قاسساپلار

bahwanbiz

	قاسساپلار قىزغىن ئەھۋال سورىشىدۇ قاسساپلار، يولنى قەستەن تورىشىدۇ قاسساپلار ، يۈچۈن دىمەي تونىشىدۇ قاسساپلار، كۆرۈشسەڭ ماي پۇرىشىدۇ قاسساپلار ، ماڭساڭ قاپاق تۈرىشىدۇ قاسساپلار. داڭلىمايدۇ ئەمما لىكىن گۆشىنى ، يۇشۇرىدۇ ئەمما مالنىڭ يېشىنى ، سەل تالاشساڭ چايقىمايدۇ بېشىنى ، ئوخشاش تۇتار ئىچى بىلەن تېشىنى ، بەك مۇلايىم مۆرىشىدۇ قاسساپلار. يىقىنلاشساڭ پىچاق ئالار قولىغا ، چىراي تاللاپ ھېساب كېلەر ئويىغا ، رەنجىپ قويار چېپىلغاقنىڭ خۇيىغا ، چوت سوقىدۇ ئۆلتۈرمىگەن قويىغا ، سەر نەرقىدە ئۆملىشىدۇ قاسساپلار . ئائىلىنىڭ ھېساباتى گىر ئۆلچەم ، نۇرۇم بولغاچ پارقىرايدۇ گۈلغۇنچەم ، تۇرمۇش ئايرار دېھقان ياكى بەگ –تۆرەم ، قاينار پۇقرا قازانلىرى خاتىرجەم ، موھتاجلىقنى يەملىشىدۇ قاسساپلار. نېسى كەلسە سۈكۈت قىلار رەت قىلماس ، ئاجىزلارنى كۆز نۇرىدىن چەت قىلماس ، ئوششاق -چوڭنى ئۆزىرىسىز <كەت>  قىلماس ، ۋىجدانىنى چىۋىن چىچقان بەت قىلماس ، چىن مۇھەببەت تەڭلىشىدۇ قاسساپلار . ھېيت –ئايەمنىڭ خاسيىتى گۆش – ياغدا ، ھەممە يانچۇق كولىشىدۇ بۇ چاغدا ، بەزەن ياغدا ، بەزەن ياشار دەرت- داغدا ، تۇغۇلىدۇ كىم جاڭگالدا ، كىم باغدا ، ھېدايەتنى بويلىشىدۇ قاسساپلار . ھالال ئۇقۇم كەسپىدىكى نىزامى ، بولماس شۇڭا مايسىرىغان دىل زارى، تەڭشەپ تۇرار تۇرمۇشتىكى نىزانى ، ئۇلار بەلكىم بۇ ھاياتنىڭ گۈلزارى ، ئۆزگە يۇرتقا يەرلىشىدۇ قاسساپلار . قوپال خۇيى مەيلى ئەمەس ئۆزىنىڭ ، ھەق سۆزلەيدۇ ئۇرامى بار سۆزىنىڭ ، مەينەت ئەمەس چاپىقى يوق كۆزىنىڭ ، ئەمەلى بار ئىناۋەتلىك يۈزىنىڭ ، غورۇر ئۈچۈن تەرلىشىدۇ قاسساپلار . سىنچىلايدۇ سائىللارغا ئېرىنمەي ، قالدۇرىدۇ نېسىۋىنى كېرىلمەي ، پاك ياشايدۇ ناباپ ئىشقا بېرىلمەي ، بىرلىشىدۇ خاس كەسپىدە تېرىلمەي ، داستانىدا ئەرلىشىدۇ قاسساپلار . توڭلىمايدۇ بەتىنكىسى ئايازدا ، ئېرىمەيدۇ قىياپىتى توموزدا ، خەلقى ئۈچۈن ئوت كۆيىدۇ بىر مۇزدا ئاتا كەسىپ ئۆركەشلەيدۇ تومۇرىدا ، بىر دۇئاغا ئېرىشىدۇ قاسساپلار . ئاپتۇرى : ئا. مۇھەممەت باغۋەن

ataman118

	ئەسسالامۇ ئەلەيكۇم قىرىندىشىم بۇ تىمىڭىز بەكمۇ ياخشى چىقىپتۇ اللە قولىڭىزغا دەرت بەرمىسۇن

guljanat

	مىنىڭ يولدۇشۇم يوقتى ھىتتا كىممۇ سويۇپ بىرە قوينى ، بەك ياخشى يىزىپسىز

ilthja

	شىئىرىڭىز ياخشى چىقىپتۇ، قاسساپلارنىڭ ئوبرازىنى ۋە خاراكتىرىنى جانلىق ئىپادىلەپسىز، سىزمۇ قاسساپمۇيا؟

kakkuk11

	ilthja يوللىغان ۋاقتى  2013-10-11 02:47 PM شىئىرىڭىز ياخشى چىقىپتۇ، قاسساپلارنىڭ ئوبرازىنى ۋە خا ... ئاپتۇر شېئىرنىڭ قاسسىپى...ھى ھى

kakkuk11

	سالام ئاكا شېئىرىڭىز بەك ياخشى چىقىپتۇ... ھارمىغايسىز...

Danggal

	guljanat يوللىغان ۋاقتى  2013-10-11 02:07 PM مىنىڭ يولدۇشۇم يوقتى ھىتتا كىممۇ سويۇپ بىرە قوينى ، بە ... يولدىشىڭىزنىڭ بار يوقلڭقى موھىم ئەمەس. قوينى قاسساپقا سويغۇزۇپ ھەققىنى بەرسىڭىز بولىدىغۇ!؟

guljanat

	يولدىشىڭىزنىڭ بار يوقلڭقى موھىم ئەمەس. قوينى قاسساپقا سويغۇزۇپ ھەققىنى بەرسىڭىز بولىدىغۇ!؟-------------------------------------شۇ قاسساپنى نەدىن تاپامەن بىشىم قاتتى ،

xajarim

	guljanat يوللىغان ۋاقتى  2013-10-11 11:07 AM مىنىڭ يولدۇشۇم يوقتى ھىتتا كىممۇ سويۇپ بىرە قوينى ، بە ... قاسساپقا  سويدۇرۇپ   ئىش ھەققىنى بەرسىڭىز بولىدۇ .

xajarim

	guljanat يوللىغان ۋاقتى  2013-10-11 01:10 PM يولدىشىڭىزنىڭ بار يوقلڭقى موھىم ئەمەس. قوينى قاسساپقا  ...    مانا  مۇشۇ تېمىغا   پات -پات قاراپ تۇرسىڭىز قاسساپ دىگەن ئۆزى كىلىدۇ       مىنى مەدىھيلىگەنمىدۇ  يا تىللغانمىدۇ دەپچۇ