ئالىمنىڭ ئاچچىق ھايات سەرگۈزەشتىللىرىنى ، ئىلىمگە ۋە خەلقىگە بولغان ئەقىدە-مۇھەببىتىنى چۈشۈنۈپ ئالىمنىڭ ھاياتىغا چوڭقۇر ئېتىرامىنى بىلدۈردى.    پائالىيىتىمىزنىڭ ئۈچىنچى كۈن تەرتىپىدە  مەرھۇم ئالىمىمىز ئابدۇشۈكۈر مۇھەممەتئىمىننىڭ <سۈكۈنات>دىگەن ئەسىرى مۆھتىرەم ، كەسىپكە پىشقان تالانتلىق ئەدەبىيات ئوقۇتقۇچىمىز رىزۋانگۈل مۇئەللىم تەرىپىدىن جانلىق ، ھىسياتلىق ھالدا دېكلىماتسىيە قىلىندى . بىز بۇ ئەسەرنى ئاڭلاش  ئارقىلىق ئالىمنىڭ سۈكۈتكە ئەمەس سۈكۈناتقا تولغان ھاياتىغا قايتىدىن نەزەر تاشلىغاندەك بولدۇق.     پائالىيىتىمىزنىڭ تۆتىنجى كۈن تەرتىپى بويىچە  مەرھۇم ئالىمىمىز ئابدۇشۈكۈر مۇھەممەتئىمىننىڭ ئۇيغۇرلار ئارىسىدىن تۇنجى بولۇپ نەشىر قىلىنغان  رۇبائىيلار توپلىمى <رۇبائىيات> تىن ئېلىنغان سەككىز پارچە نادىر رۇبائىيسى لىرىك يۇسۇندا ئوقۇغۇچىمىز ئەقىدە تەرىپىدىن دېكلىماتسىيە قىلىندى ۋە بىزنى تەپەككۇر خىلۋەتگاھىغا باشلىدى. تور سۈرئەت كۆڭۈلدىكىدەك بولمىسا بۇ ئادىرىس ئارقىلىق كۆرۈڭ:http://v.youku.com/v_show/id_XNjIyNDUwNTAw.html       پائالىيىتىمىزنىڭ بەشىنجى كۈن تەرتىپىدە ئۆزۈمنىڭ مەخسىۇس مەرھۇم ئالىمىمىز ئابدۇشۈكۈر مۇھەممەتئىمىن ئۈچۈن يازغان<ئالىم ئۆلدى ئالەم ئۆلدى>ناملىق ئېتوتۇم جەۋلان ، مەرھەمەت قاتارلىق ئوقۇغۇچىللىرىمىزنىڭ ئاڭلىق ماسلىشىشى ئاساسىدا ئوقۇتقۇچى-ئوقۇغۇچىلار بىلەن يۈز كۆرۈشتى. <ھەربىر مەنىلىك ئىش كىشىگە كۈلكە ئېلىپ كېلەلىشى ناتايىن ئەمما ھەربىر كۈلكىدە چوقۇم مەنا بولىشى كىرەك> دىگەن ئەقىدەم يازغان بۇ ئېتوتۇمدا ئۆز ئىپادىسىنى تاپقاندەك قىلاتتى. تور سۈرئەت كۆڭۈلدىكىدەك بولمىسا بۇ ئادىرىس ئارقىلىق كۆرۈڭ:http://v.youku.com/v_show/id_XNjIxNTM0NjQw.html      پائالىيىتىمىزنىڭ ئالتىنجى كۈن تەرتىپىدە مەرھۇم ئالىمىمىز ئابدۇشۈكۈر مۇھەممەتئىمىننىڭ <ئوقۇتقۇچى توغرىسىدا>ۋە<ئوقۇغۇچى توغرىسىدا>دىگەن ئىككى مۇنەۋەر ئەسىرى بىرلا ۋاقىتتا تالانتلىق تىل-ئەدەبىيات ئوقۇتقۇچىمىز ئىسلامجان مۇئەللىم بىلەن ئوقۇغۇچىمىز نۇربىيەنىڭ ھىسياتلىق جانلىق دېكلىماتسىيە قىلىشى بىلەن دىئالوگ شەكىلدە ئوقۇتقۇچى ئۇستازلار بىلەن يۈز كۆرۈشتى ۋە بىزنى سۈيۈنۈش تۇيغىسىغا غەرق قىلدى.    پائالىيىتىمىزنىڭ  يەتتىنجى كۈن تەرتىپى پېقىر ئۆزۈمنىڭ مەرھۇم ئالىمىمىز ئابدۇشۈكۈر مۇھەممەتئىمىنگە ئاتاپ يازغان ، كەڭ تورداشلار بىلەنمۇ يۈز كۆرۈشكەن < ئابدۇشۈكۈر مۇھەممەتئىمىنگە مەرسىيە > ناملىق ئەسىرىمنى ئوقۇشۇم بىلەن داۋام ئەتتى ۋە مۆھتىرەم ئۇستازلىرىمنىڭ ياخشى باھاسى ، قىممەتلىك تەكلىپ پىكىرلىرىگە نائىل بولدى. تور سۈرئەت كۆڭۈلدىكىدەك بولمىسا بۇ ئادىرىس ئارقىلىق كۆرۈڭ:http://v.youku.com/v_show/id_XNjIyMzMzNjI4.html    پائالىيىتىمىزنىڭ سەككىزىنچى كۈن تەرتىپىدە ئوقۇغۇچىمىز ئەلفىرە مەرھۇم ئالىم ئابدۇشۈكۈر مۇھەممەتئىمىننىڭ<ئات بىلەن ئات مىنگەن كىشى>دىگەن پەلسىەپىيىۋى ئۇچقۇنلار بىلەن بېزەلگەن نادىر ئەسىرىنى ئوقۇغاندىن كىيىنكى تەسىراتىنى ئوقۇدى ۋە بىزنى قايىل قىلدى. تور سۈرئەت كۆڭۈلدىكىدەك بولمىسا بۇ ئادىرىس ئارقىلىق كۆرۈڭ:http://v.youku.com/v_show/id_XNjIxNDIwMzI0.html    پائالىيىتىمىزنىڭ خاتىمە قىسمى كەڭ ئىلىمخۇمارلارغا بېغىشلانغان،تۇلۇق 1-يىللىق1-سىنىپ كوللىكتىپى ئىجراسىدا ئورۇندالغان <بىلىم ئىشقىدا>دىگەن ناخشا بىلەن ئاياغلاشتى.بۇ نۇمۇر سەھنىدىكى ناخشا ئورۇندىغان ئوقۇغۇچىلارنىلا ئەمەس پۇتۈن زالدىكى ئوقۇتقۇچى-ئۇقۇغۇچىلارنىمۇ ھاياجانغا سېلىپ كۆزلىرىگە  ياش كەلتۈردى ، ھەتتا قىسمەن ئەزىزلىرىمىزنىڭ كۆزىدىن ئىسسىق ياشلار تۆكۈلدى . ناخشىنىڭ ئوتتۇرى قىسمىدىن باشلاپ پۈتۈن زالدىكى ئوقۇتقۇچى - ئوقۇغۇچىلار ئۆزلىكىدىن سەھنىدىكىلەر بىلەن بىرگە بۇ ناخشىنى ئاخىرغىچە ئېيتىپ تۈگەتتى. تور سۈرئەت كۆڭۈلدىكىدەك بولمىسا بۇ ئادىرىس ئارقىلىق كۆرۈڭ:http://v.youku.com/v_show/id_XNjIyNjQ3MDEy.html          بۇ خاتىرە پائالىيىتى ھەم ئۈلگىلىك ھەم مەنىلىك بولدى.مەن مۇشۇ مۇناسىۋەت بىلەن مانا مۇشۇنداق خەيرىلىك ئىشلارنىڭ ۋۇجۇدقا چىقىشىغا ھەمدمدە بولغان مەرىپەتپەرۋەر مەكتەپ رەھبەرلىكىگە يەنە بىر قېتىم چىن كۆڭلۈمدىن رەھمەت ئېيتىمەن ، بۇ پائالىيەتنىڭ مۇۋەپىقىيەتلىك روياققا چىقىشىغا كۈچ چىقارغان كورلا شەھەرلىك 6-ئوتتۇر مەكتەپ تىل-ئەدەبىيات ئوقۇتۇش گۇرۇپپىسىدىكى ئوقۇتقۇچىللىرىمغا تەشەككۈرۈمنى ۋە ئېھتىرامىمنى بىلدۈرىمەن. ئاخىرىدا مىنى تەربىيلەپ قاتارغا قوشقان سۈيۈملۈك مەكتىپىمگە،مۆھتىرەم ئوقۇتقۇچىللىرمغا چىن يۈرىكىمدىن تەشەككۈرۈمنى ۋە ئالىي ھۆرمىتىمنى بىلدۈرىمەن. رەھمەت سىلەرگە سۆيۈملۈك ئۇستازلىرىم!!! كامالىي ئېھتىرام بىلەن:شەررارى

لوپنۇرى

	ئالىمنىڭ ھۆرمىتىگە بېغىشلاپ ئۆتكۈزۈلگەن تولىمۇ ئەھمىيەتلىك پائالىيەت بوپتۇ. كورلا شەھەرلىك 6-ئوتتۇرا مەكتەپتىكى بارلىق ئۇقۇتقۇچى ئۇستازلارغا ۋە بۇ پائالىيەتكە ئەجىر سىڭدۈرگەن بوغۇنلارغا كۆپتىن كۆپ مەرھەمەتلەر ياغسۇن.

kaitmas

	مانا بۇ ناھايىتى بىر ئەھمىيەتلىك تىما بوپتۇ...... http://www.blogbus.com/anatel-logs/133604626.html

barquk8

	ئىلىم باشقا تالانىت باشقا , غورۇر-ۋىجدان يەنە باشقا . بولۇر ساھىپقىرانلىق , ئۈچ پەزىلەت كەلسە بىر باشقا . خارلىنىپ ئاپتاپتا ياتساڭ , كىم سېنى خار ئەيلىمەس . جۈرئىتىڭ بولمايدىكەن , كىملەرمۇ دىشىۋار ئەيلىمەس , قۇت تېپىپ شاھ تاجىدا , قىلساڭ جۇلا زۇمرەت بۇلۇپ , ھەر قاچاندا ھەر زاماندا كىم سېنى يار ئەيلىمەس . ئابدۇشۈكۈر مۇھەممەتئىمىن بەكلا ئەھمىيەتلىك پائالىيەت بوپتۇ , سىزمۇ كۆپ جاپا چىكىپسىز ھارماڭ قېرىندىشىم .   بۇ تىمىڭىزنى كۆرگەندىن كىيىنكى ئويلىغىنىم …… ئالىمىنى ئۇنۇتقان مىللەت , يىلتىزىنى قۇرۇتقان مىللەت . ئالىملىرىمىزنى ئەسلەپ تۇرۇش شۇنداقلا ئۇلارنىڭ باسقان ئىزىنى ئۈچۈرمەي مېڭىش ياش ئەۋلاتلارنىڭ شەرەپلىك بۇرچىدۇر .

uyol

	ئاجايىپ ياخشى ئىش قىپسىلەر!! ئالىمنىڭ يۈزىنى يۇرۇق قىپسىلەر! سىلەرگە تەشەككۈر! بىزمۇ 9-ئاينىڭ 27-كۈنى سىنپىمىزدا ئۇلۇغ ئالىم ئابدۈشۈكۈر مۇھەممەتئىمىن تەۋەللۇتىنىڭ سەكسەن يىللىقىنى خاتىرلەش پائالىيىتى ئۆتكۈزدۇق

uyol

	https://uyghur-archive.com/misranim/thread-112274-1-1.html

ESIRDIN

	بۇنداق پائالىيەتلەر داۋاملىق بولۇپ تۇرسا، ئوقۇغۇچىلار چوقۇم مۇقۇم نىشان تېكلەپ ماڭالايدۇ.

مارشال

	كورلا شەھەرلىك 6-ئوتتۇرا مەكتەپ شەھىرىمىزدىكى بىردىنبىر مىللىي ئوتتۇرا مەكتەپ.مەنمۇ بۇ ئىلىم-مەرىپەت بېغىدا 2003-يىلدىن باشلاپ 2009-يىلغىچە ئالتە يىللىق ئوقۇش ھاياتىمنى ئۆتكۈزگەن.12ياش چېغىمدىن باشلاپ تاكى دۆلىتىمىزنىڭ ئاساسىي قانۇندىكى 18ياش بولغان گىراژدانلىق يېشىغا كەلگۈچە 6-ئوتتۇرا مەكتەپتە ياتاقتا يېتىپ ئوقۇدۇم.6-ئوتتۇردىكى نۇرغۇن پىشقەدەم،كۆيۈمچان ئوقۇتقۇچىلارنىڭ تەربىيلىشى بىلەن مەن بۇ مەكتەپتە دۆلەت مائارىپىدا بېكىتكەن بىلىم ئېلىشتىن باشقا،ئادەمگەرچىلىك،تۇرمۇش،ئىجتىماھىي ئالاقە قاتارلىق جانغا ئەسقاتىدىغان مۇھىم ئىشلارنى ئۆگەندىم.ياتاق تۈزۈمى،ئاشخانىدىكى ئوپچە تاماق،ئەتىگەنلىك تەنتەربىيە ھەركىتى بىلەن شۇغۇللىنىش قاتارلىق نۇرغۇن ئىشلار..مېنى تاۋلىدى.6-ئوتتۇرا مەكتەپتىن چىقىپ دېھقانچىلىق يۇلىنى تاللىۋالغان بولساممۇ ئالتە يىللىق شۇ مەكتەپ ھاياتىدىكى مەن كۆرگەن ھەمدە ئۆگەنگەن بىلىملەر جەمىيەتتە ھەقىقەتەن ئەسقاتتى.مېنى شۇ مەكتەپتە تەربىيلىگەن،ماڭا بىلىم بەرگەن بارلىق ئوقۇتقۇچىلارنىڭ تېنىگە سالامەتلىك،خىزمىتىنىڭ كۆڭۈللۈك بولۇشىغا تىلەكداشمەن. ئاڭلىسام يېقىنقى نەچچە يىللاردىن بۇيان بۇ مەكتەپتە نۇرغۇن پىشقەدەم ئوقۇتقۇچىلار ۋاپات بوپتۇ.مەن كۆرۈپ تۇرغان ھەمدە نۇرلۇق سىماسى كۆز ئالدىمدا جىلۋىلىنىپ تۇرغان سۆيۈملۈك ئۇستازلىرىمنى ھەر ۋاقىت ئەسلەپ تۇردۇم... بۇ پائالىيەتنى كۆرۈپ شۇنداق خۇرسەن بولدۇم.كورلا شەھەرلىك 6-ئوتتۇرا مەكتەپنىڭ يەنە مۇشۇنداق مەشھۇر شەخسلەرنى تۇنۇشتۇرۇپ خاتىرلەش پائالىيىتىنى ئۇيۇشتۇرۇپ تۇرىشىنى،شۇ مەكتەپتە ئوقۇۋاتقان ئوقۇغۇچىلارنى مىللەتپەرۋەرلىك،ۋەتەنپەرۋەرلىك تەربىيسىنى كۆپرەك قانات يايدۇرىشىنى،مەكتەپتىكى ئوقۇغۇچىلارنىڭ ئۇنۋىرسال بىلىم ساپاسىنى ئۆستۈرىشىگە كۆپرەك كۈچىشىنى ھەمدە بۇ مەكتەپنىڭ كورلىدىكى يۇرۇق ماياك بولۇپ تېخىمۇ كۆپ ئىز باسارلارنىڭ يېتىشىپ چىقىشىنى ئۈمىد قىلىمەن.

WRUS

	مانا بۇ ناھايىتى بىر ئەھمىيەتلىك تىما بوپتۇ

qaraxani

	ئاق چاچلىق بىر ئالىم چۈشۈمدە ھامان! (مەرھۇم ئالىم ئابدۇشۈكۈر مۇھەممەت ئىمىن تەۋەللۇتىنىڭ 80 يىللىغىغا) قاراخان بەختلىك ئۆتتۈڭمۇ ئۆيۈڭدە ،ئەلدە، بۇ بىزگە قاراڭغۇ زەبەردەست ئالىم. كىم سېنى ئىتتىردى دىسەم ئەجەلگە، سەن دىدىڭ ‹‹نادانلىق››ئۆسەكچى زالىم. تەگدىمۇ دىسەممەن ئىمانىڭ چەلگە، دىدىڭسەن ئۇ داغقا چىدىماس بېتىم. ھاياتلىق كانىنى قازغاندا تىنماي، تۆپەڭدە پىتنىخور ئاچتى يەرمەنكە بەزىلەر ئورىمۇ قازدى ئۇخلىماي، سەن ئاچقان راۋان يول،يېشىل چىمەنگە. چاپلاشتى ساڭا كۆپ مەلئۇن رۇدىپاي، سەن ئۇنى ئورىدىڭ يالقۇن كېپەنگە. باستى كۆپ سەۋدالىق ئەلىمى سېنى، تەئەججۈپ ئەيلىدىڭ ئۇنىڭغا يارقىن. ھەركىمنىڭ كۆرسىتىپ قويدۇڭ رىسقىنى، زاۋالدا قالغانغا بولدۇڭ نۇر - چېقىن. سەن بولدۇڭ تارىمنىڭ زۇمرەت تاشقىنى، سەن بىلەن ئۆركەشلەپ ئاقتى روھ ئېقىن. قەدىمجاي سېنىلا  تۇغقاندەك پەقەت، ئېغىر يۈك يەلكەڭنى باستىغۇ بەتتەر. سەن بىلەن ئېچىلدى ئەلدە پاراسەت، سەن  ئەينى سامادا  چاقنىغان ئەختەر. ئەل كۈلسە بىلدىڭسەن ئۇنى پاراغەت، قويمىدىڭ ئىقلىمنى قىلچە بىنەزەر. فارابى تىكىلەر ساڭا پەخىرلىك، يۈسۈپمۇ سېنى دەر داستان خۇمارى. مەھمۇدنىڭ تىللىرى چىقتى تەسىرلىك، ئېسىلدى بوينۇڭغا مەشرەپ تۇمارى. ئۇيغۇرنى تاپقۇزدۇڭ شۆھرەت ئەسىرلىك، چىقاردىڭ ھەييامدەك مەجنۇن شۇئارى. رەسۇلنىڭ يېشىدا توپتىن ئايرىلدىڭ ، قالدى توم،بەھىرلىك ئامانەتلىرىڭ. مەرىپەت يولىدا دەرۋىش، سائىلدىڭ ، قالدى كۆپ يېشىمسىز بىشارەتلىرىڭ. سەن غورۇر ،ۋىجدانغا تۇغما نائىلدىڭ، بەدەل كۆپ ،ئاز بولدى دارامەتلىرىڭ. تامادىن يىراقسەن مېھنەتكە مۇشتاق، مىننەتكە سەندە يوق قىلچىمۇ ئورۇن. قوغلاشماي ئۆتتۈڭغۇ سەپتە نام-ئاتاق، يۇلغۇندەك قىزىرىپ، تۇرمىدىڭ سولغۇن. بىلگەنگە بۇ ئالەم دىدىڭغۇ سىناق، نەپسىڭگە بىر كۈنمۇ بولمىدىڭ تۇتقۇن. كەلمەسكە كەتتىغۇ سېنىڭدەك زەكى، تاپالماس مىڭ يىلدا چەكسىمۇ پەرياد. مەيلى سەن ئۇيغۇر بول ياكى ئەجنەبى، ئالىمسىز بازىرىڭ بولار پات كاسات. ئاڭا كۆر ساھىبخان گۈمنام، تەجەللى، ئەي ئالىم چۈشۈمنى قىلىۋەر ئاۋات! 2013-يىلى 17-ئۆكتەبىر