سىزمۇ پارازىت ياشىغۇچىمۇ؟

munirdin

	ھازىردۆلەت ئىچىدىكى تور دۇنياسىدا مۇنداق بىر سۆز مودا بولدى يەنى <<پارازىتلار>> ياكى <<تايانغۇچىلار>> .بۇنداق دېگەنلىك يەنى بۇ خىلدىكى كىشلەر ئۆزىگە ئەمەس بەلكى ئاتا-ئانىسىغا تايىنىپ ياشايدۇ.ئۇلار خىزمەت تاپالمىغان ئەمەس بەلكى ئۆزلىكىدىن ئىشلەش پۇرسىتىنى رەت قىلغانلار شۇنداقلا ئۆيدە بىكار ئولتۇرىدىغانلار.كىيىم-كېچەك،يىمەك-ئىچمەك ،تۇرالغۇ ،يۈرۈش-تۇرۇش قاتارلىق جەھەتلەردە پۈتۈنلەي ئاتا-ئانىسىغا تايىنىپ قالماستىن بەلكى خىراجىتى بارغانسىرى يۇقىرلاپ بېرىۋاتقانلار . ئاساسلىقى23-30ياشقۇچە بولغان تىرىكچىلىك قىلىش ئىقتىدارى بار تۇرۇپ تېخىچە <ئەمچەكتىن ئايرىلمىغان >كىشىلەر بولۇپ ئاتا-ئانىسىغا تايىنىپلا جان باقىدىغان ياشلار.جەمىئىيەتشۇناسلار بۇنداقلارنى<< يېڭى ئىشسىزلار توپى>> دەپ ئاتايدۇ.ئۇلارنى تۆۋەندىكى تەرەپلەردىن چۈشىنىش مۇمكىن: ئۇقۇم پارازىت ياشىغۇچىلاريەنى ئېنگىلىزچە( Not currently engaged in Employment, Education or Training ) دەپ ئاتىلىدىغان بولۇپ بۇ خىل ئاتالغۇئەڭ دەسلەپتە ئەنگىليەدە  ئىشلىتىلگەن ۋە كىيىن ئاستا-ئاستا باشقا ئەللەرگە تارقالغان .ئۇ ئاساسلىق بىر قىسىم ئۆرلەپ ئوقۇمايدىغان،خىزمەت تاپمايدىغان ۋە ھېچقانداق خىزمەت تېپىش كونسۇلتاتسىيىسىگە قاتناشمايدىغان كۈن بويى بىكار يۈرىدىغان كىشلەر توپىنى كۆرسىتىدۇ . ئەنگىليەدە بۇ خىل كىشلەر 16-18ياشقىچە بولغانلارنى كۆرسەتكەن،ياپونيەدە بولسا15-34ياشقۇچە بولغان ياشلارنى كۆرسىتىدۇ،دۆلىتىمىزدە بولسا يۇقىردا دەپ ئۆتكەندەك 23-30ياشقۇچە بولغانلارنى كۆرسىتىدۇ دۆلىتىمىزدىكى پارازىت ياشىغۇچىلار تۆۋەندىكى بىر نەچچە تۈرگە بۆلىنىدۇ: بىرىنچى تۈردىكىلەر:ئىش ئوقىتى ۋە كىرىمى بارھەمدە تۇرمۇش تۇرمۇش خىراجىتىنى ئۈستىگە ئالىدۇ بىراق ئۆي سېتىۋېلىش ماشىنا ۋە باشقا راھەت-پاراغەتلىك تۇرمۇش ئۈچۈن كېرەكلىك نەرسىلەرنى ئاتا-ئانىسىغا تايىنىپ ئالغۇزىدۇ ئىككىنچى تۈردىكىلەر:ئىش ئوقىتى ۋە كىرىمى بار بىراق تۇرمۇش خىراجىتىنىمۇ ئاتا-ئانىسى ئۆز ئۈستىگە ئالىدۇ ھەتتا خوتۇن بالىلىرىمۇ ئات-ئانىسىنىڭكىنى يەپ-ئىچىدۇ. ئۈچىنچى تۈردىكىلەر:ھېچقانداق ئىش ئوقىتى ۋە كىرىمى يوق،پۈتكۈل تۇرمۇش خىراجىتىنى ئاتا-ئانىسى بېرىدۇ ئاتا-ئانىسىنىڭ مەبلىغىگە تايىنىپ سودا قىلغان ھەمدە ئاخىردا مەغلۇپ بولۇپ ھەممىنى يوق قىلغانلارمۇئوخشاشلا پارازىت ياشايدىغانلار قاتارىدىن سانىلىدۇ. تەربىيلىنىش پىسخىكىسى ئالى مائارىپنىڭ ئومۇملىشىشىغا ئەگىشىپ ئالى مەكتەپنى پۈتتۈرگەنلەرنىڭ سانى تەدرىجى ئېشىپ بېرىۋاتىدۇ بۇ ھال بىر قىسىم ئالى مەكتەپلەرنى پۈتتۈرگەنلەردە ئۆزىنىڭ تەربىيلىنىش ئەھۋالىغا نىسبەتەن بىر قەدەر تۆۋەن بولغان ئىشى ئورنى ۋە ئىش ھەققىنى ياراتماسلىق ھەمدە ئۆزىگە ئادىل بولمىدى دەپ قاراشنى كەلتۈرۈپ چىقارغان،يەنە بىرقىسىم تاۋى نازۇك ياشلار بولسا جاپادىن قورقىدۇ ئازراق جاپالىق ۋە كۈچ سەرپ قىلىدىغان ئىشلار بولسا قىلىشنى خالىمايدۇ .ئۇلارنىڭ خىزمەت تەلىپى بولسا خىزمەتنىڭ ئازادە يېنىك شۇنداقلا ئىش ھەققىنىڭ يۇقىرى بولۇشى ،بۇ خىل ئەھۋال نەتىجىدە ئەھمىيەتسىز كۈتۈشنى كەلتۈرۈپ چىقارغان،ئۇلار خىزمەت قىلمايدۇ ھەم ئۆگەنمەيدۇ. خاراكتىرى ئۇلارنىڭ خاراكتېرى ئاساسلىق خام-خىيال سۈرۈشكە ئامراق،ئۆزىگە ئىشەنمەيدىغان،ئىچ مىجەز، ئالاھىدە ئەركە ئۆسكەن قاتارلىق تۆت جەھەتتە ئىپادىلىنىدۇ. ئىستاستىكا ئالاقىدار مۇتەخەسىسلەرنىڭ سىتاستىكا قىلىشىچەشەھەرلەردە تەخمىنەن%30ئادەم بۇ خىل پارازىت ئۇسۇلدا ياشاپ باققان %65ئائىلىدە بۇخىل پارازىت ياشاش ئەھۋالى مەۋجۇت،پارازىت ياشىغۇچىلار كەلگۈسىدىكى ئائىلە تۇرمۇشىغا تەسىر كۆرسىتىدىغان بىرىنچى قاتىلغا ئايلىنىپ قېلىشى ئېھتىمالغا بەكمۇ يېقىن. ئارىمىزدا مۇشۇنداق ياشاۋاتقانلار بارمۇ؟ ناۋادا سىزمۇ مۇشۇ قاتاردا بولسىڭىز دەرھال بۇ قاتاردىن چېكىنىپ چىققايسىز! ئەسكەرتىش:مەزكۇر يازمىنى خەنزۇچە تور بەتتىن پايدىلىنىپ يازغانتىم ،خەنزۇچە啃老族دېگەن ئۇقۇمنى پارازىت ياشىغۇچىلار دەپ ئالدىم،ئوخشىمايدىغان پىكىرلەر بولسا قارشى ئالىمەن مەنبە:تور دۇنياسى ۋە ئۆز قەلىمىم

arman81

	مەن تېخى 17 ياش ،مەنمۇ پارازىت قا كىرەمدىم

karizlik

	مەن   پارازىت ئىكەنمەن

rahmansaykin

	پارازىت بۇلۇپ قالماسلىق ئۈچۈن تىرىشىش كىرەك .

amat015

	بۇنداقلارغا بىرەر ئامال يوقمىدۇ؟... مىنىڭمۇ بىر-ئىككى تونۇشۇم بار. كىچىك ئىشلارنى ياراتمايدۇ. چوڭ ئىشلارغا دەسمايە يوق. لىكىن نەزىرى ئۈستۈن.

akyupurmak

	مەن 150% بۇنىڭ سىرتىدا

bayhenim

	پارازىت بوپ قالماسلىققا تىرىشىڭلار ،مەن ئۇنىڭ سىرتىدا.......................

kakkuk11

	ئۇ كۈنلەرگە خاتىمە بەردىم...

sargarda

	ھۆنەر  ـ  كەسىپسىز  ،  بىكار  تەلەپ ئەردىن    مېكىيان   توخۇ  ياخشى  .   مېكىيان  توخۇ كۈندە  بىرەر   تال  تۇخۇم   توغۇپ   بولسىمۇ   ئىگىسىگە   جاۋاب قايتۇرىدۇ . ئەمما ، بىكار  تەلەپ   ئەر  ئائىلىگە   يۈك  ،  جاھانغا  ئاپەت  بولۇپ ياشايدۇ . ئانام   شۇنداق  دەيىتتى .   شۇ  گەپنىڭ  تەسىردىنمىكىن  باشقىلارغا تايىنىپ كۈن كەچۈرۈشنى بىر  خىل خورلۇقتەك   ھىس  قىلىمەن .

orkixi

	sargarda يوللىغان ۋاقتى  2013-10-16 03:27 PM ھۆنەر  ـ  كەسىپسىز  ،  بىكار  تەلەپ ئەردىن    مېكىيان   توخ ... بۇ ئىنكاسىڭىزدىن بەك سۈيۈندۈم .دىگىنىڭىز بەرھەق .