پەلسەپىۋىي قائىدىلەر

tasawwur138

	پەلسەپىۋىي بىلىملەرگە ئاساسلانغاندا ھەر قانداق شەيئىنىڭ تەرەققىياتى سان ئۆزگىرىشى ۋە سۈپەت ئۆزگىرىشىدىن ئىبارەت ئىككى مۇھىم جەرياننى باشتىن كەچۈرىدۇ.   سان ئۆزگىرىشى دېگىنىمىز شەيئى ئۆز ئىچىگە ئالغان تەركىبلەرنىڭ ئاز كۆپلۈكى، تۈرلۈك مۇناسىۋەتلىك مىقدارلاردىكى ئۆزگىرىشلەرنى كۆرسىتىدۇ.   سۈپەت ئۆزگىرىشى دېگىنىمىز شەيئى ئۆز ئىچىگە ئالغان تەركىبلەرنىڭ خاراكتېرى ۋە ھەرىكىتىدىكى ماھىيەت خاراكتېرلىك ئۆزگىرىشلەرنى كۆرسىتىدۇ.   مەسىلەن ئادەم تۇغۇلۇپ يېشىنىڭ چوڭىيىشى سان ئۆزگىرىشىگە كىرىدۇ، قېرىلىق دەۋرىگە قەدەم قويۇشى، ھاياتلىقتىن ئۆلۈمگە يۈزلىنىشى قاتارلىقلار بولسا سۈپەت ئۆزگىرىشىگە كىرىدۇ.    شەيئىدىكى سان ئۆزگىرىشى مۇقەررەر ھالدا سۈپەت ئۆزگىرىشىنى كەلتۈرۈپ چىقىرىدۇ. مەسىلەن ئادەم ئۇزاق مۇددەت تاماكا چېكىۋەرسە تاماكا تەركىبىدىكى زىيانلىق تەركىبلەر توپلىنىپ بەلگىلىك دەرىجىگە يەتكەندە سالامەتلىككە مۇقەررەر زىيان يەتكۈزۈپ، ساغلام تەن كېسەل تەنگە ئۆزگىرىدۇ.    شۇنىڭدەك سۈپەت ئۆزگىرىشى يېڭى بىر سان ئۆزگىرىشىنى بارلىققا كەلتۈرىدۇ. مەسىلەن كېسەللىك پەيدا بولغاندىن كېيىن داۋالانمىسا كېسەللىك داۋاملىق تەرەققىي قىلىدۇ.   شۇنىڭ بىلەن بىرگە شەيئىنىڭ تەرەققىياتى سان ئۆزگىرىشىدىن سۈپەت ئۆزگىرىشىگە ئۆتۈش ئارىلىقىدا شەيئىدە قىسقا مۇددەتلىك ئەكسىگە قايتىش ھادىسىسى كۆرۈلىدۇ. بۇنىڭ دەلىللىرى تۆۋەندىكىچە: 1. ساقايماس ئېغىر كېسەلگە گىرىپتار بولغان ئادەم ئۆلۈمگە يېقىنلاشقاندا ئاغرىق ئازابىنىڭ بىردىنلا يېنىكلەپ قالغانلىقىنى ھېس قىلىدۇ،  كۆپىنچە كىشىلەر ساقىيىۋاتقان ئوخشايمەن دەپ قالىدۇ،  بىراق ئىلىم ئەھلىلىرى  ھاياتتىن پۈتۈنلەي ئۈمىدىنى ئۈزىدۇ. چۈنكى بۇ ئۆلۈمنىڭ بىشارىتىدۇر. 2. پەسىل ئالمىشىۋاتقان پەيتتە مەسىلەن باھار كىرىش ئالدىدا ھاۋا بىر مەھەل تۇيۇقسىز سوۋۇپ  كېتىدۇ؛ قىش كېلىش ئالدىدا ھاۋا بىر مەھەل تۇيۇقسىز ئىللىپ قالىدۇ،  بۇلارنىڭ ھەممىسى پەسىل ئالمىشىشنىڭ بىشارىتىدۇر. 3. شام كۆيۈپ تۈگەشكە ئاز قالغاندا بىردىنلا كۈچلۈك پىلىلداپ كۆيىدۇ. 4. چەينەكتىن چاي قۇيۇۋېتىپ چاي قۇيۇلۇپ بولاي دېگەندە چۈشۈۋاتقان چاي تۇيۇقسىز كۆپىيىپ كېتىدۇ. ................................................................................ يۇقارقىلارنىڭ ھەممىسى ئۇزاق مۇددەتلىك ئىلمىي تەجرىبىلەردىن ئۆتكەن مۇھىم پەلسەپىۋىي قائىدىلەردۇر. شۇنداقلا شەيئىلەر تەرەققىياتىدا مۇقەررەر كۆرۈلىدىغان ھادىسىلەردۇر.  شەيئىلەر  بۇرمىسىمان ئايلىنىپ تەرەققىي قىلىدۇ، ھەر بىر ئايلىنىش تاماملانغاندا خۇددى ئەسلى ئورنىغا قايتىپ قالغاندەك كۆرۈنىدۇ، ئەمەلىيەتتە شەيئىي بۇ چاغدا سان ئۆزگىرىشىنى تاماملاپ سۈپەت ئۆزگىرىشىگە ئۆتۈۋاتقان بولىدۇ. قىسقا مۇددەتلىك ئەكسىگە قايتىش ھادىسىسى شۇ شەيئىدە سۈپەت ئۆزگىرىشى يۈز بېرىشىنىڭ مۇھىم بىشارىتى بولۇپ شۇ شەيئىدە پات يېقىندا سۈپەت ئۆزگىرىشى يۈز بېرىدىغانلىقىنى بىلدۈرىدۇ. پايدىلانمىلار: "ماركىسىزىملىق پەلسەپە قائىدىلىرى"، "شىنجاڭ ياشلىرى ژورنىلى" مەنبە: ئۆگەنگەنلىرىم

tamkin147

	پەلسەپە دېگەن نېمە؟

مسكىنÍÍ

	ساقلىۋالدىم ، يەنە مۇشۇنداق مەزمۇندىكى يازمىللىرىڭىزنى كۈتىمەن

vincent

	ياخشى تېما ئىكەن  ھارمىغايسىز  !!!يەنە  تېمىڭىزنى كۈتىمەن.

mahatjan

	پەلسەپىۋىي قائىدىلەرگە ئاساسەن ماركىس مۇنداق دىگەن؛-ماددا ئاڭنى بەلگىلەيدۇ،ماددا بىرلەمچى ئاڭ ئىككىلەمچى.ئاڭ ماددىغا نىسبىتەن پائالىيەتچان تەسىر كۆرسىتىدۇ.-----

tamkin147

	mahatjan يوللىغان ۋاقتى  2013-10-7 06:46 PM پەلسەپىۋىي قائىدىلەرگە ئاساسەن ماركىس مۇنداق دىگەن؛-م ... لېكىن ، مۇشۇ گەپلەر توغرىمۇ؟

tasawwur138

	tamkin147 يوللىغان ۋاقتى  2013-10-7 04:12 PM پەلسەپە دېگەن نېمە؟ پەلسەپە شەيئىلەرنىڭ تەرەققىيات قانۇنىيىتىنى تەتقىق قىلىدىغان پەن.

borhanhoja

	پەلسەپەنىڭ تەبىرى-سېستىملاشقان دۇنيا قاراش دىگەنلىك بۇلىدۇ.

mahatjan

	mahatjan يوللىغان ۋاقتى  2013-10-7 06:46 PM پەلسەپىۋىي قائىدىلەرگە ئاساسەن ماركىس مۇنداق دىگەن؛-م ... لېكىن ، مۇشۇ گەپلەر توغرىمۇ؟ بۇنى تارىخى رىياللىق ئىسپاتلىغان-دە.

uyol

	پەلسەپەنىڭ ئۇيغۇرلار ئارىسىدا پەيدا بولىشى ۋە ئۇيغۇر پەلسەپىسىنى يۇقىرى پەللىگەن كىشى ئابدۈشۈكۈر مۇھەممەتئىمىن دەپ قارايمەن