قارا ئۆڭكۈرنىڭ تۇرغۇن يۇلتۇزنى يۇتىشى

uyghur1992

	قارا ئۆڭكۈرنىڭ تۇرغۇن يۇلتۇزنى يۇتىشى     ئاسترونۇملار يېقىندا قارا ئۆڭكۈرنىڭ تۇرغۇن يۇلتۇزنى يۇتۇپ كەتكەن كۆرۈنۈشىنى، ئالەمدىكى ئەڭ سىرلىق، كىشىنى تاڭ  قالدۇردىغان مەنزىرىنى سۆرەتكە ئېلىۋالدى. سۆرەتتىكى قارا ئۆڭكۈر يالماۋۇزغا ئوخشاپ كېتىدۇ،  ئۇنىڭغا يېقىنلاشقان تۇرغۇن يۇلتۇز قىسقىغىنا ۋاقىت ئىچىدە پارچىلىنىپ ، نۇر چىقىرىدىغان زەررىچىلەرگە ئايلىنىپ غايىپ بولدى. ئېيتىشلارغا قارىغاندا قارا ئۆڭكۈر تارتىش كۈچى غايەت زور بولغان ئاسمان جىسىمى بولۇپ ، نۇرمۇ ئۇنىڭدىن قېچىپ قۇتۇلالمايدىكەن.  ئۇ ئالەمدىكى تېگى يوق ئۆڭكۈر ، ئۇنىڭغا ئۇچرىغان ھەرقانداق نەرسە قېچىپ قۇتۇلالمايدۇ. قارا ئۆڭكۈردىن نۇرمۇ قېچىپ قۇتۇلالمىغاچقا، ئالىملار قارا ئۆڭكۈر بىۋاستە كۆزۈتۈشكە ئامالسىز.  بۇ سۆرەت بولسا ئاسترونوملارنى قارا ئۆڭكۈر توغۇرلۇق بىۋاستە يىپ ئۇچى بىلەن تەمىنلىدى. خەۋەرلەرگە قارىغاندا ، سۆرەتتىكى قارا ئۆڭكۈر يەر شارىدىن 4 مىليارد نۇر يىلى يىراقلىقتا ئىكەن.  كۆپ قىسىم يۇلتۇزلار سېستىمىلىرى ئىچىدە  زور ماسسىلىق قارا ئۆڭكۈر بولىدۇ. بۇ قارا ئۆڭكۈرلەرنىڭ ماسىسى تەخمىنەن قۇياش ماسىسىنىڭ بىر مىليون ھەسىسىدىن 10 مىليارد ھەسىسىگىچە بولىدۇ. ئېيتىشلارغا قارىغاندا قارا ئۆڭكۈر ھەر 100مىليون يىلدا ئاران بىر تۇرغۇن يۇلتۇزنى يۇتۇپ كېتىدىكەن. ماتىرىيال رەسىم: ئەجدىھا يۇلتۇز تۈركۈمىدىكى قارا ئۆڭكۈر بىر تۇرغۇن يۇلتۇزنى يۇتماقتا. ئامرىكا ئالەم قاتناش ئىدارىسى گامما نۇرلۇق كۆزىتىش ئەسۋابى بىلەن ئەجدىھا يۇلتۇز تۈركۈمىنى كۆزىتىۋاتقاندا، ئۇنىڭ ئىچكى قىسمىدا سىرلىق ئېنىرگىيە مەنبەسىنى بايقىغان. يەر شارى بىلەن بولغان ئارىلىقى 4 مىليارد نۇر يىلى بولۇپ ، ئالىملار ئۇنىڭغا Sw 1644+57 دەپ نومۇر قويغان. بۇ سىرلىق ئېنىرگىيە قارا ئۆڭكۈرنىڭ مەركىزىدىن كەلگەن بولۇپ، بۇ ھادىسە ئالىملارنى ناھايىتى قىزىقتۇرغان. كېيىن بۇ قارا ئۆڭكۈرنىڭ بىر تۇرغۇن يۇلتۇزنى يۇتىۋاتقانلىقى ئىسپاتلانغان.  بۇ بىر ناھايىتى كەم ئۇچرايدىغان ئالەم ھادىسىسى، بولۇپ 100 مىليون يىلدا ئاران بىر قېتىم ئۇچرىشى مۇمكىن. قوشۇق تەرجىمىسى كېلىش مەنبەسى : http://news.qq.com/a/20110826/000301.htm#p=1

uyghur05

	مۇشۇ قارا ئۆڭكۈر توغرىسىدا گەپ بولسا ئالامەت قىزىقىپ ئاڭلايمەن دىسە. يەرشارىغا ئەڭ يېقىن قارا ئۆڭكۈر بىزدىن قانچە نۇر يىلى يىراقلىقتا

kariguja

	نۇرنىمۇ يۇتۇپ كەتسە ئۇنى قانداق بايقىغاندۇ ؟

munirdin

	سىرلىق كائىنات ،سىرلىق قارا ئۆڭكۈر،قارا ئۆڭكۈرنىڭ ئۇنچە كۈچلۈك تارتىش ئېنىرگىيەسى ھەقىقەتەن سىرلىق

boraoghli

	ﺳﯜﺭﻩ Fussilat, Verse 53: ئۇلارغا بىز تاكى ئۇلارغا قۇرئاننىڭ ھەق ئىكەنلىكى ئېنىق بولغۇچە، (ئاسمان ـ زېمىن) ئەتراپىدىكى ۋە ئۆزلىرىدىكى (قۇدرىتىمىزگە دالالەت قىلىدىغان) ئالامەتلەرنى كۆرسىتىمىز، پەرۋەردىگارىڭنىڭ ھەممە نەرسىنى كۆرۈپ تۇرىدىغانلىقى (سېنىڭ راستلىقىڭنىڭ دەلىلى بولۇشقا) ئۇلارغا كۇپايە ئەمەسمۇ (English - Shakir) via iQuran

ramu

	ئاللانىڭ كارامەتلىرى نىمە دىگەن سىرلىق ۋە ئۇلۇغ ھە!

borhanhoja

	ئاللاھنىڭ قۇدىرتى چەكسىز!!!!!!!!!

azizanakaxkar

	نۇرنىمۇ يۇتۇپ كەتسە ئۇنى قانداق بايقىغاندۇ ؟ قىرىندىشىم قاراڭغۇ ئۆڭكۇرنى مۇنداق بايقايدىكەن،مەلۇم بىر بوشلۇققا چوڭ كىچىك پىلانىتلار شىددەت بىلەن ئىقىپ  كىلىپ تۇيۇقسىز يوقاپ كەتسە ھە دىمەك مۇشۇ يەردە بىر قاراڭغۇ ئۆڭكۇر دىگەن  نەرسە بار ئىكەن دەپ بىلىدىكەن، ياكى ئاۋۇ بىر رەسىمدە كۆرسىتىلگەندەك پىلانىتلار پارچىلىنىپ نۇر چىقارغانچە بىر يەرگە كىلىپ يوقاپ كەتسە...... دىگەندەك ئەھۋاللاردا.

dolantograk004

	ئاللاھ ھەرنەرسىگە قادىردۇر