بۇ كىتاپنى ئوقۇڭلار

pahtikar

	ئۇيغۇر خەلقى قائىدە -يوسۇننى تەلىم -تەربىيەنىڭ مۇھىم مەزمۇنى دەپ قارايدۇ .ئۇلار قائىدە يوسۇنلۇق ئادەمنى تەربىيە كۆرگەن ئۇقۇمۇشلۇق ئادەم دەپ قارىسا ، قائىدە يوسۇن بىلمەيدىغان ئادەمنى تەربىيە كۆرمىگەن قارا قۇرساق ئادەم دەپ قارايدۇ  يۇرتلاردا قائىدە -يوسۇن پىشىۋالىرىنى يۇرتنىڭ چوڭى قىلىپ بەلگىلەيدۇ ، ئۇ مۆتىۋەر جامائەتنىڭ ھەر خىل پائالىيەتلىرىگە باشچىلىق قىلىدۇ ، كىشىلەر ئارىسىدا يۈز بەرگەن توقۇنۇشلارنى قائىدە -يوسۇن بىلەن ھەل قىلىدۇ ، كىشىلەر ئارىسىدا قائىدە يوسۇنا بوي سۇنۇش بەخىتلىك تۇمۇشنىڭ ، ئىشلىرىنىڭ قۇتلۇق بولىشىنىڭ بىر شەرتى دەپ قارالاچقا ، ھەربىر ئىشنىڭ قائىدىدىن چەتنەپ كېتىشىگە يول قويۇلمايدۇ ، ھازىرقى ئەھۋالىمىزدىن قارىاندا بىزدە قائىدە -يوسۇندىن چەتنەپ كېتىش مەسىلىسى سەل گەۋدىلىنىپ قالماقتا ، بۇنىڭا نۇرغۇن ئوبېكتىپ ۋە سوبىكتىپ سەۋەپلەر بولسىمۇ ، نېگىزىدىن ئالغاندا بىزنىڭ قائىدە -يوسۇنلارنى ئۇنتۇپ قېلىشىمىز تۈپەيلىدىن ۋە ئۇنى زەنجىرسىمان ھالدا بىر بىرگە چېتىپ ماڭالمايۋاتقانلىقىمىزدىن بولماقتا دەپ قارايمەن . مانا شۇ زۆرۈريەت تۈپەيلىدىن مەن مەرھۇم زىيالىمىز يارمۇھەممەت تاھىر تۇغلۇق جاناپلىرىنىڭ << قائىدە يوسۇنلىرىمىز >> ناملىق كىتاۋىنى ئوقۇشنى بۇرچۇم دەپ قاراپ ئوقۇشقا باشلىدىم ، ئوقۇش جەريانىدا مەرھۇمنىڭ بىز ئۇنتۇشقا باشلىغان قائىدە يوسۇنلىرىمىزنى شۇنچىلىك تەبىئي شەرھىلەپ ئۆتكەنلىكىدىن بەكمۇ مەمنۇن بولدۇم ، شۇنداقلا بۇ كىتاپنى قېرىنداشلىرىمىزنىڭ دەستۇر سۈپىتىدە ئائىلىسىدە ساقلاپ قويىشىنى ھەم ئۇنى ھەر دائىم ئوقۇپ تۇرىشىنى تەۋسىيە قىلىشنى لايىق تاپتىم .كىتاپنى ئاپتۇرنىڭ ھەرگىزمۇ پۇل تېپىشنى ئارزۇ قىلىپ يازمىغانلىقى ھەر بىر قۇردىن مانا مەن دەپ جۇلالىنىپ تۇرۇپتۇ ، بەكمۇ يەڭگىل ، بەكمۇ ئەپچىل ئۇسۇل ئارقىلىق بىز چوقۇم ئەمەل قىلىشقا تېگىشلىك گۆھەردەك قائىدە يوسۇنلىرىمىزنى شەرھىلەپ بېرىپتۇ . بىزنىڭ ساپالىق ئادەم بولىشىمىزغا يول كۆرسۈتۈپتۇ ، ھەممە ئادەمنىڭ قىزىقىشى ھەر خىل بولىشى سەۋەپلىك بۇ كىتاپقا قىزىققۇچىلارنىڭ تۈرلۈك پىكىردە بولىشى نورمال ئىش ، ئەمما سىز بىر ئۇيغۇر ئىكەنسىز چوقۇم بۇ كىتاپنى كۆرۈڭ كۆرۈڭلا ئەمەس ئويلىنىڭ ، ئەنە شۇ چاغدا ئۆزىڭىزنىڭ قانداق مىللەتنىڭ ئەۋلادى ئىكەنلىكىنى ھېس قىلالايسىز ، باھاسى 48سوم ئىكەن بۇ پۇلنى بەلكىم چىقىرالايسىز قېنى سىزدىكى ئىنكاسنى بىر كۆرۈپ باقاي

xepket

	خەت شەكلى تازا دۇرۇس ئەمەس ،،،تەڭشەپ قويامسىز

uyol

	مەن چوقۇم ئوقۇيمەن........ئاللاھ خالىسا

awatbag

	كومپىيۇتېرىمدىكى مەسىلىمۇياباشقائىشمۇخەت نورمال كۆرۈنمەيدىيا

xaydajan

	مەشھۇر قۇتادغۇبىلىگشۇناس، پىداگوك يارمۇھەممەت تاھىر تۇغلۇقنىڭ (مەڭگۈلۈك جەننەت ئۇنىڭغا يار بولغاي) «ئۇيغۇرلاردا پەرزەنت تەربىيىسى»، «ئوغلۇم، ئالدىڭغا قارا» ناملىق كىتابلىرى خۇددى دالې كارنىگ ئەسەرلىرىدەك ماڭا قانداق ياشاشنى ئۆگەنكەن ئىدى. ئەمدى ئۇنىڭ «قائىدە - يۇسۇنلىرىمىز» ناملىق يەنە بىر تەۋەرۈك كىتابىنىڭ نەشىردىن چىققانلىقىدىن بەكمۇ سۆيۈندۈم. بۇ كىتابنىڭ بۈگۈنكى كۈندە روياپقا چىقىشى ئۇسسىغان ئادەمگە سۇ يەتكۈزۈپ بەرگەندەكلا ئىش بولۇپ، مىللىي ئەنئەنە ئۈچۈن چاڭقىغان دىللارنى سۇغۇرىدۇ. ئالىم يۈسۈپ خاس ھاجىپ: «بەزى ئادەملەر ھايات بولسىمۇ، ئۆلۈكتىن پەرقى يوق؛ يەنە بەزى ئادەملەر ئۆلگەن بولىسىمۇ، ھاياتتەكلا ياشايدۇ» دېگەن ئىدى. «قائىدە - يۇسۇنلىرىمىز» ناملىق كىتابنىڭ نەشىردىن چىقىشى يار مۇھەممەت تاھىر تۇغلۇق ئەپەندىنىڭ ئارىمىزدا تېخى ھايات ياشاۋاتقانلىقىنى ئىسپاتلاپ بەردى. بۈگۈن ناھىيە بازىرىغا بىر ئىش بىلەن كىرمەكچى. مۇشۇ پۇرسەتتە شىنخۇا كىتابخانىسىغا كىرىپ، مەرھۇمنىڭ بۇ كىتابىنى سېتىۋالاي.

qaraxani

	awatbag يوللىغان ۋاقتى  2013-10-2 11:17 AM كومپىيۇتېرىمدىكى مەسىلىمۇياباشقائىشمۇخەت نورمال كۆر ... بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @. \. o' z: n# ?1 ?ئوخشاش

太阳

	خەت نۇسخىسى نورمال ئەمەس، خاپا بولماي تەھرىرلىۋىتىڭە ،

ana-yurtum

xoh-xoh024

	ئوقۇپ بولدۇم مەن