بەختىم يۈتكەن شۇ كېچە«دىلاۋۇر شۆھرەت ئەلرازى»

alrzibag

	بەختىم يۈتكەن شۇ كېچە ئاپتۇرى : دىلاۋۇر شۆھرەت ئەلرازى {بىر دوستومنىڭ سۆزىدىن }      قاچانلاردىن باشلاپ بۇنچە خىيالچان بولۇپ قالغىنىمنى ئەسلىيەلمەيمەن ، بۇرۇندىن مۇشۇنداق خىيالچان بولسام كېرەك، ۋەياكى خۇداغا نالە قىلىپ نېمە قىلغان بولغۇيتتىم ؟ دەپ   بەخىتسىزلىكىمگە قايغۇرۇپ زار-زار يىغلىغان ئاشۇ كېچىدىن باشلانغاندۇ؟      بىلمىدىم، ئەسلىيەلمىدىم، ئېسىمدە بارى پەقەت سەن بىلەن ئۆتكۈزگەن قىسقا، لېكىن بىر ئۆمۈر ئەسلەشكە يەتكىدەك شۇ خۇشال كۈنلەر، خالاس. ئاشۇ كېچە، خۇداغا نالە قىلىپ كىرپىك قاقماي تاڭنى كۈتىۋالغان ئاشۇ كېچە! مۇھەببەت ئۈچۈن دەپلا سوقۇپ تۇرغان يۈرۈكۈم مۇھەببەتنى قىلچە چۈشەنمەيدىغان بىرىنىڭ قولىدا رەھىمسىزلەرچە مۇجۇلدى! مۇھەببەت ئۈچۈن دەپلا كۈلۈپ تۇرغان كۆزلىرىمدىن ياش، ياق!!! قان ئاقتى! مۇھەببەت ھەم بەخىتنى كۈتۈپ تۇرغان، مۇھەببەتلىك كۆزلەرنىڭ تىكىلىشىدىن يەر بېقىپ قىزارماقچى بولغان، قىسقىسى يۈرەك سىرلىرىمنى ئاشكارلىماقچى بولغان، باشقىلارنىڭ نەزىرىدىكى مېھرى ئىسسىق، ئوماق يۈزۈم كەچكۈزدىكى غازاڭدەك سارغايدى! ئاشۇ كېچە! دەل ئاشۇ كېچىدىن باشلاپ بەخىت مەندىن يۈز ئۆرىدى..... ئاھ!!! ئاشۇ كېچىدىن باشلاپ قانچىلىغان قاباھەتلىك كېچىلەرنى كۆز ياشلىرىم بىلەن تاڭغا ئۇلىدىم-ھە؟ مانا مۇشۇنداق تالاي كېچىلەر مىنى يۈرەك ئالدى قىلىپ، كۈلۈپ تۇرغان كۆزلىرىم بىراۋلارغا تىكىلگەن ھامان بۆرىنىڭ چاڭگىلىغا چۈشكەن قوزىدەك نىجاتلىق تىلەپ لىققىدە ياش ئارىسىدا مۆلدۈرلەيدىغان، زەررىچە خۇشاللىق نۇرىنى تاپقىلى بولمايدىغان كۆزلەرگە ئالماشتى! باھارنىڭ كېلىشىنى، پورەكلەپ ئېچىلىشنى كۈتۈپ تۇرغان غۇنچە گۈلۈم مۇھەببەت دۈشمىنىنىڭ ئاياغ ئاستىدا رەھىمسىزلەرچە چەيلەندى! ئاھ!!!ئاھلىرىم بىلەن تەڭ بىر پارچە، بىر پارچىدىن ئېقىپ كېتىۋاتقان يۈرىكىم بىراۋلارنىڭ مېھىرلىك ئالقانلىرىغا مۇھتاج ئىدى، تەنھالىق تەرەپ-تەرەپتىن ئىسكەنجىگە ئېلىپ، سوغۇق ھۇجرامدا تىزلىرىمنى قۇچاغلاپ ئولتۇرغان شۇ مۇدھىش كېچىلەردە يەنە شۇ مېھىرلىك ئالقانلارنىڭ كۆكسۈمگە ئېگىلگەن جانسىز بېشىمنى سىلاپ، كۆز ياشلىرىمنى سۈرتۈشىگە نەقەدەر تەشنا ئىدىم، خۇددى بۇ خىياللىرىم ھازىرلا رىئاللىققا ئايلىنىدىغاندەك، كۆز ئالدىمدا بىراۋلار ماڭا تىكىلىپ تۇرغاندەك ھېس قىلىپ، ئېغىر بېشىمنى تەستە كۆتۈردۈم، ئەپسۇس! مىڭ ئەپسۇس!!! قاراڭغۇ تەغدىرىمگە ئوخشاش يەنە شۇ قاراڭغۇلۇق «سېنىڭ يورۇقلۇقنى كۆرۈش ھەققىڭ يوق» دەۋاتقاندەك، يىغىدىن ئىشىپ كەتكەن كۆزلىرىمگە قاراپ ئېتىلدى!!! يۈرۈكۈممۇ ئاشۇ قاراڭغۇ كېچىگە ئوخشاشلا، ھەتتا ئۇنىڭدىنمۇ بەكرەك قاراڭغۇلۇق ئىچىدە قالغان ئىدى... ئاھ!!!بۇ نېمە ئالامەت؟ ئاھلىرىمغا قوشۇلۇپ ئېتىلىپ چىققان تىنىقلىرىم گوياكى بىر پارچە ئاتەشقۇ؟ يۈرۈكۈمنى بىر پارچە، بىر پارچىدىن ئېقىتىپ كېتىۋاتقان ئاھلىرىم ئەمدىلىكتە ئوت-ئاتەش بولۇپ جىسمىمنى كۆيدۈرۈشكە باشلاپتۇ، دېمەك ئىچى-تېشىمدىن تۈگەشكە باشلىدىم.... تۇيۇقسىز يىراقلاردىن ئاجىز بىر نۇرنى كۆرۈپ قالدىم، كۆزلىرىمنى ئېچىپ ئۇ نۇرنى تولۇق كۆرۈشكە تىرىشاتتىم، ئۇ نۇر تولىمۇ يىراقتىن تارقىلىۋاتاتتى، شۇنچە ئاجىز بولسىمۇ لېكىن ئۇدۇل يۈرىكىمگە تۇتىشىپ، ئىللىق بىر سېزىم بەدەنلىرىمگە تاراۋاتاتتى! توۋا!!!نېمە بولدۇم؟ ئەينەككە قارىدىم، كۆزلىرىمدە لىغىرلاپ تۇرغان ياشلار نەگە كەتتى؟ مەڭزىمدە بىر جۈپ زىناق تۇراتتى، دېمەك مەن كۈلۈپتىمەن، قايتىدىن كۈلدۈم، ئەسلىمگە قايتتىم، قايغۇ-ھەسرەتلەرنى تاشلاپ، ئەركىن ھالىتىمگە قايتتىم... يۈرۈكۈمنى يورۇتقان، كۆزلىرىمنى كۈلدۈرگەن نۇر سەن ئىدىڭ، گەرچە نۇرۇڭ شۇنچە ئاجىز بولسىمۇ، لېكىن ماڭا مىڭ قۇياشنىڭ ھارارىتىنى ئاتا قىلىپ، مىنى ئۆزۈمگە قايتۇردى، ياشاشقا ئۈمىد ئاتا قىلدى... رەھىمسىزلەرچە چەيلەنگەن غۇنچە گۈلۈمنى ئەسلىگە قايتۇرۇپ، قايتىدىن پورەكلىتىشكە قادىر ئەمەسمەن، لېكىن كەچكۈزدىكى غازاڭ كەبى سارغايغان يۈزلىرىم، قانچىلىغان كىشىلەر تەشنا بولىۋاتقان كۈلكىلىرىم قايتىپ كەلدى، پەقەت سەن بولغانلىقىڭ ئۈچۈنلا....پەقەت سەن بولغانلىقىڭ ئۈچۈنلا، ئېگىز دەرەختىن ئايرىلىپ يەرگە چۈشۈپ كېتىشكە قىيالمايۋاتقان ئاخىرقى ياپراق شۇنچىكى ئاجىز شامالدىمۇ تىتىرىگەندەك تىتىرەپ، چۆچۈپلا تۇرىدىغان نىمجان تەنلىرىم سەندىن كۈچ ئېلىپ، زېمىنغا مەزمۇت دەسسىيەلەيدىغان بولدى، پەقەت تىرىكلىكىمدىن بىشارەت بېرىپ تۇرىدىغان، ئۆچەي دەپ قالغان شامدەك ئاجىز پىلىلداپ تۇرغان كۆزلىرىم سېنىڭ مېھىرلىك كۆزلىرىڭدىن نۇر ئالدى، پەقەت سەن بولغاچقىلا.... كېچە قاراڭغۇ بولسىمۇ، سەن بولغاچ ئىلگىرىكىدەك مۇدھىش، سوغۇق، قورقۇنۇشلۇق تۇيۇلمايدۇ، يالغۇز بولساممۇ، سەن بولغاچ تەنھالىق ھېس قىلمايمەن، سەن بولغاچ خىياللىرىم شېرىن، سەن بولغاچ قايغۇ مەندىن يىراق!!! ئاھ!!!يەنە ئاھ ئۇردۇم، لېكىن بۇ ئاھلىرىم ئىلگىرىكىگە ئوخشاش قايغۇ-ھەسرەتلىك ئاھلار ئەمەس، بەلكى تومۇر-تومۇرلىرىمغا تاراۋاتقان ئىللىق سېزىمغا بەرداشلىق بېرەلمەستىن ئېتىلىپ چىققان ئاھلاردۇر... يەنە خىيال ئىچىدە ياشاۋاتىمەن! مىسكىن ھالدا، مۇڭغا چۆكۈپ ئەمەس، بەلكى كۈلۈپ تۇرۇپ شېرىن خىيال ئىچىدە ياشاۋاتىمەن!!! مەن مانا مۇشۇنداق شېرىن خىياللار بىلەن بەختىم يۈتكەن كېچىدىن يەنە ئۈمىدلىك ھالدا قايتا بەخىت كۈتىۋاتىمەن !!!! بۇ بىر ساراڭلىقمۇ قانداق ھە ؟؟؟؟ ياق ، ياق ، بۇ ھەرگىزمۇ ساراڭلىق ئەمەس، بەلكى مېنىڭ بەختىم يۈتكەن كېچە مەن ئۈچۈن باشقا بىر دۇنيا، ھازىرقى كۈتىۋاتقان بەختىم يىڭى بىر دۇنيا ئەلۋەتتە !! بەختىم يۈتكەن ئاشۇ كېچىدە ، خىياللارغا بولدۇم مەن غەرىق . لىكىن كۈتتۈم يېڭى بىر تاڭنى ، چۈنكى مېنىڭ كۈتىشىم ھەقلىق . بەختىم يۈتكەن ئاشۇ كېچىلەر ، بەردى ماڭا يېڭى ھاياتلىق . تىمتاسلىققا چۆمگەن بۇ قەلبىم ، خىيال كەبى كۆردى خۇشاللىق . ئۇنتۇپ كېتەي ئۇشبۇ كېچىنى ، كۈلۈپ باقاي گۈزەل دۇنياغا . مەنمۇ بىر كۈن ئېگە بولارمەن ، ماڭا مەڭگۈ مەنسۇپ ھەمراھغا . شۇنداق ماڭىمۇ مېنى ھەقىقى سۆيىدىغان، ماڭا بىر ئۆمۈر ھەمراھ بولىدىغان كېشىنىڭ ئۇچىرىشىغا، شۇنداقلا شۇ كېچىدە يۈتكەن بەختىمنىڭ ئورنىنى تولدۇرۇپ بىرەلەيدىغان كىشىنىڭ بارلىقىغا ئۈمىدلىك ھالدا تەلمۈرمەكتىمەن !!!! غۇلجا

azrat705

	windows phone دىكى ئۇيغۇرچە تىل بولىقى ۋە كىرگۈزگۈچ ئۈچۈن بېلەت تاشلاڭ ياكى پىكىر بېرىڭ!!! بۇ تېمىغا كىرگەن ھەر بىر ئۇيغۇرنىڭ ئۇچۇر دەۋرىدىكى ئانا تىلىمىزنىڭ ئىناۋىتى ۋە ھۆرمىتى ئۈچۈن بىر مېنۇت ۋاقتىنى چىقىرىپ يۇقىرىدىكى ئۇلىنىشقا كىرىپ بېلەت تاشلىشىنى چىن دىلىمدىن سۇرايمەن !! مىللەتنى ، تىلىمىزنى قۇرۇق گەپ ئارقىلىق سۆيمەيمىز ، ئازراق ئىش قىلساق ھېساپ ! قېنى ئەمىسە مىللەت سۆيەر قېرىنداشلىرىرىم ، بىر مېنۇت ۋاقتىتىڭىزنى چىقىرىپ بېلەت تاشلاڭ !! windows phone دىكى ئۇيغۇرچە تىل بولىقى ۋە كىرگۈزگۈچ ئۈچۈن بېلەت تاشلاڭ ياكى پىكىر بېرىڭ!!!

azrat705

	ئىنكاسىم تېمىغا مۇناسىۋەتسىز بولۇپ قالدى ، كەچۈرگەيسىلەر !!

kaitmas

	مۇھەببەت دىگەن يۇقۇملۇق كېسەل بۇلۇپ . يۇقۇش ئورنى . كۆزدىن كىرىپ يۈرەككە تەسىر قىلىدۇ. كېسەللىك ئالامەتلىرى . كۈندۈز لىرى كۈلكە يوق ، كېچىلىرى ئۇيقا يوق قىلىدۇ . كېسەلنىڭ ئېغىرلاپ كېتىشنىڭ ئالدىنى ئېلىش ئۇسۇلى . كۈندە كۆرۈشۈپ تۇرۇش . ساقايتىش ئۇسۇلى . توي قىلىش http://www.blogbus.com/anatel-logs/224887856.html

uyol