ئىقتىسادى ئەھۋالىمىز قانچىلىك خەتەرلىك ؟

borhanhoja

	سېستىمىلاشقان مىللى ئقتىسادنىڭ بارلىققا كېلەلمەسلىكى ئقتىسادى ئەھۋالىمىزنى بوغۇپ تۇرماقتا . مىللىي كارخانىچىلىرىمىز تۈركۈملەپ مەيدانغا كېلىۋاتقان بولسىمۇ ئۇلار دۈچ كېلىۋاتقان خىرىس ۋە رىقابەت ھەقىقەتەنمۇ بەك كۈچلۈك . مىللى سانائىتىمىز ئەمدىلەتىن يامغۇردىن كېيىنكى مايسىدەك بىخلىنىشقا باشلىدى . بۇ ئادەمنى ئۈمىت ۋە ئىشەنچىگە ئىگە قىلىدۇ . بىراق دېھقانلىرىمىز يەنىلا مەمۇرىي بۇيرۇق ئاستىدىكى كۆپ خىللاشمىغان دېھقانچىلىق باسقۇچىدا تۇرۋاتىدۇ .شەھەر ئۇيغۇرلىرى بولسا ئاساسەن ئىپتىدائىي سودا ھالىتىدە ئېلىپ - ساتارلىق ، يايمىچىلىق ياكى مەمۇرىي ،كەسپىي ، ئجتىمائىي كاپالەت ئورۇنلىرىغا بېقىنىپ ياشاش خارەكتېردىكى ئىقتىسادىي ھالەتتىن قۇتۇلغىنى يوق . بىر مەيدان ئىقتىساد جېڭى باشلىنىپ بولدى . ئەڭ چوڭ گوروھ ، شىركەتلەرنىڭ كىچىككىنە ناھىيە بازارلىرىمىزغا كۆزى چۈشۈپ بۇ يەردە ئېلىپ -ساتارلىق قىلىۋاتقانلارغا كۈچلۈك رىقابەت بېسىمى ئېلىپ كەلدى . بۇ ھازىرقى زامان ئويغۇرلىرىنىڭ ئجتىمائىي ،تەشكىلىي قۇرۇلمىسى تارقاق ،سېستىمىلاشمىغان ئۈزۈك ھالەتكە چۈشۈرۈپ، ياشاش ۋە پائالىيەت بوشلۇقىنى تارايتىۋەتكەن مۇھىم سەۋەبلەرنىڭ بىرىدۇر . مەلۇمكى مىللى ئىقتىساد بىر مىللەتنىڭ مەدەنىيەت ھاياتىدا كەم بولسا بولمايدىغان مۇھىم ئامىلدۇر . بىر مىللەت ئىقتىسادىي كۈچىنىڭ قانداق بولۇشى شۇ مىللەتنىڭ ياشاش ئىقتىدارى ۋە جەمئىيەتتە تۇتقان ئورنىغا بىۋاستە تەسىر كۆرسىتىدۇ . بولۇپمۇ كۆپ مىللەت ئارلىشىپ ئولتۇراقلاشقان رايۇندا مەلۇم مىللەتنىڭ بىر قەدەر مۇكەممەللشكەن ،سېستىملاشقان ، ئىقتىسادى ئىشلەپچىقىرىش سېستىمىسىغا ئىگە بولۇشى ، شۇ مىللەتنى ئىشەنچىلىك ياشاش كاپالىتى بىلەن تەمىنلەپ تېخىمۇ كۆپ ئىشقا ئورۇنلىشىش مۇھىتى بىلەن تەمىنلەيدۇ . مىللى مەدەنىيەتنىڭ باشقا تارقاق قاتلاملىرىنى ياخشى مەبلەغ مۇھىتى بىلەن تەمىنلەيدۇ .گەپنى ئوچۇق قىلىپ ئېيتساق بىزنىڭ ئىقتىسادىي ئەھۋالىمىز ھەقىقەتەن خەتەرلىك .دەل بىز يۇقىرىدا دەپ ئۆتكەن سەۋەبلەر تۈپەيلى ئىقتىسادىي رىقابەت كۈچىمىز بوغۇلۇپ قالدى . ھەممىدىن دېھقانلىرىمىزنىڭ يەنىلا قالاق پىلانلىق ئىقتىساد ئەندىزىسىدە ياشاۋاتقانلىقى كىشىنى ئويغا سالىدۇ . ئىچكىرىدىن تۆۋەن باھالىق يۇقۇرى سۈپەتلىك مەھسۇلاتلار تۈركۈم - تۈركۈملەپ كەلتۈرۈلۈشكە باشلىدى . ھەتتا بەزى مەھسۇلاتلارنىڭ سېتىلىش باھاسى بىز ئىشلەپچىقارغان مەھسۇلاتلارنىڭ تەننەرخىدىنمۇ كۆپ تۆۋەن . ئەمما ئەھۋالدىن قارىغاندا بىزدە بۇ جەھەتتە ماددى جەھەتتىكى تەييارلىق ئەمەس بەلكى ئىدىيە جەھەتتىكى تەييارلىقمۇ يوقتەك قىلىدۇ . ئۇلار زور مەبلەغ بىلەن كىچىككىنە پايدا ئۈچۈن بىزنىڭ بۇ شەھەرلەرگە ،ناھيىلەرگە ۋە تېرىلغۇ يەرلىرىمىزگىچە ئۆزىنىڭ ئىقتىسادىي ئەۋزەللىكى ، تېخنىكا ئەۋزەللىكىدىن پايدىلىنىپ بىزگە يۇقۇرى بېسىملىق رىقابەت ئېلىپ كەلدى . يەنىلا ئۇيقىمىزنى ئاچماي كۈندە تاپقاننى كۈندە خەجلەپ ،كۆپ تاپقاندا تېخىمۇ كۆپ ئىستىمال قىلىپ مىللى ئىگىلىك ئۈچۈن يۈرۈش قىلماي ئىستىمال مىللىتى بولۇپ يۈرىۋەرسەك بەلكىم ئستىمالچىلىق ھوقۇقىدىنمۇ مەھرۇم قېلىشىمىز مۇمكىن . شەھەرلىشىش ھەدەپ ئىلگىرى سۈرۈلىۋاتقان مۇشۇ دەۋىردە شەھەردىن قاچماي بەلكى شەھەردىكى رىقابەت كۈچى بىلەن رىقابەتلىشىپ پۇت تېرەپ تۇرۇشىمىز كېرەك . پۈتكۈل مىللەت ئۈچۈن ئېيتقاندا ئىقتىسادىي نامىراتلىق ، مەنىۋى نامىراتلىق قاششاڭلىقنىڭ ئانىسىدۇر . ئارىمىزدىن زۇلپىقار ئەبەيدۇللا ، ئەركىن ھاشىم ، رادىل ئابلا ، قاتارلىق مەرىپەتپەرۋەر كارخانىچىلار ئۆز بىلىملىرىنى ئۆزىنىڭ توپلىغان كاپىتالى ئارقىلىق ئىسپاتلاپ نۇرغۇن مىللى ياشلىرىمىزنى ئىقتىسادىي قىيىنچىلىقتىن قۇتۇلدۇرۇش يولىنى قىلىۋاتىدۇ . بەلكىم ئۇلار ھېس قىلىۋاتقان رىقابەت بېسىمى بىزدىنمۇ نەچچە ھەسسە كۈچلۈك بولۇشى مۇمكىن . ئۆزىمىزنىڭ زادى قايسى ئىقتىسادى ئەھۋالدا تۇرۇۋاتقانلىقىمىزنى بىلىپ يەتمەستىن يۈرىۋەرسەك كىيىنكىلەر ئۈچۈن ھازىرقىدىنمۇ تار بولغان ياشاش مۇھىتى قېلىشى تۇرغانلا گەپ . ھەممىمىز ئۆز ئەھۋالىمىزنى دەڭسەپ كۆرەيلى ئىقتىسادتا مۇستەقىل بولماي تۇرۇپ ھېچنىمىنى روياپقا ئېلىپ چىقالمايمىز . تىرىكچىلىك ئۈچۈن جاپالىق ئىشلەۋاتقان قېرىنداشلىرىمىز ئۈچۈن پىكىر يۈرگۈزۈپ باقايلى...

sawir724

	ناھايىتى ياخشى تىما بوپتۇ  ھەرساھەدىكى كىشىلىرمىز ئويلىنىشقا تىگىشلىك

شامال7

	بۇتىمىنى يۇللااپ ناھايىتى ياخشى قىپسىز.

doppiqe

	ياخشى تىما  ئويلۇنۇشقا تىگىشلىك

kapitan2

	ناھايىتى ئەھمىيەتلىك تىمىكەن!، مۇشۇنداق تىمىلارنىڭ كۆپ يوللىنىشىنى ئۈمۈت قىلىمەن.

ئەرتۇرا

	ئەھمىيەتلىك تىمىكەن!  بىراق يەنە دىسەك يەنە شۇ! قولىدا قۇرال بولمىغان مىللەتنىڭ ھېچنىمىسى بولمايدىغانلىقى ئەمىلىيەتتە ئىسپاتلىنىپ يۈرىۋاتىدۇ!

jim-jit

	كىمنىڭ   كوپ    پۇل   تاپقىسى   يوق ؟    ھازىر   ھەممە    ئادەم    ئامال بار    پۇل   تىپىشقا    تىرشىۋاتىدىغۇ   .    بىلىملىكلە    ئىنىق    بىر    يول    كوسەتمەمسىلە   ،     قۇرۇق    خام-خىيالنى    قىلىۋەميەيلى   ،    بىزمۇ   كوپرەك    پۇل    تىپىپ   زاۋۇت    كارخانىلانى    قۇرلى   .

asrar729

	ئىقتسادتا كۈچلۈك بولماي تۇرۇپ بىقىندى ھالەتتىن قۇتۇلالمايمىز....ئەمدى بىزنىڭ ھىسسى باسقۇچتىن ئەقلى باسقۇچقا ئۆتىدىغان ۋاقتىمىز كەلدى.. بىلمىخۇمار ئاكىمىزنىڭ گىپى بويىچە ئۇيغۇرلار ئۆزى مەھسۇلات ئىشلەپ چىقارماي ئىككى يۈئەنلىك نەرسىنى ئۇياقتىن ئىلىپ بۇياققا بەش يۈئەنگە ساتىدىغان ئەھۋالنى ئۆزگەرتمىگۈچە ھازىرقى ھالىتىنى ئۆزگەرتەلمەيدۇ...

temsilci

	سەنشىخاڭزا،دۆڭكۆۋرۈك قاتارلىق جايلاردىكى كىشىلەرنىڭ ئىپتىدائىي ئۇسۇلدىكى سېتىمچىلىق ئۇسۇلىنى تېخىچە داۋام قىلىۋاتقانلىقلنى كۆرسەك مىللىي ئىقتىسادنىڭ ھەقىقەتەن قالاق ۋە خەتەرلىك ئىكەنلىكىنى ھېس قىلالايمىز.

munirdin

	ئىقتىسادنى يۈكسەلدۈرۈش ئۈچۈن ئىقتىساسلىقلار بولۇش ،ئىقتىساسلىقلارنىڭ كۆپلەپ مەيدانغا كېلىشى ئۈچۈن ئىلغار مائارىپ سېستىمىسى بولۇشى ،ئىلغار مائارىپ سېستىمىس بولۇش ئۈچۈن..........بولۇشى كېرەك