غۇلجىدىن ئۈرۈمچىگە يۈگرەپ كەلگەن قىز مۇيەسسەر سەپىرىنى تاماملىد

چىمبۇلاق

	مىسرانىم تورى ھەمكاردىشى بولغان چىمبۇلاق تورى بۇ پائالىيەتتە باشتىن ئاخىر مىسرانىم تورى قۇرغۇچىسى ئابابەكرى مۇختار مىسرانىمنىڭ كۆڭۈل بۆلىشىگە ۋە قوللىشىغا ئېرىشتى ، شۇ مۇناسىۋەت بىلەن ئاۋال مىسرانىم تورىغا مۇيەسسەر ۋە چىمبۇلاق تورى نامىدىن رەھمىتىمىزنى ئىيتىمىز ! ئىككى ئوغۇلنىڭمىسر ئانىسى بولغان بىر ئايالغا 700 كىلومىتىر يۈگرىگىدەك غەيرەت قەيەردىن كەلگەن ، تەپسىلاتى بۇ يەردە ! چىمبۇلاق تورى تەنتەربىيە خەۋىرى : 9- ئاينىڭ 18- كۈنى غۇلجا شەھىرىدىن ئۈرۈمگىچە قاراپ يۈگرەپ يولغا چىققان قەيسەر قىز مۇيەسسەر ئىسمايىل ئۆزىگە جەڭ ئېلان قىلىپ ، ئىرادىسىنى سىناپ ، 10 يىللىق ئارزۇسىنى ئەمەلگە ئاشۇرۇپ 8 كۈندە 700 كىلومىتىر مۇساپىنى يۈگرەپ بېسىپ 9- ئاينىڭ 26- كۈنى ئۈرۈمچى شەھىرىگە ئوڭۇشلۇق ھالدا يېتىپ كەلدى . مۇيەسسەر كۈتىۋىلىنماقتا يۇقارقى سۈرەتتە مۇيەسسەرنى كۈتىۋالغىلى چىققانلار كوللىكتىپ رەسىمگە چۈشتى ئۈرۈمچى شەھىرىدە مۇيەسسەرنى قارشى ئېلىشقا چىققان شىنجاڭ تېلېۋىزىيە ئىستانىسى "شىنجاڭ تەنتەربىيىسى" پروگراممىسى خادىملىرى ، تەنتەربىيە ساھەسىگە ئالاھىدە كۈچ چىقىرىۋاتقان چىمبۇلاق تورى ۋە كارۋان تورى ، شۇنداقلا دىيارىمىزنىڭ تەنتەربىيە ساھەسىدە داڭلىق ماركا يارىتىشنى ئۆزىگە نىشان قىلغان "چېمپىيون تەنتەربىيە كىيىملىرى" ۋە ئابىدە شىركەتلىرى  شۇنداقلا غۇلجىدىن ئۈرۈمچىگە تۆمۈر پۇتتا مېڭىپ كەلگەن ئۇيغۇر ئوغلانى ئەخەت يۈسۈپ قاتارلىقلار پۇل ۋە ماددى بۇيۇملار بىلەن ئالاھىدە كۈتىۋىلىشقا چىقتى . يۇقارقى سۈرەتتە مۇيەسسەر بىلەن بىرگە كەلگەن قېرىنداشلىرىدىن ھەدىسى مىھرىبان ۋە  ئاكىسى بىلەن بىللە سەپەر باشلىنىشتىن ئاۋال مۇيەسسەرنىڭ بۇ مۈشكۈل سەپەرگە ئاتلانماقچى بولغانلىقىدىن خەۋەر تاپقان مۇيەسسەرنىڭ ئۇرۇق - تۇققانلىرى ۋە يېقىنلىرى گەرچە دەسلەپتە قارشى تۇرغان بولسىمۇ مۇيەسسەرنىڭ 10 يىل بۇرۇن تەييارلىق قىلىپ مەلۇم سەۋەبلەر تۈپەيلى ئىشقا ئاشۇرالمىغان بۇ پىلانىنى قايتا - قايتا چۈشەندۈرۈشى بىلەن ئاخىرى قايىل بولۇپ ئۇنى قوللىغان ، ھەتتا يولدىشى رەھمىتۇللاممۇ مۇيەسسەرنىڭ بۇ يۈكسەك غەيرىتى ۋە قارارىغا ھۆرمەت قىلغان ۋە قوللاپ قۇۋۋەتلىگەن . شۇنىڭ بىلەن مۇيەسسەر ھەدىسىنىڭ ماشىنىدا ھەمراھ بولۇپ مېڭىشى ۋە يولدىشى شۇنداقلا ھەدىسىنىڭ يولدىشى ئىككەيلەننىڭ ۋىلىسپىت ئارقىلىق ھەمراھ بولۇپ مېڭىشى ئاستىدا ئۈرۈمچىگە يېتىپ كەلگەن . يۇقارقى سۈرەتتە مۇيەسسەر ۋە ئۇنىڭ يولدىشى رەھمىتۇللام چىمبۇلاق تورىنىڭ قۇرغۇچىسى نۇرمۇھەممەد بىلەن بىللە . مۇيەسسەر ئۈرۈمچىگە سالامەت يېتىپ كېلىۋالغاندىن كېيىن چىمبۇلاق تورىمىز بۇ ئەھمىيەتلىك ئىشتىن گەرچە سەل ۋاقچىرەك خەۋەر تېپىپ قالغان بولسىمۇ ئەمما ئىككى بالىنىڭ ئانىسى بولغان بۇ قەيسەر ئايالنىڭ يۈكسەك ئىرادىسى ۋە بۈيۈك غايىسىگە قايىل بولغانلىقتىن جىددى تەييارلىق قىلىپ شۇ كۈنى يەنى 26- سىنتەبىر كۈنى كەچتە چىمبۇلاق تورى ئىشخانىسىدا مۇيەسسەر ئىسمائىل بىلەن "چىمبۇلاق ئېكرانى" پروگىراممىسىدا سۆھبەت ئېلىپ باردى ، بارلىق تەپسىلاتلار ۋە ئۇچۇرلارنى يېقىندا ئىشلىنىپ تەييارلىنىۋاتقان زىيارەت فىلىمىمىزدىن كۆرسىڭىز بولىدۇ . مۇيەسسەر ئىسمائىل ۋە ئۇنىڭ ئائىلىسىدىكىلەر چىمبۇلاق تورى رىياسەتچىسى رىنات مەخمۇت بىلەن سۆھبەتتە زىيارەتتىن كېيىنكى خاتىرە سۈرەتلەر سۆھبەت ئاخىرىدا پروگراممىمىزنىڭ ئالاھىدە قوللىغۇچىسى بولغان چىمپىيون تەنتەربىيە كىيىملىرى مۇيەسسەر ۋە ئۇنىڭ ئائىلىسىدىكى بىللە سەپەرگە ئاتلانغان ھەمراھلىرىغا كۆڭۈل ئىزھار قىلدى . . ئەتىسى يەنى 27- سىنتەبىر كۈنى چىمبۇلاق تورىمىز بۇ ئەھىيەتلىك پائالىيەتنى تېخىمۇ كۆپ كىشىلەرنىڭ ئېتىراپ قىلىشىغا ئېرىشتۈرۈش ئۈچۈن مەركىزى خەلق رادىئو ئىستانىسى بىلەن ئالاقىلىشىپ تۇرمۇش پروگراممىسىدا باتۇر ئۇيغۇر قىزى مۇيەسسەر ۋە ئۇنىڭ سەرگۈزەشتىلىرى توغۇرسىدا مەخسۇس سۆھبەتكە ئۇيۇشتۇردى .  تەپسىلاتىنى ئالدىمىزدىكى ھەپتە قويۇلىدىغان تۇرمۇش پروگراممىسىدىن ئاڭلىسىڭىز بولىدۇ . مەركىزى خەلق رادىيو ئىستانىسى ئۇيغۇرچە تورىنىڭ ئادېرىسى يەنى توردىن ئاڭلاش ئادېرىسى : http://www.uycnr.com شۇ كۈنى شىنجاڭ گېزىتى مۇخبىرلىرىمۇ بۇ ئىشتىن خەۋەر تېپىپ ئالاھىدە مۇيەسسەر چۈشكەن مىھمانخانىغا ئىزدەپ كېلىپ مۇيەسسەر بىلەن سۆھبەت ئېلىپ باردى . تەپسىلاتىنى شىنجاڭ گېزىتىدىن كۆرۈڭ ! . 28- سىنتەبىر كۈنى شىنجاڭ خەلق رادىيو ئىستانسىنىڭ شەھەر ئاۋازى پروگراممىسىدا ئاتاقلىق رىياسەتچىمىز مەۋلۇد ئىبراھىمنىڭ رىياسەتچىلىكىدە مۇيەسسەر ئىسمائىل ۋە ھەدىسى مىھرىبان شۇنداقلا تاراتقۇلار ۋەكىلى سۈپىتىدە چىمبۇلاق تورى قۇرغۇچىسى نۇرمۇھەممەد قاتارلىقلار سۆھبەتتە بولدى . بىۋاستە ئاڭلىتىش ئۆيىدە مۇيەسسەر ئىسمائىل ئۆزىنىڭ يۈرەك سۆزلىرىنى كەڭ ئاڭلىغۇچىلارغا يەتكۈزگەندىن كېيىن ئاڭلىغۇچىلارنىڭ ئۈندىدار ۋە باشقا ئۇسۇللار ئارقىلىق يەتكۈزگەن قوللاش ۋە ئاپىرىن ، سالاملىرى مۇيەسسەرنى تېخىمۇ ھاياجانلاندۇردى . نەق مەيدان ئاڭلىتىش ئۆيى ئاڭلىتىشتىن كېيىنكى خاتىرە سۈرەت . ______ خۇلاسە : مۇيەسسەر ئىسمائىل گەرچە ئاددىغىنە بىر ئائىلە ئايالى بولسىمۇ ئەمما ئۆزىدىكى يۈكسەك ئارزۇ ۋە غايىسى ئۈچۈن بارلىق قىيىنچىلىق ۋە بېسىملارنى يېڭىپ مۇشۇنداق چوڭ بىر سەپەرگە ئاتلانغانلىقى ئۇنىڭ ئۆزىگە جەڭ ئېلان قىلىپ ، ئىرادىسىنى چېنىقتۇرغانلىقى بولسا ، ھاياتقا پەرۋاسىز مۇئامىلە قىلىدىغان بەزىبىر كىشىلەرگە نىسبەتەن ھاياتنىڭ مەنىسى ۋە گۈزەل ئارزۇلارنىڭ،  يۈكسەك غايىلەرنىڭ ھاياتقا ئوزۇق ۋە يېڭىچە مەنا ئېلىپ كېلىدىغانلىقىنى يەنە بىر قېتىم ھىس قىلدۇردى . دىمەكچىمىزكى ھاياتتا شۇنداق بىر كىشىلەر باركى بۇنداق غايىلەردىن بەك يىراق ، يىسە ، ئۇخلىسا ۋە پۇل تاپسىلا ھايات دىگەن شۇ دەپ ئويلايدۇ ، ئەمىلىيەتتە ھاياتتا سىناقلار ۋە ھەرخىل ئارزۇلار ئارقىلىق ئۆزىنى تاۋلاپ بىر قېتىم بولسىمۇ ئەۋلادلىرى ئالدىدا پەخىرلىنىپ تۇرۇپ تىلغا ئالالىغۇدەك  ئەھمىيەتلىك بىرەر ئىش قىلىپ ئۆزىنى سىناپ بېقىشنى ھەرگىز خالىمايدۇ . لېكىن بۇنداق ھايات ئەڭ مەنىسىز ھايات بولىشى مۆمكىن ، ھىچ بولمىغاندا مۇشۇنداق يۈكسەك غايىگە ئىگە كىشىلەرنى ھۆرمەت قىلىش كىرەككى ھەرگىز سوغۇق سۇ سەپمەسلىك لازىم ! ئاخىرىدا مۇيەسسەرنىڭ بۇندىن كېيىنكى ئىشلىرىغا ئۇتۇق ، تۇرمۇشىغا بەخت تىلەيمىز ! ھۆرمەت بىلەن : چىمبۇلاق تور تېخنىكىسى چەكلىك شىركىتى چىمبۇلاق تورى 2013.09.28 تولۇقلىما مەزمۇن (2013-9-29 07:05 PM): تولۇقلاشقا تېگىشلىك بىر شېئىر چىقىپ قالدى ئۇيغۇر قىزى مۇيەسسەر غۇلجىدىن

subihan

	قەيسەر قىز مۇيەسسەرنىڭ غەلىبىسىنى چىن دىلىمدىن موبارەكلەيمەن !!! ئائىلىڭىزگە بەخت ، تېنىڭىزگە سالامەتلىك يار بولسۇن !

minral

	يارايسىز  مۇيەسسەر،سىزگە ئاپىرىن

kariguja

	سىزگە ئاپىرىن مۇيەسسەر .

mahatjan

	ئائىلىڭىزگە بەخت ، تېنىڭىزگە سالامەتلىك يار بولسۇن غەلبىڭىزنى چىن دىلىمدىن موبارەكلەيمەن !!!

huxdel

	مىللەت سىزدەك قەيسەر ئانىلارغا مۇھتاج. ئاپىرىن!!!!سىزدەك قەيسەر قىزدىن كۆپلەپ چىقىشىنى ئۈمىدقىلىمەن.

تارىم

	ئاپىرىن… ئاللاھ يولىڭىزنى راۋان ئىشلىرىڭىزنى ئاسان قىلسۇن…

rahmansaykin

	غەيرەتلىك قىزكەن !

تەقدىر07

	نىمىدىگەن غەيرەتلىك قىز بۇ

maynur911

	سىزگە ساغلاملىق مەڭگۈ يار بولسۇن!