ئاپتوموبىل رىمونتچىلار جەمئىيىتى تەييارلىق يىغىنى-فىلىم

چىمبۇلاق

	2013- يىلى 5-ئۆكتەبىر كۈنى شىنجاڭ گۈزەل قاشتېشى مىھمانسارىيىنىڭ زىياپەت زالىدا رەھبەر ئاپتوموبىل كەسپى تەرەققىيات كۇلۇبى ئۇيۇشتۇرۇشىدىكى «شىنجاڭ ئاپتوموبىل رىمونتچىلار جەمئىيىتى» تەييارلىق يىغىنى ئۆتكۈزۈلدى. يىغىنغا ئۇيغۇر ئاپتۇنۇم رايۇنى مۇناسىۋەتلىك  ئورۇنلارنىڭ رەھبەرلىرى، ھەر قايسى جايلاردىكى كۆزگە كۆرۈنگەن چوڭ رىمونتخانا ۋە مەخسۇس سېتىش ئورۇنلىرى رەھبەرلىرى شۇنداقلا تاراتقۇلار ۋەكىللىرىدىن چىمبۇلاق تورى، مىسرانىم تورى، ئانا تۇپراق تورى،  ئىلقۇت كارخانىچىلار تورى، بايلىق تورى قاتارلىقلار قاتناشتى. يىغىندا ئالدى بىلەن ئۈرۈمچى ئەزھەر كەسپىي تېخنىكا تەربىيەلەش مەكتىپىنىڭ قۇرغۇچىسى مۇتەللىپ ئەپەندى «شىنجاڭ ئاپتوموبىل رېمونتچىلار جەمئىيىتى» قۇرۇشنىڭ دەۋر ئېھتىياجى، ئەھمىيىتى، زۆرۈرىيىتى قاتارلىق جەھەتلەردە توختىلىپ، يىغىن قاتناشقۇچىلىرىغا قىسقىچە چۈشەنچە بېرىپ ئۆتتى. ئۇنىڭدىن كېيىن شىنجاڭ ئۇنىۋېرسىتېتىنىڭ ھاياتلىق ئىلمى ۋە تېخىنكا ئىنىستىتۇتىدىن ئەخمەتجان ئەخەت ئەپەندى كارخانىلارنىڭ تەتقىقات تۈر مەبلىغى ئىلتىماس قىلىشى ھەققىدىكى تەلەپلەر ۋە ھازىرلاشقا تېگىشلىك شەرتلەر ھەققىدە قىسقىچە توختىلىپ، ئاپتونوم رايونىمىزنىڭ ھەر قايسى تەتقىقات تۈر مەبلەغلىرىنىڭ تۈرلىرى ۋە ئىلتىماس قىلىش ۋاقتى قاتارلىقلار ھەققىدە چۈشەنچە بېرىپ ئۆتتى. تۆۋەندە پائالىيەتتىكى خاتىرە سۈرەتلەردىن بەھىرلىنىڭ ! چىمبۇلاق ئېكرانى ئالاھىدە تور - تېلېۋىزىيە پروگراممىسى ئۇنىڭدىن كېيىن، شىنجاڭ ئۇنىۋېرسىتېتىدىن مۇھەممەد ياسىن دوكتۇر ئاپتوموبىل تېخنىكا ئېنژىنىرلىرى سۆھبىتى ھەققىدە توختىلىپ، يەككە ئىگىلىك ۋە كارخانا، باشقۇرۇش، ئانالىز... قاتارلىق تېمىلاردا نىسبەتەن تەپسىلىي توختىلىپ، يىغىن قاتناشقۇچىلىرىنى كارخانىلىشىش ۋە سىستېمىلىشىش جەھەتلەردە دەسلەپكى چۈشەنچىگە ئىگە قىلىپ، بۇ قېتىملىق يىغىننىڭ پايدىلىنىش قىممىتىنى يەنە بىر بالداق يۇقىرى كۆتۈردى. يەنە ئۇنىڭدىن باشقا F1 ئاپتوموبىل رېمونتچىلىقىنىڭ مەسئۇلى «ئاپتوموبىل رېمونت مۇلازىمىتى تۈرى ۋە كۆلىمىنىڭ چوڭ-كىچىكلىكى بويىچە تۈرلىنىشى» دېگەن تېمىدا ئۆزىنىڭ تەجرىبىلىرى ۋە شۇنىڭدىن مۇلازىمەتنىڭ مۇھىملىقى ئۈستىدە ئەمەلىيەتنى چىقىش قىلغان ئاساستا، كۈندىلىك خىزمەت جەريانىدا نېمىلەرگە دىققەت قىلىش كېرەكلىكى، خېرىدارغا قانداق مۇئامىلىدە بولۇش، مۇلازىمەت سۈپىتىنى قانداق يۇقىرى كۆتۈرۈش قاتارلىق جەھەتلەردە ئۆز تەجرىبىسىنى سۆزلەپ، يىغىن كەيپىياتىنى تېخىمۇ يۇقىرى كۆتۈرۈش بىلەن بىرگە، يىغىن قاتناشقۇچىلىرىنى پايدىلىنىش قىممىتى يۇقىرى بولغان ئەمەلىي بىلىمگە ئىگە قىلدى. بۇ قېتىملىق يىغىندا يەنە ئەركىن پەن-تېخنىكا شىركىتىنىڭ قۇرغۇچىسى ئەركىن ئەپەندى ئۆزىنىڭ يېقىندىن بىرى ئۇتۇق قازانغان كەشپىياتلىرىدىن قىسقىچە ئۇچۇر بېرىپ، ئۆزىنىڭ كەڭ ئاپتوموبىل رېمونتچىلىرىدىن كۈتىدىغان ئۈمىدىنى ئوتتۇرىغا قويۇپ ئۆتتى يىغىن ئاخىرىدا ئاپتونوم رايونىمىزنىڭ ھەر قايسى جايلىرىدا ئاپتوموبىل رېمونتچىلىقى بىلەن شۇغۇللىنىپ، كەسىپ جەھەتتە ياخشى نەتىجىلەرنى قولغا كەلتۈرگەن باشلامچى رېمونتچى ئۇستاملارنى مۇكاپاتلاش ئېلىپ بېرىلدى ۋە كۆپچىلىك ئەركىن پىكىر ئالماشتۇرۇش پۇرسىتىدىن پايدىلىنىپ، ئۆزلىرىنىڭ يۈرەك سۆزلىرىنى ئوتتۇرىغا قويۇپ، بۇ قېتىملىق يىغىننىڭ ناھايىتى ياخشى ئورۇنلاشتۇرۇلغانلىقى ۋە ئۇنىڭ ئىجتىمائىي، ئىقتىسادىي ئۈنۈمىنى مۇئەييەنلەشتۈردى.   بۇ قېتىملىق يىغىن ئودا بەش سائەت ئەتراپىدا داۋاملاشقاندىن كېيىن، ناھايىتى ئوڭۇشلۇق ئاخىرلىشىپ، ياخشى نەتىجىلەر قولغا كەلتۈرۈلدى.

تارىم

	رايۇنىمىزنىڭ رېمۇنتچىلىق كارخانا ئورۇنلىرىغا مۇناسىۋەتلىك بىر بوشلۇقنى تولدۇرغان ياخشى ئىش خەيرىلىك باشلىنىپتۇ، خەيرىلىك باشلىنىپ ئۇتۇقلۇق داۋاملاشقاي...

joda☠

	بۇرۇن ئۇيغۇر ماشىنا مۇنبىردە بىر ئادەم بولدىغان ،ئىنژىنىر (ئابلىمىت)دەپ ..گۇۋاڭجۇدىن ئۈرۈمچىگە كېلىپ ئاپتومۇبىل ئىنژىنىرلىق كۇرسى ئاچقان دىگەندەك قىلۋاتقان ،شۇ ئادەممۇ باردەك تۇرامدۇ ..؟ ئۇيغۇر ماشىنا مۇنبىرى ئېچىلماي خەۋەرسىز قالدۇق ئۇ ئىشلاردىن ... ئىشلىرىڭلار ئوڭۇشلۇق بولسۇن ..!

doppiqe

	ئىشلىرىڭلار ئوڭۇشلۇق بولسۇن

doppiqe

	mahatjan يوللىغان ۋاقتى  2013-10-7 06:40 PM ئاشۇمۇ ئىنكاس بولدىمۇ؟ خوشياقىمىغان بولسا جىممىدە قىسپ چىكەتسڭىز بولىدىغۇ.

171741041

	ناھايىتى  ياخشى باشلىنىش بولۇپتۇ. ئاپتوموبىل جەمئىيىتىنى قورغۇچىسىنىڭ ئالاقىلىشىش ئادرىسىنى يوللاپ قويساڭلار بوپتىكەن.ياكى توربىكىتى بارمۇ؟

mahatjan

	كۆرۈنىشلارنى  بەك كۆپ يوللاپسىز ،رەھمەت ،

uyol

	ئىشلىرىڭلارغا ئۇتۇق تىلەيمەن

ablimitt

	ناھايتى ياخشى باشلىنىش بۇپتۇ، بولسا مەخسوس سەھىپە ئاجرىتىپ، رىمونىتچىلىق تەرتىپلېرى تۇنۇشتۇرۇلسا بەك ياخشى بۇلاتتى...