ئۆمۈر مەنزىللىرى-نەسىر

ئاي530

	ئۆمۈر مەنزىللىرى                                        نەسىر تۇرمۇش دولقۇنلىرىنىڭ گاھ كۆتۈرۈلۈپ گاھ پەسىيىپ  تۇرىۋاتقان شاۋقۇنلىرىدا چايقىلىپ تۇرماقتىمەن. قەيەرلەرگىدۇر بېرىپ  توختىتىشمنى  بىلمەيمەن.نام-نىشانسىز كىتىۋاتىمەن ، نىمىلەرنىدۇر ئىزدەۋاتىمەن ، تەلپۈنىۋاتىمەن ،ئىنتىلىۋاتىمەن . قانچە تىپچەكلىگەنسىرى  شۇنچە شۇڭغۇپ چىقماقتا يوق چۈكۈپ كىتىۋاتىمەن. قوللىرىم يەتكىدەك نەرسىلەرگە ئېسىلدىم  ،بارغانسىرى  يىراقلاشتى.كۈچلۈك بوراننىڭ   ھوجۇمىغا ئۇچراپ قېقىلدىم ،سۇقۇلدۇم،قايناملارغا چۆكتۈرۈلدۈم.ئۈن سېلىپ  بارچە ئاۋازىمنى  قۇيۋېتىپ يىغلاۋاتىمەن. ھىچكىم ماڭا قولياغلىق  بەرمىدى.ئامالسىز ئۆزۈمگە ئۆزۈم تەسەللىي بىرىپ بەزلىدىم. بىر ھازادىن كېيىن قىرغاققا يىقىنلاشتىم.ئاللىبۇرۇن نۇرى ئۆچكەن  كۆزلىرىمدىن بىرخىل ئۈمىد ئۇچقۇنى يالقۇنجايتتى.مەن بار كۈچۈم بىلەن ئۈزىۋاتىمەن،ئۈزۋاتىمەن ئەمدىلا قۇلۇمنى قىرغاقتىكى  پولات سىمغا سۇنۇشۇمغا كىمدۇبىرنىڭ ئەسەبىيلەشكەن كۆزلىرى ماڭا غەزەپ بىلەن  تىكىلگەن پېتى كىلىۋاتقان ، ئېغىر قەدەملىرىنى توختىتىپ يىتەيلا دەپ  قالغان قۇلۇمنى بىر پەشۋا بىلەن  تىپىۋاتقان،دۈمبىسىگە يۈدىۋالغان ھەسەت،ئوتلىرى بىلەن لىق قاچىلاغلىق زەھەر سېلىنغان شىشىنى ماڭا بېشىمغا قارىتىپ چاچرىتىۋالغان،،،،،، ۋۇجۇدۇمنى قاپلاپ كەتكەن چىگىش خىياللار كىمىسىدىن ئۈزۈمنى ئېلىپ قاچتىم. -نېمىشقا؟ زادى نېمىشقا؟ ئېھ ،ئادالەتسىز دۇنيا،سەن نىمانچە رەزىل،ھالىمنى كۆرمەيۋاتامسەن؟ ماڭا نىمىشقا كۈچەپ تىنىۋېلىش پۇرسىتىنىمۇ بەرمەيدىغانسەن؟،-پۈتۈن كۈچۈم بىلەن  ۋارقىراۋاتىمەن، ئۆز-ئۈزۈمگە خىتاپ قىلىۋاتىمەن. تۇيۇقسىز ئاسمان-زىمىندىن  قاتتىق چاقچاق چاققاندەك چاراسلاپ كەتكەن ئاۋاز چىقىشى بىلەن تەڭ شۇنداق بىر سادا ياڭرىدى. -بۇنى ئۆزۈڭنىڭ ئاجىزلىقىدىن ،ئىرادىسىزلىكىدىن كۆرگىن،قاچانغىچە تۈز پۈكمەكچىسەن؟قەددىڭنى روسلا،ئالدىڭغا قاراپ مېڭىۋەر،ئۈزۈڭدىن باشقا ساڭا ھىچكىم  ياردەم قىلالمايدۇ.... بۇ دەھشەتلىك ئاۋازدىن خۇددى  پۈتكۈل  دۇنيا كۇكۇم تالقان بۇلىدىغاندەك سىلكىنەتتى.تەبىئەتتىكى بارلىق جانلىق،مەزىرە،ھەمىسى خۇددى (بەرھەق) دىگەندەك يىنىككىنە شىۋىرلاپ باشلىرىنى چايقايتتى. بېشىمنى  كۆتۈردۈم،ئۆتكۈر شەمشىرىمنى يېنىمغا ئاستىم.دۇبۇلغا-ساۋۇتلىرىمنى كېيىپ ،ئوقيالىرىمنى بەتلەپ تەييار بولدۇم.ئىشەنچ تۇلپارىمنىڭ چۇلۋۇرىنى  چىڭ تارتتىمدە ئالدىمغا قاراپ چاپتىم. ئالاھەزەل بىرەر سائەتلەردىن كېيىن غەلىتە ئورمانلىققا كىرىپ نىشانىمدىن  يەنە ئېزىپ قالدىم.قاغا-قۇزغۇنلارنىڭ سەت چىقىراشلىرى قۇلاق -مىڭەمنى يىسىمۇ چىداپ  تۇردۇم. ئىرماش-چىرماش بۇلۇپ ئۈسۈپ كەتكەن ئورمانزارلىقتا ئاتلىرىم ھىرىپ قالدى. سۈرەتلىرىمۇ ئاستىلىدى.ئەتراپنى بىر قۇر كۈزەتكەندىن كېيىن تۇلپارىمنىڭ چۇلۋۇرىنى چىڭ تارتىپ( چۇ..) دىيىشىمگە بىلمەيلا قالدىم. ئېتىم بىلەن قۇشۇپ يەرگە يىقىلدىم.بۇ سىرلىق ئورمانزارلىقتىكى جان-جانىۋارلار كاللامدا ئەگىپ يۈردى،چىدىدىم.پۇتلىرىمنى چىرمىۋالغان بىر توپ شاخ-شۇمبىلار بارغانسىرى قىسىشقا باشلىدى.ھالسىزلىنىپ ھۈتىلىپ كەتتىم.يىرتقۇچ ھايۋانلار ماڭا خىرىس قىلىشقا باشلىدى.يۈرۈكۈم ئەنسىز دۈپۈلدەپ سوقسىمۇ ئۆمىلەپ بولسىمۇ بۇ ئالۋاستىزارلىقتىن چىقىپ كىتىشكە تىرىشتىم.بىراق،پۇت-قوللىرىمنى يوللىرىمنى قورشىۋالغان تىكەنلەر قانىتىۋەتتى. ۋايجانلىغانچە تۇرغان جايىمدا قاققان قۇزۇقتەك تۇرۇپلا قالدىم. قۇلاق تۈۋىمدە دادامنىڭ: -بالام، قۇرقمىغىن ،مۇقەددەس كىتاپلارنى ئېسىڭدىن چىقارما،ئۇ بۇيرۇغان بۇيىچە ئىش قىلساڭ،چۇقۇم يۇلۇڭنى تاپالايسەن،تۇر ئورنۇڭدىن!!!!،-قاتتىق ۋارقىراشلىرى جاراڭلىدى. زېھنىمنى يىغىپ غالىبىيەت قامچىسىنى  قايتا قۇلۇمغا ئالدىمدە قانغا مىلىنىپ ،يارلانغان پۇتلىرىمنى تەستە سۆرەپ يىراققا،تۇلىمۇ  يىراقلىقتىكى  قۇياش نۇرى پارلاپ  تۇرغان نىشانىمغا قاراپ يەنە چاپتىم.ئۈچەيلا دەپ قالغان ھاياتلىق شاملىرىنىڭ ئاجىز پىلدىرلاشلىرى نەتىجىسىدە خىلى ھاللىنىپ قالدىم. نۇرغۇن ياخشى نىيەتلىكلەر،سەپەرداشلىرىم كومپاس تۇتقۇزدى.تاللىغان يۇلۇمدىن ئاداشماي ماڭدىم.بەدەنلىرىم كۈچ-ماغدۇردىن قالغۇچە بىرخىل رىتىمدا كىتىۋاتىمەن ،كىتىۋاتىمەن.ئاتا-ئانامنىڭ دۇئاسى قاتتىق يامغۇرلاردا كۈنلۈك،پشغىرىم ئىسىقلاردا سايىۋەن  بولدى.ئۇستازلىرىمنىڭ تىلەكلىرى ماڭا بۇ ئۇزۇندىن-ئۇزۇن  يولدا باش مەسلىھەتچى بۇلۇپ،ئەقىل-ئىدراكلىرىمنى ئويغاتتى. ئىچى تار،ھەسەتخور،زالىملار ئالدىدا قەددىمنى كۆتۈرۈپ داغدام قەدەم تاشلاپ كىتىۋاتىمەن.مەن كىچە-كۈندۈز ئارزۇ قىلغان پارلاپ تۇرغان قۇياش بار يەرگە ،مېنى بېشىغا ئېلىپ كۆتۈرىدىغان،ماڭا ھەرخىل ئەپلىك شارائىتنى بېرىپ ،ئەقلىم بىلەن ئىرادەم ئارقىلىق نەتىجە قازىنىش پۇرسىتىنى بېرىشكە تەمشىلىۋاتقان ئاشۇ دۇنياغا بارغانسىرى يېقىنلاپ كەلدىم.......         ئاپتۇرى : ئەلناز

oyl

	مانا بۇ تۇرمۇش ،ئىنسان تۇرمۇشتا قانچە كۆپ ئوڭۇشسۇزلۇق ۋە قىيىنچىلىققا يولۇقسا ،شۇنچە پىشىپ يېتىلدۇ .مۇشۇ جەريانداھاياتلىقنىڭ مەنىسنى،يارلىشنىڭ ھېكمىتنى ھىس قىلدۇ ،مانا مۇشۇنىڭ ئۆزى ئىنسان ئۈچۈن ئەڭ زور نەتىجە ،شۇڭا  تۇرمۇشنىڭ بوران -چاپقۇنلىردىن ئۇمۇدسىزلەنمەيلى ،چۇنكى ئاللاھ بەندىللىرنى ئۇلار قىلالمايدىغان ئىشلار ئارقىلىق سىنمايدۇ ،ھەر ئىشنىڭ سەۋەبى ،ھېكمىتى بار . تىما ئېگسى رەھمەت سىزگە،بۇ نەسىرنى ناھايىتى ياخشى يېزىپسىز .

ھۆكما

	كىتىۋاتىمەن.مەن كىچە-كۈندۈز ئارزۇ قىلغان پارلاپ تۇرغان قۇياش بار يەرگە....   ھايات دىگەن شۇ . ھايات گاھ يىغلىتىپ، گاھ كۈلدۈرۈپ، گاھ تاڭدىكى ئىزغىرىن شاماللىرى بەلەن ھېس-تۇيغۇلىرىغا چۈمدۈرۈپ خىيالى دۇنياغا ئېلىپ كىتىدۇ. سەن يەتمەكچى بولغان ئارزۇ-ئارمانىڭغا يىتەي دىگەندە ئەپسۇس، تېنىڭ ئاجىزلاپ، پۇت-قولۇڭ ماغدۇرسىزلىنىپ، ئۆلۈم خەۋىرى يېتىپ كەلگەن بولىدۇ.  بۇ دۇنيانىڭ ئىشلىرى شۇنداق !    رەھمەت سىزگە!

borhanhoja

	ئۆمۈر ئاتقان  ئوق.

kakkuk11

	ۋاۋ ما مۇنبەردە مۇنداق ئېسىل نەسىرلەرنىمۇ ئوقۇغىلى بولىدىكەن-ھە! ئوقۇغانسىرى قۇلاقلىرىمغا بىر مۇڭلۇق بىر موزىكا باردەك ، كۆزلۈرۈمگە بىر MTV قۇيۇلىۋاتقاندەك تۇيغۇ بەردى .... كۆپ رەھمەت....

turklan

	ئۆزىمىزنىڭ   ھايات    مەنزىللىرىمىزى  بۇ   ھەممىمىز    تەقدىرداشلار

太阳

	ئادەم بەزىدە ئوڭۇشسىزلىق ئىچىدە چىنىقىدۇ ، ئۈمۈد ۋە  چىقىش يولى تاپالايدۇ..كىيىنكىمۇ بۇنداق ئەسەرلىرىڭىزنىڭ ئۈزۈلۈپ قالمىسىكەن دەيمەن ،ئۇتۇقلار سىزگە يار بولسۇن.

sutbulak

	ھاياتلىق ئادەمگە تۈرلۈك سىناقلارنى ئىلىپ كىلىدۇ ،بۇنداق سىناق ئىمتىھانلاردىن ئوڭۇشلۇق ئۆتەلىگەن ئادەم ئاخىرقى غەلبىنى قولغا كەلتۈرەلەيدۇ

isiyan

	شۈكرى .    ھايات يوللىرى بەلكىم شۇ ئەگىرى توقايلىقلار بىلەن مەنىگە ئىگە بولسا كېرەك . ياشاش كېرەك . تىرىشىش كېرەك . ئۈمۈتۋار بۇلۇش كېرەك . ھامان بىر كۈنى ئەجىرىمىزگە يارىشا ئەمەلنى ئاللاھ ئىگەم بەرگۈسى .

كارۋان

	بۇ نەسىرىڭىز نەسىرلەر ئىچىدىكى نەسىرلەرنىڭ خېلى سەرخىلى بولۇپ بۇ دۇنياغا كۆز ئېچىپتۇ.