چوڭلارغىمۇ ھېيىتلىق بېرىڭ

apchil

	كىچىگىمدە ھېيىت كەلسە شۇنداق خوشال بولۇپ كېتەتتىم، چۈنكى ھېيىتتا چوڭلاردىن ھېيىتلىق ئالاتتىم ئەمەسمۇ... ھەي بالىلىق...كەينىگە قايىتمايدىغان بالىلىق... مەنمۇ ھېيىتلىق ئېلىپ ] ياش چوڭىيىپ قالسا چوڭلارمۇ ھېيىتلىق بەرمەيدىكەن،بىزمۇ كىچىكلەرگە ھېيىتلىق بېرىدىكەنمىز  بىراق كۆڭلىمنىڭ بىر يەرلىرى يەنلا  يېرىم،تازا خوشال ئەمەس،ياش چوڭىيىپ قالسىمۇ ھېيىتلىق ئالسا ئادەم ىوشاللىقتىن بالىلىققا قايتقاندەك بوپ قالىدىكەن،ئويلاپ قالدىم ئاتا ئانىلىرىمىزغىمۇ ئاز بولسىمۇ(يېتىشەلىسەك ئۇلارنىڭ ئەجرىگە قانچە قىلساقمۇ ئازلىق قىلىدۇ) ھېيىتلىق بەرسەك شۇلارمۇ بالىلىق تىكى خوشاللىقتىن بەھرىمان بولۇپ  باقسا،،،ھازىر ئەسلەپمۇ قالىمەن مەرھۇم ئانامغاۋاپات تېپىشتىن بىر-ئىككى يىل بۇرۇنقى ھېيىتتا ھېيىتلىق بەرسەم شۇنداق خوشال بولۇپ  خوشاللىقىدىن يىغلاپ كەتكەن ئىدى.شۇ چاغدا ئويلاپمۇ قالغان ئانامنى خوشال قىلىش ئۈچۈن بۇرۇنراق ھېيىتلاردا ھېيىتلىق بەرسەم بوپتىكەن ،بۇندىن كىيىن چوقۇم ھېيىتلاردا ئاللا نىسىپ قىلسا ئەڭ بۇرۇن ئانامغا ھېيىتلىق بېرىمەن دەپ. ئەپسۇس..مىڭلارچە ئەپسۇس.شۇنى ئويلاپ بىريىل ئۆتۈپلا ئاللا ئانامدىن ئامانەتنى ئالدى. ئانامنىڭ تۈزۈك خىزمىتىنىمۇ قىلالماپتىكەنمەن ،ئەمدى بولسىمۇ يالغۇز قالغان دادامنى رازى قىلىۋالاي،خىزمىتىنى قىلىپ  دۇئاسىنى ئېلىپ ھېيىتلىق بىرىۋالاي...... چوڭلارغىمۇ ھېيىتلىق بېرىڭ

شاتيار

	ھېيت كىلىپ قالدى، ياخشى تىما يوللاپسىز. توغرا چوڭلارغىمۇ ھيېتلىق بىرىشىمىز كېرەك، مەن رۇزا ھېيتتا دادامغا باشتىن ئاخىر كىيىم ئالغانتىم، ئانامنىڭ قولىغا پۇل بەرگەنتىم. بۇ يىلمۇ شۇنداق قىلىمەن. ئاللا خالىسا

asma0996

	ناھايىتىمۇ ئەھمىيەتلىك تېما يوللاپسىز! گەرگە ئاتا- ئانىمىز بىزنىڭ قولىمىزغا قاراشلىق بولمىسىمۇ، بالىلىرى بەرگەن ئازراق پۇلنى كۆرسە شۇنداق خوشال بولۇپ كېتىدىكەن، بەلكىم، مېنىڭ بالام  پۇل تاپقۇدەك بوپتۇ دەپ پەخىرلەنسە كېرەك!؟  ھەر ھېيتتا دادام-ئاپاملارغا بىرەر نەرسە ئېلىپ بەرسەم، قىزىم ئېلىپ بەردى دەپ شۇنداق خوشال بولۇپ كېتىشەتتى، ۋە تۇققانلارغا كۆرسۈتۈپ كېتەتتى.  بىزنىڭ ئازراق بەرگەن نەرسىمىزگە، ئاتا- ئانىمىز ئالەمچە خوشال بولىدىكەن. ئاتا- ئانىمىز ھايات ۋاختىدا، قەدىرلەيلى، ئۆزىمىز كەيمىسەكمۇ، ئىچمىسەكمۇ ئاتا- ئانىمىزنى رازى قىلايلى!  پۇلنى، مال- مۈلۈكنى تاپقىلى بولىدىكەن، ئاتا ئانىنى تاپقىلى بولمايدىكەن....... نەچچە يىلنىڭ ئالدىدا، مەن كاماندىروپكىغا ماڭغاندا دادام تېخى ساق ئىدى، مەن ماڭغان كۈنى ،دادام ئەتە ماڭسىڭىز بولمامدۇ بالام؟  سىزگە گېپىم بار ئىدى، دىگەن ئىدى، مەن، تەييار ماشىنىدا كېتىۋالاي، بولمىسا پويىزدا جاپا تارتىپ قالىدىكەنمەن دەپ ئۇنىماپتىكەنمەن، ئىككى كۈن ئۆتۈپ دادامنىڭ مۇسىبەت خەۋىرى كەلدى، دادامنىڭ يۈرەك كېسىلى قوزغۇلۇپ قېلىپ ئۇشتۇمتۇت  تۈگەپ كېتىپتۇ. شۇنداق پۇشايمان قىلدىم ، خۇدۇمنى يوقۇتۇپ قويدۇم، دادامغا بەك ئامراق ئىدىم ، گېپىمىز تۈگىمەيتتى، دادام ئالى مەلۇماتلىق زىيالى كىشى ئىدى،  نامازنىمۇ تاشلىماي ئۇقۇيتتى، دائىم مېنى ناماز ئوقۇشقا ئۈندەيتتى،  ھەر رامىزاندا، روزا تۇتۇشقا رىغبەتلەندۈرەتتى، لېكىن مەن ،  ئورۇق بولغاچقا، ئورۇقلاپ كېتىمەن دەپ، رامىزان تۇتمايتتىم ، بېشىڭىزغا ياغلىق چىگىڭ دەپ ھەر دائىم تاپىلايتتى، لېكىن مەن ئۇنىمايتتىم. ھازىر ئويلىسام شۇنداق بىئارام بولىمەن، ھازىر دادام ھايات بولغان بولسا، مېنىڭ ناماز ئوقۇپ ھىجاپلانغانلىغىمنى كۆرسە نەقەدەر خوشال  بولۇپ كېتەتتى ھە؟ دەپ ئويلاپ كېتىمەن.  باشقىلار "دادا" دەپ تىلغا ئالسا، كۆزلىرىمدىن تاراملاپ ياشلار تۆكۈلىدۇ........ شۇڭا پۇشايمان قىلىپ قالماسلىغىمىز ئۈچۈن دادىلاارنى ئانىلارنى ھۆرمەتلەيلى، قەدرىگە يېتەيلى! ناۋادا، دادىنى پۇلغا سېتىۋېلىشقا بولىدىغان ئىش بولغان بولسا، مىليون خەجلەپ بولسىمۇ سېتىۋالار ئىدىم، ئەپسۇس.... ئاتا- ئانىسى بىلەن ھېيت ئۆتكۈزۈش ئالدىدا تۇرغان بەختلىك قېرىنداشلىرىمنىڭ قۇربان ھېيتىنى تەبرىكلەيمەن! قۇربان ھېيتىڭلارغا مۇبارەك بولسۇن...!

alenur

	asma0996 يوللىغان ۋاقتى  2013-10-6 02:54 PM ناھايىتىمۇ ئەھمىيەتلىك تېما يوللاپسىز! گەرگە ئاتا- ئان ... كۆڭلىڭىزنى يېرىم قىلماڭ ھەمشىرەم ئاخىرەتتەئاللاھ سزنى ئاتىڭىز بىلەن جەننەتتە ئۇچراششىقا  نىسىپ قىلسا  بۇنڭىدىن ئارتۇق خۇشاللىق بولمايدۇ

patkak

	خىىزمىتىمى قىغۈۇدەك ،باققۇدەك ،بەرگۈدەك ،بولغادا شۇ ئۇلۇغ ئىنسانلىرىمىىز يىنىمىزدا يوق. ھەي.............

baturjan

	چۇڭلار قىرىغانكىن كىچىك بالىدەك بۇلۇپ قالىدۇ، كۈيۈنۈش كىرەك.ھامان بىر كۈنى ئادەم قىرىدىغان گەپ. ئاتا-ئانىسىغا كۈيۈنمىگەن ئادەمنىڭ بالىرىمۇ چۇڭ بۇلغاندا ئاتا-ئانىسىغا كۈيۈنمەيدۇ. بۇ ئەمىلىيەت تۇرمۇشىمىزدا يۈز بىرىۋاتتىدۇ مۇنداق ئىشلار.

izqel

	مەن قوي ئىلىپ قۇربانلىق قىلىپ بىرىمەن،خۇدايىم بۇيرىسا.بۇ ھەر قانداق پىلانىمدىن ئۈستۈن تۇرىدۇ.

Gvlbargi0999

	توغرا،چوڭلار قېرىغاندا نازۇك بوپ قالىدۇ، ئۇلارنىڭ باللىرىدىن باشقا شاتلىقى بولمايدۇ، شۇڭا ئۇلارنى دائىم يوقلاپ تۇرىشىمىز،ھالىدىن خەۋەر ئېىلىشىمىز لازىم. ئەلۋەتتە ئۇلارغىمۇ ھېتلىق بېرىشىمىز لازىم.

xoh-xoh024

	ئاللاھقا شۈكرى !

كۆلەڭگە

	راس دەيسىز، چوڭلارغىمۇ چوقۇم ھېيتىلىق سوۋغات بېرىش كېرەك. سوۋغات ئاددى بولسىمۇ چوڭلارنىڭ كۆڭلى شۇنداق يايراپ ياشىرىپ كەتكەندەك بولۇپ كېتىدىكەن.