بالام كەلمىدى(پاسىل)

pasil

	بالام كەلمىدى ــــ بىرئاتىنىڭ ئاھۇ-زارى ئوينىغىلى چىقىپ كىتىپ بالام كەلمىدى، كېلەر ۋاختى بولدى لېكىن بالام كەلمىدى، نەگە بېرىپ نەدە تۇردى بالام كالمىدى، شۇم خەۋىرى كەلدى ئىسىت! بالام كەلمىدى. خەۋەر بىلەن تەڭ چېپىشتۇق دوختۇرخانىغا، كۆزۈم چۈشتى كارۋاتتىكى ئىككى بالىغا، بىرى ئىكەن كۆز گۆھۈرۈم ياتقان بالىنىڭ، يۈرەك بولدى پارە-پارە بالام كەلمىدى. ۋاي بالام !دەپ نالەقلىدىم بالام كەلمىدى، ئاقتى دەريا كۆزلىرىمدىن بالام كەلمىدى، قۇچاقلىدۇق تېپىلغايمۇ ئەجەلگە ئامال، يامان ئىكەن بالا دەردى بالام كەلمىدى. بالام ئويناپ بارغان ئىكەن دوستى قېشىغا، موتسېكلىت قانات بولغان باسقان يولىغا، شۇ تۈگىمەس ئويۇن بالا بولدى بېشىغا، سوقۇلۇپتۇ تىراكتورغا بالام كەلمىى. ئەل-جامائەت يىتىپ كەلدى تەرەپ-تەرەپتىن، سىلكىندى ئاھ،زىمىن ياشقا ئاچقان ھازىدىن، قېپقالغانغا  تاماشا  ئىكەن  ئۆلۈمدىن نە رايىم بار بۇ دۇنياغا بالام كەلمىدى. توپ توپ بولۇپ ساۋاقداشلار ھال سوراپ كەلدى ، ئوخشىماسكەن ھىچقايسىسى بالام كەلمىدى، كەتتى ئۇلار كىتىپ قالدى ھەممە ھەممىسى، نەچچە ئۆلدۈم ئوتلىرىدا بالام كەلمىدى. ھەر قەدەمدە يوللىرىغا تەلمۈردۈم  باقتىم، ئوڭۇم ئەمەس چۈشۇم بۇ دەپ ئويلاپمۇ باقتىم، ئەمما لېكىن ئوڭۇم ئىكەن بالام كەلمىدى، پىراقىدا مۇردا بولدۇم بالام كەلمىدى. ئىزدىدىم كۆپ مەكتىۋىگە باردىم نەچچە رەت، دەرۋازىدا تۇرغاندىمەن نەچچە كۈن سائەت، ئىزلىرىنى ئىزدەپ باقتىم يەردە،ئايدا يوق، ساراڭ بوپتۇ دىدى كىملەر بالام كەلمىدى. بالام دىسە ئىگىلىدۇ مەجنۇنتال باشىم، كۈندۈز تۇرۇپ كۈنلىرىمدە كۈلمەس قۇياشىم، بالام دىسەم ياقا چىشلەپ قالۇر قاياشىم، ئەجەپ بولدۇم ئامالىم يوق بالام كەلمىدى. بالام دىسە يۈرۈكۈمدە كەلكۈن ئاقىدۇ، نە كەلكۈنكى قەلبىمدە بىر دېڭىز ياتىدۇ، باركەن دىسە بارالايتتىم دۇنيا چىتىگە، كەلمەس سادا ھىچقەيەردىن بالام كەلمىدى. ئەسسالام !دەپ كىرەر ئىدى كىچىك بولسىمۇ، ئىزا ئەتمەس ئىدى ھىچكىم گاداي بولسىمۇ، بۇ قىسمەتكە مۇپتىلا بوپ قالمىسۇن ئىنسان، چىرايلىرىم سامان بولدى بالام كەلمىدى. ئىللىق چىراي ئىدى شۇنچە تۇنجى باھاردەك، پاكىز ئىدى قەلبى ئاپتاپ ئاقلىقى قاردەك، ئەركىلەيتتى تېخى سۆيۈپ تاتلىق ۋە تاتلىق، يايلىقىمدا تايچىقىمتى  بالام كەلمىدى. مۇئەللىملەر  ماختىغاندا پەخىرلىنەتتىم، چوڭ ئادەمدەك قىلىقىڭغا ھەيران قالاتتىم، ئۇخلاپ قالساڭ بوي-بەستىڭگە تويماي قارايتتىم، ئاھ،ئۆزۈمنىڭ كۆزى تەگدى بالام كەلمىدى. پىشانەڭ كەڭ،قېشىڭ قارا يۈزۈڭ يۇمۇلاق، مېھرىڭ ئاتەش،دىلىڭ يۇمشاق كۆزلىرىڭ بۇلاق خىسلىتىڭنى تەرىپلەشكە سۆزۈم يوق خوپراق، قانچە قىلسام ئامالىم يوق بالام كەلمىدى. جېنىم بالام يارالمىشىڭ بىر تېمىم سۇدىن، قىسمىتىڭمۇ پىشانەڭگە پۈتۈلمىش ئالدىن، پەرزەنىت دىگەن ئاتا-ئانىغا ئەزىزكەن جاندىن، تەن بەرمەسكە ئىلاجىم يوق بالام كەلمىدى. ئەجەل دىگەن ياش-قېرىغا باقماي كېلەركەن، 》تەن-دەرەخ《تىن 》جان-مىۋەڭنى《ئۈزۈپ ئالاركەن، 、ئىنسان دىگەن بۇ قىسمەتكە يىغلاپ قالاركەن، غۇنچە پېتى كىتىپ قالدى بالام كەلمىدى. ئازنە كەلدى،شەنبە كەلدى بالام كەلمىدى، يوللىرىدا كۆزۈم تالدى بالام كەلمىدى، قۇرار ئىدى دەرەخ بولسا ھەسرەتلىرىمگە، ھارام بولدى ياشاش بىزگە بالام كەلمىدى. مەنبە: ئۆز ئىجادىيتىم

borhanhoja

	بالنىڭ ھىجران ئوتىغا ھچ نەرسە توغرا كەلمەيدۇ

kaqvr

	شېئىرىڭىزنى ئوقۇپ يىغلاپ كەتتىم ، ئازاپ ۋە كۆيۈك ئوتىدا پۇچىلانغان بىچارە يۈرىكىڭىز كۆز ئالدىمغا كىلىۋالدى . ئاللاھ سىزگە سەۋر بەرسۇن . ئۆزىڭىزنى بۇنچە قىينىماڭ ، ئاللاھنىڭ ھۆكمىگە پۈتمەي ئامال يوق . پەرزەنت ئوتى بەك يامان ، مەڭگۈ ئۆچمەيدۇ ، ئاتا ئانىنىڭ ئوتىغا چىدىغان ئىنسان بالىسىغا چىدىمايدۇ دىيىشىدىكەن كونىلار . شۇنداقتىمۇ بۇنچە ئازاپلىنىپ ئۆزىڭىزنى قىيناپ ئاھ ئۇرسىڭىزمۇ مەڭگۈ ئورنىغا كەلمەيدۇ ، سەۋر قىلىڭ قېرىندىشىم .

mahatjan

	ئادەمگىلام ئەمەس دۇنيادىكى بارلىق مەھلۇققا ئوخشاشلا بالا بەك تاتلىق،قاغىمۇ بالىسىنى ئاق بالام،ئاپپاق بالام، كىرپىمۇ بالىسىنى يۇمشاق بالام دىگىنى راس.

mahatjan

	ئادەمگىلام ئەمەس دۇنيادىكى بارلىق مەھلۇققا ئوخشاشلا بالا بەك تاتلىق،قاغىمۇ بالىسىنى ئاق بالام،ئاپپاق بالام، كىرپىمۇ بالىسىنى يۇمشاق بالام دىگىنى راس.

alrzibag

	ھەقىقەتەن بىر ئاتىنىڭ ئەمەس پۈتكۈل ئاتا ئانىنىڭ يۈرەك زارى بوپتۇ ... رەھمەت سىزگە ..

kakkuk11

	رەھمەت، ھەقىقى يۈرەكتىن چىققان شېئىر بوپتۇ.

شىرىن

	بەك تەسىرلىك يىزىپسىز مىنىڭغۇ تىخى بالام يۇق ئاتىلارنىڭ يۇرەك سۇزىنى چۇشەنگەندەك بۇلدۇم

Gvlbargi0999

	نىمداق تەسىرلىك

pasil

	kaqvr يوللىغان ۋاقتى  2013-10-11 10:45 PM شېئىرىڭىزنى ئوقۇپ يىغلاپ كەتتىم ، ئازاپ ۋە كۆيۈك ئوتىد ... قەلبىمنى چۈشەنگىنىڭىز،ئىلھام ۋە تەسەللىى بەرگىنىڭىز ئۈچۈن رەھمەد قېرىندىشىم!.....