ھېيىتتىكى تۇنجى تېلىفۇن (ھېكايە)

ahter

	ھېيىتتىكى تۇنجى تېلىفۇن                                                           (ھېكايە)                                  (ئەختەر)   ھازىر زامان تەرەققىياتى نىمە دېگەن تىز-ھە؟ بورۇن قىز-يېگىتلەر مۇھەببەت ئىزھارلىرىنى  سالام خەتلەر ئارقىلىق ئىپادىلەيىتتىكەن.مانا ھازىر ئۇنداق ئىشلار يوق، تېلىفۇن ئارقىلىق ئۈندىدار، ياكى ئۇچۇر بىلەنلا يېزىپلا يوللىۋەتسە قارشى تەرەپ كۆزنى يۇمۇپ ئاچقۇچە مۇھەببەت ئىزھارلىرىنى كۆرەلەيدۇ.بۇرۇنقىدەك قەغەزگە مۈكچىيىپ نەچچە قېتىم تەھرىرلەپ، ئولتۇرىدىغان ئىش يوق...   ھازىرقى مۇھەببەت بەك زىللىشىپ قالدىمۇ قانداق؟ ئادەتتە ھالقىلىق پەيىتلەردىكى بىرەر تال ئوچۇر ياكى بىرەر قېتىملىق تېلىفۇن ئورۇشلار مۇھەببەتنىڭ ئىستىقبالىغا مۇناسىۋەتلىك بۇلۇپ قالدى... بولۇپمۇ خاتىرلەش كۈنلىرى، توغۇلغان كۈن، ھېيىت بايراملىرى دەل ۋاقتىداقارشى تەرەپكە ئاكتىپلىق بىلەن تېلىفۇن قىلىپ ياكى ئوچۇر يوللاپ مۇبارەكلىمىسە بىردەمدە ئىشلار تەتۈرسىگە ئۆرۈلۈپ يامان بولغاندا مۇھەببەتتىن ئايرىلىپ كىتىدىغان يامان ئاقىۋەتلەر كىلىپ چىقىدىكەن...ماۋۇ بىزنىڭ ياتاقتىكى دېلىشاتنىڭ ئىشلىرى بۇنىڭغا مىسال بۇلالايدۇ ئەمەسمۇ، ئەسلىدە بۇ ئادىشىمىزنىڭ قىز دوستتىنىڭ تۇغۇلغان كۈنى 9-ئاينىڭ 6 سى كەچ سائەت 12-دە ئىكەن بىراق بۇ ئاغىينىمىز سائەت بىردە تېلىفۇن قىلغان گەپ، شۇنىڭ بىلەن قىز دوستتى نىمىشقا دەل ۋاقتىدا تېلىفۇن قىلمايسىز؟ دەپ شۇنىڭ بىلەن ئاغىينىمىزدىن ئايرىلىپ كەتكەن ئىدى... شۇنىڭ بىلەن ياتاقتىكى بالىلار دېلىشاتنىڭ مۇھەببەت جەھەتتىكى ‹‹ بۇ ئېچىنىشلىق تېراگىدىيەسىدىن›› قاتتىق ساۋاق ئېلىشىپ ھەر قانداق خاتىرلەش كۈنلىرىدە قىز دوستلىرىغا ئاكتىپلىق بىلەن تېلىفۇن ياكى ئۇچۇر قىلىشىدۇ، بىزنىڭ ياتاقتىكى نەبىي ئىسىملىك بىر ئاغىينىمىزنىڭ ئىشلىرى تېخىمۇ بەك كۈلكىلىك ،ئاغىينىمىز دېلىشاتنىڭ ئىشىدىن كېيىن بەك قورقۇپ كەتتىمۇ، بىر كۈنى ئورمان تىكىش بايرىمى بولسا كېرەك ئەتتىگەن ھەمىمىزگە ‹‹ بالىلار قىز دوستلىرىڭلارغا بايراملىق تېلىفۇن قىلدىڭلارمۇ›› دەپ يۈرىيدۇ سەنچۇ؟ دەپ سورىساق ‹‹ مەن بايراملىق ئۇچۇر يېزىۋەتتىم›› دەيدۇ، بۇ گەپنى ئاڭلاپ ھەمىمىز كۈلۈشۈپ كەتتۇق...   بۈگۈن ھېيىت كۈنىسى .دېلىشاتتىن باشقىلار ھەممىسى قاق ئەتتىگەندىلا تېلىفۇنلىرىنى ئېلىشىپ قىز دوستلىرىغا ھېيىتلىق سالاملىرىنى قىلىشقىلى تۇردى، بىزدە ئىشەك ئىشەكتىن قالسا قۇلىقىنى كەس دەيدىغان گەپ بار ئەمەسمۇ شۇڭا مەنمۇ گۈلشەنگە تېلىفۇن قىلىپ ھېيىتلىق سالام يوللاي دەپ ئۇرسام‹‹ تېلىفۇنىڭىزنىڭ سۆزلىشىش ھەققى تۈگىدى›› دەيدۇ. پىشانەمگە پاققىدە بىرنى سالسىمدە جىددىيلىشىپ كەتتىم، بۇ تېلىفۇنۇمنىڭ پۇلىسى قېيىشقاندەك بۈگۈنكىدەك مۇھىم چاغدا تۈگەپ كەتكىنىنى؟ ئەگەر ئۇنىڭغا ئەتتىگەندىلا ئۇچۇر يولىۋەتمىسەم، دېلىشاتتەك كۈنگە قالارمەنمۇ ئەمدى؟... باشقا بالىلرنىڭ تېلىفۇنىنى ئېلىپ بولسىمۇ سۆزلىشەي دېسەم ئۇ بالىلارنىڭ گەپ سۆزلىرى ھېچ تۈگەيدىغاندەك ئەمەس...   جىددىيلىشىپ كەتكىنىمدىن نىمە قىلارىمنى بىلەلمەي قالدىم ‹‹ ئەستا، شۇ تاپتا گۈلشەن قانداق ئويلاپ قالغاندۇ؟ تېلىفۇنمۇ قىلمىدى دەپ رەنجىپ قېلىۋاتقاندۇ ھەقىچان؟ ئەمدى چاتاقنىڭ چۇڭى چىقىدىغان بولدىد-دە!››   بىردەمدىن كېيىن تېلىفۇنۇم سايرىدى، ئەسلىدە تېلىفۇنۇم قارشى تەرەپ ئۇرسا كىلىدىغان، لېكىن مەن ئۇرالمايدىغان بولۇپ قالغانئكەن...گۈلشەن نىمىلا بولمىسۇن مىنى چۈشۈنۈپ ئۈزى تېلىفۇن قىپتۇدە؟ ئەجەپ ياخشى! خۇشالىقىمدىن يۈگۈرۈپ بېرىپ ياستۇقۇمنىڭ ئۈستىگە قويۇپ قويغان تېلىفۇننى ئالدىراپ ئالدىم...   -ۋەي، گۈلشەن!   -ئەسسالامۇ ئەلەيكۇم ئوغلۇم، ئوبدان تۇردۇڭمۇ؟ ھېيتىڭغا مۇبارەك بولسۇن!   -ۋەئەليكۇم ئەسسالام ئانا،-ئەسلىدە ئۇ ئانامكەن ئەمەسمۇقاتتىق خىجىل بولۇپ كەتتىم،- سىزنىڭمۇ ھېيتىڭىزغا مۇبارەك بولسۇن! قانداق ئۆي ئىچى تىچلىقتۇ؟   -تىچلىق بالام، داداڭ قوي سۇيىۋاتىدۇ. ھە راست بالام، ھېيىتتا قىينىلىپ قالماسلىقىڭ ئۈچۈن ساڭا پۇل سېلىۋەتتۇق، بىزدىن ئەنسىرمەي ئوقۇشۇڭنى ياخشى ئۇقارسەن... ئەمسە ئۈزەڭنى كۆپ ئاسىرا...   -سىزمۇ شۇ ئانا، ئۈزىڭىزنى ئاسىراڭ!   تېلىفۇننى قويۇپ كارىۋاتتا ئولتۇرۇپ كەتتىم.بالىلارغا قارىسام ئۇلارنىڭ گەپلىرى تېخى تۈگىمىگەنئىدى. شۇ تاپتا ئۇلارنىڭ بىرەرسىنىڭ تىزراق سۈزىنى ئاخىرلاشتۇرىشىنى تاقەتسىزلىك بىلەن كۈتۈپ ئولتۇرۇپ كەتتىم، بۇ قېتىمقى تاقەتسىزلىكىم ھەرگىزمۇ گۈلشەن ئۈچۈن ئەمەس، بەلكى قوي سۇيىۋاتقان دادامغا تېلىفۇن قىلىش ئۈچۈن ئىدى...

turpani004

	ئېسىل ھېكايىكەن!  ئاپىرىن...

mahatjan

	مۇھەببەتنىڭ ئۈچ باسقۇچى بار ؛-1- سى،تاساددىبى مۇناسىۋەت،يەنى تىلفۇن قىلىش،ياكى شۇنداقلا ئۇچۇرشۇپ قېلىش،بۇ مۇناسىۋەتكىمۇ ئالاھىدە دىققەت قىلىش كىرەك.     2- سى،شەرتلىك مۇىاسىۋەت،يەنى ئۇلار ئۇچرۇشۇپ ھە مۇھەببەتلىشەمدۇق؟ماقۇل.ئۇنداق بولسا مۇنداق شەرتلەرنى ھازىرلايمىز جۇما! بۇ مۇناسىۋەتكىمۇ ئالاھىدە دىققەت قىلىش كىرەك. 3- سى،تەبىئى مۇناسىۋەت،يەنى ئىككى تەرەپ قوشلغان باسقۇچ. بۇ باسقۇچلاردىكى مۇناسىۋەتلەرنى ياخشى تەڭشەش كىرەك،بولمىسا---.

mahatjan

	مۇھەببەتنىڭ ئۈچ باسقۇچى بار ؛-1- سى،تاساددىبى مۇناسىۋەت،يەنى تىلفۇن قىلىش،ياكى شۇنداقلا ئۇچۇرشۇپ قېلىش،بۇ مۇناسىۋەتكىمۇ ئالاھىدە دىققەت قىلىش كىرەك.     2- سى،شەرتلىك مۇىاسىۋەت،يەنى ئۇلار ئۇچرۇشۇپ ھە مۇھەببەتلىشەمدۇق؟ماقۇل.ئۇنداق بولسا مۇنداق شەرتلەرنى ھازىرلايمىز جۇما! بۇ مۇناسىۋەتكىمۇ ئالاھىدە دىققەت قىلىش كىرەك. 3- سى،تەبىئى مۇناسىۋەت،يەنى ئىككى تەرەپ قوشلغان باسقۇچ. بۇ باسقۇچلاردىكى مۇناسىۋەتلەرنى ياخشى تەڭشەش كىرەك،بولمىسا-----،

sayim

	ياخشى يىزىپسىز

ئەنـۋەر

	ھەي...! قەلىبلەردە چۈشىنىش بولمىسا ئۇنى قانداق مۇھەببەت دىيىش مۈمكىن...؟؟؟ يىگىتلەرنىڭ شۇنچىلىكلا كىچىك ئىشلارغا بولغان پەرۋاسىزلىقى مۇھەببەتكە خاتىمە بەرسە، قىزلارنىڭ يولسىزلىقى ئادەمنى چارچىتىپ يۈرەكنى سىقىدۇ. بۇ خىل مۇئامىلە ۋە پوزىتسىيىلەر ھامان مۇھەببەتنى قەبرىگە سۆرەپ ماڭىدۇ.    ھېكايىدىكى «مەن» نىڭ كېيىنكى «ئويغىنىشى» دىن بەك تەسىرلەندىم...    بەك ياخشى يېزىپسىز. كىچىككىنە بىر ھېكايىدە ئىككى چوڭ نوقتىنى، يەنى رىئاال تۇرمۇشتىكى ئىككى ئەمەلىيەتنى يورۇتۇپ بېرىپسىز. موشۇنداق ياخشى ئەسەرلىرىڭىزنى يەنە يوللاپ تۇراسىز. قەلىمىڭىزگە كۈچ، ئىجادىيەتلىرىڭىزگە ئۇتۇق تىلەيمەن.

zulayha

	رەھمەتلىك دادامغا مەن تېلفۇن قىلالىغان بولسام ئىدىم ھە...شۇ ئاتامنىڭ ھاياتلىقىدا قىلىپ بېرەلمىگەنلىرىمنى،مۇڭدۇشۇپ ئەھۋاللىرىنى سورىمىغانلىرىمنى دەپ ئەپۇ سورىۋالاتتىم... مىھرىبان ئاللاھىم،ئاتامنىڭ ياتقان جايلىرىنى يۇقۇرى جەننەت فىردەۋسلەردىن قىلغايلا...ياتقان جايلىرىنى نۇرغا تولدۇرۋەتكەيلا امىن!

miskin1201

	قاسىمجاندەك 3كىلو ۋىجدان كوپايە ئەمەس  ساپ 1كىلو بولسىلا بولدۇ  ياخشى خىيال قىپسىز  ئاتا-ئانا  بىز ئۈچۈن ئەڭ قەدىرلىك ۋە مىھرىبان كىشىلەردور توغرا بەخىت ھەممىشە كىلىۋەرمەيدۇ ،.، ئەمما   (ئاتا-ئانا ) مۇ   مەڭگۈلۈك ئەمەس ~!!!                                                           بەختىڭىزنى بىرە~!!!

yultuzum412

	ئەسسسالامۇئەلەيكۇم ،قۇربان ھېيتىڭىزغا مۇبارەك بولسۇن. بۇ ئەسەرنى ھازىرىقى كۈندىلىك تۇرمۇشمىزدىكى يۈز بىرىپ تۇرۋاتقان،كىچىك ئەمما ئىنتايىن زىل نۇقتىنى چىقىش قىلپ يىزىپسز،بىر ۋاقىتلاردا ئۈندىدار دوستىلۇق چەمبىرىكىدە دوستىلىرىم ئوغۇللار ھېيتتىن نامزىدىن يىنىپلا بىرىنجى قىلدىغان ئىشى قىز دوستىغا تېلفۇن قىلپ ھېيتىنى تەبىرىكلەش دەپ يىزىپ چىقىرىپ قويسا خۇددى بۇنى چوقۇم ئۇنىڭ قىلشقا تىگىشىلك ئىشى دەپ ئويلاپ مەنمۇ...........    ھىكايە يىزىپ ئولتۇرۇپ كىتىپتىمەنغۇ   بۇنىڭدىن كىيىنكى قەلەم قۇۋۋتىڭىزنىڭ تىخىمۇ ئىششىنى تىلەيمەن.

wissal@131

	ئەلۋەتتە ئاتا - ئانا دىگەن ھەرقاچان بىزنى ئويلايدۇ ئەمەسمۇ ياخشى چىقىپتۇ