ئاكىلار

bahwanbiz

	ئاكىلار جىسمى ھەجەپ قامەتلىك روھى زېرەك  ئاكىلار، قىياپىتى قارىغاي ، ئەمەس تېرەك ئاكىلار ، مەنمۇنىيەت بابىدا ئەلگە بېزەك ئاكىلار، تاش بولسىمۇ لەقىمى ئەمەس تېزەك ئاكىلار ، نەق سىلەردەك  چىن تۆمۈر بىزگە كېرەك ئاكىلار. يۈرۈشتىرەر ئىشلارنى ئوتتۇز ئوغۇل قوشۇنى ، بەرىكەتلىك ھەر يىلى جامائەتنىڭ ھوسۇلى ، كېڭىشىشتە تېپىلار ھەر بىر ئىشنىڭ ئۇسۇلى ، سىلەر بولماي قاينىماس ھەر پەسىلنىڭ ھوزۇرى ، جەڭگاھتىكى قورقۇمسىز قەيسەر يۈرەك ئاكىلار. ئۆكسىمەيدۇ تەرىدە ئائىلنىڭ كىرىمى ، تەقسىماتتا ئۆلچەملىك ئۇ دادىنىڭ  يېرىمى ، چاپلاشتۇرار ھەممىنى ئۇنىڭ كۆڭۈل يىلىمى ، ئەخلاقىدا نەمۇنىچى،ئىش – ھەرىكەتتە ئىلىمىي، ھەممە ئىشتا  بارۋەر  ھەرە كۆنەك ئاكىلار . ئۆيلەنگىنى قېتىشىپ ئەرلىكىگە يېتىدۇ ، تەنھالىرى پىنھاندا سىرلىق كۆڭۈل ئېتىدۇ ، مىۋىلىرى پىشقانلار تىزىملىكتىن ئۆتىدۇ ، نورمىسىغا ئېرىشكەن بۇخاراغا كېتىدۇ ، رەڭدارىغا تۇرمۇشنىڭ شۇنداق كۆنۈك ئاكىلار . كەيىپ – ساپا ئازدۇرماس ساپال كومزەك كۆڭلىنى ، ھەرگىز قوبۇل قىلالماس بىكار كەلگەن ئۆرمىنى ، توپا قىلماس ھەرگىزمۇ ئايال كۆڭلى – خورمىنى، دولقۇن ياسار ھەر ۋاقىت چەمبەردىكى ئارمىنى ، رىقابەتتە ، بەيگىدە ئەمەس ئۈلۈك ئاكىلار . تۈگىتىمىز ھاياتنى دەقىقىلەر تالىشىپ ، ئىزدىشەيلى قېرىنداش ئىزدەپ كۆڭۈل خالىشىپ ، ئالتۇن ئۈزۈك ياقۇت كۆز ئارا تۇرساق پارلىشىپ ، بەختىمىزگە بارچە كۆز تۇرسا دائىم قارىشىپ، يېتەمدىكىن مۇرادقا ئەسىر سۈرۈك ئاكىلار. دېھقانلىرى ئېتىزنىڭ بۆدۈنىسى، تورغىيى ، سودىگىرى بازارنىڭ ئەمەس مايماق ، ئالغىيى، ھۆنەرۋىنى سودىنىڭ سەمىيمىيەت مالخيى، قارىلىرى خەلقىمنىڭ بەرىكەتلىك ئاسمىنى ، كەسىپلىرى يېيىلغان ھەر خىل تۈرلۈك ئاكىلار . ياش تۆكمەيدۇ سىڭلىسى باش پاناھى بار بولغاچ، قىينالمايدۇ ئىنىسى ، تاپشۇرۇقلار ئاز بولغاچ ، قېرىنداش خۇش تۇرمۇشتا ھەجەپ مۇڭلۇق ساز بولغاچ، جانلىنىدۇ بۇ ھايات ئەركەك روھى يار  بولغاچ، شاخلىرىدا مەي بولغان تاتلىق ئۈرۈك ئاكىلار . ۋەتىنىگە سادىقتۇر ،قوتۇر بولماس تۈكلىرى ، مەنزىلىگە ئىنتىلەر قىينىسىمۇ يۈكلىرى ، رىقابەتتە ھەر قاچان شاللىنىدۇ شۈكلىرى ، كىر بولمايدۇ ۋىجدانى ، ماي  بولسىمۇ بۆكلىرى ، قوۋۇرغىسى ئىگىلمەس ئەجداد تۈرۈك ئاكىلار . ئاپتۇرى : ئا.مۇھەممەت باغۋەن

jiuxing

	ۋەتىنىگە سادىقتۇر ،قوتۇر بولماس تۈكلىرى ، مەنزىلىگە ئىنتىلەر قىينىسىمۇ يۈكلىرى ، رىقابەتتە ھەر قاچان شاللىنىدۇ شۈكلىرى ، كىر بولمايدۇ ۋىجدانى ، ماي  بولسىمۇ بۆكلىرى ، قوۋۇرغىسى ئىگىلمەس ئەجداد تۈرۈك ئاكىلار ......... ھەقىقەتەن ئېسىل شېئىرلاردىن بەھرىلەندۈرۈپ كېلىۋاتىسىز...شېئىرىڭىزدىن تولىمۇ سۆيۈندۈم...ھىسلىرىڭىز داۋاملىق قانات قېقىپ، ئېزىز قوللىرىڭىز تالمىغاي.....

Gvlbargi0999

	ئاپىرىن! ياخشى چىقىپتۇ.

ھەرە

	بەك ئېسىل يېزىپسىز بۇ شېئرنى قەلەم تۇلپارىڭىز ھارمىغاي.............!ئىجادىيەتلىرىڭىزگە ئۇتۇق تىلەيمەن.

سىم@سىم

	ۋەتىنىگە سادىقتۇر ،قوتۇر بولماس تۈكلىرى ، مەنزىلىگە ئىنتىلەر قىينىسىمۇ يۈكلىرى ، رىقابەتتە ھەر قاچان شاللىنىدۇ شۈكلىرى ، كىر بولمايدۇ ۋىجدانى ، ماي  بولسىمۇ بۆكلىرى ، قوۋۇرغىسى ئىگىلمەس ئەجداد تۈرۈك ئاكىلار . قالتىسكەن

qaraxani

	سىز ئالتۇن ساھىلغا قاراپ كېتىۋاتىسز...

Zulpikar

	ھەدىلەردىن كىيىن ئاكىلار چىقىپتۇ مانا...ئەمدى ئۇكىلار يەڭگىلەر، دىگەندەك..داۋامىنى

babaqak0998

	ياخشى يىزىپسىز

othor

	ھەقىقەتەن   يارقىن  سۈرەتلەپسىز  ،،  مىنىڭ  ئاكاممۇ  سىز  يازغان  شىئېردىكىدەكلا  ياخشى  ، پەزىلەتلىك  ئاكا   ..

uqkun500

	بەك ياخشى يېزىپسىز بۇ شېئرلارنى ،  بىر ئائىلە ئەزالىرىنى ياخشى كۇيلەپسىز ،  قۇلىڭىزغا دەرت كەلمىسۇن ، ئانا ، دادا ، ئەڭ كىيىنمۇ ؟