تۈنۈگۈن ئايفونىم يۈتۈپ كەتتى

honzade

	ئەسسالامۇ ئەلەيكۇم ھۆرمەتلىك تورداشلار! ئالدىمىزدا ئۇلۇغ قۇربان ھېيتىمىز كېلىۋاتىدۇ! بۇ مۇناسۋەت بىلەن ھەممىڭلارنىڭ كەلگۈسى ھېيتىڭلارغا خۇشاللىق، يېقىنلىرىڭلار بىلەن جەمگاھلىق تىلەيمەن! ئاللاھ ھەممەيلەننى ئانا يۇرتتا قەۋم-قېرىنداشلار بىلەن خۇشال -خۇرام ، ئامان- ئېسەن ھېيت ئۆتكۈزۈشكە نىسىپ قىلسۇن! تېمىغا كەلسەم... نىمە دېسەم بولار، تېمىنىغۇ <جوبىسنىڭ ئۆلۈمى بىلەن يۈتكەن ئايفوننىڭ نىمە مۇناسىۋىتى> دەپلا قويدۇم. يازىدىغىنىم مۇشۇ ھەقتىكى ئالاھىدە تەتقىقات تېمىسىمۇ ئەمەس. بىراق شۇ تۈنۈگۈن(2013-10-11) ئۆيدىكىلەر ئۈرۈمچىدىكى ئاپتونۇم رايونلۇق ئۇيغۇر تىبابەت دوختۇرخانىسىدىن شۇ دوختۇرخانىنىڭ ئالدىدىكى ئۆيگە چىققۇچە بىر قارا تاكسىغا ئولتۇرۇپتىكەن. قېرىشقاندەك قول سومكىسىنى شۇ ماشىنىدا ئۇنتۇپ قېلىپ چۈشۈپ كېتىپتۇ. ئۆيگە چىقىپ قارىسا سومكا يوق. سومكىدا بىر دانە ئاق رەڭلىك 4ئېس 16 گىگالىق ئايفون، بىر دانە ئادەتتىكى تېلىفون، كىملىك، نوپۇس دەپتىرى، دوختۇرخانا مۇناسىۋەتلىك رەسمىيەتلىرى قاتارلىقلار بار ئىدى...  ئىككى دانە تېلىفونغا توختىماي تېلىفون قىلدۇق ئالمىدى. كېيىن ئىككىلىسى بىراقلا ئېتىۋېتىلدى. شۇ پېتىچە ئېتىك. بۇ  ئىشلارغا ئىچىم پۇشۇپ ئولتۇرسام مۇشۇ ئايفوننى ئىجاد قىلغان جوبس ئەپەندىنىڭ ئۆلۈمىنىڭ ئىككى يىللىقىنى خاتىرلەش ئۇچۇرلىرى چىققىلى تۇرۇپتۇ. ئالغىلى بىر يىل بولاي دىگەن بۇ يانفوننىڭ يۈتۈپ كېتىشىنىڭ بۇ كىشىنىڭ ئۆلۈمىگە ئۇدۇل كېلىپ قالغىنىنى ئويلاپ ماۋۇ قىزىقچىلىقنى دەپ قالدىم... ئايفون ئۆزى قىممەت تېلىفون بولغاچقا يۈتۈپ كەتسە راستلا ئادەمنىڭ ئىچى ئېچىشىپ قالىدىكەن. ئۇنىڭ ئۈستىگە بۇ تېلىفوندا نۇرغۇن سۈرەتلەر بار ئىدى. ئائىلىنىڭ شەخسى خاتىرىلىرى دىگەندەك... شۇنىڭ بىلەن توردىن ئايفون يۈتۈپ كەتسە تېپىشقا قانداق ئامال بار دپ ئىزدەپ كۆرسەم ئۇچۇرلار ناھايىتى كۆپكەن. قويمىچىلارنىڭ ئېلانلىرىمۇ بەك كۆپكەن. تاۋباۋدا شۇنداق مۇلازىمەت بارمىدۇ دەپ قارىسام ئۇ يەردىمۇ شۇنداق كۆپكەن. تاۋباۋغا چىقىپ <ئايفون يۈتتى> دەپلا ئۇچۇر يازساق نۇرغۇن مۇلازىمەتچىلەر چىقىدىكەن. يەنى شۇ مۇلازىمەتنى سېتىۋالساق ئۇلار ئايفونغا سېلىنغان يېڭى كارتىنىڭ ICCID نومۇرىنى تەكشۈرۈپ بېرىدىغان ئىشكەن. بۇ نومۇر ئارقىلىق تېلىفونغا قاچىلانغان نومۇرنى تاپقىلى بولىدىكەن. بۇنى سىناپ بېقىشنى ئويلاشتىم. ھەمدە مۇشۇنداق ئايفونى يۈتۈپ كەتكەن تورداشلار بىلەن پايدىلىقراق بولىدىغان ئۇچۇرلارنى ئالماشتۇرۇش مەقسىتىدە بۇ تېمىنى يازدىم. ھازىر قولۇمدا بار تېلىفون ئۇچۇرلىرىدىن imei نومۇرى ۋە تەرتىپ نومۇرى، سېتىۋالغاندىكى قاپ، ۋە ساتقۇچىنىڭ پۇل تاپشۇرۇۋېلىش ھۈججىتى بار. ساقچىغا مەلۇم قىلساق بۇ كىچىك ئىشكەن. قىممىتى دىلو تۇرغۇزۇش ئۆلچىمىگە توشمايدۇ دەپ دىلو قىلماي تىزىملاپلا قويدى .  ئالمىنىڭ مۇلازىمەت تېلىفونىغا تېلىفون ئۇرسام imei نومۇرىنى سوراپ ئېلىپ قالدى. مۇشۇ تېلىفوندىن شۇلارغا تېلىفون قىلسا ئۇچۇرلىرى ماڭا كېلەرمىش. ھەي....  بەك ئاۋارىچىلىك بولدى جۇمۇ........... ئەشۇ قارا تاكسى ھەيدىگەن بۇرادىرىمىز ھەققىدىمۇ ئويلىنىپ قالدىم. شۇ سومكىنى كۆرگىنىدە، تېلىفونلارنىڭ بەس -بەستە سايرىغانلىرىدا  بەلكىم تېلىفوننى بىر ئېلىپ سومكىڭىز مەندە قاپتۇ دېگۈسى كەلگەن بولغىيتتى بىراق... ئازراق شۇ نەپسىنىڭ كەينىگە كىرىپ يەنىلا تېلىفوننى ئېتىپلا قۇتۇلاي دەپ ئويلىغان بولۇشى مۇمكىن. ئەمما سومكىدىكى باشقا ماتىرىياللار ھەققىدە بولسىمۇ ئويلىنىپ قويغان بولسا ئوغرى بولسىمۇ ئىنساب بىلەن بولغان بولسا دەپ قالدىم...  بۇ نەرسىلەرنىڭ ئالدى- كەينىنى تولۇقلاپ بولغۇچە قايسى زامان كېتەر دەيمەندە...  ھەي...... قايسى بىر ئوماق قېرىندىشىمىزنىڭ قولىدا يۈرۈيدىغاندۇ بۇ نەرسىلەر ھە؟!    مۇشۇ يۈتكەن ئايفوننى تېپىش توغرىسىدا يەنە قانداق چارىلەر بار قېنى تەجرىبىسى بارلاردىن ئاڭلاپ باقساق دەيمەن.

munirdin

	تېمىڭىزدىن يۈتۈپ كەتكەن ئايفونىڭىز ئۈچۈن قانچىلىك پەرىشان بولغىنىڭزنى ھېس قىلدىم بولدى ئەمدى ئۇنى ئۇنتۇپ كېتىپ 小米ئەپ ئىشلىتىڭ .....سىزگە ھېسداشلىق قىلىمىز

UYGRAF

	ياخشىمۇسىز، بەك يامان بوپتۇ، سىز ئۈچۈن قايغۇرىۋاتىمەن. ئەگەر تىلفۇنىڭىزنى تۇرمىدىن قاچۇرۇۋەتكەن بولسىڭىز ئامال يوق، قاچۇرمىغان بولسىڭىز بىر ئامال قىلىپ تاپقىلى بولىدۇ، لېكىن ئۇنى قولغا چۈشۈرگەن ئادەم ئەقىللىق ئادەم بولسا، ئالدى بىلەن سىستىمىسىنى يۇيۇپ ئاندىن ئىشلىتىدۇ، سىستىمىنى يۇتۇۋەتسىمۇ تاپقىلى بولمايدۇ. بۇ تېلېفۇننى ئىزدەپ تېپىش يوقنىڭ ئورنىدىكى ئىش، ئەمدى ئۈمىدىڭىزنى ئۈزۈڭ. سىز بۇ تېلېفۇننى يۇتتۇرۇش ئارقىلىق جوبىسنىڭ ئۆلىمىنى خاتىرلەپ، ئۇنىڭ روھىغا نەزىر بەرگەندەك تۇرىسىز، جوبىسمۇ ئۇ دۇنيادا سىزگە رەھمەت ئوقۇۋاتقاندۇ، بەلكىم.

سۈرخان1

	UYGRAF يوللىغان ۋاقتى  2013-10-12 01:09 PM ياخشىمۇسىز، بەك يامان بوپتۇ، سىز ئۈچۈن قايغۇرىۋاتىمەن ... سىستېمىنى يۇيغان بىلەن، ئايفون تەرتىپ نۇمۇرىنى ئۆزگەرتەلمەيدۇ

kaqvr

	ئايفوندىن باشقا ئاۋۇ نۇپۇس دەپتىرى ، دوختۇرخانا رەسمىيەتلىرىنى قانداق بېجىرەسىز ئەمدى ، ھازىر ئىش بېجىرىشنىڭ تەسلىكىدە .....

kaqvr

	ئىنسابىغا كىلىپ قايتۇرۇپ بىرەمدۇ تېخى . ئۆلمىگەن جاندا ئۈمۈت بار دەپتىكەن . ياخشى تەرەپتىن ئويلاپ بېقىڭ . بەلكىم ئۇ شوپۇرنىڭ جىددى ئىشلىرى بولسا شۇ ئىشلىرى تۈگىگەندە سىزگە قايتۇرۇپ بىرىشىمۇ مۇمكىن . جاھاندا ياخشى ئادەملەر يەنىلا كۆپ .

سۈرخان1

	icloudتا ھەمبەھىرلەش ئىقتىدارىنى ئەتمىگەن بولسىڭىز، يانفوندىكى ماتىرىياللار توردا ساقلىنىپ ماڭىدۇ، شۇيەردىن قايتا چۈشۈرۋالسىڭىز بولىدۇ. بىلىشىمچە ئايفون تەرتىپ نۇمۇرى ئارقىلىق ئايفونىڭىزنى بىر پارچە كېسەككە ئايلاندۇرۇپ قويغىلى بولىدىغۇ دەيمەن.  بۇنى تەپسىلىي بىلمەيدىكەنمەن، ئايفون مۇلازىمەت نۇقتىلىرىدىن بەكرەك سۈرۈشتە قىلىپ باقسىڭىز بولىدۇ.

kakkuk11

	ھى ھى مېنىڭ تېلفۇنىمنى باشقىلار ئوغۇرلىسىمۇ ھېچ ئىشنى بىلەلمەيدۇ. ئادەتتە ئۆيدىكىلەرمۇ بىلەلمەيدۇ . شۇڭا مابەت بىلەن يېزىشقان ئۇچۇرلار نەچچە مىڭ بولسىمۇ ساقلىنىپ قالدى ھى ھى سىلەرگە ئالما ئەمەس. دۇنيادىكى ئەڭ ياخشى تېلنى تەۋسىيە قىلاي BlackBerryنى ئىشلىتىڭلار...

alim516

	مانداق ئاماللارنى سىناپ باققىلى بولىدۇ 1.ئالمىنىڭ تور بېتىگە چىقىپ يانفوننىڭ ئورنىنى كۆرگىلى بولىدۇ ،تېلېفون دەپتىرىنى كۆرگىلى بولىدۇ ،ئۇرغان كىرگەن تېلېفون نومۇرىنى تەكشۈرگىلى بولىدۇ . 2.يەنە  شۇ تور بەتكە چىقىپ يانفوننى سولىۋەتكىلى بولىدۇ . 3.تېلېگراف تور بېتىگە چىقىپ ئۇرغان كىرگەن نومۇرلارنى تەكشۈرەلەيسىز ،لېكىن بۇ نىڭ ئۈچۈن simكارتىنى قايتا بېجىرىسىز . 4.ساقچىغا مەلۈم قىلىڭ ،لېكىن مۇناسىۋىتىڭىز بولمىسا كارى بولمايدۇ ،ئەتە كەل ئۆگۈن كەل دەپ ئاۋارە قىلىدۇ ،ساقچى تاپىمەن دىسە ئىككى سائەتتىلا تېپىپ كېلىدۇ . يانفوندىمۇ ياخشى ئىقتىدارلار بولىدىغان ،باشقا كارت سالسا بەلگىلەپ قويغان نومۇرغا ئۇچۇر ئەۋەتىدىغان ،بۇلارنى تەڭشىمەپسىزدە ؟ مەنمۇ ئىككى ئاي بۇرۇن بۇ كۈننى كۆرگەن ،سىرتتا بولغاچقا ھەم پۇرسەتنى كەتكۈزۈپ قويۇپ تاپالماي قايتىپ كەلدىم .سىزگە ئامەت تىلەيمەن .

nur65

	سىز ئەڭ ياخشىسى شۇ تېلفوننىڭ بىرىگە ياكى ھەر ئىككىسىگە ئۇچۇر قىلىڭ. 2 ئاي ئاۋال بىر تونۇشىمنىڭ ئايفونى شۇنداق بولغان ئىدى. تېلفون قىلسا ئالمىدى. كېيىن تېلفوننى ئىتىۋەتتى. شۇ ۋاقىتتا مەن ئۇ تونۇشۇمغا ‹ئۇچۇر قىلىپ باق› دېسەم ئۇچۇر قىلغان. بىر سائەتتىن كېيىن، قايتۇرۇپ بەردى.    ئۇچۇرغا: ‹ئەگەر سىز سومكىنى قايتۇرۇپ بەرسىڭىز، سىزنىمۇ مەن تونۇمايمەن، سىزمۇ مېنى تونۇمايسىز، ئەمما مەن سىزگە 200 يۈەن سۈيۈنچە بېرىمەن، ئەگەر ئىشەنمىسىڭىز ئاۋال پۇلنى قولىڭىزغا يەتكۈزۈپ بېرىمەن› دېگەن مەزمۇندا يازغان. سىناپ بېقىڭ.