ياشلار ئويلاشماستىن تويلاشماڭلار!

dart119

	نىكاھ بىلەن ئويناشماڭلار ،ئويلاشماستىن تويلاشماڭلار!   سوتخانا .............. سوت باشلاندى. سوتچى: سىلەر سوتىمىزغا نېمە سەۋەپتىن دەۋا قىلىپ كەلدىڭلار؟ دەۋاگەر: تۇرمۇشتا  پەقەت چىقىشالمىدۇق. قانۇن بويىچە نىكاھتىن ئاجرىشىمەن. جاۋابكار: تۇرمۇشتا چىقىشالمىغىنىمىز راس، لېكىن ئارىمىزدا بالىمىز بار، شۇڭا مەن ئاجرىشىشقا قوشۇلمايمەن. ئەگەر قەتئىي ئاجرىشىمەن دەپ قالسا بالىنى ئۆزۈم باقىمەن. مال - مۈلۈكنى قانۇن بويىچە بىر تەرەپ قىلىپ بەرسەڭلار. ................   شۇنداق قىلىپ كېشىلىك تۇرمۇشتىكا نىكاھ ۋە تويلاشقاندىكى بۇ ۋەقەلىك ھېكايە مۇشۇنداق باشلىنىپ كەتتى .....!! سوتچى: مۇنازىرە باسقۇچى باشلاندى. قېنى تەرەپلەر دەۋا تەلىپىڭلارنى تولۇقلاپ سۆزلىسەڭلار بولىدۇ. دەۋاگەر: مەن جاۋابكار بىلەن توي قىلغىلى ئىككى يىل بولدى، ئارىمىزدا بىر ياشقا كىرگەن ئوغلىمىز بار. بىز توي قىلىپ بىر يىلغىچە ياخشى ئۆتتۇق . لېكىن بىر يىلدىن كېيىن تۇرمۇشتا گېپىمىز بىر يەردىن چىقمايدىغان ، ئۇ ھەدېسە مېنى تىللايدىغان بولىۋالدى. كۈندە جىدەل - ماجرا قۇرۇمىدى. مېنىڭ بۇنداق ئائىلىنى ئاخىرىنى چۈشۈرۈشكە كۆزۈم يەتمىدى. شۇڭا ئاجرىشىمەن. ئۆزۈمنىڭ مۈلكىنى ئۆزۈم ئالىمەن. ئورتاق مۈلۈكنى قانۇن بويىچە ئايرىپ بەرسەڭلار.... جاۋابكار: بىزنىڭ توي قىلغىنىمىزغا ئىككى يىل بولغىنى راس. ئارىمىزدا بىر ئوغلىمىز بار. بىز دەسلەپ ياخشى ئۆتكەن. كېيىن تۇرمۇشتىكى ئۇششاق ئىشلار تۈپەيلى ئارىمىزدا جىدەل كۆپىيىپ قالدى. دەۋاگەرنىڭ ئاغزى ئىتتىك، سەت گەپلەر بىلەن تىللاپ سوقىشىدۇ. ئۆزىنىڭكىنى راس قىلىدۇ. مىنىڭ ئۇنى ئۇرغان يېرىممۇ يوق. شۇ بارى تۇرمۇشتىكى ئۇششاق جىدەللەر.... ھەدىسىلا يامانلاپ كېتىدۇ. ئارىمىزدا بالىمىز بار، مېنىڭ بالىنى كىچىك تۇرۇپلا يىتىم قىلغۇم يوق. ئەگەر ئاجرىشىشدا چىڭ تۇرۇۋالسا ، بالىنى ئۆزۈم ئالىمەن. ئۆزۈم تەربىيىلەيمەن. .... دەلىل-ئىسپات: ئىككى پارچە نىكاھلىنىش گۇۋاھنامسى سوتچى: سوت تەرەپلەرنىڭ كېلىشپ قېلىشىنى ئۈمۈد قىلىمىز. تەرەپلەر ئوتتۇرۇڭلاردا بىر بالاڭلار باركەن، نىكاھتىن ئاجراشمايدىغانغا كېلىشەلەمسىلەر؟ دەۋاگەر: ئاجرىشىمەن. كېلىشكىدەك يېرى قالمىدى. جاۋابكار: باشقا گېپىم يوق. سوت يېپىلدى. دەۋاگەر ، جاۋابكارلار سوت خاتىرىسىگە قول قويۇشۇپ، شۇنچە تاتلىق ھېسياتلار ، گۈزەل ئارزۇ-ئارمانلارغا بۆلىنىپ ئالغان ئىككى پارچە توي كېنىشكىسىنى سوتچىغا قالدۇرۇپ كېتىپ قالدى. ..................... سوت مەھكىمىسىنىڭ ھەق-تەلەپ ئىشلار ھۆكۈمنامىسى مەھكىمىمىز قوبۇل قىلغان نىكاھتىن ئاجرىشىش دېلوسىغا تۆۋەندىكىچە ھۆكۈم قىلىندى: 1.تەرەپلەر قانۇن بويىچە نىكاھتىن ئاجراشتۇرۇلدى. 2. تەرەپلەر ئوتتۇرسىدىكى بالا جاۋابكارنىڭ بېقىپ -تەربىيىلىشىگە قالدۇرۇلدى. دەۋاگەرنىڭ ئايدا ئىككى قېتىم كۆرۈش ھوقۇقى بار . 3. تەرەپلەرنىڭ ئۆزىنىڭ مال - مۈلكىنى ئۆزى ئالىدۇ. ئورتاق مال-مۈلۈكلەردىن دەۋاگەر....ئالىدۇ ، جاۋابكار... ئالىدۇ. 4. دەۋا چىقىمى 75 يۈەنگە جاۋابكار مەسئۇل بولىدۇ. تەرەپلەر ئوتتۇرسىدە باشقا تالاش -تارتىش قالمىدى. ئەگەر ھۆكۈمگە قايىل بولمىساڭلار 15ھۆكۈمنامىنى تاپشۇرۇپ ئالغان كۈندىن باشلاپ 15 كۈن ئىچىدە ...سوت مەھكىمىسىگە ئەرز سۇنساڭلار بولىدۇ. سوتچى:............. پۈتۈكچى: ............... ....يىل ....ئاينىڭ ...كۈنى ( تامغا ) تەرەپلەر ئاجراشتۇرۇلدى. ئۇۋالىغا شۇ بالا قالدى. دېمەك ھۆكۈمنامە چىققاندىن كېيىن ئۇ مۇكەممەل بىر ئائىلىدە ياشاش ھوقۇقىدىن مەجبۇرىي ھالدا ئايرىلدى. بۇ ئاجرىشىش ئۈچۈن كەلگەنلەردە كۆپ ئۇچرايدىغان ئەڭ ئاددى نىكاھتىن ئاجرىشىش ماجراسى دېلوسى . شۇنداق ، مۇشۇ كۈنلەردە ئاجرىشىش ئۈچۈن سوتخانىغا كەلگەنلەر كۈنسىرى كۆپىيىۋاتىدۇ. كىشىلەرنىڭ قانۇن سەۋىيىسى ئۆسۈپ كېتىپ بارامدۇ ياكى ئاجرىشىشقا كەلگەندە ، قانۇنلۇق ھوقۇق مەنپەئەتىنى قوغداشقا ئۇستا بولۇپ كېتىپ بارامدۇ؟! بۇ ئىشلارنىڭ سەۋەپچىس زادى نېمە؟ بالىلىرىمىز نېمە ئۈچۈن كۆپلەپ يېتىملىك يولىغا تاشلىنىپ كېتىپ بارىدۇ؟ ئائىلەر نېمىشقا بۇزۇلۇپ كېتىپ بارىدۇ، كىم بۇنىڭ جاۋابىنى بىزگە ئېيتىپ بېرەر؟! شۇنداق ،بىز ھەممىمىز بۇنىڭ جاۋابىغا مۇھتاج، جاۋابىدىن بەكرەك ئوڭشايدىغان دورىغا مۇھتاج.....بەك مۇھتاج.... ياشتا چوڭ بوۋاي- مومايلارمۇ ئاجرىشىۋاتقان، نەچچە بالىسى بار ئوتتۇرا ياشتىكىلەر ئاجرىشىۋاتقان، يېڭى توي قىلىپ بالىلىق بولۇشقا ئۈلگۈرگەن ھەم ئۈلگۈرمىگەن ياشلار ئاجرىشىۋاتقان، ساخلارمۇ ئاجرىشىۋاتقان، كېسەللەر ، ئەر-ئايال ئەيدىز بىلەن يۇقۇملانغانلارمۇ بالىسى تۇرۇپ ئاجرىشىۋاتقان...... بۇ جەمىئىيەت شۇنداق بىر قىل ئۈستىگە كېلىپ قالدىكى، تۈزىمىسە بولمايدىغان دەرىجىگە بېرىپ قالدى. ئاجرىشىش بولۇپمۇ يولسىز ئاجرىشىشلار تۈپەيلىدىن بالىلارنىڭ يېتىملىك قاتارىغا قوشۇلۇشى ئېچىنارلىق ئىش .... شۇ سەۋەپتىن ئاتا-ئانىلار بالىلارنى نۇرغۇن ھوقۇقلىرىدىن مەزگىلسىز مەھرۇم قىلماقتا. دېسەك مىسال كۆپ.................. بىز ھەربىر ئىشىنىڭ جاۋابىنى ئەڭ ئالدى بىلەن ئۆزىمىزدىن ئاندىن ئۆزگىدىن ئىزدىىشىمىز كېرەك. بۇ تۇرمۇشتا مۇشۇنىڭغا ئوخشاش ئىشلار ئاز ئەمەس ئەلۋەتتە، يېتىمچىلىكنىڭ دەردىنى تارتىپ، بوينى قىسىلىپ، كۆزلىرىدىن ياش، يۈرىكىدىن قان ئېقىۋاتقان بالىلىرىمىز نۇرغۇن. ئارىمىزدا يەنە شۇنداق قەيسەر ئانىلار، قەيسەر دادىلار شۇ يالغۇز ھالەتتە بالىنى ئۆزى تەربىيىلەپ قاتارغا قوشۇپ كېتىپ بارىدۇ، كۆزىمىز كۆرمىسىمۇ قۇلىقىمىز ئاڭلاپ تۇرىدۇ. يەنە شۇنداق ۋىجدانسىز، مەسئۇلىيەتسىز ئاتا بولغۇچى ھەم ئانا بولغۇچىلار بىر دەملىك ئاچچىق ۋە ياكى بىردەملىك كۆڭۈلنى دەپ شۇ بالىلىرىمىزنى يىتىملىك يولىغا تاشلاپ بەرمەكتە.....بىر كۈنلەردە ئۇلار پۇشايمان قىلغان تەغدىردىمۇ ئاللىقاچان كېچىككەن.... ھازىرقى جەمىيەتكە قارايدىغان بولساق، ئازراقلا چىقىشالمىسا ئۆزۈمنىڭ قانۇنلۇق ھوقۇق - مەنپەئەتىمنى قوغدىمىسام بولمايدۇ، ياكى بولمىسا مەن بۇنىڭ بىلەن ئۆي تۇتالمىغىدەكمەن، بىزنىڭ تۇرمۇشىمىزنىڭ ئاخىرى چىقمايدىغان ئوخشايدۇ ، دەپ يۇقىرقى مىسالدەك سوت مەھكىمىسىگە بېرىپ ئەرز سۇنۇپ ئاجرىشىدىغان ۋە ياكى كېلىشىپلا ئاجرىشىپ بىر ئائىلىنى ۋەيران قىلىدىغان ئىشلار تولىمۇ كۆپىيىپ كەتتى. ئاجرىشىش دېلوسىنىڭ كۈنسىرى كۆپىيىشى بىزلەرنى ئېچىندۇرماي قالمايدۇ. ئاجرىشىشنىڭ ئۇۋالىغا قالىدىغىنى يەنىلا شۇ بالىلار بولۇپ قالىدۇ. شۇ بالىلار ھەرقانچە ياخشى بېقىلسىمۇ ئاتا-ئانا مېھرىگە قانمىغان كۆڭلىنىڭ بىر يەرلىرى سۇنۇق بولىدۇ..... كونىلاردا « نىكاھ بىلەن ئويناشماڭ، ئويلاشماستىن تويلاشماڭ » دېگەن گەپ بار. شۇنداق نىكاھ ئويۇن، چاقچاق ئەمەس، بىر دەملىك كۆڭۈل خۇشى ئەمەس. بىر ئائىلىنى قۇرۇش دېگەنلىك ئەكىسچە يۈكسەك مەسئۇلىيەتنى ئۈستىگە ئېلىش دېگەنلىكتۇر. ئاتا بولغۇچى ئاتىلىق مەجبۇرىيىتىنى، ئانا بولغۇچى ئانىلىق مەجبۇرىيىتىنى ياخشى ئۆتىسە بۇ ئائىلىگە دەز كەتمەيدۇ، بۇ ئائىلىنىڭ بەختىنى ھېچكىم بۇزىۋىتەلمەيدۇ. بىز ئادەملەر مەڭگۈ ئۆگەنگۈچى. بىز ھەربىر دەقىقىدە ياشاش ئۈچۈن تىپىرلىغان ۋاقىتتا ھاياتتىن نۇرغۇن نەرسىلەرنى ئۈگىنىمىز.... بېىشىدىن جىق ئىشلارنى ئۆتكۈزگىچىلەر بىزگە قانداق ياشاش يولىنى قالدۇرۇپ كەتكەن. بىز بىلمىگەننى ھېس قىلىپ يېتەلمىگەننى ئەنە شۇ بۇرۇنقىلارنىڭ ھاياتى بەدىلىگە كەلگەن تەجىربە - ساۋاقلىرى ئارقىلىق بىلىمىز ھەم چۈشىنىمىز. شۇنداق بولغانىكەن، بىز ئازراق خاتالىق ئۆتكۈزگەندە ۋە ياكى باشقىلار خاتالىق ئۆتكۈزگەندە بىراقلا ئۈمۈدسىزلىنىپ كېتىشنىڭ ھاجىتى يوق. ئادەم دېگەن ئەلۋەتتە تۇغۇلۇپلا ھەممە ئىشنى بىلىپ كەتمەيدۇ. شۇنداق بولغانىكەن نۇرغۇن ئىشلارغا سەۋر قىلىشنى ئۈگىنىۋىلىش بەكمۇ بەك مۇھىم. كونىلارمۇ « سەۋىرنىڭ تېگى ئالتۇن » دەپ بىكارغا ئېيتمىغان، ئاللاھمۇ سەۋىر قىلغۇچىلارنىڭ ئەجرىنى بېرىدۇ. نۇرغۇن ئىشلاردا بىز سەۋر قىلالىساقلا كۆڭۈل ئاغرىقى، بەختسىزلىك ، ئۇرۇش - جىدەلدىن ساقلىنىپ قالىمىز. قۇياشمۇ ھەركۈنى نۇرىنى زىمىنغا چېچىپ ، يەنە ئۆز قەرەلىدە تاغنىڭ كەينىگە مۆكۈۋالىدۇ. قاراڭغۇلۇقتا بىز يەنە سەۋر قىلىپ ئەتىكى قۇياشنىڭ چىقىشىنى كۈتۈشكە مەجبۇر بولىمىز ، ئايمۇ ئون بەش كۈن بىزگە ھەمراھ بولۇپ قويىدۇ. ئەتىسى ئەتتىگەندە ئوخشاشلا قۇياش يۈزىمىزنى سۆيۈپ، ئىللىق نۇرىنى زىمىنغا چاچىدۇ. شۇنداق ئەمەسمۇ نۇرغۇن نەرسىلەر تەڭشىلىپ ياراتقان. ھەممىسى بىزنىڭ بۇ تۇرمۇشقا تۇتقان پوزىتسىيەمىزنىڭ، ئېتىقادىمىزنىڭ، تۇرمۇش ئۇسۇلىمىزنىڭ قانداق بولۇشى بىلەن مۇناسىۋەتلىك . بىر كۈن بولسىمۇ ئۆزىمىزگە ، ئائىلىمىزگە، ئاتا-ئانىمىزغا، ياراتقۇچىغا يۈز كېلەلىگىدەك ياشىيالىساق نەقەدەر ياخشى ھە؟ بىز ياشلار توي قىلىشقا ئالدىرىمايلى. ئالدىرىساقمۇ ئويلىشىپ قىلايلى. بىز ئويلاشماي باسقان قەدەملىرىمىزنىڭ ئۇۋالىغا سۆيۈملۈك بالىلىرىمىز قالمىسۇن. شۇ بالىلارنى ئۆز قولىمىز بىلەن ئەستايىدىللىق بىلەن تەربىيىلەيلى. ھازىرقى بالىلارنى تەربىيىلەشكە كۆپ كۈچ كېتىدىغانلىقىنى زېھنىمىز ئوچۇق بىزلەرنىڭ ھەممىمىزگە ئايان. مەدەنىيەت گىرەلەشكەن، جەمئىيەت ئۇچقاندەك تەرەققى قىلغان ، ئالاقە كۆپ خىللاشقان ھەم ئانا تىلىمىز ، ئۇيغۇر يېزىقىمىز، شانلىق مەدەنىيىتىمىز، ئېسىل ئۆرپ-ئادەتلىرىمىز خىرىسقا دۇچ كېلىۋاتقان بۈگۈنكى كۈندە بىزدەك كەلگۈسى ئەۋلادلارنى تەربىيلەش ئالدىدا تۇرغان، تەربىيلەۋاتقان ياشلارنىڭ زىممىسىگە يۈكلەنگەن مەسئۇلىيەتنىڭ ۋەزنى تولىمۇ ئېغىر. كوچىدا كېتىپ بىرىپ باشقا بىر تىلنى شۇنچە راۋان، ئەكىسچە ئانا تىلىنى تىلى ئەمدى چىققان كىچىك بالىدەك ئاران ئىېتىۋاتقان ھازىرقى زامان بالىلىرىنى، ھەرخىل ھەرياڭزا كىيىنىۋالغان، ئۆزىمىزنىڭ كىملىكىمىزگە يات ھالەتتە ياشاۋاتقان شۇ قىز - ئوغۇللىرىمىزنى، ھەرخىل كۆڭۈل خوشى ، قاينام-تاشقىنلىق سورۇنلاردىن كەيىپ ھالەتتە قايتىپ چىقىۋاتقان بىر تۈركۈم ياشلىرىمىزنى كۆرگىنىمىزدە ئويلىنىدىغان يۈرەك بار ھەربىر ئۇيغۇرنىڭ ئىچى ئېيتىشماي قالمايدۇ. بەزەن ئاچچىقتا كۆزلىرىمىزدىن ياش چىقىپ كېتىپمۇ قالىدۇ. نېمە ئۈچۈن ھازىرقى جەمىيەت بۇنداق بولۇپ كەتتى.... بىز ھەممىمىز بۇنىڭ جاۋابىنى ئۆزىمىزدىن سوراپ باقساق جاۋابىنى تىپىشقا ئالدىرىساق بىز ئاز بولىسمۇ قانائەت تاپقىدەك جاۋاب تاپالايمىز . ئائىلە تەربىيىسى ، يەنى ساغلام ئائىلە تەربىيىسى ئەڭ مۇھىم ئورۇندا تۇرىدۇ. مەكتەپ تەربىيىسى ، ياخشى بولغان تەربىيە، بىلىم مۇھىتىدا ئۆسۈپ يېتىلىشمۇ ئەلۋەتتە مۇھىم. ئائىلە تەربىيسى ھەم مەكتەپ تەربىيىسىنى چىڭ تۇتقاندىلا بىز بالىلىرىمىزنى ياخشى تەربىيەلەش ئۈچۈن ئاز بولىسمۇ كۈچ چىقارغان بولىمىز. نىكاھ بىلەن ئويناشمايلى ياشلار، ئويلاشماستىن تويلاشمايلى. خاتالاشساق ئۆزىمىزگىمۇ قىلىپ قالىمىز ، شۇ بىزنىڭ مېھرىمىزگە تەشنا بولغان بالىلىرىمىزغىمۇ قىلىپ قويىمىز. ئائىلە ، نىكاھ ، مۇھەببەت ئۈچۈن باسقان ھەربىر قەدىمىمىزنىڭ ئويلىشىپ باسايلى ... توغرا بولغان داغدام يولنى ياراتقۇچىمۇ بىز ۋەيران قىلغۇچىمۇ يەنىلا ئۆزىمىز. بىزدە ئۆزىمىزنى ، باشقىلارنى، بالىلىرىمىزنى ، ئاتا-ئانىلىرىمىزنى، شۇنداقلا ياراتقۇچىنى، بۈگۈننى ئەتىنى........ئويلىيالايدىغان كۆيۈپ تۇرغان ئوتلۇق يۈرەك بولسىلا باسقان يوللىرىمىزدىن گۈللەر ئۈنىدۇ ......    مەنبەسى : قەشقەر گېزىتىدىن 2013-09-26سان

uyoglani

	مۇنداق  بىر ئىش بار، كۆپچىلىككە دېگۈم كەپ قالدى. مەن ئىلگىرى ئۆزى ياخشى كۆرمىگەن ئادەم بىلەن قانداق بىر ياستۇققا باش قويغۇم كېلە؟ دەپ، ئۆزۈم ياخشى كۆرىدىغان بىر قىز بىلەن توي قىلماقچى بولغان، ئەپسۇس ئىش ئاخىرغا چىقماي قالدى، شۇ سەۋەب ئۆيدىكىلەرنىڭ تاپقىنىغا ماقۇل بولدۇم، قىزنىڭ ئۆيىدىكىلەرمۇ ماقۇل بوپتۇ، شۇنداق قىلىپ ئىككىمىز تونۇشماي تۇرۇپلا نىكاھ ئوقۇتتۇق، نىكاھ ئوقۇتۇپ بولۇپ توي بولغىچە تولا كۆرۈشۈپ ھېسابتا مۇھاببەتلەشتۇق، مانا ئىككى يىل بولدى، ئاندا-ساندا ئۇششاق گەپنى ھېسابقا ئالمىغاندا ياخشى ئۆتۈپ كېتىپ بارىمىز، بىز ئارلاشماي توي قىلدۇق، ئامراق ئەر-خوتۇنلاردىن بولۇپ ئۆتىۋاتىمىز،(ئاخىرىغىچە شۇنداق بولۇشىنى تىلەيمەن!)  دەل ئەكسىچە بىز بىلەن بىركۈندە تويى بولغان ئايالىمنىڭ ئاكىسى ئايالى بىلەن ئىككى يىل ئارلىشىپتىكەن، ئۇلارنىڭ جېدەلسىز ئۆتكەن كۈنى ئىككى ئايغىمۇ بارمىدى، ئاخىر بىر بالىنى يېتىم قىلىپ ئاجراشتى. بۇنىڭدىن مەن شۇنى ئويلۇدۇم: بىز دەسلەپتىلا ئىشىنى شەرئىي ھالال يول بىلەن باشلىغان، يەنە بىر تەرەپتىن بىز بىر-بىرىمىزنى تەبىي چۈشەندۇق، كۆڭۈل قوغلاشمىدۇق، پەقەت ھەققىي تۇرمۇشتىن مۇھاببەت تاپتۇق،  مېنىڭ كۆپىنچە ئاغىنىلىرىم يوللۇق كۆرۈشسىمۇ ئارلاشماي توي قىلغان، ئۇلارمۇ ئىسلامى ئائىلىلەردە بەخىتلىك ياشاۋاتىدۇ، لېكىن مۇھاببەتلىشىپ، ئارلىشىپ توي قىلغانلار بولسا كۆڭۈل قوغلىشىپ ئارلىشىدۇ، بىر-بىرىنىڭ كۆڭلى ئۈچۈن بەزى ساختا كۆيۈنىشلەرنىمۇ سادىر قىلىپ قويىدۇ، توي قىلغاندا بولسا كۆپ ھاللاردا مۇھاببەتلىشىش بىلەن نىكاھ ئوخشىماي قالىدۇ، ئۇلارغا ئائىلىدىن ئىبارەت بىر يۈگەن سېلىنىدۇ، ئاز بولمىغان كىشىلەر بولۇپمۇ ئاياللار ‹‹ مېنى ئىلگىركىدەك ياخشى كۆرمەيدىغان بوپقالدىڭ، ئىلگىرى ئۇنداقتىڭ، ھازىر مۇنداق بولدۇڭ›› دېگەندەك داتلاشقا باشلايدۇ، بۇ مەسلىدە نۇرغۇن كىشىلەر سوغوق قانلىق بىلەن مەسلىنى توغرا ھەل قىلالىسىمۇ ، بەزىلەر يەنىلا ھەل قىلالماي ئاجرىشىشقا تۇتۇنىدۇ.

kudirat01

	كۆڭۈل سەۋداسى باشقا  ئۆمۈر ھەمىراسى باشقا دىگەن گەپ راستمۇ نىمە       مەنغۇ تىخى ئۆيلەنمىدىم  ياۋاشلىق بىلەن ئاپام تاپقاننى ئالايمىكىن دەپمۇ ئويلاپ قالمەن بەزىدە ... لىكىن تۇرۇپ يەنە ئۇنىڭغا قېيمايمەن  .....

kaqvr

	ئوتنىڭ سىرتىدا كۆيگەندىن ئىچىدە كۆيگەن ياخشى . ئارىدا بالا بولسا ئاجراشماي چىداپ ئۆتكەن ياخشى . ئاللاھتىن سەۋر تىلەپ ، كۆڭلىگە ئىنساپ تىلەپ ، شۈكرى قىلىپ نىسۋىگە بەخىتنى كۈتكەن ياخشى .

uyoglani

	kudirat01 يوللىغان ۋاقتى  2013-9-28 01:23 PM كۆڭۈل سەۋداسى باشقا  ئۆمۈر ھەمىراسى باشقا دىگەن گەپ را ... ئۆيدىكىلەر قوشۇلسا كۆڭۈلدىكىنى ئېلىڭ، قوشۇلمىسا رەنادىن ئانا ياخشى.

زاغرا

	.دىنىمىزدىن ،ئاتا-ئانىدىن،ئۇرۇق-تۇققاندىن باشقا ھەرقانداق نەرسىدىن ۋاز كەچكىلى بولىدۇ.قان-قىرىنداشتىن باشقا ۋاز كەچكىلى بولمايدىغان ئىنسان يوق توۋا دەيمەن، لىكىن ھازىر دەل ئەكىسچە ۋاز كىچىشلەر تولا قىزنى دەپ ئاتا-ئانىسىدىن ، ئوغۇلنى دەپ قىرىنداشلىرىدىن ۋاز كىچىدىغان ياشلارغا توۋا ئاتا-ئانىسىنى قىرىندىشىنى دەپ ئۆلىۋالغان ئىنساننى ئاساسەن كۆرۈپ باقمىدىم ياكى ئاڭلاپ باقمىدىم. ئەرنى دەپ دورا يىۋالغان قىزلارنى كۆردۈم، قىزنى دەپ زەھەر چىكىۋالغان ئەرلەرنى كۆردۈم

.tuz.

	شۇنى تەۋسىيە قىلىمەنكى ئۇرۇق - تۇققان بىلەن قەتتى تويلاشماڭلار !!!!

qaplin2

	مەسىلە  مۇھەببەتلىشىپ توي قىلىش ياكى ئۇدۇل كەلگەننى ئېلىشتا ئەمەس ،نەق مەركىزى مەسىلە تويدىن كىيىن چىقىشىپ ئۆتۈشتە.

سائەت

	.tuz. يوللىغان ۋاقتى  2013-9-28 02:36 PM شۇنى تەۋسىيە قىلىمەنكى ئۇرۇق - تۇققان بىلەن قەتتى تويل ... نېمىشقا؟سەۋەبىنى دەپ بېقىڭە بىلىۋالايلى

.tuz.

	سائەت يوللىغان ۋاقتى  2013-9-28 04:28 PM نېمىشقا؟سەۋەبىنى دەپ بېقىڭە بىلىۋالايلى ناۋادا كىلىشەلمەي قالسا ئىككى ئادەم ئاجراشماي ، ئىككى تەرەپتىكى پۈتكۈل ئۇرۇق تۇققانلار ئايرىلىپ كىتىدىكەن ، ئېغىر بولغاندا بىر مەيدان كەسكىن قانلىق قەڭ باشلىندىكەن .....