روھلان مۇنبىرى يانفۇن نۇسخىسى 1.2 نەشرى (يېڭى) چۈشۈرۋېلىڭ

rohlanbiz

	ئاۋال روھلان تور بېكىتىنى ئۇزۇندىن بۇيان ئىزچىل قوللاپ كېلىۋاتقان،  تور بېكەتلەر سەركىسى مىسرانىمغا ئالاھىدە رەھمەت ئېيتىمىز. تولۇق نامى: روھلان مۇنبىرى ئاندىرويىد (android) يانفۇن تېرمىنالى سىغىمى: 2.12 MB يېڭىلانغان ۋاقتى: 2013-يىل 10-ئاينىڭ 19-كۈنى تىلى: ئۇيغۇرچە نەشىر ھوقۇقى: ھەقسىز (روھلان تورى) قىسقىچە چۈشەندۈرۈلىشى: روھلان مۇنبىرى ئاندىرويىد (Android) يانفۇن تېرمىنالىنى 2013-يىل 5-ئايدا ئۇيغۇرچە مۇنبەرلەر ئارىسىدا تۇنجى بولۇپ، ئۇيغۇرچە تۇنۇتۇلمىغان يانفۇنلاردىمۇ ئۇيغۇرچە نورمال چىقىدىغان ، كۆرۈنمە يۈزى كۆركەم، ئىقتىدارى كۈچلۈك قىلىپ تارقاتقاندىن كېيىن ناھايىتى كۆپ تورداشلارنىڭ ياقتۇرۇپ ئىشلىتىشىگە ئېرىشكەن ۋە بىر قىسىم ئۇيغۇرچە مۇنبەرلەرنىڭ رۇخسەتسىز ھالدا روھلاننىڭ يانفۇن تېرمىنالىنى ئۆزىنىڭ مۇنبىرىگە ئۆزگەرتىپ ئىشلىشىنەتىجىسىدە تېخىمۇ كۆپ ئۇيغۇرچە مۇنبەرلەر يانفۇن نۇسخىسى قىزغىنلىق دولقۇنىنى كۆتۈرگەن ئىدى. گەرچە ئالدىنقى قېتىملىق ئەپ ئاساسىي جەھەتتىن ياخشى چىققان بولسىمۇ بىر قىسىم خاتالىقلار ساقلانغان ئىدى، بۇ قېتىم خاتالىقلار تۈزىتىلدى. بۇ قېتىملىق نەشرى ئايرىم ھاسىل قىلىنىپ قايتا ئىشلەنگەچكە ئاۋال ئالدىنقى كونا نۇسخىسىنى ئۆچۈرۋېتىپ، ئاندىن بۇ يېڭى نۇسخىسىنى قاچىلىشىڭلارنى تەۋسىيە قىلىمىز، كونا نۇسخىسى ھازىر نورمال ئىشلىمەيدۇ. بۇنىڭدىن كېيىن تارقىتىلغان باشقا ئۇيغۇرچە يانفۇن مۇنبەر تېرمىناللىرىنى ئۇچرىتىپ قاچىلاشقا توغرا كەلگەندە قاچىلاشتىن بۇرۇن يانفۇنىڭىزدا روھلان مۇنبىرى تېرمىنالىنىڭ نورمال ياكى ئەمەسلىكىگە دىققەت قىلىپ، قاچىلىغاندىن كېيىنمۇ روھلان مۇنبىرى تېرمىنالىنىڭ يانفۇنىڭىزدا بار يوقلۇقىغا دىققەت قىلىشىڭلارنى، ئەگەر باشقا بېكەتلەرنىڭكىنى قاچىلىغاندا روھلان يانفۇن تېرمىنالى ئۆچۈپ كېتىدىغان، باستۇرلۇپ كېتىدىغان ئەھۋاللارنى بايقىساڭلار مۇنبىرىمىزگە ئىنكاس قىلپ قۇيۇشۇڭلارنى تەۋسىيە قىلىمىز، بىر قىسىم مۇنبەرلەر روھلان مۇنبىرىنىڭ يانفۇن تېرمىنالىنى ئۆز ئالدىغا رۇخسەتسىز بۇزۇپ ئىشلىتىدىغان ئەھۋاللاردا دەل مۇشۇنىڭدەك خاتالىقنى سادىر قىلىپ، روھلان تور بېكىتىنىڭ ھوقۇق-مەنپەتىگە دەخلى يەتكۈزىدىغان قىلمىشلارنى سادىر قىلىدۇ، بىز بۇنىڭدىن كېيىن سىلەردەك روھلان تور بېكىتىنىڭ قوللىغۇچىلرىنىڭ ئىسپاتلىرى ئارقىلىق ئۆزىمىزنىڭ قانۇنىي ھوقۇق مەنپەتىمىزنى قوغدايمىز. بۇ قېتىملىق روھلان مۇنبىرى ئاندىرويىد (Android) يانفۇن تېرمىنالى 1.2 نۇسخىسىدا تۈزىتىلگەن ۋە ئەلالاشتۇرۇلغان يارقىن نۇقتىلار تۆۋەندىكىچە: 1. ئەپ قوزغىلىش كۆرۈنمە يۈزىدىكى ئىككى دانە قارا چېكىت يوقىتىلدى .(كىچىككىنە خاتالىققىمۇ يول قويمىدۇق undefined) 2. ئىلگىرىكى ئەپ قوزغالغاندا يانفۇننىڭ پۈتۈن ئىكرانىنى ئېگەللەپ، ئۈستىدىكى سائەت، سىگنال بەلگىسى، باتارىيە توك قالدۇقى،... قاتارلىقلارمۇ كۆرۈنمەيدىغان ئەھۋاللار تۈزىتىلىپ، باشقا يانفۇن ئەپلىرىگە ئوخشاش قولايلىقلاشتۇرۇلدى. 3. ئۇيغۇرچە ئىسىمدا تىزىملاتقانلارنىڭ يانفۇن نۇسخىسىدا ئىسىم يېزىپ كىرەلمەسلىك مەسىلىسى ھەل قىلىنىپ، تىزىملىتىش، كىرىش كۆزنىكىگە بىۋاستە ئۇيغۇرچە كىرگۈزۈش ئەمەلگە ئاشۇرۇلدى. 4. تېما، ئىنكاس يوللىغاندا ئۇيغۇرچە ۋە ULY ئوتتۇرسىدا ئالماشتۇرۇش ئېلىپ بارغاندا مەزمۇن رامكىسىنى بىر قېتىم تاللاشتىن ئىبارەت ئاۋارىچىلىق تۈزىتىلىپ، ئۆز ئارا ئالماشتۇرغاندىن كېيىنمۇ بىۋاستە يازغىلى بولىدىغان ھالەتكە كەلتۈرۈلدى. 5. يانفۇندا چۈشۈرۈش ئادرىسى قاتارلىق تور ئادرىسلىرىنى قوشقاندا ئۇلانماي ئادەتتىكىدەك چىقىۋالىدىغان، كومپيۇتېردا تورغا چىقىپ بىر قېتىم تەھرىرلىۋەتمىسە ئۇلانما ئىشلىمەيدىغان ئەھۋال تۈزىتىلپ، يانفۇندىمۇ بىۋاستە ئۇلانما قوشقىلى بولىدىغان، يوللىغان ئادرىس ئۆزلىكىدىن كۈچكە ئېگە بولىدىغان قىلىندى. 6. يانفۇندا يوللىنىدىغان تېما ، ئىنكاس چەكلىمىسى ئىلگىرىكى 1000 ھەرىپتىن 3000 ھەرىپكە كۆتۈرۈلدى، يانفۇندىمۇ كۆپ مەزمۇننى يوللاش ئەمەلگە ئاشتى. 7. سۇئال بەلگىسى تەتۈر كۆرۈنىدىغان مەسىلە ھەل قىلىنىپ، ئۇيغۇرچىغا ماسلاشتۇرۇلدى. ئىلگىرىكى ياخشى ئىقتىدارلار داۋاملىق ساقلاپ قېلىندى: 1. android سىستېمىلىق ئۇيغۇرچە تۇنۇتۇلغان ۋە تۇنۇتۇلمىغان بارلىق نەشىردىكى يانفۇندا ئۇيغۇرچە خەتلەر نورمال كۆرۈنىدۇ. 2. يانفۇنغا ئۇيغۇرچە كىرگۈزگۈچ قاچىلانمىغان بولسىمۇ يانفۇندىكى بەيدۇ، سوگو كىرگۈزگۈچلەردە كومپيۇتېردىكىگە ئوخشاشلا ئۇيغۇرچە تېما، ئىنكاس يازغىلى بولىدۇ. (4.0 دىن تۆۋەن ئۇيغۇرچە تۇنۇتۇلمىغانلىرىدا ئىنكاس يازغاندا خەتلەر تەتۈر ھالەتە يېزىلىدۇ، ئەمما يوللانغاندا نورمال يوللىنىدۇ) 3. تىزىملىتىپ كىرگەندىن كېيىن تېمىدىكى رەسىم ۋە ئەزالارنىڭ باش سۈرىتىنىڭ كۆرۈنۈش-كۆرۈنمەسلكىنى يانفۇننىڭ ئېقىم مىقدارىغا ئاساسەن ئىشلەتكۈچى خالىغانچە تەڭشىۋالالايدۇ. 5. بېكەتتىمۇ يېڭى ئەزالار نورمال تىزىملىتىش مەشغۇلاتى ئېلىپ بارالايدۇ. 6. باشقۇرغۇچىلار يانفۇندىمۇ ئوخشاشلا  ئىنكاسلارنى ئۆچۈرەلەيدۇ. 7. يانفۇن ئېقىم مىقدارىنى ئىنتايىن ئاز خورىتىدۇ. 8.  روھلاندىكى تېمىلارنى تېڭشۈن، شىنلاڭدىكى مىكروبلوگلارغا ھەمبەھىرلەشكە بولىدۇ. 9. يانفۇن نۇسخىدىمۇ كۆرۈپ يارىغان تېمىلارنى ساقلىغۇچقا قوشىۋالغىلى بولىدۇ. 10. دوست قوشقىلى، ئۆز ئارا مۇنبەر قىسقا ئۇچۇرى يوللىغىلى، مەزمۇن ئىزدىگىلى بولىدۇ. 11. دوستلار، مۇنبەردىكى ئەزالار، ۋە يېقىن ئەتراپتىكى (30 كىلومېتىر ئەتراپتىكىلەر) نى كۆرگىلى بولىدۇ (خۇددىئۈندىدارغا ئوخشاش) . 12. سەھىپىلەرنى تاللاپ تېما كۆرگىلى، ئۆزى يوللىغان تېمىلارنى ئايرىم كۆرگىلى بولىدۇ. 13. يانفۇن قىسقا ئۇچۇرى ئارقىلىق روھلان يانفۇن ئەپ دېتالىنىڭ چۈشۈرۈش ئادرىسىنى دوستلىرىغا تەشۋىق قىلالايدۇ (ئەلۋەتتە ئۆزىڭىز خالىسىڭىز) . كۆرۈنمە يۈزلىرىدىن كەسمە رەسىملەر: رەسىىملىرىنىڭ ھەممىسى يوللانمىدى، تېمىنىڭ ئېچىلىش سۈرئىتىنى ساقلاپ قېلىش ئۈچۈن مۇشۇ بىر پارچە رەسىملا يوللاندى، قالغان رەسىمنى روھلاندىكى ئەسلى تېمىغا كىرىپ كۆرەەيسىزلەر. چۈشۈرۈش ئادرىسى: 360 تور دېسكىسىدىن چۈشۈرۈش: http://yunpan.cn/QbDuzW4Hj3xK6 تېڭشۈن تور دېسكىسىدىن چۈشۈرۈش: http://url.cn/NL1VHJ خۇاۋېي تور دېسكىسىدىن چۈشۈرۈش: http://dl.vmall.com/c0zjvvgkrg روھلان تور بېكىتىدىن چۈشۈرۈش: http://rohlan.com/rohlan.apk بۇ يانفۇن تېرمىنالىنى ئىشلەشكە ئالاھىدە كۈچ   چىقارغان ئادۇۋكات تورىغا ۋە ئاريان ئەپەندىگە كۆپتىن كۆپ تەشەككۈر ئېيتىمىز. ھۆرمەت بىلەن: روھلان تور بېكىتى 2013-يىل 10-ئاينىڭ 19-كۈنى ئەسلىدىكى تېما ئادرىسى: http://bbs.rohlan.com/thread-25618-1-1.html

uyol

	رەھمەت، مەن چۈشۈرۈپ ئىشلىتىۋىرەي ئەمسە

borhanhoja

	مەن بىلمەيدىكەنمەنغۇ؟

rohlanbiz

	borhanhoja يوللىغان ۋاقتى  2013-10-20 01:17 AM مەن بىلمەيدىكەنمەنغۇ؟ نېمىنى بىلمەيدىكەنسىز؟ چۈشۈرۈپ قاچىلاشنى بىلمەمدىكەنسىز ياكى قاچىلاپ بولۇپ ئېچىشنىمۇ؟ روھلان تور بېكىتى دەپ بىر تور بېكەتنىڭ بارلىقىنىمۇ يا؟ نېمىنى بىلمىسىڭىز ئېرىنمەي تەپسىلىي قالدۇرۇپ قويسىڭىز بىلەلمىگەنلەرگە بىلدۈرۈپ قويۇش مەجبۇرىيتىمىز بار، بىلىدىغانلار بىلدۈرۈپ قويسا، ئۆگىتىپ قويسا بولىدۇ، باش ئاخىرى يوقلا سۇئال تاشلاپ قويسىڭىز سۇئالغا سۇئال بىلەن جاۋاب يازىدىغان ئىش چىقىپ قالىدىكەن مۇشۇنداق.

marhaba77

	مەن چۈشۈرىۋالدىم،بۇ ناھايىتى ئوبدان بوپتۇ.كومپىيۇتىردا تورغا چىققان قىرىنداشلار ئۆزۈڭلار بىلىدىغان مۇنبەرلەرنىڭ يانفۇن شەكلىنى رەتلەپ يوللاپ قويساڭلار.مەنمۇ بۈگۈن بىلدىم ماۋۇ روھلان تور بىكىتىنى.

borhanhoja

	rohlanbiz يوللىغان ۋاقتى  2013-10-20 02:34 AM نېمىنى بىلمەيدىكەنسىز؟ چۈشۈرۈپ قاچىلاشنى بىلمەمدىكە ... كەچۈرۈڭ!مۇجمەل سۇئال قۇيۇپتىمەن ،روھلان مۇنبىرنىمۇ ؟ چۇشۇرۇپ قاچىلاشنىمۇ ؟ بىلمەيدىكەنمەن .يېڭلا كومپىيوتېر سېتۋېلىپ تورغا چىققانتىم . خېجىلمەن.

kaitmas

	مەنمۇ   چۈشۈرىۋالدىم..... http://www.blogbus.com/anatel-logs/130068779.html

NaPaLyuN

	چاۋشەنچە  تۈزۈمدىكى بەت ئىگىسى سىزنىڭكى تەسىر دائىرڭىزدە  خىلى كۆپ بەتلەر سىزنىڭكى تۈزۈمىڭىزدە  مىڭۋىتىپتۇ قۇتلۇق بولسۇن  سىزگە سىزنى ئانچە  ياقتۇرۇپ كەتمىسەممۇ مۇنبەرگە ئەپ كەلگىنىڭىز ياخشى دىتالكەن

sewdaye1

	روھلان توربىكىتىنى قوللايمەن. روھلان تور بىكىتى ئۇيغۇرچە بىلىم ئۈگىتىش تور بىكەتلىرىنىڭ ئالدى جۇمۇ باللار، كومپىيوتېر ۋە تېلفۇن توغۇرلۇق، office ھۆججەتلىرى، vbبىلىملىرى، photoshop ۋە باشقا بارلىق كومپىيوتېر بىلىملىرى توغۇرلۇق بىلمىگەن يەرلىرىڭلار بولسا روھلان تورىدىن جاۋاپ تاپالايسىلەر. مۇختار روزىنىڭ دەرىسلىكلىرىنىڭ ھەممىسى روھلان تورىدا بار.

iltebir

	مۇبارەك بولسۇن. سىلەرنىڭ روياپقا چىقارغان ئەپلىرىڭلار ئۇيغۇر يېزىقى ئۈچۈن كىچىك ئىش ئەمەس.روھلان تورىنى ئەسلى ئوقۇتقۇچىلار جەم بۇلىدىغان قايناق سورۇنغا ئايلاندۇرساق،خاسلىغى بۇيىچە تەرەققىي قىلدۇرساق بۇلاتتى.