windows8 نىڭ ئوغرىسىنى ئىشلەتكۈچىلەر ۋە ياسىغۇچىلار بۇنى ئاڭلاڭ

rohlanbiz

	ئەسسالامۇ ئەلەيكۇم تورداشلار، مەن بۈگۈن چۈشتىن بۇرۇن windows8 نىڭ ئوغرى نەشرىنى ئىشلىتىشنى چەكلەش، تورىدا ئېلان قىلىنىشنى چەكلەش ھەققىدە بىر تېما ئېلان قىلغان ئىدىم. Windows 8 نى ھەقسىز ئىشلىتىش ھەققىدىكى تېمىلار قۇبۇل قىلىنمايدۇ http://www.rohlan.com/thread-25513-1-1.html بىز تىلىمىزدا ئاھ ئانا تىل، ئۇيغۇرتىلى ئۆلمىسۇن دەپ داۋراڭ سېلىشنى بىلىمىز يۇ، ئالدىمىزغا كەلگەن پۇرسەتنى كىچىككىنە مەنپەئەتنى دەپلا ئۇ گەپلەرنى بىر قۇرۇق شۇئارغا ئايلاندۇرۇپ قويىۋاتىمىز. تور بېكىتىگە windows 8 ئېلان قىلىنىپ ئۇزۇن ئۆتمەيلا windows 8 نى ھەقسىز ئىشلىتىش، windows 8 نى ھەقسىز ئاكتىپلاش ھەققدىكى تېمىلاردىن بىر نەچچىسى يوللانغان بولۇپ، ھەممىسى بىردەك ئۆچۈرۈلگەن ئىدى، مۇشۇ يېقىندا يەنە بىر كىچىككىنە مەنپەئەتنى دەپ ئۆزىنىڭ نەسلىنى ئۇنۇتقان بىرى قوپۇپ، windows 8 نىڭ ghost نۇسخىسىنى ياساپ، تور بېكەتلەردە بولۇشىغا تەشۋىق قىلىپ تارقاتقىلى تۇرۇپتۇ، بۇ تور بېكىتىنى تەشۋىق قىلىپ، زىيارەتچى توپلاشتىن باشقا نەرسە ئەمەس (ئۇ سىستېمىغا تور بېكىتىگە ئائىت رەسىم، ئېلان، ئادرىس،... لارنى قوشۇپ تارقىتىشى ئېنىقلا گەپ)، تور بېكەتنى تەشۋىق قىلغۇلۇق، ئەمما ۋىجدان، غورۇر، كىملىكىنى ئۇنتۇپ، مەنپەئەت قوغلىشىپ، بىزنى قوللاۋاتقانلارنى ئورىغا ئىتتىرىش بەدىلىگە ئۆز پۇتىمىزغا پالتا چېپىش بىر ئەقىل ئېگىسىنىڭ قىلىدىغان ئىشى ئەمەس. تۆۋەندىكى ئالىم ئەھەت ئەپەندى بىلەن شىنجاڭ خەلق رادىئو ئىستانسىسىنىڭ windows 8  نىڭ ئۇيغۇرچە نۇسخىسى ھەققىدە ئېلىپ بېرىلغان رادىئو سۆھبىتىنى چۈشۈرۈپ ئاڭلاپ بېقىشىڭىزنى كۈچلۈك تەۋسىيە قىلىش ئۈچۈن ئايرىم تېما شەكلىدە يوللىدىم. سىغىمى 14 مىگابايت كېلىدۇ، بۇنى چوقۇم چۈشۈرۈپ ئاڭلاڭ، ناخشا تىڭشىغاننىڭ ئورنىدا ئاڭلاڭ، چۈشىنەلمىسىڭىز ياكى ھەزىم قىلالمىسىڭىز قايتا-قايتا ئاڭلاڭ، ھەمدە مۇشۇنى ئاڭلىغاندىن كېيىن ساختا نەشىردىكى windows 8 نىڭ ghsot نۇسخىسىنى ئىشلەش، ئىشلىتىش، تارقىتىش قىلمىشىڭىزنى توختىتىڭ. چۈشۈرۈش ئادرىسى: http://url.cn/KIRGQ3 يەنە بىر گەپنى ئەسكەرتىپ قويغۇم كېلىۋاتىدۇ ماۋۇ windows 8نىڭ ئوغرىسىنى ئىشلىگەنلەرگە: ناۋادا ئالىم ئەھەت ئەپەندى ياكى مىكروسوفت شىركىتىدىكىلەر بۇنى بايقاپ،  بەلكىم سىزدىن نەچچە مىليۇن زىيان تۆلىمى تەلەپ قىلىشى مۇمكىن، ئىشلەتكۈچىلەرمۇ ئەلۋەتتە شۇنىڭ ئىچىدە.

abdul915

	دېمىسىمۇ تازا ئەدىپىنى بەرسە بولىدۇ

nasrulla

	بازاردىن 5كويلۇق دەيدىن بىرنى سېتىۋېلىپلا  ئاكتىپلىماي ، ئۇيغۇرچە تىل بولىقىنى قاچىلاپلا ئىشلەتسەك قانۇنسىزلىق ھېساپلىنامدۇ؟ چۇقۇم ھەقىقى نۇسقىسىنى سېتىۋېلىپ ئىشلەتكەندىلا ئاندىن قانۇنلۇق ھېساپلىنامدۇ؟ جاۋاپ بەرسىڭىز بۇپتىكەن. ئاۋارە قىلدىم.

muhakima

	مىنىڭ ئىشلىتىۋاتقىنىم ۋىندوۋىس8 ۋە ئففغى2013نىڭ رەسمى نۇسخسى ، شۇنداك ياخشى ئىكەن ، بۇلۇپمۇ مۇرەككەپ فورمۇلا يىزىشنى قوللايدىكەن.

chongbazar

	nasrulla يوللىغان ۋاقتى  2013-10-8 02:34 AM بازاردىن 5كويلۇق دەيدىن بىرنى سېتىۋېلىپلا  ئاكتىپلىما ... ئەلۋەتتە قانۇنسىزلۇق بولىدۇ. بازاردىكى 5 كويلۇق دەيلەرنىڭ ھەممىسى قانۇنسىز. مۇنداقچە ئېيتقاندا ھارام. شىركەت سىناش ۋە ئىشلەتكۈچىلەرنىڭ پىكىرىنى ئېلىش ئۈچۈن دەسلەپكى سىناق نۇسخىسىنىلا ھەقسىز تارقىتىدۇ. سىناق ئاخىرلىشىپ رەسىمى نۇسخا بازارغا سېلىنغان كۈندىن باشلاپ ھەقسىز ئىشلىتىش، قانۇنسىزلىق بولىدۇ. ئەمەلىيەتتە شىركەت رەسىمىي نۇسخىسىنى ھەقسىز تارقاتمايدۇ، پەقەت بىر قىسىم ھايانكەشلەر بۇزۇپ، ئۆزگەرتىپ ئەرزان باھادا ساتىدۇ. ھەقىقىي نەشىردىكىسى بىلەن ئوغرى نەشىردىكىسىنىڭ پەرقى ئىنتايىن چوڭ. مەيلى بىخەتەرلىك ياكى مۇقىملىق جەھەتتىن بولسۇن، ئىككىسىنى ئىشلىتىپ بېقىپلا بىلگىلى بولىدۇ. بىز خەققە ئوخشىمايمىز. شۇڭا بىز ھالال بىلەن ھارامنى ئايرىشىمىز كېرەك.

mahatjan

	قائىدىلىك ،توغرا ئىش قىلىشقا ئادەتلىنەيلى. بولمىسا---

boraoghli

	nasrulla يوللىغان ۋاقتى  2013-10-8 02:34 AM بازاردىن 5كويلۇق دەيدىن بىرنى سېتىۋېلىپلا  ئاكتىپلىما ... 5سوملۇق ئۇ سېستىما ئاللاقىچان ئاكتىپلانغان نۇسخىسى، ئۇنداق بولمىغاندا ئاكتىپلىماي تۇرۇپ بىمالال ئىشلەتكىلى بولمايدۇ. شۇڭا ئۇنداق سېستىمىلارنى ئوغرىنىڭ مېلى، ئوغرى سېستىما …دەيمىز. ھازىرمۇ ۋىندوۋس8نىڭ ئېتىبار نۇسخىسىنى تاپقىلى بولىدۇ، بەزى قېرىنداشلارنىڭ كۆپىرەك ئېلىپ ساقلاپ قويغانلىرى بولىشى مۇمكىن.

saydung

	دەرەخنى كەسكەن پالتىنىڭ سېپى ياغاچ دە

ھۆكما

	مىنڭ خاتىرە (چامدان) كۈمپىيۇتۇر. كومپىيۇتۇرىمدا ھازىر ۋىندوۋىس 7 قاچىلاپ ئىشلىتىگلىك. مەن ۋىندوۋىس 8 نى قاچىلاپ ئىشلىتىمەن دىسەم، بىر دوستۇم « ۋىندوۋىس8 نى بۇ كۆمپىيۇتىرغا قاچىلىغىلى بولمايدۇ، ئۇنى پەقەتلام ئايپاتقا قاچىلىغىلى بولىدۇ» دەيدۇ. بۇ راسمۇ؟   رەھمەت ، سىزنى ئاۋارە قىلىدىغان بولدۇم.

mustapa222

	شۇڭا بىلگەيتىسمۇ ئەينى ۋاقىتتا جوڭگۇدەك چوڭ بازاردىن ئانچە ئۈمۈت كۈتمىگەن ئىكەن...بىزدە ھەممە نەرسىنىڭ قانۇنسىز نەشىر قىلىنغىنى بازارنى ئىگەللەپ كېتىپ ،ئەسلى نۇسخىسى كاسات مالغا ئايلىنىدۇ...