ھەميان تېپىۋالسىڭىز ئىگىسىگە قايتۇرۇپ بېرەمسىز؟

تارىم

	ھەميان تېپىۋالسىڭىز ئىگىسىگە قايتۇرۇپ بېرەمسىز؟ ئۆز مەنپەئەتى بىلەن ئىجتىمائىي ئەخلاق ئوتتۇرىسىدا توقۇنۇش كۆرۈلسە، كىشىلەردە ھەمىشە كۈچلۈك پسىخىك داۋالغۇش بولىدۇ. مەسىلەن، ئەگەر سىز بىر ھەميان تېپىۋالسىڭىز ئۇنى ئىگىسىگە قايتۇرۇپ بېرەمسىز ياكى ھېچكىم بىلمىگەن ئەھۋال ئاستىدا ئۆزىڭىزنىڭ قىلىۋالامسىز؟ ئەنگلىيە «كۈندىلىك پوچتا گېزىتى» نىڭ 24- سېنتەبىردىكى خەۋىرىگە ئاساسلانغاندا، ئامېرىكا «ئوقۇرمەنلەرگە تەرمىلەر» ژۇرنىلى يېقىندا بۇ مەسىلىگە قارىتا بىر قېتىملىق تەكشۈرۈپ تەتقىق قىلىش پائالىيىتى ئېلىپ بېرىپ، دۇنيانىڭ ھەر قايسى جايلىرىدا ھەميان «يۈتتۈرۈۋېتىپ»، ئاخىرىدا قانچىلىك ھەمياننىڭ ئىگىسىگە قايتۇرۇلىدىغانلىقىنى سىناپ باققان. نيۇيورك، لوندون، بومباي قاتارلىقلارنى ئۆز ئىچىگە ئالغان 16 شەھەر سەمىمىيەت سىناشنى قوبۇل قىلدى، ھەمدە ئۆزلىرىنىڭ جاۋابىنى تاپشۇردى. بۇ سىناقتا ھەر بىر شەھەرنىڭ كۆزگە چېلىقىدىغان يېرىدە 12 دانە ھەميان قويۇپ قويۇلدى، ھەمياننىڭ ئىچىدە ئائىلە سۈرىتى، ئالاقىلىشىش شەكلى ۋە 30 فوندستېرلىڭ (تەخمىنەن 293.5 يۈەن) نەق پۇل بار ئىدى. ئەمما 192 دانە ھەميان ئىچىدىن قايتۇرۇپ كېلىنگىنى يېرىمغىمۇ يەتمىدى. ئامېرىكا «ئوقۇرمەنلەرگە تەرمىلەر» ژۇرنىلىنىڭ تەكشۈرۈش سانلىق مەلۇماتىدا كۆرسىتىلىشچە، شەھەرلەردىكى ھەميان قايتۇرۇلۇش ئەھۋالىدا كۆرۈنەرلىك پەرق بولغان. بۇنىڭ ئىچىدە، فىنلاندىيەنىڭ پايتەختى خېلسىنكىدا 12 ھەمياننىڭ 11 ى قايتۇرۇۋېلىنغان بولۇپ، ھەر قايسى شەھەرلەر ئىچىدە بىرىنچى ئورۇندا تۇرغان؛ پۇرتوگالىيەنىڭ پايتەختى لىسسابوندا بولسا 12 ھەمياننىڭ ئاران بىرسى قايتۇرۇپ بېرىلگەن، ھەمياننى قايتۇرۇپ بەرگۈچى تېخى گوللاندىيەدىن دەم ئالغىلى كەلگەن بىر جۇپ ئەر- ئايال ئىكەن. تەكشۈرۈشتە يەنە كۆرسىتىلىشچە، بىر شەھەردىكى كىشىلەرنىڭ تېپىۋالغان نەرسىنى ئىگىسىگە قايتۇرۇپ بېرىشى بۇ شەھەرنىڭ بايلىقى بىلەن مۇناسىۋەتسىز ئىكەن. ھىندىستاننىڭ پايتەختى بومباي بۇ قېتىمقى تەكشۈرۈشتە ئىككىنچى ئورۇندا تۇرغان بولۇپ، 12 ھەمياننىڭ توققۇزى قايتۇرۇۋېلىنغان، شۋېتسارىيەنىڭ پايتەختى سيۇرىختا بولسا ئاران تۆت ھەميان قايتۇرۇپ كېلىنگەن. تەكشۈرۈشتە يەنە جىنس ۋە ياش پەرقىنىڭمۇ كىشىلەرنىڭ سەمىمىيىتىگە تەسىر كۆرسەتمەيدىغانلىقى بايقالدى. مەنبەسى:مەركىزى خەلق رادىيو ئىستانسىسى(جۇڭگو ئۇيغۇرچە رادىيو تورى)

kawsar0998

	ئەگەر بۇ يەردە سىناق قىلغان بولسا 12 ھەمياندىن نەچچىسى قايتار -ھە؟

ghalibjan

	فىللاندىيە دىگەن ھېلقى نوكيا تىلفۇن ئاپىرىدە بولغان جاي شۇغۇ ھە  ؟

!UYGHURJAN

	جۇڭگۇدا سىناق قىلماپتىما ؟

unix212

	نۇرغۇنلىرمىز چۇقۇم تاپشۇرۇپ بىرىمەن دىيشىمىز مۇمكىن،ئەمەلىيەتنىڭ شۇنداق بۇلۇشىنى ئۈمۈد قىلىمەن.ئۈزەم بىر تىلفۇننى،ئىككى پورتمالنى قايتۇرۇپ بەرگەن(پۇل ئالدىغان يەردە ئىشلىگەن ئەمەسمۇ)پورتمالنىڭ بىرسىدە ئىسىم كارتىسى باركەن تىلاۇن قىلغان. يەنە بىرسى ئىكىنچى كۈنى كەپ ئەكەتكەن شۇندا رەھمەت دەپ كەتكەن..تىلفۇن بىر ئايالنىڭكەن،تازا ئالىيىپ قارىۋەتكەنتى.

ablimitt

	ئۇلاردا بولمىغان بىلەن بىزدە كۆپ ئۇنداق ياخشى ئادەملەر، مەنمۇ ھىچكىم يوق يولدا تىپىۋىلىپ ئىزدەپ تىپىپ قايتۇرۇپ بەرگەن ئىدىم. يەنە بانكىدىن زىيادە پۇل ئىلىۋىلىپ، يەنە قايتىپ كىلپ قايتۇرۇپ بەرگەن نەچچىسىنى كۆردۈم... بانكىدا كارتىغا زىيادە پۇل ئۇرۇلۇپ كەتسە ئاۋۇلار قايتۇرغىلى ئۇنىمايدۇ، بىسىم ئىشلەتكەندە ئاندىن قايتۇرىدۇ...

!UYGHURJAN

	sazguri يوللىغان ۋاقتى  2013-10-1 07:07 PM جۇڭگۇدا  ھېچنىمىسى  قالمايدىغانلىقى ئوبدان  بىلشىدۇ  ... ئۆتكەندە بىر خەۋەر كۆرگەنتىم ، نەچچە مىڭ دانە تازلىق قەغىزى بېسىلغان بىر ماشىنا ئۆرۈلۈپ كىتىپ ، كىشىلەرنىڭ بۇلاڭ-تالاڭ قىلىشىغا ئۇچراپ ئاران 100 نەچچە دانىسى ساق قاپتىكەن . تازلىق قەغىزىنى ساق قويمىغان يەردە نەق پۇل تۇرامتى .

munirdin

	راست گەپ قىلسام ...بىر مىليون پۇل بار بىر چامادان تېپىۋالغان بولسام بەك ياخشى بولاتتى !!!

muhabbatsiman

	جوڭگونى قويۇپ شىنجاڭغا بىر كېلىلى؟!ئۇيغۇرلار ئولتۇراقلاشقان مەھەللىدە سىناق قىلىپ باقسا نەتىجىسى قانداق بولار؟

kaqvr

	مەن ھازىرغىچە ئۈچ تال پورتىمال تېپىۋېلىپ ئىككىسىنى ئىگىسىگە قايتۇرۇپ بەردىم . تېخى بىرسىنىڭ ئىچىدە ئۈچ مىڭ يۈئەن نەق ھەم يۇپيېڭى پۇل ، يەنە دوللار باكەنتۇق . كىملىك ، ئىسىم كارتىسى ، مائاش كارتىسى قاتارلىق ھەممە نىمىسى تۇلۇقكەن . تېلفۇن ئۇرۇپ پورتىماللىرىنى ئېلىۋالسىلا دىسەم ھاياجاندىن ئاغزى گەپكىمۇ كەلمىگەن . شۇنداق خۇش بۇلۇپ كەتكەنتى . بىرسى تۇلۇقسىز ئوتتۇرا مەكتەپ ئۇقۇغۇچىسىنىڭكەنتۇق ، ئاشخانىدا ئۇنتۇلۇپ قاپتىكەن  . قۇلۇمدا تۇتۇپ تۇرسام بىرسى كىلپ ، مەن ئۇنىڭ ساۋاقدىشى ، يەتكۈزۈپ بېرەي دىدى . ماقۇل دەپ بەرگەنتىم . ئىگىسىگە بەردىمۇ بەرمىدىمۇ بىلمىدىم .