قۇربان ھېيتلىق ئەڭ ئىسىل سوۋغا~~

.tuz.

	ئەسسىلامۇ ئەلەيكۇم ! دۇنيادىكى بارلىق مۇسۇلمانلارنىڭ قۇربان ھېيتىغا مۇبارەك بولسۇن . ئاللاھ ھەقىقەتەن (كىشىلەر ئارىسىدا) ئادىل بولۇشقا ،(جىمى خەلىققە) ياخشىلىق قىلىشقا بۇيرۇيدۇ . __ سۈرە «نەھل» (16-سۈرە)90-ئايەت. مەرھەممەتلىك ئاللاھنىڭ (ياخشى كۆردىغان )بەندىلىرى زېمىندا ئۆزلىرىنى تۆۋەن تۇتۇپ تەمكىنلىك بىلەن ماڭىدۇ ، نادانلار ئۇلارغا (ياقتۇرمايدىغان) سۆز قىلسا ، ئۇلار : سىلەرگە ئامانلىق تىلەيمىز ، دەيدۇ (يەنى گۇناھ بولمايدىغان سۆزلەرنى قىلىدۇ )  _____ سۈرە «فۇرقان» (25-سۈرە)63-ئايەت. ئاللاھ ساڭا ياخشىلىق قىلغاندەك ، سەن (ئاللاھنىڭ بەندىلىرىگىمۇ ) ياخشىلىق قىلغىن ___ سۈرە «قەسەس» (28-سۈرە)77-ئايەت ياخشى ئىش بىلەن يامان ئىش باراۋەر بولمايدۇ ، ياخشى خىسلەت ئارقىلىق (يامان ئىللەتكە) تاقابىل تۇرغىن ، (شۇنداق قىلساڭ)سەن بىلەن ئۆزىنىڭ ئارىسىدا ئاداۋەتبار ئادەم گويا سىرداش دوستۇڭدەك بولۇپ قالىدۇ _____ سۈرە «فۇسسىلەت» (41-سۈرە)34- ئايەت ئەپۇنى دوست تۇتقىن ،ياخشىلىققا (يەنى ياخشى سۆز قىلىشقا ،ياخشى ئىش قىلىشقا) بۇيرىغىن ، نادانلار بىلەن تەڭ بولمىغىن ،(يەنى نادانلارنىڭ قىلغىنىنى قىلماي ئۇلارغا مۇلايىم بولغىن ) _____سۈرە «ئەئىراف» (7-سۈرە)199-ئايەت كىشىلەرنىڭ مۇسۇلمان قېرىدىشىنى كەمسىتىشى ئۇنىڭ يامان ئادەم ئىكەنلىكىگە يېتەرلىكتۇر ، بىر مۇسۇلماننىڭ يەنى بىر مۇسۇلماننىڭ قېنىغا، ئابرويىغا ۋە مىلىغا چىقىلىشى ھارامدۇر . ئاللاھ سىلەرنىڭ تەن قۇرۇلۇشىڭلارغا ، سۈرەتلىرىڭلارغا ، ئىش ھەركىتىڭلارغا قارىمايدۇ ، لېكىن سىلەرنىڭ قەلبىڭلارغا قارايدۇ . (مۇسلىم رىۋايەت قىلغان ) دۈشمەنلەشمەڭلار ،ھەسەت قىلىشماڭلار ، تەتۈر قارىشىپ يۈرمەڭلار ، مۇناسىۋەتنى ئۈزۈشمەڭلار ، ئاللاھنىڭ قېرىنداش بەندىلىرى بولۇڭلار (بۇخارى، مۇسلىم رىۋايەت قىلغان ) سىلەردىن كىمكى بىرەر يامان ئىشنى كۆرسە ، ئۇنى ھەركىتى ئارقىلىق توسسۇن ، ئۇنداق قىلىشقا قادىر بولالمىسا ، سۆزى ئارقىلىق توسسۇن ، بۇنىڭغىمۇ قادىر بولالمىسا ، ئۇنىڭغا دىلىدا نارازى بولسۇن ، بۇ ئىماننىڭ ئەڭ تۆۋەن دەرجىسىدۇر (مۇسلىم توپلىغان) ئارىنى بۇزۇش ئۈچۈن گەپ توشۇپ يۈرگەن ئادەم جەننەتكە كىرمەيدۇ . (بۇخارى توپىغان ) ئاللاھقا ئىمان كەلتۈرۈشتىن قالسىلا ئەڭ ئۇلۇغ ئەمەل ئىنساننى سۆيۈشتۇر (تەبرانى توپلىغان ) يۇقىردىكى ئايەتى كەرىمە ۋە ھەدس شەرىف بىزگە شۇنى ئۇقتۇرۇپ خىتاپ قىلدۇكى ، پۈتۈن ئەھلى جاھاننى ھېدايەت ۋە رەھمەتكە يىتەكلەش ، بىر - بىرىگە ياخشلىق قىلىشنى مەسۇلىيەت ۋە بەجبۇرىيەت قىلىش ، ئىناقلىقنى ، ئىتىپاقلىنى ، ئەخلاق ، پەزىلەتنى ، ئادىمىلىك ۋە ئىنسانپەرۋەرلىكنى ، كەڭ قورساق ئەپۇچانلىقنى تەكىتلاۋاتىدۇ ھەم شۇنداق قىلىشقا چاقىرۋاتىدۇ ! مۇسۇلمان قىرىنداشلار، بىز ئىجتىمايى ھاياتتا ،ھەر خىل كىشىلەر ئارىسىدا ياشاۋاتمىز . شۇنداق ئىكەن ئىنسانچىلىقتا بىلىپ بىلمەي بىر بىرىمىز بىلەن ،مەنپەت تالىشىپ ، ياكى ئۇنى بۇنى تالىشىپ ، يەنى ياكى ھەر خىل سەۋەپلەردىن ئازارلىشىپ ئۇرشۇپ تىللىشىپ قالغان بولىشىمىز مۈمكىن . جانابى ئۇلۇغ ئاللاھنىڭ رەھمىتى ، مۇشۇ ئۇلۇغ قۇربان ھېيتىمىزنىڭ ھەق ھۆرمىتى ، خاسىيتى ، بەركىتى ئۇچۈن ، ھېيتنىڭ ياخشى پۇرستىدە ، ئازارلىشىپ ،قىيىدىشىپ قالغان قېرىنداشلارنىڭ ئەپلىشىپ قىلىشىنى ، بىر - بىرىدىن ئۆتۈپ كەتكەن يەرلىرى بولسا كەچۈرۋىتىپ ،كەڭ قوساقلىق بىلەن چىرايلىقچە يارىشىپ قېرىنداشلىق مىھرى بىلەن ،ئىجىل ئىناق ئۆتىشىنى تەۋسىيە قىلىمەن . ھەمدە ئۇلۇغ ئاللاھدىن تىلەيمەن ~~~ پېقىرمۇ مۇشۇ پۇرسەتتە ، ئىنسانچىلىقتا باشقىلار بىلەن ئازارلىشىپ ،ئاداۋەتلىشىپ  قالغانلىقىمغا چىن قەلبىمدىن قاتتىق پۇشايمان قىلىپ ھەم تۆۋە قىلىپ ، ئاشۇ قېرىنداشلىرىمدىن كەچۈرۈم سورايمەن ~~ مۇنبەردە مۇنازىرە جەريانىدا ، مۇنازىردە قارشىلىشىپ ،زىددىيەتلىشىپ ، كوڭلىگە ئازار بىرىپ قويغان بارلىق ئەزىز قېرىنداشلىرىمدىن تۆۋەنچىلىك بىلەن كەچۈرۈم سورايمەن ~~ ئاخىردا ئۇلۇغ ئاللاھدىن ھەممىڭلارنىڭ ئائىلىسىگە ئىناقلىق ، بەخت سائادەت بەركەت ھھەم ئامەت تىلەيمەن ! پايدىلانغان مەنبە : قۇرئانى كەرىم ، ھەدىستىن ئېلىندى . يوللىغۇچى : تۇز

munirdin

	تولىمۇ ئەھمىيەتلىك تېما يوللاپسىز ،مەنمۇ ھەم مېنىڭدىن رەنجىگەنلەردىن ئەپۇ سورايمەن ھەممەيلەننىڭ يېتىپ كېلىش ئالدىدا تۇرغان ئايىمىنى قۇتلۇقلايمەن

sargarda

	ئاللاھ   رەھمەت   قىلغاي  ...

.tuz.

	ئۆتكۈزۋاتقان ھەر بىر كۈنىمىزنى ، بۇ مېنىڭ ئەڭ ئاخىرقى كۈنۈم بولىشى مۈمكىن دەپ تەپەككۇر ئىكرانىدىن ئۆتكۈزۋاتقانلىرمىز زادى قانچىلىكتۇ ؟! گەپ قىلىشقا تىگىشلىك يەردە ھېچكىم گەپ قىلماي گاچا بولۋاپتۇ مانا .....

sat

	تېمىڭىز  بەكمۇ  ئەھمىيەتلىك  تېما  بوپتۇ  .   رەھمەت  قوللىرىڭىزغا  دەرت  بەرمىسۇن  ئۇلۇغ  اللاھ .

0902

	ئەسسىلامۇ ئەلەيكۇم ! دۇنيادىكى بارلىق مۇسۇلمانلارنىڭ قۇربان ھېيتىغا مۇبارەك بولسۇن .

bayhenim

	مۇنبەردە مەندىن رەنجىپ قالغانلار بولسا تۈۋەنچىلىك بىلەن كەچۈرۈم سورايمەن،ئۇقۇشماسلىق بولغان بولسا كەچۈرۋىتەرسىلەر.تىما يوللىغۇچى قېرىندىشىمىزغا ئۇلۇغ ئاللاھ رەھمەت قىلسۇن،ھەممىڭلارنىڭ ئائىلەڭلەرگە خاتىرجەملىك تىلەيمەن................................شۇنىڭ بىلەن بىرگە ئايىمىڭلەرنى مۇبارەكلەيمەن

pida0998

	ۋەئەلەيكۇم ئەسسالام،مۇشۇنداق ياخشى تېمىلىرىڭىزغا تەشنابىز.ئاللاھ رەھمەت قىلسۇن.

gulbarge3

	ھەقىقەتەنمۇ ئېسىل سوۋغا بوپتۇ.

zulayha

	ۋەئەلەيكۇم ئەسسالام. ئاللاھ رازى بولسۇن قېرىندىشىم.