تاماكا تاشلاشنىڭ ئەڭ ئۈنۈملۈك ئۇسۇلى

dilkax999

	ھۆرمەتلىك تورداشلار، ھەممىڭلارنىڭ ھىيتىڭلارغا مۇبارەك بولسۇن . ئۇلۇغ ئاللاھ ھەممىڭلارنىڭ تىنىڭلارنى سالامەت قىلسۇن.        مەن 22يىل تاماكا چەككەن بەڭگە، بىر كۈندە تاماكىنى ئاز دىگەندە ئىككى قاپ ، بولمىسا ئۈچ قاپ، كومپىيۇترنىڭ ئالدىدا ئولتۇرۇپ قالسام تۆت قاپمۇ چىكىۋىتەتتىم. تاماكا تاشلاش مەن ئۈچۈن دۇنيادىكى ئەڭ قىيىن ،قىلغىلى بولمايدىغان ئىشتەك بىلنەتتى. بىر كۈن كەچ بولغىچە ئاچ قالسام چىدىيالايىتتىميۇ تاماكام بولمىسا چىدىيالمايىتتىم. ھەتتا ئاتا-ئانام  رامزاندا روزا تۇتۇشنى دىسە ،تاماكىنىڭ خۇمارىغا چىدىيالماسلىقىمدىن ئەنسىرەپ روزىمۇ تۇتمايىتتىم. يىقىندا مەن تاماكىنى مۇۋاپىقىيەتلىك ھالدا تاشلىدىم.شۇڭا تاماكا چىكىدىغان لىكىن تاشلىيالماۋاتقان دوسلارغا ئازراقمۇ بولسا يارىدىمى بولۇپ قالار دەپ بۇ تىمىن يوللۇدۇم. مەن ھىيتقا ئوننەچچە كۈن قالغاندا بىر تۇققىنىمىزنىڭ مىيت نامىزىغا قاتنىشىپ بولۇپ، توساتتىن ھاياتلىق ۋە ئاخىرەت ھەققىدە ئويلۇنۇپ قالدىم. ئويلىغانسىرى ۋۇجۇژۇمنى بىر خىل قورقۇنىچ باستى. گەرچە ئىلگىرى ئاللاھنىڭ بارلىقىغا ئشەنسەممۇ ھامان بىركۈن توۋا قىلۋالىمەنغۇ، ئاللاھمۇ بەندىلىرىم چىن دىلىدىن توۋا قىلسا گۇناھىنى مەغپىرەت قىلىمەن دەپتىكەنغۇ ، دەپ ئويلايىىتتىم. جاھاندا بار كەيىپ-ساپانىڭ ھەممىنى قىلاتتىم. ساپساق تۇرغان تۇققىنىمىزنىڭ تۇيقسىز ئۆلۈمى كاللامنى سەگىتتى. << تۆۋبە قىلىشقا ئۈلگۈرسەمغۇ  ئۈلگۈردۈم ، ناۋادا ئۈلگۈرەلمەي تۇيۇقسىزلا..........>>ئاخىرىنى ئويلاشتىن قورۇقتۇم. شۇنىڭ بىلەن قايتا ئىمان ئىيىتتىم. بەش ۋاخ نامازنى باشلىدىم. بىر كۈنى قايسى بىر مۇنبەردىن تاماكىنىڭ ھاراملىقى ھەققىدىكى يازمىنى كۆرۈپ قالدىم. شۇنىڭ بىلەن ئويلاپ قالدىم؛<<توختا ، سەن  بىر تەرەپتىن ناماز ئوقۇپ يەنە بىر تەرەپتىن ھارامنى قىلساڭ قانداق بولىدۇ؟ سەن تاماكىنى چوقۇم تاشلىشىڭ كىرەك.>> لىكىن مەن يەنىلا قورقاتتىم . تاماكىنىڭ خۇمارىغا چىدىيالماي قىلىشىمدىن قورقاتتىم. يەنە ئويلاپ قالدىم ؛<< توختا،  سەن بۇ ھارام ئىشنى قىلساڭ ئاخىرەتتە چوقۇم جازاسىنى تارتىسەن. دوۋزاخ ئازابى يامانمۇ ؟ تاماكا خۇمارىمۇ؟ ياق، تاماكىنى چوقۇم تاشلىشىم كىرەك.>>    ئاللاھتىن تىلەي، ئۇلۇغ ئاللاھ چوقۇم يارىدەم قىلىدۇ دەپ ئويلىدۇم. شۇنداقلا ھەر بىر ۋاخ نامىزىمدا تىلىدىم؛<< ئىھ ، ئۇلۇغ ئاللاھ  شەيتاننىڭ ۋەسۋىسىدىن يىراق قىلغايسەن. ئىھ، ئۇلۇغ ئاللاھ  مۇشۇ نىجىسنى تاشلىۋىتىش ئۈچۈن يارىدىمىڭنى ئايىمىغايسەن، ماڭا سەبرى- تاقەت، چىدام -غەيرەت ئاتا قىلغايسەن.>> ئاخىرى ئۇلۇغ ئاللاھنىڭ يارىدىمى بىلەن تاماكىنى تاشلىدىم.  دەسلەپتە بىر -ئىككى كۈن شۇنداق خىياللارمۇ كەپ قالدى؛ << ھەي، بۇنداق جىنىڭنى قىينىغىچە بۈگۈنى بىرتال،ئەتە يىرىم تال چىكىپ ئالدىرماي تاشلىمامسە.>> شۇ چاغدا يەنە ئاللاھتىن تىلىدىم :<< ئىھ ، ئۇلۇغ ئاللاھ ، شەيتاننىڭ ۋەسۋىسىدىن يىراق قىلغايلا>>. شۇنداق قىلىپ  ئاللاھنىڭ يارىدىمىدە  بۇ نىجىسنى تاشلىۋالدىم.       ئاخىردا تاماكا تاشلاشنىڭ ئۇسۇلىنى مۇنداق يەكۈنلەپ چىقتىم: 1)  ئىتقادىڭىزنى توغۇرلاڭ.   2) ئاللاھتىن تىلەڭ. 3) دائىم سىلىشتۇرۇڭ.( دوۋزاخ ئازابى يامانمۇ، تاماكا خۇمارىمۇ) 4) يەنە ئاللاھتىن تىلەڭ.( ئىھ، ئۇلۇغ ئاللاھ ، شەيتاننىڭ ۋەسۋىسىدىن يىراق قىلغايلا)      ئاللاھنىڭ رەھمىتى بىلەن  تاماكىنى تاشلىۋەتسىڭىز ئەجەپ ئەمەس.

borhanhoja

	ياخشى تىما بۇلۇپتۇ .ئاللاھقا شۈكرى مەن تاماكا چەكمەيمەن .ئۆگەنمىسەممۇ بولغىدەك.

mahatjan

	تاماكا تاشلاشنىڭ ئەڭ ئۈنۈملۈك ئۇسۇلى دىن مەن ئوننى تونۇشتۇرغان. بۇنى تولوقلاپسىز .رەھمەت سىزگە.

راستچى

	ماڭمۇ ئالتە يىل بوپتۇ ئۇ نىجىستىن قۇتۇلغىلى،

ئەخمەد

	ئاللا رەھمەت قىلسۇن!

bijirim

	بىز ئۇيغۇرلاردىن 95%تىن يۇقىرىمىز مۇسۇلمان دەپ دەۋا قىلىمىز . پەقەت تەقۋادارلىق بىلەن ئاللاھقا تەۋەككۈل قىلىپ پەرىز سۈننەتلەرنى جېنىنىڭ بارىچە ئورۇنداپ ، ھارام ۋە شۈبھىلىك نەرسىدىن قاچىدىغانلار 30% كىمۇ بارماسلىقى مۇمكىن  . ئاللاھ بارلىقىغا ، ئۆلۈمنىڭ چوقۇم بىر قېتىم بولىدىغىنىغا ئىشىنىمىزيۇ سىزدەك چوقۇم بىر كۈنى دەپ كېتىپ قالىدىغانلار نۇرغۇن . مەنمۇ كەيىپ ئىچىدە بۇ ئىسنى ياقتۇرمايتىم . زىنانى ياقتۇرمايتىم چۈنكى ئىستا ئۆزەمنىڭ ئۆپكىسىنى زىيان سالدۇرۇپ نىم قىلاي دەيتىم. زىنا(كىچىك زىنا ھە)دىن مۇ قاچاتتىم . مەسىلەن مەن بىر قىز بىلەن ئويلاشماستىن مۇھاببەتلىشىپ قېلىپ ئايرىلىپ قالسام مەن تۇنجى مۇھاببىتىمنى مۇشۇنداق ئاددىلا بىرسىگە باغلىۋەتسەم ،ئۇمۇ بىكارلا ماڭا مۇھابىتىنى بېرىپ ئاندىن ئايرىلىش كەپ قالسا بۇ بىر كېيىنكى جۆرىسىگە ۋىجدانسىزلىق ئەمەسمۇ دەپ قارايتىم . ھاراقنى ئىچەتتىم . يەنە يۇيۇنۇپ بەزىدە ناماز ئوقۇتۇم تولۇق ئەمەس. كېيىن مەسچىتلەرنى مېيىت نامىزىنى ئوقۇدۇم . ئىمام يىغلاپ تۇرۇپ تەبلىغ قىلىپمۇ بەردى يۈرەكلىرىم . پۇتلىرىمنىڭ ئۇچىرغاچە بەدەنلىرىم تىتىرىدى كۆزۈمگە ياش كەلدى . شۇئان مەن ئويغاندىم . زادى بولمايدىغان ئىشنى ، قىلىشقا تېگىشلىك ئىشنى بىلىپ تۇرۇۇپ يەنە نېمشىقا مۇشۇنداق قىلىمەن. ئاللاھ مەن ھەقىقي تۆۋبە قىلىپ ئەمىلىمنى ئوڭشىۋالغىچە ئۆلۈپ كەتمىگەيمەن دەپ تىلەپ كەتتىم ۋە ئوڭشىلىشقا قاتتىق تىرىشتىم مەندە خۇمار بولغىدەك نەرسە بولمىغاچقا تېزلا ئوڭشىلالىدىم . ھاراقكەش ،زىناخور دوستلىرىمدىن تەنھا بولغىنىم ياخشى دەپ ئالاقە قىلماس بولدۇم ئۇچراشساق مۇنداقلا پاراڭلىشىپ قوياتتۇق . ئادەم شۇڭا ئۆلۈمنى ، ۋە ھازىرقى دۇنيادىكى مەيلى قانداق ئېغىر ئىش بولسۇن ئاخىرەتتىكى ئەڭ يېنىك جازاچىلىك ئەمەسلىكىنى ئويلاپ تۇرغاندا ئاندىن ھوشىنى يىغىپ ياخشى كىشىلەردىن بولۇپ كەتكىلى بولدىكەن. مەن دىنىمىزدا ھېچ بىر كىشىگە زىيان بولىدىغان يەرنى تاپالمىدىم . ياخشىلىققىلا بۇيرۇيدۇ ... قۇربىمىز يەتكەنگىلا بۇيرۇيدۇ . شۇڭا ئەتە ئەتە دەپ ئۆگۈن ئۆلۈپ كېتىپ شۇ پېتى كەتمەيلى .

bijirim

	زادى قەيەردىلا بولمايلى دۇئا قىلىپ تۇرۇش ئەڭ ياخشى (ئەمەل نىيەتكە باغلىق) ئاللاھ ھەرقايسىلىرىمىزغا رەھمەت قىلسۇن . تاماكا ھارام ئەمەس دەپ ئۆزىمىزنى ئالداپ يۈرمەيلى . ھارام نەرسە 40كۈنلۈك ئىبادەتنى يوق قىلىۋېتىدىغانلىقىنى ئۇنۇتمايلى . كىشىلەرگە ياخشىلىق قىلىپ ئۆزىمىزنى تاشلاپ قويۇشقا ھەم بولمايدۇ.

قۇندۇز

	اللە رەھمەت قىلسۇن قېرىندىشىم.....

esyankar75

	پەيغەمبىرىمىز مەسچىتكە سامساق يەپ كىرىشنى توسىغان يەردە تاماكا چىكىپ ناماز ئوقۇش ئۇنىڭدىن نەچچە ھەسسە ئارتۇق گۇناھ بولىدۇدە

ئەنـۋەر

	توغرا، ئادەم غەيرەتكە كەلسە يەڭگىلى بولمايدىغان مۈشكۈل يوق. جاسارىتى بار ئەركەكلەرگە تاماكا تاشلىماق ئۇنچە قىيىن ئەمەس.