بۆشۈك
غىچىرلىشىڭ ئەڭ قەدىمىي سۈپسۈزۈك ئاھاڭ،
باغرىڭ مېھىر ئاققان دەريا دىلغا سىلىپ ئىز .
سەندە تاتلىق ئۇخلاپ چىقار ئەتىكى قۇياش ،
ئانا كۆكسى ساڭا مەھكەم تارتىدۇ يىلتىز .
«غىچىر-غىچىر» بۇ نەقەدەر مۇقەددەس ناخشا،
ئەللەيلەرنى چايقار ئانا ئىزگۈ ئاھاڭدا .
رىشتىلەردىن تاراملايدۇ پاكلىق جىلۋىسى ،
بىر مۇھەببەت مەۋجۇج ئۇرىدۇ يىپيىڭى قاندا.
قەبرىلەرمۇ ياسىلىدۇ بۆشۈك سىياقتا،
ئېھ،بۆشۈكتىن يەرگە كۆچەر ئۇلۇغ بىر تۇيغۇ.
بۆشۈكلەرنى، قەبرىلەرنى تەۋرىتەر بىر روھ،
تېنەپ يۈرەر تەۋرىنىشنىڭ باغرىدا ئۇيقۇ....
ئاپتۇرى: جۈرئەت نۇرۇللا. « شاۋقۇنسىز دەريا» ناملىق شېئىرلار توپلىمىدىن ئىلىندى.
مەن بەك ياقتۇردۇم شۇڭا كۆپچۈلۈكنىڭ ھۇزۇرىغا سۇندۇم.
بۇ يازمىنى ئاخىرىدا muyas تەھرىرلىگەن. ۋاقتى 2013-10-4 11:21 PM
|