غۇنچەم دىراممىسى(يېڭىدىن ئىشلەنگەن،تولۇق)

kichikoghul

	توردا ئېقىپ يۈرگەن گۈلباھار ھامۇت بىلەن دىلشات راھىدىنلا چىقىدىغىنى<<غۇنچەم>>دىراممىسى ئەمەس،بەلكى بۇ دىراممىنىڭ ناخشىسى.  باشقىلىرى بولسا بۇ دىراممىنىڭ پەقەت بىر-ئىككى كۆرۈنىشى. مەن ئادېرسىنى يوللىغان <<غۇنچەم>>دىراممىسى بولسا يېڭىدىن ئىشلەنگەن تولۇق نۇسخسى. بۇ نۇسخا گەرچە 80-يىللاردا سەيدۇللام توختى بىلەن گۈلباھار ھامۇت نۇرۇم بىلەن غۇنچەمنىڭ رولىغا چىققان نۇسخىسىغا يەتمىسىمۇ كۆرۈپ قويۇشقا ئەرزىيدۇ. http://bt.karwan.cc/fengtv.htm 　　ئۈرۈمچى خەۋىرى / ئۆز مۇخبىرىمىز دىلشاد غوجائەھمەد ئىدرىسى: ئىلى ئوبلاستلىق ناخشا – ئۇسسۇل، دىراما ئۆمىكى ئورۇنلىغان، ئىلى ۋارىيانتىدىكى «غۇنچەم» دىراممىسى 26 – ئاپرېل ئۈرۈمچىدە قويۇلدى. 　　بۇ شىنجاڭ ئوپېرا ئۆمىكى 12 – ئاپرېل ئۈرۈمچىدە ئۆزلىرى تەييارلىغان مەزكۇر دىراممىنى ئوينىغاندىن كېيىن، تاماشىبىنلار كۆرگەن يەنە بىر نەشىردىكى «غۇنچەم» دىراممىسى بولۇپ قالدى. 　　دىراممىنىڭ تۇنجى كۆرۈنۈشى تاماشىبىنلارنىڭ ئويلىمىغان يېرىدىن چىقتى، يەنى ھازىرقى زاماندىكى كۆرۈنۈشتە، بەختىيار، خۇشال ياشاۋاتقان نۇرۇمنىڭ نەۋرىسى يىراقلاردىن ئاڭلانغان «غۇنچەم» ناخشىلىرىنى ئاڭلىغىنىدا بوۋىسىنىڭ ئەشۇ قەھرىمانلىق ئىشلىرى، مۇھەببەتلىك تارىخىنى ئەسلىگىنىدە ياشلارغا شۇ قاباھەتلىك يىللاردىكى تەڭسىزلىك، زالىملارنىڭ زوراۋانلىقى ئۈستىدىن شىكايەت قىلىپ، ئۇلارغا «غۇنچەم» دىراممىسى ۋەقەلىگىنى ھېكايە قىلىپ بېرىشكە باشلايدۇ. 　　بۇ ھەقتە دىراممىنىڭ رېجىسسورلۇقىنى ئۆتىگەن دۆلەتلىك 1- دەرىجىلىك رېجىسسور ماخمۇت ھامىت مۇنداق دەيدۇ:ــــ كىسلاسسىك ئەسەرلەرنى زامانغا لايىقلاشتۇرۇپ، ھازىرقى شاد تۇرمۇشىمىز بىلەن ئەينى يىللاردىكى زالىملارنىڭ دەستىدىن ۋەيران بولغان بۇ مۇھەببەت تارىخىنى سېلىشتۇرۇپ، ھازىرقىلارغا نۆۋەتتىكى بەختىيار تۇرمۇشىمىزنى قەدىرلەشنىڭ نەقەدەر مۇھىملىقىنى يورۇتۇپ بېرىش ئۈچۈن تەتۈر بايان شەكلىدە بۇ كۆرۈنۈشنى ئالاھىدە كىرگۈزدۇق. 　　ــــ بۇ بىزنىڭ ئۆمىكىمىزنىڭ 2009 - يىلىدىن بۇيان«قىزىل لېنتا» قاتارلىق دىراممىلاردىن كېيىن ئورۇنلىغان ئىلىنىڭ يەرلىك ۋەقەلىكى سۆزلەنگەن تۇنجى دىرامما، داڭلىق يازغۇچىمىز زۇنۇن قادىرنىڭ بۇ دىراممىسىنى بۇ يىل 24 – فېۋرال رېپىتسىيە قىلىشقا باشلىغاندىن بۇيان بىر ئاي ئىچىدىلا دىراممىنى ئىشلەپ پۈتكۈزدۇق، ئەسلى پىلاندا نورۇز بايرىمىدا ئاممىغا سۇنماقچى ئىدۇق، قارىساق ئاپتونوم رايونلۇق ئوپېرا ئۆمىكىمۇ بۇ دىراممىنى تەييارلاپتۇ، شۇڭا ۋاقىت جەھەتتىن كېيىنگە سۈردۇق. مانا بۈگۈن بىز ئۆزىمىز تەييارلىغان، ئىلى ۋارىيانتىدىكى بۇ دىراممىنىڭ تۇنجى قويۇلۇش مۇراسىمىنى ئۈرۈمچىدە ئۆتكۈزۈپ تۇرۇپتۇق، مېنىڭچە ئۆمىكىمىز تەييارلىشىدىكى بۇ دىراممىنى كۆرگەنلەر ئىلىنىڭ قويۇپ يەرلىك پۇرىقىدىكى «غۇنچەم» دىراممىسىدىن تېخىمۇ تولۇق بەھىر ئالالايدۇ،- دېدى ئىلى ئوبلاستلىق ناخشا – ئۇسسۇل، دىراما ئۆمىكى باشلىقى مەدىنە ئابدۇرۇسۇل. 　　ئىگىلىشىمچە، ئىلى ئوبلاستلىق ناخشا – ئۇسسۇل، دىراما ئۆمىكى بۇ دىراممىنى سەھنىگە ئېلىپ چىقىش ئۈچۈن 1 مىليون يۈەن ئاجراتقان، مۇھەممەتجان راشىدىن قاتارلىق داڭلىق شائىرلىرىمىز دىراممىغا زامانغا لايىق يېڭى تېكىستلارنى يېزىپ بەرگەن.

SULTANSTAN

	قىنى مەرھەممەت قىلىپ باقاي ،ئۆزۈم بىرىنچى رەتتە....

uyol

	مەنمۇ بىر كۈرۈپ باقاي. ئۇلار راسلا كۈچەپتۇ.. بىر مىليۇن ئاز پۇل ئەمەس

SULTANSTAN

	نىمىشقا بۇنداق ئىشلارغا كۈچەپ كەتكەندۇ،شۇ ۋاقىت بىلەن ھازىرنى كۆرىۋال ،بىلىۋال دەپ ئەسكەرتكىنىمىدۇ بۇ؟ ياكى يىڭى بىر كىنو ئىشلىسە ،،،،

iptihar2014

	بەكلا كۆرۈپ بار ئىدى. بۇ دارامىمىنى ياخشى ئىشلەيلىگەن بولسا ھەقىقەتەن ياخشى دارامما بۇ

qaraxani

	زۇنۇن قادىرى ئاكىمىزنىڭ روھى خوش بولۇپ قالغۇسى،ئىلگىرى سەيدۇللام توختىلار ئېيتقان مەزكۇر دراممىدىكى ناخشىلار يۈرەكنىڭ بېغىشىغا تېگەتتى...بۇنىمۇ كۆرۈپ باققۇلۇق....

arman81

	تېخى ئۇلۇشكۈن كۆرگەنتىم . ئۆمەر شاڭيونىڭ ئوبرازى ياخشى يارتىلىپتۇ

atilla705

	بۇ ھەقتە دىراممىنىڭ رېجىسسورلۇقىنى ئۆتىگەن دۆلەتلىك 1- دەرىجىلىك رېجىسسور ماخمۇت ھامىت مۇنداق دەيدۇ:ــــ كىسلاسسىك ئەسەرلەرنى زامانغا لايىقلاشتۇرۇپ، ھازىرقى شاد تۇرمۇشىمىز بىلەن ئەينى يىللاردىكى زالىملارنىڭ دەستىدىن ۋەيران بولغان بۇ مۇھەببەت تارىخىنى سېلىشتۇرۇپ، ھازىرقىلارغا نۆۋەتتىكى بەختىيار تۇرمۇشىمىزنى قەدىرلەشنىڭ نەقەدەر مۇھىملىقىنى يورۇتۇپ بېرىش ئۈچۈن تەتۈر بايان شەكلىدە بۇ كۆرۈنۈشنى ئالاھىدە كىرگۈزدۇق. _________________________________________________ لېكىن مۇشۇنداق گەپتىن ئىتتىن زىرىككەندە بىزار مەن... كونا ئەسەر ۋە ياكى كونا ۋەقەلىكنى قانداقمۇ ھازىرقى زامانغا ماسلاشتۇرغىلى بولسۇن...................... ھەرقانداق نەرسىنىڭ كونا تەبىئىي ياخشى.... بولاپتۇ قايتا ئىشلىسۇن،،، لېكىن شۇ كونا دەۋرنى ئارقا كۆرۈنۈش كېرەكتە........ ھازىرقى زامان دىگەن گەپ مەۋجۈت بولماسلىقى كېرەك............. ئىشلىسەك كونىدىن ياخشى قىلىپ، تېخىمۇ تەبىئىي قىلىپ ئىشلە.. بولمىغا غىتىنى قىسقان ياخشى.... ئارىدىن يەنە 100 يىل ئۆتسىمۇ كېيىنكى ئەۋلادلىرىمىز يەنىلا كونا غۇنچەم  دىرامىسىنى ئەسلەيدۇ.... يېڭىدىن ئىشلەنگەنلىرى پەقەت ۋاقىتلىق، شامالغا ئوخشاش كېتىدۇ.