مۆئىمىننىڭ نەزىرىدىكى ۋاقىت قىممىتى

پىنھان00

	مۆئمىننىڭ نەزىرىدىكى ۋاقىت قىممىتى دوكتۇر يۈسۈف قەرداۋىي ۋاقىت ھايات دېمەكتۇر! مۆئمىن ئىنسانلار ئىچىدىكى ۋاقىتنىڭ قىممىتىنى ئەڭ بەك قەدىرلەيدىغان كىشىدۇر، چۈنكى ئاللاھ تائالا قىيامەت كۈنى ئۇنىڭدىن سورايدۇكى:ئۆمرۈڭنى نىمە بىلەن ئاخرلاشتۇردۇڭ؟ ياشلىقىڭنى نىمە ئىشلار بىلەن ئۆتكۈزدۈڭ؟ شۇنداق بولغانلىقى ئۈچۈن مۆئمىن ۋاقتىنى بىھۇدە، مەنپەئەتسىز ئىشلاردا ئۆتكۈزمەيدۇ چۈنكى ۋاقىت مۆئمىننىڭ ھاياتتىكى دەسمايىسىدۇر! قانداقمۇ ئۇنى زايا قىلىۋېتىپ، قۇرۇق قول قالسۇن؟ ۋاقىت ئاللاھنىڭ بىزگە ئاتا قىلغان نىئمىتى بولۇپ بىز ئۇنىڭ شۈكرانىسىنى ۋاقىتتىن ياخشى پايدىلىنىپ ئادا قىلىشىمىز كېرەك، ھەرگىزمۇ ۋاقىتقا سەل قاراپ ئاللاھنىڭ بۇ نىئمىتىنى قولدىن بېرىپ ئاللاھنىڭ جازاسىغا ئۇچرىماسلقىمىز كېرەك ئۆمەر ئىبنى ئابدۇلئەزىز مۇنداق دەيدۇ:“كېچە ۋە كۈندۈز سەن ئۈچۈن خىزمەت قىلىدۇ، سەنمۇ سالىھ ئەمەل قىلىپ ئۇ ئىككىسىدىن ياخشى پايدىلانغىن“‏ مۆئمىن ھەر كۈنى تاڭ ئېتىپ يېڭى كۈننىڭ قۇياشى چىققاندا ۋاقىتنىڭ ئۆزىگە ئۈنلۈك ئاۋازدا نىدا قىلىنىۋاتقانلىقىنى ھېس قىلىدۇ:ئەي ئىنسان! مانا مەن بۈگۈن يېڭى كۈن، سېنىڭ قىلغان ئىشلىرىڭغا شاھىدمەن، سەن مەندىن پايدىلان، ياخشى ئەمەللەر ئارقىلىق مېنى غەنىمەت بىلگىن، مەن ئۆتۈپ كەتسەم قايتىپ كەلمەيمەن مۆئمىن كۈنلىرىنىڭ ھېچبىر پايدىسىز قۇرۇق قول ئۆتۈپ كېتىشىدىن ئەنسىرەيدۇ، شۇڭلاشقا بۈگۈنكى ئىشنى ئەتىگە قويمايدۇ، چۈنكى ئەتىنىڭمۇ ئۆزىگە چۇشلۇق ئىشلىرى بولىدۇ، ئەتىدە بۈگۈننىڭ ئىشلىرىنى قىلىشقا ۋاقىت يار بەرمەيدۇ مۆئمىن شۇنىڭدەك بۈگۈنىنىڭ تۈنۈگىنىدىن ياخشىراق بولىشىنى، ئەتىسىنىڭ بۈگۈنىدىن ياخشىراق بولىشىنى ، ئۆلگەندىن كېيىن ھاياتىنىڭ ياخشى-گۈزەل ئەمەللىرى بىلەن ئۇزۇن بولىشىنى بەك خالايدۇ. ۋە دۇنيادا مەنپەئەتلىك ئىلىم ، ياخشى ئەمەل، نەتىجىلىك بىرەر ئىش، سەدىقە جارىيە ياكى سالىھ پەرزەنىت قالدۇرۇشنى بەك خالايدۇ. ئۇ قالدۇرغان نەرسىنىڭ ئىنسانلارغا بولغان پايدىسى قانچىلىك ئۇزۇن بولسا ئۇنىڭ ئاللاھنىڭ دەرگاھىدىكى ساۋابىمۇ شۇنچىلىك كاتتا بولىدۇ مانا بۇ روھنىڭ تۈرتكىسىدە رەسۇلۇللاھ سەللەللاھۇ ئەلەيھى ۋەسەللەمنىڭ ساھابىسى ئەبۇ دەردائ رەزىيەللاھۇ ئەنھۇ ھاياتىنىڭ ئاخىرقى باسقۇچلىرىدا ياڭاق كۆچىتى تىكىۋاتقان ۋاقىتتا بەزى كىشىلەر ئۇنىڭغا:سەن ياشىنىپ قالغان تۇرۇپ بۇ كۆچەتنى تىكىۋاتامسەن، ھالبۇكى بۇ كۆچەت بىر قانچە يىلدىن كېيىن مىۋە بېرىدۇ؟دېگەندە ،ئەبۇ دەردائ رەزىيەللاھۇ ئەنھۇ ئۇلارغا:بۇ كۆچەتنى تىككەنىڭ ساۋابى ماڭا بولۇپ، مېۋىسى باشقىلار ئۈچۈن بولسا بولمامدۇ!؟ دېگەن بۇ روھنىڭ تۈرتكىسدە يەنە بىر كىشى زەيتۇن دەرىخى تىكىۋېتىپ مۇنداق دېگەن:ئىلگىركىلەر بۇ دەرەخنى بىز ئۈچۈن تىكىپ قويغان ئىكەن بىز ئۇنىڭدىن يەپ پايدىلاندۇق، بىزمۇ كېيىنكىلەرگە يىيىش ئۈچۈن تىكىپ قۇيايلى.                         دوكتۇر يۈسۈف قەرداۋىينىڭ ( ئىمان ۋە ھايات)  ناملىق كىتابىدىن.

سائەت

	بۇ ماقالىنى ئوقۇپ كۆڭلۈم ئېچىلىپ قالدى.

ilthja

	اللە رەھمەت قىلسۇن!! ئەھمىيەتلىك تىمىلىرىڭىز ئۈزۈلمىگەي!

mihir

	پايدىلنىش قىممىتى بار بولغان ،ياخشى يىزىلغان ماقالىكەن بۇ .

kakkuk11

	تېمىڭىزغا تەشەككۈر......

@hislat@

	ئەسسالامۇ ئەلەيكۇم...   قىممەتلىك تېمىڭىزدىن،ۋاقتنى قەدىرلەشنىڭ ھەم پايدىلىنىڭشنىڭ تۈپ ئۆلچىمىنى چۈشەندىم.رەھمەت!

mahatjan

	ھىكايىڭىز مەزمۇن ۋە شەكىل جەھەتتە بەك ماسلىشىپتۇ.قابىلىيتىڭىزگە تەشەككۇر.

norabla

	ئۇلۇغ  ئاللاھ  ئەجىرىڭىزنى  بەرسۇن   قىرندىشىم   مەخەتجان  سۆزىڭىزگە  تۇزىتىش  بەرسەم  خاپا  بولمايدىغانسىز   بۇ  دىگەن  ھىكايە  ئەمەس